SizinZaman, Azərbaycan, Baku (2025)

21/02/2024

Daha 6 PKK terrorçusu zərərsizləşdirilib
Türkiyə ordusu İraqın şimalında davam edən "Pəncə-Kilit" əməliyyatında 6 PKK terrorçusunun zərərsizləşdirib.

“Sizin Zaman” xəbər verir ki, bu barədə Türkiyə Milli Müdafiə Nazirliyi məlumat yayıb.

21/02/2024

Sosial yardımlar bu tarixdə ödəniləcək
Fevralın 23-də bütün müavinət, təqaüd, kompensasiya və ünvanlı dövlət sosial yardımlarının ödənilməsi nəzərdə tutulub.

Bu barədə "Sizin Zaman"a Dövlət Sosial Müdafiə Fondundan məlumat verilib.

21/02/2024

Kamil Zeynallı belə saxlanılıb
İdmançı Kamil Zeynallı Azərbaycana qayıdarkən Rusiyanın Domodedovo hava limanında saxlanılıb.

"Sizin Zaman" xəbər verir ki, bu barədə o, sosial şəbəkədə məlumat verib.

Kamil Zeynallı Ermənistan tərəfindən hələ ötən ilin mayından beynəlxalq axtarışa verildiyini və onların tələbi ilə saxlanıldığını bildirib.

Dövlət orqanlarına yardım üçün müraciət edən idmançı Rusiya tərəfindən Ermənistana təhvil veriləcəyini deyib.

Kamil Zeynallı sabah hakim qarşısına çıxarılacaq.

"Məsələ Rusiyadakı səfirliyimizin nəzarəti altındadır".

Bu barədə Xarici İşlər Nazirliyinin mətbuat xidməti idarəsinin rəisi Ayxan Hacızadə idmançı Kamil Zeynallının Rusiyada saxlanılması ilə bağlı suala cavabında deyib.

O qeyd edib ki, vətəndaşa müvafiq konsulluq-hüquqi yardım göstərilir. Əlavə məlumat olarsa bildiriləcək.

20/02/2024

Gürcü deputat Azərbaycanla bağlı AŞPA-ya müraciət ETDİ
Gürcüstan parlamentinin Avropa Şurası Parlament Assambleyasındakı (AŞPA) nümayəndə heyətinin rəhbəri Givi Mikanadze AŞPA sədri Teodoros Rusopulosa məktub ünvanlayıb.

Milli Məclisin Mətbuat və ictimaiyyətlə əlaqələr şöbəsindən "Sizin Zaman"a verilən xəbərə görə, məktubda AŞPA-nın sessiyası zamanı Azərbaycan Respublikası Milli Məclisinin nümayəndə heyətinin səlahiyyətlərinin ratifikasiya edilməməsi barədə qəbul edilmiş qətnaməyə toxunulur.
Bildirilir ki, bu cür sərt qərarlar AŞPA-nın Azərbaycanla və Cənubi Qafqazla gələcək münasibətləri, eləcə də AŞPA-nın özünün gələcəyi üçün mümkün olan mənfi nəticələr əsaslı şəkildə müzakirə edilmədən və təhlil olunmadan qəbul edilir. Bu isə narahatlıq doğurur.

Gürcüstanın qurumdakı nümayəndə heyətinin rəhbəri hesab edir ki, bu qətnamə AŞPA çərçivəsində Azərbaycanla gələcək əməkdaşlığı və fikir mübadiləsini mümkünsüz edir. Bu, AŞPA-nın Cənubi Qafqaz regionu ilə qarşılıqlı fəaliyyətinə də mənfi təsir göstərəcək.

Üstəlik, bu qərar Avropa Şurasının dialoq və əməkdaşlıq üçün vacib platforma kimi missiyasına və nüfuzuna da xələl gətirir. Bu qətnamə Avropa Şurasının dəyər və öhdəliklərinin ruhuna zidd olmaqla yanaşı, daha çox qütbləşməyə səbəb ola və AŞPA-ya üzv dövlətlər arasında xüsusilə dəyərli olan etimad əsaslı əməkdaşlığa xələl gətirə bilər.

G.Mikanadze yuxarıda göstərilənləri nəzərə alaraq, Azərbaycan Respublikası nümayəndə heyətinin səlahiyyətlərinin ratifikasiya edilməməsi barədə qərarın zərərli nəticələrinin qarşısını almaq üçün bu qətnamənin yenidən nəzərdən keçirilməsinə çağırır.

Məktubun sonunda bu qətnamənin ləğvinin Avropa Şurasının maraqlarına xidmət edəcəyinə əminlik ifadə olunur.

20/02/2024

Erməni deputat Türkiyəyə gedir
Ermənistan parlamentinin maliyyə, kredit və büdcə məsələləri daimi komissiyasının sədri Gevorq Papoyan Türkiyəyə ezam olunacaq.

Erməni KİV xəbər verir ki, bu barədə spiker Alen Simonyan qərar verib.

Papoyan Daimi Komitənin xüsusi iclasında və Əsasnamə üzrə İşçi Qrupun iclasında iştirak edəcək.

20/02/2024

Aqrar Sığorta Fondunun sədrinin vəzifələrindən biri ləğv edilib
Nazirlər Kabineti 11 dekabr 2019-cu il tarixli qərarı ilə təsdiq edilmiş “Aqrar Sığorta Fondunun Nizamnaməsi”ndə dəyişiklik edib.

"Sizin Zaman" xəbər verir ki, bununla bağlı Baş nazir Əli Əsədov yeni qərar imzalayıb.

Qərara əsasən, Aqrar Sığorta Fondunun İdarə Heyəti sədrinin Fondun istiqrazlarının buraxılması üçün emissiya prospektini təsdiq etmək vəzifəsi ləğv edilib.

20/02/2024

Bu istiqrazların qeydiyyatına 10 iş günündə baxılacaq
Nazirlər Kabineti 28 oktyabr 2016-cı il tarixli qərarı ilə təsdiq edilmiş “Dövlət və bələdiyyə qiymətli kağızlarının emissiyası və tədavülü Qaydaları”nda dəyişiklik edib.

"Sizin Zaman" xəbər verir ki, bununla bağlı Baş nazir Əli Əsədov yeni qərar imzalayıb.

Qərara əsasən, bundan sonra dövlət və bələdiyyə istiqrazlarının buraxılışlarının dövlət qeydiyyatına alınması üçün təqdim edilən sənədlərə onların təqdim edilməsi tarixindən etibarən 10 iş günü müddətində baxılacaq. İndiyə qədər bu müddət 20 gün idi.

20/02/2024

Malayziya Kralı İlham Əliyevi təbrik edib
Malayziyanın Kralı Əlahəzrət Sultan İbrahim Prezident İlham Əliyevə təbrik məktubu ünvanlayıb.

"Sizin Zaman" xəbər verir ki, təbrikdə deyilir:

"Zati-aliləri.

Yenidən Azərbaycan Respublikasının Prezidenti seçilməyiniz münasibətilə Kraliça Raca Zarit Sofiah ilə birlikdə Sizə ən səmimi təbriklərimizi və xoş arzularımızı çatdırırıq.

Əminik ki, Sizin müdrik rəhbərliyinizlə Azərbaycan xalqı bundan sonra daha yüksək tərəqqi və firavanlığa nail olacaqdır.

Uca Allahdan Zati-alinizə möhkəm cansağlığı, xoşbəxtlik, Azərbaycanı yeni yüksək zirvələrə çatdırmaq üçün fəaliyyətinizdə daha böyük uğurlar nəsib etməsini diləyirəm.

Malayziya ilə Azərbaycan Respublikası arasında çoxillik qardaşlıq münasibətlərinin və dostluq əlaqələrinin xalqlarımıza qarşılıqlı fayda gətirərək daha da möhkəmlənməsini arzu edirəm".

20/02/2024

İlham Əliyev onlara ali xüsusi rütbələr verdi - SƏRƏNCAM
Azərbaycan Respublikasının İqtisadiyyat Nazirliyi yanında Dövlət Vergi Xidmətinin əməkdaşlarına ali xüsusi rütbələr verilib.

"Sizin Zaman" xəbər verir ki, Prezident İlham Əliyev bununla bağlı Sərəncam imzalayıb.

Sərəncama əsasən, İqtisadiyyat Nazirliyi yanında Dövlət Vergi Xidmətinin aşağıdakı əməkdaşlarına 3-cü dərəcəli dövlət vergi xidməti müşaviri rütbəsi verilib.

Quliyev Kənan Adil oğlu – Daxili təhlükəsizlik baş idarəsinin rəisi

Bəylərov Elçin Bəylər oğlu – Yerli qurumların fəaliyyətinin əlaqələndirilməsi baş idarəsinin rəisi.

20/02/2024

"Ölkə müharibəyə hazır olmalıdır" - Lukaşenko
"Ölkə həm mental, həm də strateji cəhətdən müharibəyə hazır olmalıdır".

"Sizin Zaman" xəbər verir ki, bu barədə Belarus prezidenti Aleksandr Lukaşenko bildirib.
O, əlavə edib ki, bütün qanlı kampaniyalar qərbdən şərqə doğru gəlib: "Torpaqlarımıza marağın əsl səbəblərini bilirik... Bizə müharibə lazım deyil, lakin biz buna həm mental, həm də strateji cəhətdən hazır olmalıyıq".

Onun sözlərinə görə, NATO Rusiya və Belarusla sərhəddə 32 min əsgər, o cümlədən 1000-dən çox zirehli texnika, 160-a yaxın artilleriya sistemi və minaatan, 235 təyyarə və helikopter yerləşdirib.

12/01/2024

Paşinyan prezidentin işdən çıxardığı direktoru yerinə qaytardı
Ermənistanın baş nazir Nikol Paşinyanın qərarı ilə Armen Abazyan Milli Təhlükəsizlik Xidmətinin (MTX) direktoru təyin edilib.
Erməni KİV xəbər verir ki, bu gün o, prezident Vaaqn Xaçaturyanın sərəncamı ilə tutduğu vəzifədən azad edilmişdi.
Xatırladaq ki, hökumətin noyabrın 30-da keçirilən iclasında Milli Təhlükəsizlik Xidmətinin direktoru və müavinlərini prezident deyil, baş nazirin vəzifəyə təyin və vəzifədən azad etməsi barədə qərar qəbul edilib.

12/01/2024

İsrail Müdafiə Qüvvələri HƏMAS-ın komandirlərini öldürdü
İsrail Müdafiə Qüvvələri Qəzza zolağının Xan-Yunis və Maqazi bölgələrində onlarla terrorçunu öldürüb.
Bu barədə İsrail Müdafiə Qüvvələrinin rəsmi “Telegram” kanalında paylaşım edilib.
Məlumata görə, Maqazidə son 24 saat ərzində HƏMAS-ın “Nuxba” bölməsinin komandirləri də daxil olmaqla 20-yə yaxın terrorçu məhv edilib. Bundan əlavə, çoxlu silah-sursat aşkar edilib.
Xan-Yunisdə İsrail ordusunun qırıcısı HƏMAS-ın hərbi iqamətgahına zərbə endirib və yeddi terrorçunu məhv edib. Öldürülən terrorçulardan biri də 7 oktyabr qırğınında iştirak edən “Nuxba” komandiri olub.

SizinZaman

21/02/2024

21/02/2024

21/02/2024

20/02/2024

20/02/2024

20/02/2024

20/02/2024

20/02/2024

20/02/2024

20/02/2024

12/01/2024

12/01/2024

Address

Telephone

Website

Alerts

Contact The Business

Shortcuts

Share

Category