Rahman Iltifat

13/01/2026

Hər arzu bir təzə ürək,
ruh halına köklənəcəcək.
Arzular ağac kökü tək,
hərdən üzü daşa çıxır.

Üzü daşa arzuları,
gözünə sıx ağla barı.
Sadiq cütlük göz yaşları -
gözlərdənki qoşa çıxır.

Qəlb arzuların yurd yeri.
Arzu inam ümüd yeri.
Nakam arzular ömürü,
bizim ilə başa çıxır.

13/01/2026

Bu toz basmış divarlarım,
pəncərəm, tülüm darıxır
Baxır otun üstə şehə,
dibçəkdə gülüm darıxır

Eh,
bu gül nə gün görəcək?!..yuxusuna şeh girəcək.
Qəfil tutulmuş bir dil tək,
söz üçün dilim darıxır

Düşübsə sözü düyünə,
artıq yükdür dilim mənə.
Öyrəşibdir zülüm mənə,
çəkməsəm zülüm darıxır

30/10/2025

21/06/2025

Buludları qovuşduran,
dəli küləklər yaşasın.
Göy qurşağının xətrinə,
bütün o rənglər yaşasın.

Sevinc axır o rənglərdən,
Şeh otların üstə dən-dən.
Tanrı,
kəsib ver ömrümdən-
qoy kəpənəklər yaşasın.
.qonsun şeirin sətirinə,
naz etsin yaz ətirinə.
Kəpənəyin xətirinə,
xəfif çiçəklər yaşasın.

Şikayətik ilə,aya,
qışda qışa,yayda yaya...bəndə üçün deyil dünya,
gəlsin mələklər yaşasın.

Cəbrayıl 2025

15/03/2025

İşıqlar qaranlıqlar üçün yaranandan əvvəl,qaranlıqlar işıqlar üçün yaranıb.

14/03/2025

Heç demə,
ömrüm boyu
mən payız görməmişəm-..hər payızın içində,
bir yazımış gözlərin.

14/03/2025

Sağlamlıq hər şey demək deyil amma hər şey sağlamlıq olmasa heçnədi

14/03/2025

Biləndəki bu dünya
əbədi yerin deyil,
qərib olmamaq olmur

14/03/2025

Heyif deyil,
gedəsən...,..ayağın altında yer yırğalana,
baxasan göylərə,
ay yırğalana.
Hələ gül də alasan heç kimdən ötürü,
küçənin sonunda atıb,..gedəsən.
Heç kimə gül almaq,
nə gözəl dəlilikdi!

Bir tutan əl yoxdursa,bu cüt əllər də təkdi.
Tənhaların başın sığallamağa,
küçə fənarının işığı bəsdi.
Heyif deyil,
gücündən büdrəyib yeriməyinə -
özünə hirslənib gülə biləsən...ancaq biləsən ki,
heç bircə gülüş də niyəsiz olmur.
Bəlkə də bu tənha,
yetim dünyanın,
ən çox
yetimləri yiyəsiz olmur.
Heyif deyil,
gedəsən...
ayağın altından qaça,
səsdən küydən bezən yorğun küçələr.
Ağacdan taqətsiz tutub birtəhər,
başını çiyninə qoyub baxasan.
üç dörd saniyəlik lal ola şəhər.

14/03/2025

Elə itiyiyəm özüm özümün,bəlkə də tapmışam tanımamışam