Şərq-Qərb ASC Nəşriyyat və Poliqrafiya

26/08/2025

Bu gün Azərbaycan Respublikasının Birinci vitse-prezidenti, Heydər Əliyev Fondunun prezidenti Mehriban xanım Əliyevanın doğum günüdür.
“Şərq-Qərb” ASC olaraq Mehriban xanım Əliyevanı doğum günü münasibətilə təbrik edir, ona möhkəm cansağlığı, ölkənin ictimai, sosial və mədəni həyatında göstərdiyi çoxşaxəli fəaliyyətində uğurlar arzulayırıq.

13/08/2025

Bədii nəsr sahəsində daha bir yenilik – “Şərq-Qərb” nəşriyyatında gənc yazıçı İradə Həsənovanın müəllifi olduğu “Yeni keçmiş” adlı roman işıq üzü görüb. Müəllifin dünya haqqında bu antiutopik əsəri oxucunu özünü tapmaq istəmədiyi bir dünyanın reallıqları ilə üz-üzə qoyur.
Kitabın maraqlı süjeti və dinamik quruluşu ilk səhifələrdən oxucunu hadisələrin mərkəzinə çəkir. Əsərdə keçmişin sirləri bu günə və gələcəyə təsir edir, baş qəhrəman Xilininin taleyini müəyyənləşdirir.
Ümid edirik ki, bir çox müxtəlif ədəbi janrlarda öz sözünü deyən gənc yazar İradə Həsənovanın bu yeni romanı müasir bədii ədəbiyyatda bestsellerə çevriləcək, süjeti və ideyası ilə ədəbiyyatsevərlərin marağına səbəb olacaqdır.

01/08/2025

24/07/2025

Tanınmış filosof Müşfiq Ötgünün oxucular tərəfindən maraqla qarşılanan “Tanımadığımız Konfutsi” adlı kitabı “Şərq-Qərb” nəşriyyatında ikinci dəfə nəşr edilmişdir. Müəllif kitabda Konfutsinin düşüncələrinə yeni və fərqli bir baxış təqdim edir: onu siyasi, fəlsəfi və etik kontekstdə dəyərləndirərək həm Şərq, həm də Qərb fəlsəfə tarixindəki yerini yenidən nəzərdən keçirir. Burada Konfutsinin ideyalarının əsl mahiyyəti, onun siyasi düşüncə sistemi və insan anlayışı, Çin fəlsəfəsinin Qərb fəlsəfi ənənələri ilə müqayisəli təhlili, stereotiplərin və sadələşdirilmiş yanaşmaların tənqidi haqqında məlumat verilir. Əsər fəlsəfə ilə maraqlanan oxucular üçün nəzərdə tutulub.

03/07/2025

Bu günlərdə “Şərq-Qərb” nəşriyyatında daha bir əhəmiyyətli layihəyə imza atılmışdır. Azərbaycan tarixi, Ermənistan-Azərbaycan münaqişəsi və Cənubi Qafqazın geosiyasətinə dair 250-dən çox elmi və publisistik məqalənin müəllifi, AMEA İnsan Hüquqları İnstitutunun baş elmi işçisi, 2014-cü ildən Qafqaz Tarixi Mərkəzinin direktoru Rizvan Hüseynovun “Azərbaycan və Qafqazda erməni məsələsi” kitabı işıq üzü görmüşdür. Kitab Azərbaycanın Cənubi Qafqazdakı tarixi ərazilərinə həsr olunub. Rusiya, Türkiyə, Gürcüstan və digər ölkələrin arxivlərində elmi araşdırmalar aparmış müəllif kitabda qədim dövr, orta əsrlər və son dövrlərə aid 400-dən çox mənbə təqdim etmişdir. Bu mənbələr əsasında Azərbaycanın ən qədim dövrlərdən Qafqazda baş verən bütün proseslərdə mühüm rol oynadığı sübut edilmişdir. Mənbələrin coğrafiyası və xronologiyası görülən işlərin ciddiliyini və Azərbaycan tarixinin öyrənilməsinə əhəmiyyətli töhfə verdiyini aydın şəkildə göstərir.
Kitab bölgəmizdə gedən ictimai-siyasi proseslərə fərqli nəzər salmağa və çar Rusiyası tərəfindən ermənilərin Qafqaza kütləvi şəkildə yerləşdirilməsinin altında yatan səbəbləri görməyə imkan verir. Həmçinin burada erməni köçkünlərinin bölgənin xristian xalqlarının zəngin mənəvi, memarlıq və yazılı irsini mənimsədiyinin bütün incəlikləri göstərilir.
Kitab ingilis dilində nəşr edilib və qeyd edilən məsələnin dünya ictimaiyyətinə çatdırılmasında əhəmiyyətli rol oynayacaq.

22/06/2025

Xəbər verdiyimiz kimi, Mədəniyyət Nazirliyi və Azərbaycanın Çindəki Səfirliyinin birgə təşkilatçılığı ilə Azərbaycan naşirləri Pekin Beynəlxalq Kitab Sərgisində iştirak edirlər. “Şərq-Qərb” ASC-nin bu sərgiyə verdiyi dəyərli töhfələrdən biri də Çin Xalq Respublikasının sədri Si Cinpinin nəşriyyatımızda çap olunan “Dövlət idarəçiliyi haqqında” I cild kitabının təqdimatı olub.

22/06/2025

Xəbər verdiyimiz kimi, Mədəniyyət Nazirliyi və Azərbaycanın Çindəki Səfirliyinin birgə təşkilatçılığı ilə Azərbaycan naşirləri Pekin Beynəlxalq Kitab Sərgisində iştirak edirlər. “Şərq-Qərb” ASC bu sərgidə Bakı şəhər İcra Hakimiyyəti və AMEA Tarix İnstitutu ilə birgə hazırladığı, 11 dildə, o cümlədən də çin dilində nəşr edilmiş “Vətən müharibəsi tarixi” kitabını Çin oxucularına təqdim edib.

21/06/2025

Mədəniyyət Nazirliyi və Azərbaycanın Çindəki Səfirliyinin birgə təşkilatçılığı ilə Azərbaycan naşirləri Pekin Beynəlxalq Kitab Sərgisində iştirak edirlər. Azərbaycan ikinci dəfədir ki, burada milli stendlə təmsil olunur.
“Şərq-Qərb” ASC-ni kitab sərgisində Nəşriyyat departamentinin direktoru Sevil İsmayılova təmsil edir.
Çin Milli Nəşrlərin İdxal və İxrac Qrupu tərəfindən təşkil olunan sərgidə bu il 80 ölkədən 1700-dən çox iştirakçı, o cümlədən 200-dən artıq beynəlxalq kitabxana və tədqiqat institutu iştirak edir. Sərginin fəxri qonaq ölkəsi isə Malayziyadır.
Sərgi zamanı Azərbaycan nəşrlərinin təbliği və tanıdılması istiqamətində müxtəlif görüşlər keçirilib.