Kitabıstan

18/12/2025

2026-cı ildə hansı kitabı oxumağı planlaşdırırsınız?🙃

15/12/2025

Dekabrın 13-də “Gender & Media Watch”, Kitabıstan və Tekst Medianın tərəfdaşlığı ilə həyata keçirilən gender əsaslı ayrı-seçkilik və nifrət nitqi ilə bağlı tədqiqatın hesabat təqdimatı olub. Sözügedən tədqiqatda media monitorinqi, eləcə də ictimai rəy sorğusunun nəticələri və bu nəticələr əsasında aparılan təhlillər yer alır.
Böyük marağa səbəb olan təqdimatda geniş ictimaiyyətlə yanaşı, Avropa İttifaqının Azərbaycandakı səfiri xanım Mariyana Kuyundziç (Delegation of the European Union to Azerbaijan), Litvanın Azərbaycandakı səfiri cənab Kestutis Vaşkeleviçus (Lietuvos ambasada Azerbaidžane / Embassy of Lithuania in Azerbaijan), İsveçin Azərbaycandakı səfiri cənab Tobias Lorentzson (Embassy of Sweden in Baku), Latviyanın Azərbaycandakı səfiri cənab Edqars Skuya (Embassy of Latvia in Azerbaijan), eləcə də Fransanın Azərbaycandakı səfirinin müşaviri Tifen Puaru (Ambassade de France en Azerbaïdjan / Fransanın Azərbaycandakı Səfirliyi), Almaniyanın Azərbaycandakı səfirinin müşaviri Benedikt Göbel (Deutsche Botschaft Baku / Almaniya Səfirliyi Bakı), Belçikanın Azərbaycandakı səfirlinin müşaviri Sara fon Bugenhaut (Embassy of Belgium in Baku), BMT-Qadınlar Azərbaycan nümayəndəsi Aleksandra Voronova (UN Women Europe and Central Asia), Nokia Azərbaycan şirkətinin nümayəndəsi Yekaterina Şişova iştirak edərək gender əsaslı zorakılıqla mübarizə çərçivəsində keçirilən 16 günlük kampaniyanın sonunda qadınlara yönəlik zorakılığa qarşı bir daha həmrəylik nümayiş etdiriblər.
Biz Kitabıstan olaraq bir daha BMT-nin DİM 5-ə sadiqliyimizi vurğulayırıq.

Təqdimat haqqında daha ətralı oxumaq üçün şərhdəki linkə daxil ola bilərsiniz 🙃

11/12/2025

Dekabrın 13-də saat 13:00-da “Gender Media Watch” təşəbbüsünün Kitabıstan və Tekst Media ilə birgə “Azərbaycan mediasında qadınlara qarşı nifrət nitqi və diskriminativ narrativlər” mövzusunda apardığı tədqiqatın təqdimatı keçiriləcək. Təqdimatda iştirak etmək istəyənlər şərhdəki linkə daxil olaraq qeydiyyatdan keçə bilərlər.

11/12/2025

Ötən gün Fransanın Azərbaycandakı səfiri xanım Sofi Laqut və Kanadanın Azərbaycandakı səfiri cənab Kevin Hamiltonun dəvəti ilə Kitabıstanın həmtəsisçisi, “Gender Media Watch”un təsisçisi Mələk Hacıyeva “Backlash: Misogyny in the Digital Age” filminin nümayişində iştirak edib. Bu film gender əsaslı zorakılığa qarşı 16 günlük kampaniya çərçivəsində Fransa səfirinin iqamətgahında nümayiş edilib.
Lea Klermon-Dion və Gilen Maruanın rejissoruluğu ilə ərsəyə gətirilən film mizoginiyanın müxtəlif formalarının ağır nəticələrini göstərməklə qadınlara qarşı nifrət mövzusuna diqqət çəkir.

Ambassade de France en Azerbaïdjan / Fransanın Azərbaycandakı Səfirliyi
Canada in Türkiye

08/12/2025

Kitabıstanın həmtəsisçisi, "Gender & Media Watch" təşəbbüsünün təsisçisi Mələk Hacıyeva Brüsseldə keçirilən 2025-ci il Şərq Tərəfdaşlığı Vətəndaş Cəmiyyəti Sammitində iştirak edib.

Daha ətraflı məlumat üçün şərhdəki linkə daxil ola bilərsiniz 🙃

05/12/2025

Maarifpərvər, heç şübhəsiz, demokrat olmalıdır. Çünki maarifçilik bir fikri zənginləşdirərək ən mükəmməl hala gətirməyi özünə vəzifə seçməkdir. Bütün mütərəqqi fikirlər məhz demokratiyanın əsəridir. Fikirlərinizi səsləndirdikdə qarşı tərəfdən dözümsüz münasibət görmüsünüz?

03/12/2025

Kitabıstanın idarə heyətinin üzvü Abbas Ramazanov İsveç İnstitutunun gənc peşəkarlar üçün nəzərdə tutulan SAYP (2025-2026) proqramının STRIDE - Avropada etibarın, dayanıqlılığın və rəqəmsal demokratiya institutlarının gücləndirilməsi kursuna qəbul edilib.
Bu proqram İsveç İnstitutu tərəfindən Baltik dənizi regionu və Şərq Tərəfdaşlığı ölkələrində demokratik idarəetmə, şəffaflıq, dayanıqlılıq və Avropa İttifaqına inteqrasiya barədə məlumatlılığı artırmaq məqsədi ilə yaradılmış liderlik proqramıdır. Proqram gənc peşakarları bir araya gətirərək onların bacarıqlarının inkişafına, təcrübə və ideya mübadiləsinə imkan yaradır.
Abbas Ramazanov proqram çərçivəsində İsveçin Linköping Universiteti və Estoniyanın Tartu Universitetinin təşkil etdiyi akademik modullarda iştirak edəcək.
Dekabrın 2-də o, İsveç Krallığının Azərbaycandakı səfiri cənab Tobias Lorentzsonun dəvəti ilə proqram iştirakçılarının şərəfinə səfirin iqamətgahında təşkil edilmiş qəbulda iştirak edib.
Həmkarımız Abbası təbrik edir, təhsilində və peşəkar fəaliyyətində uğurlar arzulayırıq.

25/11/2025

Kitabıstanın həmtəsisçi Mələk Hacıyevanın başlatdığı Gender & Media Watch təşəbbüsü qadınlara və qızlara qarşı zorakılığa son qoyulması üçün kampaniyasına qoşulur.

25/11/2025

25 noyabr Qadınlara Qarşı Zorakılıqla Beynəlxalq Mübarizə Günüdür.
BMT-nin statistikasına əsasən, dünyada hər üç qadından biri fiziki və ya cinsi zorakılığa məruz qalır. Verilən son məlumatlara görə, hər gün təxminən 137 qadın partnyoru və ya ailə üzvü tərəfindən qətlə yetirilir. Bu cür hər bir hadisənin arxasında vaxtında tədbir görülməməsi, qanunların effektiv olmaması və cəzalandırıcı tədbirlərin gecikdirilməsi kimi faktlar dayanır.
Günümüzdə isə bu zorakılıqlara daha bir növ zorakılıq əlavə olunub: rəqəmsal zorakılıq. Qadınların 58 %-i internetdə təhqir, alçaldıcı şərhlər və təhdidlə üzləşir. Gənc qızların 3-də 1-i isə sosial şəbəkələrdə təzyiq və kiberbullinqə məruz qalır.
“Gender Kitabıstan” təşəbbüsü ilə zərərli gender stereotipləri, qadınlara qarşı nifrət nitqi, erkən nikahlar, qızların təhsil hüququnun əllərindən alınması, qadınlara qarşı zorakılıq və qadın qətllərinə qarşı mübarizəyə töhfə verməyə davam edirik.
Biz Kitabıstan olaraq qanunların aliliyini üstün tutan, gender bərabərliyinin təmin olunmasına əməli fəaliyyətlə töhfə verən bütün mütərəqqi izləyicilərimizi daha aktiv olmağa, qurbanlara dəstək verməyə və zorakılığı normallaşdıran narrativlərin yayılmasına imkan verməməyə səsləyirik.
Biz bir daha BMT-nin DİM 5-ə sadiqliyimizi vurğulayırıq.

14/11/2025

Biz Kitabıstan olaraq Nüvə Silahlarının Ləğv edilməsi üzrə Beynəlxalq Kampaniyanın (ICAN) tərəfdaşı seçilməyimizdən məmnunluğumuzu ifadə edirik.
Biz Kitabıstanın sülh mədəniyyətinin gücləndirilməsi istiqamətindəki öhdəliyini bir daha təsdiqləyirik. Qlobal nüvə təhlükəsi çağırışlarının olduğu bu dövrdə sülhün təşviqinə verdiyimiz kiçik töhfəyə böyük dəyər verib, bizə etimad göstərdiyi üçün ICAN-in İdarəetmə Komitəsinə öz təşəkkürümüzü bildiririk və inanırıq ki, qarşılıqlı əməkdaşlıq, birgə səylərimizlə ümumi işin uğurlu nəticəsinə töhfə verəcəyik.
Bir daha BMT-nin DİM 16 və 17-yə sadiqliyimizi vurğulayırıq.

Kitabıstan ICAN-in tərəfdaşı seçildi - Nüvə silahının ilk dəfə istifadə olunmasının 80-ci ildönümündə | Kitabıstan

13/11/2025

Sizcə bəşəriyyət üçün ən böyük təhlükə nədir?
Cavablarınız bizim üçün əhəmiyyətlidir. Çünki sizin cavablarınız əsasında yazı hazırlayacağıq.

05/11/2025

Kitabıstanın budəfəki qonağı Finlandiya Jurnalistlər İttifaqının sədri xanım Maryana Varmavuoridir.
Son 23 ildə Finlandiya Dünya Mətbuat Azadlığı İndeksində ilk beşlikdə yer almağa müvəffəq olmuş ölkə olmaqla yanaşı, həm də mediaya ictimai etimadın ən yüksək olduğu ölkələrdən biri olmağı bacarıb. Necə? Bu müsahibə Finlandiyanın söz azadlığı sahəsindəki nailiyyətlərinin sirlərini anlamağımıza kömək edəcək.

Maryana Varmavuori: "Mətbuat azadlığını qorumaq üçün mütləq yaxşı qanunlar olmalıdır" | Kitabıstan