Koshi Updates

02/09/2026

🚨 कांग्रेस नेता आङदेम्बेको माग : ‘विपद् व्यवस्थापनका लागि उच्चस्तरीय संसदीय विशेष समिति गठन गरौँ’

नेपाली कांग्रेस संसदीय दलका नेता भीष्मराज आङदेम्बेले विपद् व्यवस्थापनमा सरकारको कामको अनुगमन, निर्देशन र समन्वय गर्न तत्काल ‘संसदीय उच्चस्तरीय विशेष समिति’ गठन गर्न माग गरेका छन्।

प्रतिनिधिसभामा बोल्दै उनले अहिले प्रचार, दोषारोपण र राजनीतिक अंकगणितको समय नभएको भन्दै पहिलो प्राथमिकता नागरिकको ज्यान बचाउने, बेपत्ता नागरिकको खोजी गर्ने, राहत तथा पुनःस्थापना र पुनर्निर्माण हुनुपर्ने बताए।

सरकारले स्थानीय तहसँग पर्याप्त समन्वय नगरेको, निजी क्षेत्र तथा प्राविधिक/विज्ञहरूलाई उद्धारमा सहभागी हुन नदिएको र सुरुङमा फसेकाहरूको उद्धारमा समयमै ठोस पहल नगरेको भन्दै उनले सरकारमाथि गम्भीर प्रश्न उठाए।

उनको कडा प्रश्न थियो–
“संवेदनहीनता र ढिलासुस्तीका कारण सुरुङभित्रका नागरिकको ज्यान जानु मृत्यु मात्र हो कि हत्या?”

सरकार फिल्डमा खटिनुभन्दा फेसबुक र सामाजिक सञ्जालको प्रचारमा बढी केन्द्रित भएको आरोप लगाउँदै आङदेम्बेले मन्त्री तथा सरकारी दलका छुट्टाछुट्टै समानान्तर संयन्त्रले उद्धार र राहतमा झन् अवरोध सिर्जना गरेको बताए।

उनले सरकारलाई आवश्यक सहयोग गर्न कांग्रेस तयार रहेको स्पष्ट पार्दै भने—
“कमजोरीमा खबरदारी गर्छौँ, तर नागरिकको जीवन रक्षामा कुनै सम्झौता हुँदैन।”

🇳🇵 अब प्रचार होइन, उद्धार चाहिएको छ। दोषारोपण होइन, समन्वय चाहिएको छ।

01/09/2026

🚨 बाढीमा सम्पर्कविहीन जलविद्युत् कामदारको खोजीमा निजी क्षेत्र पनि सहभागी

विनाशकारी बाढीबाट प्रभावित रसुवा र नुवाकोटका जलविद्युत् आयोजनाका सुरुङमा फसेका तथा सम्पर्कविहीन कामदारको खोजी तथा उद्धारमा सम्बन्धित कम्पनीहरूलाई पनि सहभागी गराउन थालिएको छ।

यसअघि निजी क्षेत्रका प्रतिनिधिहरूले उद्धार कार्यमा सहभागी हुन सरकारले अनुमति नदिएको गुनासो गरेका थिए। तर अब सरकारसँगको समन्वयमा निजी क्षेत्रका प्राविधिक जनशक्ति र उपलब्ध प्रविधिको प्रयोग गरी खोज तथा उद्धार कार्य अघि बढाउने सहमति भएको छ।

भदौ १० गते आएको विनाशकारी बाढीका कारण रसुवा र नुवाकोटका १२ वटा जलविद्युत् आयोजनामा क्षति पुगेको छ। अझै पनि ८९४ जना कर्मचारी तथा श्रमिक सम्पर्कविहीन रहेको बताइएको छ।

30/08/2026

30/08/2026

अष्ट्रेलियामा रहेका गैर–नेपालीहरू समेत अगाडि आएर सोधिरहेका छन्— “नेपालमा सबै ठीक छ?”
उनीहरू समवेदना व्यक्त गरिरहेका छन्, हाम्रा परिवारको अवस्था बुझिरहेका छन् र यो दुःखद घडीमा हामीसँगै उभिएका छन्। 🙏

तर हामी आफ्नै नेपालीहरू भने तीज मनाउँदै सामाजिक सञ्जालमा रमाइरहेका छौँ। कसैले तीज नमनाउनुहोस् वा खुसी नहुनुहोस् भनेको होइन।

तर यति कुरा भने सम्झौँ—
नेपालमा अझै पनि धेरै परिवार आफ्ना आफन्तको खोजीमा छन्।
कति परिवार शोकमा छन्।
कसैले घर गुमाएका छन्, कसैले आफ्नो रोजगारी र जीविकोपार्जन गुमाएका छन्, अनि कतिपयले त आफ्नो सिंगो संसार नै गुमाएका छन्।

जब गैर–नेपालीहरूले समेत हाम्रो मातृभूमिको पीडा महसुस गरेर दुःख व्यक्त गरिरहेका छन् भने, हजारौँ किलोमिटर टाढा सुरक्षित बसेका हामी नेपालीहरूले पनि केही क्षण रोकिएर आफ्नै देशका दाजुभाइ, दिदीबहिनी र परिवारहरूले भोगिरहेको पीडा बुझ्ने प्रयास गर्नुपर्ने होइन र?

खुसी मनाउनु गलत होइन, तर यस्तो दुःखको समयमा संवेदनशीलता र मानवता पनि नबिर्सौँ। ❤️🇳🇵

नेपाल दुखिरहेको छ।
हामी पनि केही क्षण नेपालसँगै दुखौँ। 🙏

30/08/2026

🇨🇳🇳🇵 चीनबाट नेपालमा ५० टन आपतकालीन राहत सामग्री आइपुग्यो 🙏

चीनबाट दुईवटा सैन्य/ढुवानी विमान नेपाल आइपुगेका छन्। ती विमानमार्फत ५० टन आपतकालीन राहत सामग्री नेपाल ल्याइएको छ।

राहत सामग्रीमा:
🛖 टेन्ट
🛏️ कम्बल तथा स्लीपिङ ब्याग
🍱 खाद्य सामग्री
🩹 प्राथमिक उपचारका सामग्रीलगायत आवश्यक सामग्री रहेका छन्।

यससँगै ४ जना सुरुङ (Tunnel) विज्ञ समेत नेपाल आएका छन्, जसले आवश्यक उद्धार तथा प्राविधिक कार्यमा सहयोग गर्नेछन्।

नेपाललाई परेको विपद्को समयमा सहयोगका लागि चीन सरकार तथा चिनियाँ जनतालाई धन्यवाद। 🇨🇳❤️🇳🇵

📸 Photo: Chinese Embassy

29/08/2026

धादिङमा त्रिशूली नदीले बगाएर ल्याएको बैंकको सेफ फोडेर रकम निकाल्ने २९ जना पक्राउ परेका छन्।

नेपाल प्रहरी र सशस्त्र प्रहरी बलको संयुक्त टोलीले उनीहरूलाई पक्राउ गरेको हो। पक्राउ परेकाहरूबाट ९२ लाख ६८ हजार ५०५ रुपैयाँ नगद बरामद भएको सशस्त्र प्रहरीका सह–प्रवक्ता शैलेन्द्र थापाले जानकारी दिएका छन्।

जिल्ला प्रहरी कार्यालय धादिङका प्रवक्ता डीएसपी प्रकाश दाहालका अनुसार घटनाबारे थप अनुसन्धान भइरहेको छ र केही व्यक्तिलाई नियन्त्रणमा लिएर नगदसमेत बरामद गरिएको छ।

यसअघि धादिङ–१ की रास्वपा सांसद आशिका तामाङले बैंकको सेफ फोडेर पैसा बाँडिएको भन्दै सामाजिक सञ्जालमार्फत लगातार आवाज उठाउँदै आएकी थिइन्।

27/08/2026

“आन्दोलनको बहानामा भाटभटेनी लुट्नेदेखि बाढीको मौकामा लासबाट सुन लुच्नेसम्म….. हाम्रो समाजमा मानवता हराउँदै गएको छ।” 😔

विपद् होस् वा आन्दोलन, अरूको दुःख र मृत्युमा अवसर खोज्नु मानवताको पतन हो। 🙏

27/08/2026

🚨 सम्पर्कविहीन — खोजीका लागि सहयोग गरिदिनुहोस् 🙏

झापा शिवसताक्षी नगरपालिका–२ निवासी भक्त ब. राई (सबिन) निर्माणाधीन Upper Trishuli Hydropower मा काम गर्दै आउनुभएको थियो।

मिति २०८३ भाद्र १० गते रसुवा भोटेकोशीमा आएको भीषण बाढी पश्चात् उहाँ परिवारसँग सम्पर्कविहीन हुनुहुन्छ।

उहाँको अवस्थाबारे कतै, कसैसँग कुनै सूचना वा जानकारी भए कृपया ९८१७०७३४८५ मा सम्पर्क गरी परिवारलाई जानकारी गराइदिनुहुन हार्दिक अनुरोध गर्दछु। 🙏

कृपया यो पोस्ट धेरैभन्दा धेरै शेयर गरिदिनुहोस्, ताकि उहाँको खोजीमा सहयोग पुग्न सकोस्। 🙏

24/08/2026

प्रधानमन्त्रीको मुस्ताङ भ्रमण बारे हर्क साम्पाङ; " के खान मुस्ताङ जानु भएको ?