Kitabıstan

13/08/2025

İlk sifariş çatdırıldı.
Gənc oxucumuza M.Ə. Rəsulzadənin kitablarını Kitabıstanın həmtəsisçisi Şəhriyar Məcidzadə şəxsən özü çatdırdı. Oxucumuzla söhbətimiz zamanı ona sual ünvanladıq ki, niyə Rəsulzadəni fikirlərini oxumaq istəyirsən?
- Türkiyədə Atatürkü oxuyurlarsa Azərbaycanda da M.Ə.Rəsulzadəni oxumaq lazımdır.
Rəsulzadə kitablarını sifariş etmək istəyənlər rəydə “+” yazsın. Sabah çatdıracağıq:)

13/08/2025

İndən sonra Kitabıstan nəşrlərini sifariş etdikdə sizə dərhal çatdıracağıq.
Sifariş etmək üçün: 070 537 21 84

12/08/2025

Sifarişiniz dərhal çatdırılacaq.
- M.Ə.Rəsulzadənin bütün əsas fikirlərinin yer aldığı yazıları toplanıb.
- Müasir Azərbaycan dilinə uyğunlaşdırılıb.
Hamısı birlikdə cəmi 40 AZN, çatdırılma ödənişsizdir.
Əlaqə: 070 537 21 84

04/08/2025

Kitabıstanın həmtəsisçisi Mələk Hacıyeva Helsinki Yekun Aktının 50 illiyi ilə bağlı keçirilən tədbirdə iştirak edib.

30 iyul-1 avqust tarixlərində Finlandiyanın paytaxtı Helsinkidə Helsinki Yekun Aktının imzalandığı binada - "Finlandiya Hall"da keçirilən tədbirdə Kitabıstanın həmtəsisçisi Mələk Hacıyeva iştirak edib.

Konfransı rəsmi olaraq ATƏT-in fəaliyyətdə olan sədri, Finlandiyanın xarici işlər naziri xanım Elina Valtonen açıb, ardınca isə Finlandiyanın prezidenti cənab Aleksander Stubb, ATƏT-ə üzv dövlətlərin və qurumların çoxsaylı yüksək səviyyəli nümayəndələri çıxış ediblər.

1975-ci ildə imzalanan Helsinki Yekun Aktı yalnız bir diplomatik sənəd deyil, o, dövlətlər arasında sərhədlərin toxunulmazlığına, insan hüquqlarının qorunmasına və dövlətlərarası əməkdaşlığın artırılmasına dair qarşılıqlı razılığı ifadə edən mühüm bir bəyannamədir.

01/08/2025

Şirməmməd Hüseynov nadir şəxsiyyətlərdən idi ki, sovet dövründə M.Ə.Rəsulzadənin yaradıcılıq izinə düşmüşdü. Onun yazılarını toplayır, qoruyur və saxlayırdı ki, bizə çatdırsın. Bacardı!
M.Ə.Rəsulzadənin bir çox yazılarını məhz onun fədakarlığı nəticəsində oxuya bildik. Mütərəqqi fikirləri, bəşəri dəyərləri, Azərbaycanın keçmişi və gələcəyinə dair ən mükəmməl təhlilləri oxuduqca gələcəyə inandıq. Strateji düşünməyi, düzgün müqayisə etməyi miras kimi yaşatmaq üçün 4 cildlik ümumilikdə 1200 səhifəlik "Rəsulzadə belə deyirdi" kitablarını çap etdik. Həmin kitabların birinci cildinin ilk səhifəsində də vəfa borcu kimi "Şirməmməd Hüseynovun əziz xatirəsinə..." yazdıq.
Yaxın günlərdə həmin kitabları sizə şəxsən çatdırmağa başlayacağıq.
Sifariş etmək istəyənlər rəydə "+" yazsa kifayətdir. Biz sizə yazacağıq.
Böyük M.Ə.Rəsulzadənin ruhu şad olsun!

31/07/2025

Cəmiyyətin zövqünü, intellektual səviyyəsini maarifçilər formalaşdırır. M.F.Axundov və digər aydınlar olmasaydı hansı möhkəm bünövrənin üstündə düşüncə inşa etmək olardı?
Kitabıstan bu mirası və ideyaları əsas götürərək dünyanın ən möhtəşəm kitablarını doğma dilimizə tərcümə edərək çap edib.

24/07/2025

Qadınlara qarşı yönələn nifrət nitqini və cinsi ayrı-seçkilik çağırışlarını şiddətlə qınayırıq və aidiyyəti dövlət qurumlarını tədbir görməyə səsləyirik.
Bu davranışlar Azərbaycan Respublikasının Konstitusiyasına zidddir. Buna görə də bu cür çağırışlar edən və yayımlanmasına şərait yaradan təqsirkar şəxslər məsuliyyətə cəlb edilməlidir.

20/07/2025

Bu yay hansı kitabı oxuyursunuz?

15/07/2025

Dünən Kitabıstanın həmtəsisçiləri Şəhriyar Məcidzadə və Mələk Hacıyeva Fransanın Milli Günü – Bastiliya Günü münasibətilə Fransanın Azərbaycandakı səfirliyi tərəfindən təşkil olunan rəsmi qəbulda iştirak edib.

08/07/2025

İsveç hələ 1766-cı ildə mətbuat azadlığını öz konstitusiyasında təsbit etmişdi. Bu, dünyada bir ilk idi. Bu qanun kağızda qalmadı və bu gün İsveç Dünya Mətbuat Azadlığı İndeksində ilk beşlikdə yer alan ölkələrdəndir. Buna necə nail olublar? İttifaq ölkədə dezinformasiya və informasiya manipulyasiyasına qarşı necə mübarizə aparır? Media savadlılığı necə təşviq olunur? Bu və digər sualları İsveç Jurnalistlər İttifaqının prezidenti Ulrika Hüllert Kitabıstana verdiyi eksklüziv müsahibədə cavablandırır. Həmin müsahibəni təqdim edirik.
Bəs sizcə, cəmiyyətin inkişafı üçün mətbuat azadlığı nə qədər önəmlidir?
Fikirləriniz bizim üçün əhəmiyyətlidir.

Ulrika Hüllert: "Cəmiyyətdə açıqlıq, açıq debat dezinformasiya və propaqandaya ən yaxşı cavabdır" | Kitabıstan

30/06/2025

Rusiyanın Ukraynanı işğala başlamasından sonra nüvə təhdidi ritorikası dünyanı bürüdü.

Nüvə silahına sahib ölkələrin birbaşa müharibə tərəflərinə çevrilməsi bəşəriyyəti böyük təhlükə ilə üz-üzə qoyur. Bu il nüvə silahının ilk dəfə istifadə olunmasının 80 illiyi tamam olur.
Təkcə Hiroşima və Naqasakiyə atılan atom bombası nəticəsində 38000-dən çox uşağın həyatını itirməsini xatırlamaq nüvə silahının nə qədər dəhşətli nəticələrə gətirə biləcəyini aydın şəkildə göstərir. Hindistan və Pakistan arasında ehtimal olunan məhdud nüvə müharibəsi nəticəsində isə 2 milyarddan çox insan həyatını itirə bilər. Bu kimi təhlükələrə biganə qalmayan qurumlardan biri də Nüvə Silahlarının Ləğv Edilməsi üzrə Beynəlxalq Kampaniyadır (ICAN). O bu fəaliyyətinə görə 2017-ci ildə Nobel Sülh Mükafatına layiq görüldü. ICAN-ın böyük əməyi və fəaliyyəti nəticəsində 94 ölkə Nüvə Silahlarının Qadağan Edilməsi haqqında Müqaviləsini imzalayıb. Amma müsahibimiz deyir ki, bu işdə daha çox dövlət və insan səfərbər olmalıdır.
Kitabıstanın budəfəki qonağı Nüvə Silahlarının Ləğv Edilməsi üzrə Beynəlxalq Kampaniyanın icraçı direktoru Melissa Parkedir.

Bəs siz nüvə silahı və onun təhlükələri barədə nə qədər məlumatlısınız?

Melissa Parke: "Nüvə silahı bizi məhv etməzdən əvvəl onları məhv etməyimiz çox vacibdir" | Kitabıstan

27/06/2025

Nobel Sülh Mükafatına layiq görülən Nüvə Silahlarının Ləğvi üçün Beynəlxalq Kampaniyanın (International Campaign to Abolish Nuclear Weapons (ICAN) icraçı direktoru Melissa Parke Kitabıstana eksklüziv müsahibə verib.
Müsahibə yaxın günlərdə yayımlanacaq. Gözünüz Kitabıstanda olsun.
Bir sualımız var: Siz nüvə silahlarının ləğv edilməsini istəyərsinizmi?