Respublika TV

Respublika TV 24/7 Sizin Yanınızdayıq! Biz birlikdə güclüyük Sizin inamınız, bizim məsuliyyətimizdir!

RespublikaTv olaraq hər zaman vətəndaşlarımızın yanındayıq. Şikayət və müraciətlərinizi dinləyir, işıqlandırır və həllində dəstək oluruq.

02/06/2026

Bakının Nizami rayonunda marketlərin birindən oğurluq edilib.

Respublikatvxəbər verir ki, naməlum şəxs obyektə daxil olaraq kassada olan nağd pul vəsaitini, lotereya biletlərini və müxtəlif növ tütün məmulatlarını talayıb. Hadisə zamanı zərərçəkənə 5 min manata yaxın maddi ziyan vurulub.

Polisin keçirdiyi tədbirlərlə əməli törətməkdə şübhəli bilinən, əvvəllər məhkum olunmuş 32 yaşlı Fərid Ağayev müəyyən edilərək saxlanılıb.

02/06/2026

Azərbaycanda Milli Kibertəhlükəsizlik Agentliyi yaradılıb.

Prezident İlham Əliyev bu barədə Fərman imzalayıb

02/06/2026

📊 Azərbaycanda erkən nikahların sayı əvvəlki illərlə müqayisədə 5-6 dəfə azalıb

Bunu Ailə, Qadın və Uşaq Problemləri üzrə Dövlət Komitəsinin Ailə məsələləri şöbəsinin müdir müavini Tamilla Əliyeva Dost tv-nin efirində deyib.

Onun sözlərinə görə, bu statistika evliliyə müraciətlə bağlı qeydiyyat şöbələrindən və 18 yaşadək analar tərəfindən doğulan uşaqların sayına əsaslanır.

İşdən çıxarılan polkovnikə cinayət işi açıldı - FOTOBir neçə gün əvvəl Müdafiə Nazirliyinin Baş Tibb İdarəsinin rəis müa...
02/06/2026

İşdən çıxarılan polkovnikə cinayət işi açıldı - FOTO

Bir neçə gün əvvəl Müdafiə Nazirliyinin Baş Tibb İdarəsinin rəis müavini vəzifəsindən azad edilən polkovnik Oktay Babayev cinayət məsuliyyətinə cəlb olunub.
Maraqlı məqam isə ondan ibarətdir ki, iş üzrə zərərçəkmiş şəxs Silahlı Qüvvələrin Baş Klinik Hospitalının Mərkəzi Tibbi Arxivinin və Müdafiə Nazirliyinin Tibbi Sənədlər Arxivinin sabiq rəisi, hazırda korrupsiya ittihamı ilə həbsdə olan mayor Ruhin Tağıyevdir.

İttihama görə, O.Babayev R.Tağıyevdən onun sərəncama göndərilməməsinə köməklik göstərəcəyi vədi ilə 30 min manat alıb. Lakin bir müddət sonra R.Tağıyev həbs olunub.

Şikayət əsasında Respublika Hərbi Prokurorluğunda istintaq aparılıb. İstintaqın yekununda O.Babayevə Cinayət Məcəlləsinin 178.2.3-cü (dələduzluq - qulluq mövqeyindən istifadə edilməklə törədildikdə) maddəsi ilə ittiham irəli sürülüb. Bu maddənin sanksiyasında cərimə və ya beş ilə qədər həbs nəzərdə tutulur.

Əvvəllər Naxçıvan Hərbi Polis İdarəsinin rəisi də işləmiş polkovnik Babayev 30 min manatın bir hissəsini ödəməyə razılıq verdiyi üçün həbs edilməyib, barəsində alternativ qətimkan tədbiri seçilib.

Hazırda cinayət işi baxılması üçün Bakı Hərbi Məhkəməsinə göndərilib.

Qeyd edək ki, Ruhin Tağıyevin cinayət işi də Bakı Hərbi Məhkəməsində araşdırılır. Həmin iş üzrə hələlik hökm çıxarılmayıb

01/06/2026

Bu gündən kart ödənişlərində komissiyalara limit qoyulub

Bununla da, bir sıra MCC kodlar üzrə aparılan ödənişlərdə komissiyaların yuxarı həddi müəyyənləşib.

01/06/2026

İyunda Azərbaycanda 10 gün qeyri-iş günü olacaq

2 dəfə ardıcıl 3 gün iş olmayacaq

01/06/2026

⚡️Gələn ay yeni 100 manatlıqlar tədavülə buraxılacaq

26/05/2026

Prezident İlham Əliyev Azərbaycan xalqını Qurban bayramı münasibəti ilə təbrik edib.

Təbrikdə deyilir:

Sizi və Azərbaycanın hüdudlarından kənarda yaşayan bütün soydaşlarımızı müqəddəs Qurban bayramı münasibətilə ürəkdən təbrik edir, hər birinizə ən səmimi arzularımı yetirirəm.

İslamın sonuncu səmavi din və mənəvi-əxlaqi qurtuluş yolu olaraq bəşəriyyətə göndərilməsini təcəssüm etdirən Qurban bayramı günlərində milyonlarla müsəlman Həcc ziyarətində bir araya gəlir, birlik və bərabərliyin, nəcib amallar uğrunda hər cür fədakarlığa hazır olmanın qürur və sevincini yaşayır.

Hər il ölkəmizdə ümumxalq bayramı kimi qeyd olunan Qurban mərasimləri insanlar arasında həmrəylik, humanizm və mərhəmət duyğularını daha da gücləndirir, cəmiyyətimizdə milli-mənəvi dəyərlərə bağlılığın, xeyirxah əməllərin təntənəsinə çevrilir.

Əziz bacı və qardaşlarım!

Bu mübarək günlərdə şəhidlərimizin ölməz xatirəsini bir daha minnətdarlıqla yad edir, xalqımızın və dövlətimizin əmin-amanlığı naminə etdiyiniz duaların Tanrı dərgahında qəbul olunması diləyi ilə ailələrinizə xoşbəxtlik, süfrələrinizə bol ruzi və bərəkət arzulayıram.

Qurban bayramınız mübarək olsun!

26/05/2026

⚡️6 illik fasilədən sonra Bakı-Tbilisi reysi üzrə ilk sərnişin qatarı bir qədər sonra Bakıdan yola düşəcək

● Qatarın Tbilisiyə çatma müddəti 9 saat 30 dəqiqədir. Bu müddətin 2 saatı hər iki ölkənin sərhəd-gömrük prosedurlarına sərf olunacaq müddətdir

● Satışa çıxarılan 8400 biletdən 6000-i artıq satılıb

● Ən çox bilet Tbilisidən Bakıya doğru alınıb

● Təlabat olduğu günlərdə əlavə vaqonlar qoşulacaq

26/05/2026

Bulvarda qadına qarşı qeyri-etik hərəkət edən şəxs, daha sonra köməyə gələn oğlana da bıçaqla hücum edib.

47 yaşlı Şamxal Nəcəfov polis əməkdaşları tərəfindən saxlanılıb.

Address

Baku

Website

Alerts

Be the first to know and let us send you an email when Respublika TV posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Respublika TV:

Shortcuts

Share

Category