Camnyus - JAMnews Azerbaijani

10/12/2025

⚠️🇦🇿 Dekabrın 4-də Dövlət Sərhəd Xidmətinin Yardımlıdakı hərbi hissəsində xidmət edən 18 yaşlı əsgər Əlikərim Gülalıyev başından güllə yarası alaraq həyatını itirib.

🕯️❗️Ailəsinə hadisənin səbəbi izah edilməyib və yaxınları ölümün müəmmalı şəraitdə baş verdiyini bildirərək araşdırma tələb edirlər.

⚖️🔍 Hadisə ilə bağlı Lənkəran Hərbi Prokurorluğunda araşdırma aparıldığı deyilir.

10/12/2025

"Meydan TV işi" üzrə həbs edilən Nurlan Libre (Qəhrəmanlı) təcridxanadan işgəncə iddiaları ilə bağlı məktub yazıb.

Nurlan Libre Respublika Baş Prokuroru Kamran Əliyevə müraciət edərək 1 dekabrda "konvoy" alayının əməkdaşları tərəfindən zorakılığa məruz qaldığını bildirib.

Nurlanın məktubunda yazılanlar:

🔹 Səbail Rayon Məhkəməsinin dustaqlar üçün nəzərdə tutulan kamerasında nəzarətçilərə tibbi ləvazimatların (pambıq, tənzif, yod və s.) olmamasını deməsindən sonra 4-5 nəzarətçi onu qandallayıb təkadamlıq kameraya salıb.

🔹 Arxadan çox bərk qandal vurulduğunu, qandal izlərinin hələ də qaldığını yazır.

🔹 Daha sonra "Fələstin halqası" adlanan işgəncə metodu ilə stola bağlandığını, təxminən bir saat bu vəziyyətdə saxlanıldığını bildirir.

🔹 Məhkəmə zalına gətirildikdən sonra yalnız vəkilinin müdaxiləsi ilə zorakılıq dayandırılıb.

Nurlan Qəhrəmanlı yazır ki, baş verənlər məhkəmənin təhlükəsizlik kameralarına düşüb və həmin vaxt başqa dustaqlar da hadisəni görüblər.

O həmçinin əlavə edir:

"Azərbaycanın adı beynəlxalq hesabatlarda daim qeyri-insani rəftar və işgəncə hallarına görə çəkilir. Avropa Məhkəməsi dəfələrlə ölkəni bu səbəbdən cərimələyib. İlham Əliyevin prezident olduğu ölkədə insan haqlarına hörmət gözləmək gülüncdür".

10/12/2025

🚫⚖️ Əli Kərimlinin məhkəməsi qapalı keçirilib, vəsatətlər rədd edilib.

Bu gün Səbail Rayon Məhkəməsində AXCP sədri Əli Kərimlinin həbs qətimkan tədbirinin dəyişdirilməsi ilə bağlı proses keçirilib.

❌🏠 Vəkillər onun ev dustaqlığına buraxılması üçün vəsatət veriblər, amma məhkəmə onları rədd edib.

🚓⚠️ Məhkəmə binası önünə gələn fəallar polis maneələri ilə üzləşib. Bir neçə nəfərin zorakılıqla saxlanıldığı bildirilir.

📌 Əli Kərimli 29 noyabrda saxlanılıb və ona hakimiyyəti zorla ələ keçirmə və konstitusiya quruluşunu dəyişməyə cəhd ittihamı irəli sürülüb.

⛓️ 1 dekabrda isə onun barəsində 2 ay 15 gün həbs qətimkan tədbiri seçilib.

Hökumətyönlü media bunu "Ramiz Mehdiyev işi" ilə əlaqələndirir.

10/12/2025

Azərbaycan mediasında geniş işıqlandırılmadan, Bakı Yerevana neft məhsulları satmağa hazırlaşır. Bu, on illərlə düşmən mövqedə olmuş iki ölkə arasında ilk belə iqtisadi əməkdaşlıq addımıdır.

Rəsmi bəyanatlarda bu məsələnin sadəcə “müzakirə olunduğu” bildirilsə də, əslində artıq Bakı ilə Yerevan arasında anlaşma əldə edilib.
Buna sübut kimi, Azərbaycan hökuməti Gürcüstandan öz ərazisi ilə Ermənistana yanacaq tranziti üçün rəsmi icazə istəyib və hətta ilk tranzitin detalları razılaşdırılıb.

Lakin Bakı bu tarixi xəbəri daxili auditoriyadan sanki gizlətməyə çalışır. İctimai diqqət əsasən Gürcüstanın tranzit rüsumu ətrafında müzakirələrə yönləndirilib. Bu məqalədə həmin “gizli neft razılaşması”nın siyasi təsirləri, iqtisadi perspektivləri və ictimai rəydə doğurduğu reaksiyalar təhlil olunur.

Azərbaycan Ermənistana neft satacaq. Rəsmi bəyanatlarda bu məsələnin sadəcə "müzakirə olunduğu" bildirilsə də, anlaşma əldə edilib.

09/12/2025

Bakı İstintaq Təcridxanasından "Meydan TV" işi üzrə həbs edilən jurnalist Ülviyyə Əlinin yazır: “Mən də bir kişinin qurbanıyam - İlham Əliyevin”

O, həbsxanada rastlaşdığı qadınların kişilərin qurbanı olması hekayələrindən yazır:

🔸 38 yaşlı Səidə illərlə şiddət gördüyü, narkotik aludəçisi olan və rüşvət verərək evə buraxılan kişi tərəfindən hədə-qorxu ilə yaşayıb. Ayrıldıqdan sonra qadın həmin kişinin qurduğu tələ ilə… narkotik ittihamı ilə həbs olunub.

🔸 36 yaşlı Nuranə ailə təzyiqindən, sonsuzluq ittihamından qaçıb sığındığı kişidən şiddət görüb. Hədiyyələr, səyahətlər… sonradan məlum olub ki, həmin pullar dələduzluq yolu ilə qazanılıb.
Nuranə tək səhvinin onun adına olan bank kartını Namiqə verməsi olduğunu deyir. İndi hər ikisi həbsdədir.

🔸 29 yaşlı Toma 7 yaşlı qızını geri almaq uğrunda çətin həyatdan keçib. Anasının təqdim olunmayan müalicəsi üçün pul tapmaq ümidi ilə yaxın kişi qohumunun təklifi ilə narkotik keçirməyə razılaşıb. Bu gün o da həbsdədir.

Ülviyyə yazır ki, qadınların əksəriyyəti eyni şeyi deyir: "Bir kişinin qurbanı olmuşam".

Və sonra əlavə edir: "Mən də bir kişinin qurbanıyam – İlham Əliyevin".

09/12/2025

📉 "Meydan TV"nin araşdırmasına görə, 2025-ci ilin yanvar–oktyabr aylarında Azərbaycan sığorta bazarının təxminən 70%-i “Pasha Holdinq”in nəzarətində cəmləşib.

📊 Rəqəmlər nə deyir?

🔹 Paşa Həyat Sığorta – 572,9 milyon manat yığımla 45,6% bazar payı;
🔹 Ödənişlərin isə 62,1%-i (!);

🔹 Paşa Sığorta – 297,5 milyon manat yığımla 23,7% bazar payı;
🔹 Ödənişlərdə payı – 15%.

➡️ Sığorta haqlarının 69,3%-i, ödənişlərin 77%-i iki şirkətin əlindədir. Bu, Azərbaycanın onsuz da kiçik olan sığorta bazarında ciddi inhisarlaşma deməkdir.

🏦 “Pasha Holdinq”dən sonra ən böyük pay "Atəşgah" qrupuna məxsusdur:

🔸 Atəşgah Həyat – 7,1%;
🔸 Atəşgah Sığorta – 4,2%.

Digər şirkətlər "mikro-pay"la kifayətlənir. Mərkəzi Bankın məlumatına görə:

🟡 "Qala Sığorta" – 5,3%;
⚪ "AzSığorta" – 0,5%;
⚪ "İpək Yolu Sığorta" – 0,3%.

📌 Cəmi 16 şirkət fəaliyyət göstərsə də, onların böyük hissəsi bazarda 1-3% arası paya malikdir.

09/12/2025

⚖️ Hüquq müdafiəçisi, "Müdafiə Xətti"nin icraçı direktoru Rüfət Səfərov bu gün Bakı Ağır Cinayətlər Məhkəməsində keçirilən prosesdə çıxış edərək ölkədəki məhkəmə sistemini kəskin tənqid edib:

"Ölkə hansı gündədirsə, məhkəmə də o gündədir. Tiranlıq şəraitində ədalətli məhkəmə mümkün deyil".

Bu dəfə prosesdə "zərərçəkmiş" qismində Natiq İmamquliyev dindirilib. O iddia edir ki, Səfərovdan torpaq almaq üçün ona 60 min manat verib, lakin nə torpaq alınıb, nə də pul qaytarılıb.

Amma anten məlumatları tamamilə başqa mənzərə göstərir:

📌 İmamquliyevin telefon əlaqələri Rüfət Səfərovun saxlanmasında iştirak edən polis əməkdaşları ilə üst-üstə düşür;
📌 Məlum olur ki, "zərərçəkmiş" Səfərov həbs olunmadan öncə bir neçə dəfə onun evinin yaxınlığında olub;
📌 İmamquliyev suallara cavab verməkdən yayınır və "xatırlamadığını" deyir.

Rüfət Səfərov məhkəmədə bu sözlərlə çıxış edib:

"Məni həbs etmək üçün anlaqsız birini işə qoşmaq özünüzün də məhkəmə adına hörmətsizliyidir. Tamaşanı uzatmayın".

Səfərov bildirir ki, İmamquliyevi ümumiyyətlə tanımır və ittihamın tamamilə sifarişli olduğunu deyir.

🟥 Rüfət Səfərov hansı ittihamlarla həbs olunub?

O, 2024-cü il dekabrın 3-dən etibarən:
– xuliqanlıq,
– dələduzluq,
– qəsdən ağır xəsarət yetirmə
maddələri ilə ittiham olunur.

09/12/2025

Gürcüstanın İqtisadiyyat və Davamlı İnkişaf Nazirliyi Azərbaycan mediasında dərc olunan, Gürcüstan tariflərinin Azərbaycandan Ermənistana dəmir yolu ilə yanacaq tədarükünə mane olması barədə məlumatı şərh edib.

Nazirlik bildirib ki, Azərbaycandan Ermənistana yanacağın bir dəfəlik idxalı ilə bağlı qonşu ölkələrdən müraciət alıb və Gürcüstan bu prosesi tamamilə pulsuz həyata keçirəcək.

Gürcüstandan Ermənistana yanacaq ixracatı. "Gürcüstan dəmir yolları" Azərbaycandan Ermənistana yanacağı bir dəfəlik pulsuz daşıyacaq.

09/12/2025

📰 Sərhədsiz Reportyorlar (RSF) yeni hesabat yayıb və mənzərə ağırdır:

🌍 67 jurnalist qətlə yetirilib - onların 79%-i silahlı qrupların və cinayət şəbəkələrinin hədəfi olub.
RSF bildirir ki, media əməkdaşları çox zaman "süni şəkildə yaradılmış nifrətin qurbanına" çevrilir.

🔺 Ölən jurnalistlərin 43%-i İsrail ordusunun Qəzza zolağında keçirdiyi hücumların nəticəsidir.
2023-dən bəri 220-yə yaxın jurnalist müharibədə həlak olub - ən azı 65-i vəzifə başında.

🇦🇿 RSF qeyd edir ki, Azərbaycanda da vəziyyət ağırdır:

- 25 müstəqil jurnalist və media əməkdaşı müxtəlif ittihamlarla həbsdə saxlanılır;
- Onların işlərində siyasi motivlərin olması ilə bağlı ciddi narahatlıq var;
- Medianın dövlət nəzarətində olması, akkreditasiyaların məhdudluğu və müstəqil mediaya təzyiq ifadə azadlığını daraldır.

Rəsmi Bakı isə ittihamları qəbul etmir və həbslərin “konkret cinayətlər”lə bağlı olduğunu bildirir.

🔒 Dünya üzrə 503 jurnalist həbsdədir

📌 1 dekabr 2025 tarixinə olan statistikaya görə:

🇨🇳 Çin - 121 jurnalist
🇷🇺 Rusiya - 48 jurnalist (onların 26-sı ukraynalıdır)
🇲🇲 Myanma - 47 jurnalist

RSF: "Jurnalistlər sadəcə ölmürlər, onları öldürürlər. Heç kim jurnalistika üçün həyatını vermir, həyatları onlardan alınır".

09/12/2025

Hökumətyönlü Azərbaycan nəşri Minval Politika “Gürcüstan sülhə qarşı oynayır: Tbilisi Bakının səbrini sınaqdan keçirir” başlıqlı məqalə dərc edib və orada Gürcüstan hakimiyyətini kəskin tənqid edib.

Məqalənin müəllifi Maqsud Səlimov Tbilisi ilə Bakı arasındakı münasibətlərdə “narahatedici dəyişikliklər”dən danışır və iki mənfi prosesi misal kimi göstərir.

"Bakı neft məhsullarını Yerevana göndərməyə hazırdır. Lakin Tbilisi tarifləri 40 dəfə artırıb". Azərbaycan və Gürcüstan arasında gərginlik

08/12/2025

İqtisadiyyat naziri Mikayıl Cabbarov Azərbaycanının Ümumdünya Ticarət Təşkilatına (ÜTT) üzvlüyü hazırlıqlarının fəallaşdığını bildirib. Bu bəyanat ölkənin uzun illərdir davam edən ÜTT-yə qoşulma prosesini yenidən diqqət mərkəzinə gətirir.

Azərbaycan 1997-ci ildə ÜTT-yə qoşulmaq üçün rəsmi müraciət etsə də, hələ də təşkilata üzv ola bilməyib.

Bəs nə üçün bu proses uzanır və ÜTT-yə üzvlük Azərbaycana nə vəd edir?

Azərbaycanın ÜTT‑yə üzvlüyü. İqtisadiyyat naziri Ümumdünya Ticarət Təşkilatına (ÜTT) üzvlüyü hazırlıqlarının fəallaşdığını bildirib.

08/12/2025

Ermənistan hökuməti illərlə davam edən danışıqlar prosesində Dağlıq Qarabağ münaqişəsinin tənzimlənməsi ilə bağlı müzakirə olunan sənədləri dərc edib.

Hökumətin saytında ABŞ, Fransa və Rusiya rəhbərliyi altında aparılan sülh danışıqlarına vasitəçilik edən ATƏT-in Minsk qrupunun müxtəlif illərə aid təklifləri ilə tanış olmaq mümkündür.

Dərc olunan sənədlər arasında Rusiya təkliflər paketi, Kazan sənədi, Madrid prinsipləri adlandırılan sənədlər, həmçinin BMT Təhlükəsizlik Şurasının məşhur qətnamələri yer alır.

Yayımlanan sənədlər arasında Ermənistanın keçmiş prezidenti Serj Sarkisyanın 2016-cı ilin aprel döyüşlərindən bir neçə ay sonra, avqustun 5-də Rusiya prezidenti Vladimir Putinə yazdığı məktub da var.

Qarabağ münaqişəsinə dair sənədlər dərc olunub. Ermənistan hökuməti müzakirə olunan təklifləri məxfilikdən çıxarıb. Şərhlər