ASAN Radio

ASAN Radio ASAN Radio 100 FM

Reklam 050 60 06 100 ASAN Radio - dövlət xidmətləri sahəsində ixtisaslaşan ilk və yeganə radiodur. ASAN Radio - Operativ, Dəqiq, Faydalı!

Xidmətlərlə yanaşı, Azərbaycanda və dünyada baş verən vacib xəbərləri ASAN Radio dinləyicilərinə birbaşa mənbədən, dəqiq və operativ çatdırır. Eyni zamanda, dinləyicilər bizim radioda aktual mövzuların müzakirə olunduğu maraqlı verilişlər və keyfiyyətli musiqi dinləyə bilir. ASAN Radio Bakıda və bölgələrdə 100, 96.5, 95.6 və 92.7 FM dalğalarında yayımlanır. Faydalı Məlumat dalğasını http://asanradio.az/listenradio-dan və mobil tətbiqlərdən də dinləyə bilərsiniz.

Bu gün “Qarabağ” – “Ferentsvaroş” matçı var“Qarabağ” UEFA Çempionlar Liqasının pley-off mərhələsində ilk oyununa bu gün ...
19/08/2025

Bu gün “Qarabağ” – “Ferentsvaroş” matçı var

“Qarabağ” UEFA Çempionlar Liqasının pley-off mərhələsində ilk oyununa bu gün çıxacaq.
“Köhlən atlar” Macarıstanda “Ferentsvaroş”un qonağı olacaq.
Qarşılaşma Bakı vaxtı ilə saat 23:00-da star götürəcək.
Qeyd edək ki, cavab matçı avqustun 27-də Bakıda baş tutacaq. Qalib tərəf UEFA Çempionlar Liqasının, məğlub olan isə Avropa Liqasının əsas mərhələsinə qatılacaq.

“ABAD” məhsulları artıq Wolt Market-də! 💙Wolt tətbiqi vasitəsilə qida məhsullarımızı sifariş verə bilərsiniz.
19/08/2025

“ABAD” məhsulları artıq Wolt Market-də! 💙
Wolt tətbiqi vasitəsilə qida məhsullarımızı sifariş verə bilərsiniz.

ABŞ Prezidenti Donald Tramp Ukrayna lideri Volodimir Zelenski və Avropa liderləri ilə görüşünün yekunlarını açıqlayıbO, ...
19/08/2025

ABŞ Prezidenti Donald Tramp Ukrayna lideri Volodimir Zelenski və Avropa liderləri ilə görüşünün yekunlarını açıqlayıb

O, "Truth Social" hesabında bu haqda yazıb.

• Əsas mövzu Ukrayna üçün təhlükəsizlik zəmanətləri olub. Avropa ölkələri ABŞ ilə koordinasiyalı şəkildə bu zəmanətləri təqdim edəcək.
• Tramp görüş zamanı fasilə verərək Vladimir Putinə zəng edib və Rusiya liderinin avqustun sonuna qədər Zelenski ilə görüşünün təşkilinə başlanılıb.
• Bundan sonra isə Tramp, Putin və Zelenskinin iştirakı ilə üçtərəfli görüşün keçirilməsi nəzərdə tutulur.
• Tramp həmçinin bildirib ki, Ankoricdəki görüş zamanı Putin Ukrayna üçün təhlükəsizlik zəmanətlərini qəbul etməyə razılıq verib.
• "Bu, dörd il davam edən münaqişə üçün çox yaxşı bir ilkin addımdır", - deyə Tramp qeyd edib.

ABŞ Prezidenti Donald Tramp bildirib ki, Ukraynaya müəyyən formada təhlükəsizlik zəmanətləri təqdim olunacaq.ABŞ lideri ...
18/08/2025

ABŞ Prezidenti Donald Tramp bildirib ki, Ukraynaya müəyyən formada təhlükəsizlik zəmanətləri təqdim olunacaq.

ABŞ lideri bunu Ağ Evdə Zelenski ilə görüşü zamanı deyib.

Amerika və Ukrayna liderləri arasında görüş bitib – YENİLƏNİBABŞ Prezidenti Donald Tramp bildirib ki, Zelenski və Putin ...
18/08/2025

Amerika və Ukrayna liderləri arasında görüş bitib – YENİLƏNİB

ABŞ Prezidenti Donald Tramp bildirib ki, Zelenski və Putin bu müharibənin bitməsini istəyir. “Bütün dünya bu müharibədən yorulub. Biz bunu sonlandırmağa çalışırıq. Mən 6 müharibəyə son qoymuşam və düşünürdüm ki, bu ən asanıdır. Lakin ən çətinidir. Bunun üçün çoxlu səbəblər var”,- deyə Tramp bildirib.

Donald Tramp qeyd edib ki, hər şey yaxşı getsə, biz üçtərəfli görüş keçirəcəyik. O bildirib ki, bu baş verərsə, müharibəni bitirmək üçün əsaslı şans olacaq. ABŞ lideri bildirib ki, görüşdə nəticə olmasa, bu, yolun sonu demək deyil: “İnsanlar öldürülür və biz bunu dayandırmaq istəyirik. Bu mənim deyil, Baydenin müharibəsidir. Baş verənlərlə ən çox əlaqəsi olan odur və biz bunun sona çatmasını istəyirik. Ukrayna xalqı inanılmaz dərəcədə əziyyət çəkdi.

Donald Tramp vurğulayıb ki, Ukraynaya müəyyən formada təhlükəsizlik zəmanətləri təqdim olunacaq.

Ukrayna Prezidenti təhlükəsizlik təminatı baxımından ölkəsinin hər şeyə ehtiyac duyduğunu deyib. Onun sözlərinə görə, Ukraynaya ilk növbədə silah, canlı qüvvə, təlim və kəşfiyyatdan ibarət güclü ordu lazımdır. Ukrayna lideri əlavə edib ki, bütün bunlar ABŞ və digər böyük ölkələrdən asılı olacaq.

Volodimir Zelenski vurğulayıb ki, Ukraynanın amerikalı və avropalı tərəfdaşlarının dəstəyinə ehtiyacı var. “Biz güclü insanlar olduğumuzu göstərdik və bu müharibəni dayandırmaq, bunu diplomatik yolla bitirmək üçün Birləşmiş Ştatların - Prezident Trampın şəxsi yardım ideyasını dəstəklədik. Biz Prezidentin dediyi kimi, üçtərəfli görüşə hazırıq. Bu üçtərəfli görüş fikri yaxşıdır.

*****************
Ağ Evdə Donald Tramp və Volodimir Zelenski arasında görüş başlayıb

18/08/2025

Ötən həftə daha oldu

Ukrayna Alyaskada razılaşdırılmış sülh şərtlərini rədd edib.Bunu Ukrayna Prezidenti Volodimir Zelenski Brüsseldə Avropa ...
17/08/2025

Ukrayna Alyaskada razılaşdırılmış sülh şərtlərini rədd edib.

Bunu Ukrayna Prezidenti Volodimir Zelenski Brüsseldə Avropa Komissiyasının Prezidenti Ursula Fon der Lyayen ilə görüşündə deyib.

"Bizə real danışıqlar lazımdır. Bu o deməkdir ki, onlar indi cəbhə xəttinin olduğu yerdən başlaya bilərlər. Təmas xətti danışıqlar üçün ən yaxşı xəttdir. Avropalılar bunu dəstəkləyir və biz hamıya təşəkkür edirik", - Zelenski deyib.

Ukrayna lideri həmçinin qeyd edib ki, Rusiyanın Donetsk bölgəsində heç bir uğuru yoxdur və 12 ildir Kreml rəhbəri Vladimir Putin bu ərazini ələ keçirə bilmir:

"Ukrayna Konstitusiyası ərazilərin təhvil verilməsini mümkünsüz edir. Ərazi məsələsi çox vacib olduğu üçün onu ancaq Ukrayna-ABŞ-Rusiya üçtərəfli görüşü zamanı Ukrayna və Rusiya liderləri müzakirə etməlidir. Hələlik Rusiya üçtərəfli görüşün baş tutacağına dair heç bir əlamət göstərməyib".

ABŞ prezidentinin xüsusi nümayəndəsi Stiven Uitkoff bildirib ki, Ağ Evin rəhbəri Donald Tramp Ukrayna lideri Volodimir Zelenski ilə görüşdə Rusiya və Ukrayna arasında ərazilərin mübadiləsi məsələsini müzakirə etmək niyyətindədir.

Avqustun 18-də Bakıda və Abşeron yarımadasında hava şəraiti əsasən yağmursuz keçəcək. Mülayim cənub-şərq küləyi əsəcək. ...
17/08/2025

Avqustun 18-də Bakıda və Abşeron yarımadasında hava şəraiti əsasən yağmursuz keçəcək. Mülayim cənub-şərq küləyi əsəcək. 27-32° dərəcə isti proqnoz edilir.

Rayonlara gəlincə, gecə və səhər bəzi dağlıq ərazilərdə duman olacaq. Mülayim şərq küləyi əsəcək. Havanın temperaturu 31-36°, dağlarda 20-25° isti olacaq.

Ağ Evin “X” hesabında ABŞ Prezidenti Donald Trampla rusiyalı həmkarı Vladimir Putin arasında Alyaskada keçirilən görüşlə...
16/08/2025

Ağ Evin “X” hesabında ABŞ Prezidenti Donald Trampla rusiyalı həmkarı Vladimir Putin arasında Alyaskada keçirilən görüşlə bağlı paylaşım edilib.

Paylaşımda ABŞ və Rusiya liderlərinin ağ-qara şəkli yer alıb.

Sözügedən fotoya “Məqsəd hər zaman sülhdür” cümləsi əlavə edilib.

Müğənni Rəqsanə İsmayılova dələduzluqda ittiham olunaraq saxlanılıbSabunçu rayonunda polis əməkdaşlarının vətəndaşlardan...
16/08/2025

Müğənni Rəqsanə İsmayılova dələduzluqda ittiham olunaraq saxlanılıb

Sabunçu rayonunda polis əməkdaşlarının vətəndaşlardan daxil olan şikayətlər əsasında həyata keçirdikləri tədbirlər nəticəsində dələduzluq etməkdə təqsirli bilinən 1979-cu il təvəllüdlü İsmayılova Rəqsanə İsmayıl qızı saxlanılıb.

Araşdırmalarla müəyyən edilib ki, o, iki nəfər zərərçəkən şəxsin ümumilikdə 35.000 manat dəyərində qızıl-zinət əşyalarını və 520.000 ABŞ dolları məbləğində pulunu dələduzluqla ələ keçirib.

Qeyd edilən faktlarla bağlı Sabunçu Rayon Polis İdarəsində Cinayət Məcəlləsinin xüsusilə külli miqdarda ziyan vurmaqla dələduzluq etmə maddəsi ilə cinayət işi başlanılıb və R.İsmayılova təqsirləndirilən qismində saxlanılaraq istintaqa cəlb olunub. Onun barəsində məhkəmənin qərarı ilə 4 ay müddətində həbs qətimkan tədbiri seçilib.

DİN-in Mətbuat Xidmətindən APA-ya məlumatı təsdiqləyiblər.

APA

Avqustun 17-də Bakıda və Abşeron yarımadasında havanın əsasən yağmursuz keçəcəyi gözlənilir. Lakin 16-dan 17-nə keçən ge...
16/08/2025

Avqustun 17-də Bakıda və Abşeron yarımadasında havanın əsasən yağmursuz keçəcəyi gözlənilir. Lakin 16-dan 17-nə keçən gecə və səhər bəzi yerlərdə arabir yağış yağacağı, şimşək çaxacağı ehtimalı var. 27-31 dərəcə isti olacaq.

Rayonlarda bəzi yerlərdə arabir yağış yağacağı, şimşək çaxacağı gözlənilir. Ayrı-ayrı yerlərdə yağışın qısamüddətli leysan xarakterli olacağı, dolu düşəcəyi, axşama doğru tədricən kəsiləcəyi ehtimalı var. 28-33, dağlarda isə gündüz 20-25 dərəcə isti olacaq.

Address

Baku

Telephone

+994506006100

Website

Alerts

Be the first to know and let us send you an email when ASAN Radio posts news and promotions. Your email address will not be used for any other purpose, and you can unsubscribe at any time.

Contact The Business

Send a message to ASAN Radio:

Shortcuts

Share

Category

Our Story

Azərbaycan Respublikasının Prezidenti cənab İlham Əliyevin tapşırığı ilə yaradılan ASAN Radio 24 dekabr 2015-ci il tarixdə yayıma başlayıb. Dövlət xidmətləri sahəsində ixtisaslaşan ilk və yeganə radiodur.

ASAN Radio sosial mediada fəallığı ilə seçilir və internet üzərindən canlı efirlər, audio, videoreportajlar yayımlayır, asanradio.az saytı daim yenilənir.

ASAN Radio dövlət qurumları, beynəlxalq təşkilatlar və aparıcı şirkətlərlə əməkdaşlıq edir. ASAN Radioda Amerika Birləşmiş Ştatlarının Azərbaycandakı səfirliyinin dəstəyilə “Hello Amerika!”, Avropa İttifaqının dəstəyi, ADA Universitetinin bələdçiliyi ilə “AvropadASAN” adlı verilişlər yayımlanır.

ASAN Radio həm də gələcəyin media işçilərini yetişdirir. ASAN könüllüləri, ADA Universitetinin, Azərbaycan Dillər Universitetinin, Bakı Dövlət Universitetinin jurnalistika fakültəsinin tələbələri radioda təcrübə keçirlər.