297 News Aruba

17/02/2026

Raportnan y advertencianan a wordo ignora, awe nos ta bibando e consecuenciana.
• Beachnan ta saturando, yen di hende, boto, palapa, parasol, cama y stoel
• Trancamento den trafico mainta, merdia, atardi y anochie
• Hotelnan tin escasez di trahado
• Companianan comercial tin escasez di trahado
• Restaurantnan tin escasez di trahado
• Cantidad di autonan a aumenta drasticamente, pa un isla chikito e ta demasiado.
• Cantidad di desperdicio a aumenta riba nos isla
• Presion riba infrastructura a aumenta
• Presion riba sistema di salud a aumenta
• Cantidad di contaminacion a aumenta
• Calidad di bida ta bahando, Hopi hende ta sinti stress, menos trankilidad,
• Espacio pa nos local disfruta di propio isla a bira menos
• Barionan ta birando mas ocupa trafica pa turistanan, bida social cultural ta cambiando.
• Prijs di cas a bira caro
Si no actua awo, efectonan ta bira mas y calidad di bida pa local ta sigui baha y pa e bish*tante e experiencia ta bira menos atractivo, congestiona.

23/01/2026

Esaki ta e resultado di un encuesta pa haya sa pueblo di Aruba su preferencianan pa e aña nobo 2026.

16/01/2026

30/12/2025

Participa bo tambe den nos encuesta anonimo, escoge bo preferencia y tambe por duna opinion, no mester di yena e mail. Masha danki y un Feliz y Prospero Aña Nobo 2026.

Encuesta: https://forms.gle/YZhaL4vSXJJKpStK6

02/06/2025

Oranjestad, Aruba ta conociendo un transformacion di su barionan, algo sumamente lamentabel, e potret aki ta bisa tur cos. Desaroyo cu mester a keda den zonanan asigna a drenta den barionan di biba di famianan y ta cambiando completamente e ambiente di trankilidad, famliar y di amistad cu barionan ta supose di tin, especialmente riba un isla chikito manera Aruba. Ora cu bo lanta mainta bay trabao, atardi bo ta desea di bolbe bek bo cas y t**a cu famia y bo yiunan t**a cu nan amigonan di bario. Pero e ambiente aki a desaparece. Mas y mas casnan ta wordo bendi cu hendenan di exterior, edificionan halto ta wordo construi, autonan di huur, tour bus y taxi ta core den barionan. Un famia ta conta cu awo tin autonan straño glas full preto getint ta yega dilanti casnan y apartamentonan y baha damanan bisti hopi sexy cu ta drenta den e casnan di vakantie y apartamentonan y haci bish*ta na esnan cu ta hospeda den e casnan. Tin biaha hasta nan ta kiboca di cas y ta baha bati porta na cas di famia y puntra si ta aki ta e adres cu nan ta busca. ATV y UTV cu nan desordo den barionan a bira mas hopi, enbes di menos, manera a wordo priminti. Pueblo di Aruba ta puntrando ta ki sorto di maneho ta wordo hiba pa proteha e calidad di bida di nos pueblo.

14/05/2025

Un Taxista a ascerca nos redaccion cu un testimonio di un bish*tante di merca cu a hala nos atencion. Ta trata aki di un pareha di Boston cu a bish*ta Aruba durante di luna di Maart. Na Boston nan a pasa den un winter hopi severo cu temperatura di 5 grado Celcius y tin dia hasta - 3 grado Celsius. Pa es motibo aki nan a scapa y bin Aruba pa pasa nan vacantie pa disfruta di nos solo y ambiente. Na final di nan vacantie, ora cu e Taxista aki tabata hibando nan Aiport pa tuma nan vuelo, nan a conta di nan vakantie di dos siman na Aruba. Nan tin mas di 10 aña ta biniendo nos isla, nan a keda 1 siman den nan Timeshare y un siman den un Airbnb. Pero e biaha aki nan a bisa cu ta prome biaha cu nan a sinti cu Aruba no ta pa nan mas. Unda cu nan a bay nan a t**a cu hopi hende, riba otro, servicio con cu ta. Tur hendenan ta trata nan den pura, cortecia no tey manera antes, tin trahadonan di hotel y restaurant cu no ta papia bon ingles y nan no tin e pasenshi tampoco. Na Beach nan a wordo molestia pa cacho, pa choller y hendenan cu ta insisti pa bende Tatoo y hasta droga. Nan a pasa den mal experiencia na Arashi y na Baby Beach. E unico beach cu nan a logra un poco trankilidad ta Eagle Beach. Pero nan ta keha tur hende kier huur of bende nan cos riba beach, tambe nan a mira hendenan local ta pleita cu otro nan dilanti pa duna nan informacion, sin tene consideracion cu nan. Nan ta haya cu ta un lastima cu Aruba ta perhudicando su mes, "You are hurting your Repeat Factor", do you know that?, asina nan a bisa prome cu nan a baha di e taxi. E taxista a comparti cu e mes a keda pensa hopi despues cu e turistanan aki a baha di su auto y drenta airport, pasobra ta hopi turista ta bin Aruba y ta gusta ripiti. Pero si nos isla ta cuminsa bira un experiencia desagradabel pa bish*tanan, esaki ta algo serio.

06/01/2025

Top Dokter di Merca ta pidi pa etiketa di advertencia di cancer riba Alcohol.

Den publicacion siman pasa e Top Dokter di Merca (Surgeon General – Ministerio di Salud) a pidi pa pone advertencia di riesgo riba bebidanan alcoholico, similar na e etiketa riba pakinan di sigaria. A tuma e decision aki despues di un investigacion nobo cu ta indica cu e bebidanan alcoholico ta conecta na 7 tipo di cancer.

E conseho di e Top docter mericano, Vivek Murthy, ta bisa cu e “mayoria di mericanonan no ta na altura di e riesgonan aki” cu ta conduci na alrededor di 100.000 caso di cancer y 20.000 morto anualmente na Merca.

Lo rekeri un acto di Congreso pa cambia e etiketnan di advertencia existente, cu no a wordo actualisa for di 1988.

Dokter Murthy tambe a boga pa reevalua e limitenan recomenda pa consumo di alcohol y impulsa esfuersonan di educacion pa loke ta trata bebida alcoholico y cancer.

E Ciruhano General, kende ta e vocero principal riba asuntonan di salud publico den e gobierno federal, a bisa cu alcohol tabata e di 3 causa mas comun di cancer despues di tabaco y obesidad. E ta di opinion cu si tin advertencia pa educa, por preveni mas caso.

“E vinculo directo entre consumo di alcohol y riesgo di cancer ta bon estableci pa por lo menos 7 tipo di cancer…sin importa e tipo di alcohol (por ehempel, cerbes, biña y spirits) cu ta wordo consumi,” dokter Murthy a bisa den un declaracion.

Esaki ta inclui aumento di riesgo di cancer di pecho (cerca hende muhe), garganta, higra, slokdarm, boca, caha di bos y tripa.

E rapport nobo ta recomenda cu dunadonan di cuido di salud mester encurasha screening di alcohol y referencianan di tratamento segun necesidad. Tambe mester haci mas esfuerso pa aumenta conscientisacion general.

E etiketanan di advertencia actualmente ta obliga pa indica cu hende muhe cu ta na estado no mester bebe alcohol pa motibo di riesgonan di defecto di nacemento. E mester indica tambe cu “consumo di bebida alcoholico ta afecta bo habilidad pa core auto of maneha mashinnan y por causa problemanan di salud.

Durante e ultimo dos decadanan, paisnan a introduci mas y mas etiketanan di advertencia pa informa consumidonan tocante e riesgonan di alcohol pa salud.

World Health Organization’s (WHO) Global Status Report pa Alcohol y Salud na 2018, a cita den e raport di Dokter Murthy, cu 47 pais miembro a obliga advertencia di salud y siguridad riba alcohol, un aumento di 31 na 2014.

Irlanda ta e prome pais na mundo pa obliga un advertencia cu ta conecta cualkier nivel di consumo di alcohol cu cancer. For di 2026, lo ta un rekisito legal pa tur boter di alcohol na Republica di Irlanda tin un etiket.

Sur Korea tambe ta rekeri advertencia specifico pa cancer riba alcohol.

Na Merca, solamente Congreso por cambia e etiketanan nobo di advertencia recomenda pa Dokter Murthy y no ta sigur cu e gobernacion nobo di Trump lo sostene e cambio.

Hopi pais tambe a revisa e limitenan recomenda pa consumo despues cu estudionan nobo a señala cu ningun cantidad di alcohol ta sigura pa bebe.

Canada a revisa aña pasa cu e recomendacion ta entre dos bebida pa dia of dos bebida pa siman.

Merca ta recomenda no mas cu dos bebida pa dia pa hende homber y un bebida pa hende muhe, mientras cu na UK ta sugeri no mas cu 14 “unidad” di alcohol – alrededor di seis glas di biña of 20 ons di cerbes – pa siman.

Aki na Aruba mester bin un campaña general grandi pa conscientisa no solamente adultonan pero tambe hobenan riba e resultadonan di e investigacion nobo cu ta indica cu Alcohol por causa 7 tipo di Cancer. Ta dificil pa na Aruba bay pone etiketa riba cada boter, pero si por pone posternan den lugarnan di benta y mantene e comunidad consciente cu informacion regular den media.

https://www.bbc.com/news/articles/cj90x3np0zpo

https://edition.cnn.com/2025/01/03/health/alcohol-cancer-surgeon-generals-advisory/index.html

16/07/2024

Cuanto mas?

Comunidad ta puntrando, te ki dia Medio Ambiente mester sigui sufri, Naturalesa mester sigui sufri, Barionan mester sigui sufri? Trafico diario tin cu wordo congestiona y hopi biaha stroba. Aruba asina ta bayendo atras y no padilanti.

05/10/2023

https://www.who.int/europe/news/item/04-01-2023-no-level-of-alcohol-consumption-is-safe-for-our-health

05/09/2023

Hulanda awor tin e parke di molina di biento mas grandi na mundo den lama.

E parke, conoci como "Hollandse Kust Zuid," ta pertenece na companianan Vattenfall, BASF, y Allianz. Tin un total di 140 turbina di biento Siemens Gamesa cu nan rotor tin un diameter di 200 meter. E parke lo genera un cantidad impresionante di electricidad equivalent na consumo anual di 1.5 miyon cas na Hulanda y lo bira operacional pronto. Hulanda ta depende hopi di energia di biento, cu mas di dos mil molinanan di biento ya ta produciendo electricidad na tera y lama. E aumento di molinanan di biento riba lama ta sigui avansa lihe, representando un fuente crucial di electricidad renobabel den e pais. 3/4 di e capacidad total di energia di viento na tera ta ser genera den regionnan estrategico manera Felvoland, Groningen, Noord di Noord-Holland, Zeeland y Rotterdam/Den Haag.

Link:
https://mezha.media/en/2023/06/07/the-construction-of-the-world-s-largest-offshore-wind-farm-is-completed-in-the-netherlands/

https://longreads.cbs.nl/nederland-in-cijfers-2022/hoeveel-windmolens-staan-er-in-nederland/

News & media website

12/07/2023

Na Hulanda a cuminsa campaña di conscientisacion tocante efectonan di Alcohol.
Solamente un 27 porciento di e comunidad ta consciente.

E fundacionnan hulandes KWF Kankerbestrijding y Maag Lever Darm (MLDS) ta uni nan esfuerso den luna di Juli pa un campaña di concientizacion tocante alcohol. Bao di e nomber di e campaña ‘Op je Gezondheid?’, e dos fundacionnan aki tin e intencion pa informa hende tocante e relacion entre alcohol y un riesgo mas grandi di 7 sorto di cancer.

Un estudio nobo ta mustra cu solamente un 27% di Hulandesnan tin e pensamento cu consumo di alcohol ta malo pa salud y ta mustra cu tin hopi otro mal interpretacionnan cu e campaña aki ta desea di elimina.

Decisionnan bon pensa
Segun Johan van de Gronden, director di Fundacion KWF y presidente di Alcohol Preventie: "Tin biaha bo no por haci nada pa evita di haya cancer. Pero sigur den 1 di cada 3 caso, cancer ta causa tambe pa un estilo di bida no saludabel, manera bebe alcohol. Nos ta considera esaki di suma importancia cu hende ta consciente di dje. Cu e campaña 'Op je gezondheid?' nos ta desea di trece conscientizacion na hende pa nan por tuma bon decisionnan pa nan mes y nan yiunan.

Shete sorto di cancer
Casi 2/3 parti di e Hulandesnan no tin ni idea cu consumo di alcohol por causa cancer. Tur aña 4.000 persona ta desaroya cancer pa motibo di consumo di alcohol. Esaki ta aplica specificamente na:

Cancer di Boca
Cancer di Wowo
Cancer di Garganta
Cancer di ‘Slokdarm’
Cancer di Pecho
Cancer di Higra
Cancer di Tripa

Momento di Placer (Gezelligheid)
E instituto di investigacion MarketResponse a haci un investigacion cuantitativo entre 1.605 adultonan Hulandes pa e fundashonnan di salud. E intencion tawata di a investiga con e adultonan Hulandes ta pensa y nan conocemento ariba tema di alcohol.

Aki algun conclusion cu a saca afo:
• Mas cu mita di e participantenan (54%) a asocia alcohol cu placer social. Solamente mita di nan (27%) a asocia alcohol cu comportacion no saludabel.
• Hende su conocemento di e efectonan di alcohol ta limita. Hopi ta pensa cu consumo excesivo den un biaha no ta saludabel. Solamente 46% ta considera cu bebe un glas di alcohol tur dia ta malo of super malo y un 20% ta pensa cu esaki ta saludabel. E echo ta cu no ta existi un cantidad sigur. Tanto bebemento excesivo y frecuente no ta saludabel.
• Hopi hende ta consciente di e consecuencianan negativo di alcohol y 64% ta considera alcohol un producto di riesgo. Cu esaki, hende ta pensa specificamente riba e consecuencianan riba termino corto, manera agresion, y 61% ta indica cu alcohol a causa situacionnan desagradabel entre hende.
• Dos di cada 3 ta considera cu adultonan mester ta mas consciente di nan rol como ehempel pa hobennan. Investigacion di instituto Trimbos ta mustra cu yiunan di kende nan mayornan ta bebe alcohol, tin e tendencia di cuminsa bebe un tiki mas prome, practica consumo excesivo di alcohol of ta desaroya adiccion na alcohol na un edad mas trempan. Tambe ta constata cu ora muchanan of hoben mira mayornan bebe, esaki tin influencia den e consumo di alcohol entre hoben.

'Op je Gezondheid?'
E campaña ‘Op je gezondheid?' ta un iniciativa di Fundacion Maag Lever Darm y KWF Kankerbestrijding den e contexto di Generacion Saludabel. Durante gran parti di luna di Juli, e campaña lo ta visibel na television y cinema.

Den e prome campaña aki, e enfoke ta riba e echo cu bebe alcohol ta aumenta e riesgo pa haya cancer. E promotornan di e campaña aki tin e intencion pa inicia mas campañanan di conocemento den e añanan venidero tocante otro efectonan di alcohol riba salud.

https://www.ntvo.nl/kwf-en-maag-lever-darm-stichting-wijzen-op-onderschatte-associatie-tussen-alcohol-en-kanker/

News & media website

16/06/2023

Spaña y Hulanda ta avansa den nan plan maritimo “Green Hydrogen Corridor” entre ambos pais.

E esfuersonan pa desaroyo di importacion di hidrogeno pa transporte y industria den e parti noord di Europa a avansa durante e bish*ta di Rey Willem-Alexander di Hulanda na Spaña. Varios compania cu initiativanan sostenibel manera Iberdrola, ACE Terminal y Hynetwork a firma un acuerdo.

Spaña tin e meta di expande su industria di “green energy”, cu Iberdrola invertiendo mas di 3 biyon euro principalmente na Spaña, incluyendo su facilidadnan na Puertollano. Compania Spaño Iberdrola a firma un acuerdo cu ACE Terminal y Hynetwork Services pa crea un corridor maritimo di hidrogeno entre Spaña y Hulanda. Nan ta planea di transporta amoniak berde pa Rotterdam, convertiendo esaki den hidrogeno pa industria y transportacion.

E compania Hulandes Gasunie Hynetwork Services lo maneha transporte y distribucion. Transporte y distribucion lo tuma luga via e red nacional Hulandes di hidrogeno di subsidiario Gasunie Hynetwork Services den mercado Europeo pa clientenan den sector kimico, staal y fertilisante.

Produccion lo ta concentra den planta di Puertollano di Iberdola cual ta consisti di 100 MW. E tin tambe un sistema di bateria litio-ion cu capacidad di almacena 20 MWh y e sistema di produccion di hidrogeno “berde” mas grandi na Europa. Segun Iberdrola, cu un inversion di €150 miyon, nan por produci te cu 3,000 ton di hidrogeno “berde” pa aña. Gasunie, HES International y Vopak ta trahando pa construi un terminal di importacion di hidrogeno na puerto di Rotterdam pa ricibi e cargamentonan di amoniak.

E compania Yara lo suministra e amoniak pa entrega na e clientenan industrial y maritimo di Cepsa na Rotterdam y Europa Central. Pa realisa e esfuersonan, Yara Clean Ammonia ta bira un partner di e Andalusian Green Hydrogen Valley. E companianan ta informa cu nan lo traha di forma integral pa desaroya un cadena di suministro robusto pa realisa e corredor di hidrogen limpi. Cepsa lo construi un planta nobo di amoniak “berde” na su parke di energia na San Roque, Cadiz, cerca di e puerto di Algeciras, cu un capacidad di produccion anual te cu 750.000 ton.

E acuerdonan aki ta sostene e ambicionnan di Spaña pa suministra hidrogen renobabel y e-fuel na Nortwest Europa, promoviendo metanan di energia sostenibel.

https://maritime-executive.com/article/spain-advances-maritime-green-hydrogen-corridor-to-the-netherlands

https://renews.biz/86346/iberdrola-hosts-dutch-royalty-at-green-hydrogen-hub/

News & media website