Bon Dia Aruba

05/08/2026

Beursalen 2026 🤩

05/08/2026

| Un di e candelanan mortal di 2025 cu a devasta Los Angeles a ser causa ora chispa for di un toren di transmision fuera di uzo, propiedad di compania di coriente Southern California Edison (SCE), a pega den vegetacion seco, segun un reportahe publica diamars door di autoridadnan di bombero.

E reportahe, publica despues di un investigacion di 18 luna, ta confirma sospechonan cu SCE tabata responsabel pa Eaton Fire, cu a costa 19 persona nan bida y a causa daño na miles di cas y otro edificio na januari di 2025.

Home INTERNACIONAL Compania di coriente na California culpa pa candela mortal na Los Angeles... INTERNACIONAL Compania di coriente na California culpa pa candela mortal na Los Angeles na 2025 August 4, 2026 1 Facebook Twitter Google+ Pinterest WhatsApp (FILES) In this aerial view, thousands of burne...

05/08/2026

| Banco Central di Corsou y Sint Maarten (CBCS) a publica su Rapport Anual 2025, reflexionando riba un aña historico marca pa un ganashi record di aproximadamente Cg 66.9 miyon y e introduccion historico di Florin Caribense na Corsou y Sint Maarten riba 31 di maart.

E ganashi di 2025 a aumenta cu Cg 20.3 miyon compara cu 2024. E aumento ta, na gran parti, resultado di e strategia activo di maneho di inversion di Banco. E entrada mas halto for di inversionnan a compensa ampliamente e baha den entrada neto di interes.

Home REINO Resultado financiero record y introduccion exitoso di florin Caribense REINO Resultado financiero record y introduccion exitoso di florin Caribense August 4, 2026 1 Facebook Twitter Google+ Pinterest WhatsApp (Curacaochronicle) – Banco Central di Corsou y Sint Maarten (CBCS) a publica s...

05/08/2026

Oportunidad pa trabou, solicita awe! 📝

- Casa Tua - Cook Helpers: https://www.bondia.com/casa-tua-cook-helpers/

- Bucuti & Tara Beach Resort - Various Job Opportunities: https://www.bondia.com/bucuti-tara-beach-resort-various-job-opportunities/

05/08/2026

Comunicado di Parlamentario Eduard Pieters (PPA): “Nos no por sacrifica nos herencia pa proyecto cu ta dudoso, no suficientemente planifica y prepara!”

Un pais no ta construi cu cement so. E ta construi cu vision. Segun lider di fraccion di PPA, Eduard Pieters, Aruba ta enfrentando un tendencia peligroso, caminda ta impulsa proyecto grandi sin cu e planificacion necesario ta cla. Despues di un encuentro cu Fundacion Conpa, Pieters a expresa su preocupacion tocante e proyecto Burubundu Residences, un desaroyo cu, segun Pieters, ta lanta preguntanan serio tocante planologia (planificacion urbano), infrastructura y proteccion di e medio ambiente.

No ta contra desaroyo, sino contra desaroyo sin vision

Pieters a enfatisa cu Aruba tin un necesidad real di bibienda. Pero, e solucion no ta pa sigui expande Aruba horizontalmente sin un plan integral, sacrificando nos naturalesa, siguridad y herencia historico. “Nos tin otro opcion.”

Segun e parlamentario, Aruba mester cuminsa pensa diferente. En bes di sigui desaroya e zonanan natural cu proyecto residencial di gran escala, Gobierno mester mira con por fortalece Oranjestad y San Nicolas door di crea mas desaroyo vertical y un revision serio di e Ruimtelijk Ontwikkelingsplan met Voorschriften (ROPV). “Nos mester cambia e manera cu nos ta desaroya na Aruba.”

Un proyecto grandi mester ta basa riba investigacion, no improvisacion

Segun Pieters, despues di a studia e documentacion cu Fundacion CONPA a presenta, hopi pregunta fundamental ainda no tin contesta. El a señala e falta di estudio riba sIguridad, mobilidad, acceso pa ambulance y bombero, impacto urbano y otro aspecto cu mester forma parti di cualkier proyecto di e magnitud aki. “Bo no por presenta un plan di e tamaño aki sin e investigacionnan cu mester sostene e decision.” Pa PPA, e preocupacion no ta solamente e cantidad di cas, sino e falta di planificacion cu por afecta henter e comunidad.

Cinco aña despues, ta tempo pa modernisa e ROPV

Pieters tambe a bisa cu e ROPV, introduci hustamente pa evita desaroyo descontrola, mester ta actualisa. Segun Pieters, despues di cinco aña, Aruba tin un realidad diferente. E problemanan di bibienda, siguridad, infrastructura y proteccion ambiental ta exigi un revision profundo di e plan nacional. “Si nos kier preserva nos naturalesa y nos calidad di bida, y percura pa.sufiviente bibienda, nos mester adapta e ROPV na e realidad di awe.”

Pueblo no mester ta e ultimo pa sa

Pieters a elogia Fundacion CONPA pa asumi un rol activo den proteha e interes publico.

“E fundacion ta haciendo un tremendo trabou.” El a anuncia cu PPA lo solicita un reunion den Comision Fiho pa Infrastructura pa Parlamento por scucha directamente e preocupacionnan presenta pa Fundacion CONPA y despues yama e minister responsabel pa duna splicacion.

Segun Pieters, Parlamento no por limita su mes na djis mira e proyecto aki pasa. Mester examina si realmente e ta den interes di Aruba.

Desaroyo responsabel ta cuminsa cu bon planificacion

Pa Eduard Pieters, e debate no ta solamente riba Burubundu Residences, sino riba ki tipo di pais nos kier pa Aruba bira. “Nos no ta contra progreso. Nos ta contra e decisionnan cu no ta basa riba planificacion, investigacion y respet pa nos comunidadnan.” Pieters ta sigui elabora cu ta parse cu minister Herde a bira un sorto di marioneta di ex minister Sevinger y su yiu parlamentario Sevinger pa ehecuta un proyecto cu no tin un investigacion adecuado, un proyecto sin nomber di desaroyado, cu no a consulta cu ningun hende den Burunbundu y su alrededor, no tin un plan di urbanisacion y tur esaki ta trece hopi duda.

Segun e lider di fraccion di PPA, ora e ciudadanonan mester forma fundacion pa proteha loke Gobierno mester proteha, e momento ey ta pidi liderazgo, no improvisacion.

Si Gobierno no para e proyecto, e siguiente paso ta na LAR

Pieters a adverti cu, si e proyecto sigui sin cu e preocupacionnan fundamental ta atendi, Fundacion CONPA lo presenta un procedura di LAR (Landsverordening Administratieve Rechtspraak) contra e decision administrativo. Segun e parlamentario, e fundacion ta argumenta cu e proceso no a cumpli cu e principionan di ‘zorgvuldigheid’, tanto material como formal, manera cu ta exigi pa bon gobernacion y pa un decision administrativo balido.

"Prome cu un asunto yega na hues, Gobierno mester a haci su trabou y scrutina e proyecto aki bon." El a señala cu un proceso hudicial tambe por para e proyecto durante e tratamento di e caso, pasobra unabes cu naturalesa ta destrui, no por recupera of drecha e daño haci. Segun Pieters, e meta no ta crea conflicto, sino preveni e decisionnan cu por tin consecuencia permanente pa comunidad y medio ambiente.

05/08/2026

Comunicado di Evelyn Wever-Croes, Lider di Fraccion di MEP: Contract ATA-Ecotech: Cuater les importante pa fortalece bon gobernacion

Pa loke ta trata e asunto rond di e contrato entre ATA y Ecotech cu Minister Cicilia, Lider di Fraccion di MEP, Sra. Evelyn Wever-Croes, a expresa cu bon gobernacion no ta solamente señala ora cos no ta bay bon. Segun Sra. Wever-Croes, bon gobernacion tambe ta implica ofrece solucionnan constructivo y comparti sugerencianan pa garantisa cu procesonan di interes publico ta bay miho den futuro.

Cu e meta ey, e ta presenta cuatro les clave pa preveni duda y reforsa e transparencia cu pueblo di Aruba ta exigi.

Cuater les clave pa futuro

Sra. Wever-Croes a aclaria cu e no ta cuestiona e importancia di e proyecto pa mehora maneho di desperdicio na Aruba, sino e forma cu a ehecuta e proceso.

1. Cada minister mester actua den su responsabilidad:

Minister di Turismo mester concentra den su cartera di turismo y labor, mientras cu e minister encarga cu maneho di desperdicio mester guia y coordina proyectonan di e naturaleza ey, manera ley ta prescribi.

2. ATA mester keda den su rol legal:

ATA por contribui na proyectonan nacional, pero semper dentro di e marco di su tarea legal. Un alternativa tabata pa ATA paga un dividendo adicional na Pais Aruba pa e suma di e contrato, pa despues e minister competente y SERLIMAR conduci e negociacion, evaluacion y firma di e proyecto.

3. Transparencia ta cuminsa cu destaho publico:

Ora ley ta exigi un destaho publico, mester sigui e procedimento ey. Incluso den situacionnan urgente, ley ta ofrece mecanismonan specifico pa actua cu rapidez sin laga e principionan di transparencia un banda.

4. Evita tur aparencia di conflicto di interes:

Si un miembro di board no a participa den un decision pa motibo di un posibel conflicto di interes, ta fundamental pa e no firma e documentonan ni contractnan corespondiente. E paso aki ta garantisa e transparencia y ta fortalece e confianza den e proceso.

Conclusion

Lider di Fraccion a enfatisa cu e puntonan aki no ta un critica pa simplemente critica, sino sugerencianan constructivo pa fortalece e manera di traha di gobierno y pa evita duda den futuro. Proyectonan cu bon intencion ta logra nan maximo efecto solamente ora nan wordo ehecuta conforme ley, cu transparencia y cu bon gobernacion.

Pa loke ta e caso aki, sra. Wever-Croes a indica cu e ta en espera di e informacion solicita na e minister competente. Unabes e documentacion completo yega, e fraccion lo evalua e siguiente pasonan cu e seriedad y responsabilidad cu e asunto aki ta rekeri.

05/08/2026

Temperatura na Aruba ta sigui subi: Con pa cuida bo salud y bo mascotanan durante e temporada mas calor

Aruba ta pasando den su temporada di mas calor. Hunto cu juni, augustus, september y tin biaha october, ta e lunanan cu tradicionalmente ta registra e temperaturanan promedio mas halto. Sinembargo, den e ultimo añanan e calor ta bira mas intenso y periodonan di temperatura halto ta dura mas largo cu anteriormente. Segun expertonan, esaki ta forma parti di un tendencia mundial cu ta relaciona cu cambio climatico y cu tambe ta afecta e region di Caribe.

Datonan di Departamento Meteorologico Aruba ta mustra cu e temperatura promedio anual di e isla a aumenta gradualmente durante e ultimo decadas Comparacion entre diferente periodo climatologico ta indica cu Aruba ta registra un aumento constante di temperatura promedio. Aunke e diferencia den cifranan no ta grandi, cientificonan ta splica cu un aumento relativamente chikito por causa cu periodonan di calor extremo ta bira mas frecuente y mas intenso. Ademas, tera, asfalt y edificio ta retene calor pa mas tempo, loke ta haci cu hasta durante anochi temperatura no semper ta baha suficientemente pa duna e curpa un oportunidad pa refresca.

E pronosticonan pa e temporada actual tambe ta apunta den e mesun direccion. Departamento Meteorologico Aruba ta indica cu tin un probabilidad halto cu e periodo entre juli y september lo registra temperaturanan riba e promedio normal. E condicionnan climatologico internacional, incluyendo e desaroyo di El Niño, ta contribui na e expectativa aki.

E aumento di temperatura no ta solamente un asunto di comodidad. Calor extremo por tin consecuencia serio pa salud. Ora curpa humano ta enfrenta temperaturanan hopi halto, e ta trata di baha su temperatura interno principalmente door di soda. Den e proceso aki e persona ta perde hopi awa y salonan mineral. Si e likidonan aki no ser reponi na tempo, deshidratacion por desaroya rapidamente.

Sintomanan inicial di deshidratacion por inclui sed intenso, dolor di cabes, cansancio, draaimento di cabes y falta di concentracion. Si un persona sigui expone su mes na calor sin refresca of hidratacion suficiente, e situacion por empeora y evoluciona pa agotamento door di calor of un golpi di calor. E ultimo ta ser considera un emergencia medico cu ta rekeri atencion inmediato.

No tur persona ta enfrenta e mesun nivel di riesgo. Muchanan chikito, hende grandi, hende muhe na estado y personanan cu enfermedadnan cronico manera diabetes, enfermedad di curason, problema respiratorio of enfermedad renal ta mas vulnerable. Tambe miles di persona cu diariamente ta traha pafo den sectornan di, entre otro, construccion, hardineria, polis, chauffeur y otro profesionalnan cu ta pasa varios ora den solo, mester tuma precaucion adicional durante e dianan mas cayente.

Expertonan ta recomenda pa bebe awa regularmente durante henter dia y no warda te ora cu un persona ta sinti sed. Tambe ta importante pa limita actividad fisico durante e oranan cu solo ta mas fuerte y, si ta necesario traha pafo, busca sombra, usa paña light y di colornan cla, sombre y sunblock. Medidanan relativamente simpel manera esakinan por reduci significativamente e riesgo di problema di salud relaciona cu calor.

Otro conseho importante ta pa presta atencion na hende cu por ta mas vulnerable. Adulto mayor cu ta biba nan so, por ehempel, no semper ta ripara cu nan ta deshidrata. Un bish*ta, un yamada of simplemente verifica con nan ta sinti durante un dia hopi cayente por haci un diferencia importante.

Calor extremo tambe ta afecta mascotanan. Animalnan no por comunica cu nan ta sufri di calor, pero nan tambe por enfrenta consecuencia serio si nan no haya suficiente proteccion.

Cacho por ehempel, no ta soda manera ser humano pa regula nan temperatura corporal. Nan principalmente ta refresca door di hala rosea. Durante periodonan di calor extremo, e sistema aki talbes no ta suficiente, loke ta aumenta e riesgo.

Pa e motibo ey, acceso constante na awa fresco ta fundamental. Awa mester ser cambia regularmente y e recipiente mester keda den sombra pa evita cu e awa ta bira demasiado cayente. Animalnan cu ta pasa gran parti di dia pafo tambe mester tin un lugar fresco y cu sombra unda nan por refugia durante e oranan mas calor.

Veterinarionan tambe ta adverti cu cana cu cacho durante oranan di merdia, ora solo ta na su punto mas halto, no ta recomendable. Asfalt y cement por yega na temperaturanan suficiente pa kima e pata di e animal. Ta miho y mas sigur pa cana cu e cacho mainta tempran of despues cu solo a baha.

Otro aspecto importante ta cu ningun mascota mester ser laga den un auto staciona, aunke ta pa solamente algun minuut. Temperatura den un vehiculo cera por subi rapidamente te nivel peligroso, hasta si bentananan ta parcialmente habri. E situacion aki por causa golpi di calor den poco tempo.

Doñonan di mascota tambe mester conoce e sintomanan di sobrecalentamento. Halamento di rosea excesivo, debilidad, falta di energia, babamento abundante, dificultad pa move, sacamento of desmayo ta algun di e señalnan cu un veterinario mester ser contacta inmediatamente.

Calor extremo no solamente ta afecta hende y animalnan. Tambe tin impacto riba consumo di electricidad, uso di awa, agricultura y actividadnan pafo. Durante e periodonan mas calor, uzo di airco normalmente ta aumenta considerablemente, loke ta pone mas presion riba consumo di energia. Mata y vegetacion tambe ta sufri mas rapidamente durante periodonan prolonga di calor y falta di awa.

Expertonan ta coincidi cu e tendencia di temperaturanan creciente probablemente lo continua den e siguiente decadanan. Pa Aruba, esaki ta nifica cu adaptacion lo bira cada bes mas importante. Tanto gobierno, empresa, como ciudadano por contribui na reduci e impacto door di tuma medidanan preventivo y crea un ambiente mas sigur pa comunidad.

Aunke calor di solo semper lo forma parti di identidad di Aruba, e realidad actual ta mustra cu calor extremo ta bira un reto cu no por ser ignora. Door di mantene e curpa bon hidrata, limita exposicion na solo durante e oranan mas fuerte, pone atencion na personanan vulnerable y cuida e mascotanan bon, por evita hopi problema di salud y pasa e temporada mas calor di aña di un manera mas sigur.

05/08/2026

Tweede Kamer ta cuestiona Ministerio di Defensa Hulandes tocante situacion na Marinierskazerne despues di investigacion di FtM

Un investigacion publica pa e plataforma investigativo Follow the Money (FtM) tocante e facilidadnan na Marinierskazerne na Savaneta a genera un reaccion politico na Hulanda. Dia 3 di augustus, miembro di Tweede Kamer, Maikel Boon (PVV) a presenta un serie di pregunta oficial na Minister di Defensa, Dilan Yeşilgöz-Zegerius, buscando claridad tocante con e ministerio a maneha e situacion, for di ki momento e tabata na altura di e problema y pakico e solucion a tuma tanto tempo pa ser realisa.

E preguntanan parlamentario ta sigui e investigacion publica recientemente pa Follow the Money, cu a pone atencion riba e circunstancianan den e facilidad temporal unda mariniernan na Aruba ta prepara y come nan cuminda. E caso awor a move for di un investigacion periodistico pa un asunto cu lo mester ser aclaria oficialmente den Parlamento Hulandes.

Lesa articulo completo: https://www.bondia.com/tweede-kamer-ta-cuestiona-ministerio-di-defensa-hulandes-tocante-situacion-na-marinierskazerne-despues-di-investigacion-di-ftm/

05/08/2026

CBA: Economia di Aruba a sigui move den direccion positivo durante prome mitar di 2026

Economia di Aruba a sigui move den un direccion positivo durante e prome seis luna di 2026. Esaki a sali na cla den e publicacion Monthly Tables June 2026 di Centrale Bank van Aruba (CBA), publica dia 3 di augustus, den cual Banco Central ta presenta e indicadornan economico mas recien tocante turismo, sistema financiero, ingreso di gobierno, inflacion y actividad monetario. E cifranan ta mustra cu varios di e motornan principal di e economia a sigui crece durante e prome mitar di aña, aunke algun indicador tambe ta mustra cu e ritmo di crecemento ta varia entre sectornan.

Un di e indicadornan cu mas a sobresali den e informe ta e crecemento continuo di e cantidad di placa den circulacion. Segun CBA, broad money, cu ta inclui cash, cuenta coriente, cuenta di spaar y otro tipo di deposito, a aumenta for di Afl. 6.49 mil miyon na juni 2025 pa Afl. 7.72 mil miyon na juni 2026. Esaki ta representa un aumento significativo den solamente un aña.

Lesa articulo completo: https://www.bondia.com/cba-economia-di-aruba-a-sigui-move-den-direccion-positivo-durante-prome-mitar-di-2026/

05/08/2026

Fracaso di FBI den caso di Natalee Holloway a resulta den as*****to di Stephany Flores na Peru, segun reportero Mericano

Siman pasa diaranson reportero Mericano conoci Greta van Susteren a publica un relato riba su website gretavansusteren.substack.com criticando e investigacion di Federal Bureau of Investigation (FBI) riba caso di Natalee Holloway cu a sacudi Aruba na 2005. E reportero ta argumenta cu e FBI su inaccion den un operacion riba sospechoso Joran van der Sloot a permitie cana liber cu 25.000 dollar dos siman prome cu e as*****to di Stephany Flores a sucede na Peru. Segun e reportero, FBI ta indirectamente culpabel pa e as*****to aki, ya cu nan investigacion por a resulta den detencion di van der Sloot.

Por a corda e caso aki cu a paralisa Aruba y a atrae un atencion negativo riba e isla. Mericano Natalee Holloway di Mountain Brook, Alabama—18 aña y recien gradua—a bay cu vakantie Aruba cu 124 otro graduado y shete acompañante dia 26 di mei 2005. Mainta trempan rond 1:30 riba 30 di mei—un dia prome cu e mester a bula bay back Merca—tabata e ultimo biaha cu Natalee su amiganan a mir’e despues cu el a sali di un bar na Oranjestad hunto cu un Joran van der Sloot y a bay den auto cu ne. Riba dia di biahe, e no a aparece na aeropuerto ni na e hotel, cual a pon’e su amiganan bati alarma. Autoridadnan a busca e hoben rond henter e isla, pero no por a hay’e. E caso aki a bira uno notorio, specialmente na Merca, y te dia di awe autoridadnan ainda no ta sigur unda Natalee Holloway ta ni kico exactamente a pasa riba e dia di su as*****to.

Lesa articulo completo: https://www.bondia.com/fracaso-di-fbi-den-caso-di-natalee-holloway-a-resulta-den-as*****to-di-stephany-flores-na-peru-segun-reportero-mericano/