Versiya.az

Versiya.az Versiya - İctimai-Siyasi Online Qəzeti 2013-cü il sentyabrın 10-dan fəaliyyət göstərir.

25/01/2026

Füzuli rayonunda yollar buz bağladı, vətəndaşlar köməksiz vəziyyətdə qaldı

Füzuli rayonu ərazisində hava şəraitinin kəskin pisləşməsi nəticəsində yolların buz bağlaması vətəndaşlar üçün ciddi çətinliklər yaradıb.
Versiya.az xəbər verir ki, güclü şaxta səbəbindən bir neçə avtomobil sürüşkən yol şəraitində hərəkətini davam etdirə bilməyərək yolda qalıb.

Hadisə ilə bağlı aidiyyəti qurumlara məlumat verilib. Əraziyə operativ qruplar cəlb olunaraq buz bağlamış yolda qalan avtomobillərə köməklik göstərilib, nəqliyyat vasitələrinin hərəkəti bərpa olunub.
Hadisə zamanı xəsarət alan olmayıb. Sürücülərə qarlı və buzlu hava şəraitində ehtiyatlı olmaları, sürət həddinə riayət etmələri və yol şəraitini nəzərə almaları tövsiyə olunur.

23/01/2026

Füzulidə 16 kiloqram narkotik vasitə aşkarlanıb

Füzuli Rayon Polis Şöbəsinin əməkdaşları tərəfindən keçirilən tədbir nəticəsində narkotik vasitələrin qanunsuz dövriyyəsində şübhəli bilinən Əyyub Məlikov və əvvəllər məhkum olunmuş Ramil Quliyev saxlanılıblar.
Versiya.az xəbər verir ki, onladan 12 kiloqram 635 qram marixuana, 2 kiloqram 880 qram tiryək, 1 kiloqrama yaxın metamfetamin və 800 ədəd psixotrop tərkibli metodon həbi aşkarlanıb. Bu şəxslərin narkotik vasitələri satmaq məqsədi ilə əldə etdikləri məlum olub.

Faktla bağlı cinayət işi başlanılıb. Ə.Məlikov və R.Quliyev barəsində həbs qətimkan tədbiri seçilib. Araşdırma aparılır.

⚡️ İcra başçısının müavininin ərizəsinə baxılmayıb Bir müddət əvvəl Füzuli Rayon İcra Hakimiyyətinin başçısının ictimai-...
21/01/2026

⚡️ İcra başçısının müavininin ərizəsinə baxılmayıb

Bir müddət əvvəl Füzuli Rayon İcra Hakimiyyətinin başçısının ictimai-siyasi, humanitar sahə üzrə müavini Gülbahar Eyvazova istefa ərizəsi yazdığı barədə məlumat vermişdik.

Ərizənin yazılmasına səbəb icra məmurunun həyat yoldaşı Habil Eyvazovun “Tiktok”da içki halda canlı yayım açaraq dinə, namaza istehzalı münasibət sərgiləyib, söyüşlərdən istifadə etməsi olub.

Gülbahar Eyvazovanın verdiyi istefa ərizəsi ilə bağlı son durumu öyrənməyə çalışdıq.

İcra hakimiyyətindən əldə etdiyimiz məlumata görə, icra başçısı Alı Alıyev hələlik ərizəyə baxmayıb.

Buna səbəb icra başçısının əmək məzuniyyətində olmasıdır. O, həftə sonu qayıdacaq və ərizəyə baxacaq. Məhz bundan sonra yekun qərar veriləcək.

Modern.az

🇦🇿 Sabah Xankəndiyə ilk köç olacaqMüxtəlif yerlərdə məskunlaşan, çətin şəraitdə yaşayan məcburi köçkünlərin bir qismi Xa...
20/01/2026

🇦🇿 Sabah Xankəndiyə ilk köç olacaq

Müxtəlif yerlərdə məskunlaşan, çətin şəraitdə yaşayan məcburi köçkünlərin bir qismi Xankəndiyə köçürüləcək.

Dekabrın 20-də Xankəndinin Kərkicahan qəsəbəsinə ilk köç olub.

19/01/2026

⚡️İcra başçısının müavini "Tiktok" videosuna görə işdən ayrılır

Füzuli Rayon İcra Hakimiyyətinin başçısı Alı Alıyevin ictimai-siyasi, humanitar sahə üzrə müavini Gülbahar Eyvazova həyat yoldaşının “Tiktok”da qeyri-etik ifadələr işlətməsi ilə gündəmə gəlib.

eyni zamanda icra hakimiyyətində sürücü işlədiyi deyilən müavinin həyat yoldaşı Habil Eyvazov içkili halda canlı yayım açaraq dinə, namaza istehzalı münasibət sərgiləyib, həmçinin söyüşlərdən istifadə edib.

Onun bu hərəkəti müzakirələrə səbəb olub və sərt tənqid edilib.

Məsələ ilə bağlı Füzuli Rayon İcra Hakimiyyətindən sorğumuza belə cavab verildi: “Sürücü vəzifəsində işləyən Habil Eyvazov uzun müddətdir ki, bizdə çalışmır. Bu gün isə Gülbahar Eyvazova işdən ayrılmaq üçün ərizə yazıb. Onun müraciətinə baxılacaq”.

(Mənbə: Qafqazinfo)

🇮🇷🇺🇸 “Tramp cəfəngiyat danışır və öz işi ilə məşğul olmalıdır.”Bu barədə Tehran prokuroru Əli Salehi ABŞ prezidentinin ...
18/01/2026

🇮🇷🇺🇸 “Tramp cəfəngiyat danışır və öz işi ilə məşğul olmalıdır.”

Bu barədə Tehran prokuroru Əli Salehi ABŞ prezidentinin İranda 800 nəfərin edamının dayandırılmasına dair açıqlamasını şərh edərkən bildirib.

Salehinin sözlərinə görə, hakimiyyətin cavabı “qəti, çəkindirici və sürətli” olacaq. O həmçinin qeyd edib ki, etirazlarda iştirak edənlərlə bağlı çoxsaylı işlər üzrə artıq ittihamlar irəli sürülüb və materiallar məhkəməyə təqdim olunub.

İranın müxtəlif şəhərlərində güc strukturlarının sərt tədbirlərinə paralel olaraq, Iran International-ın əldə etdiyi məlumatlar ölkə üzrə ölənlərin sayında kəskin artımı göstərir. Mənbələrin bildirdiyinə görə, bəzi bölgələrdə demək olar ki, hər ailə ya yaxınını itirib, ya da ən azı bir həbs olunan və ya yaralanan qohumu var.

Prezident İlham Əliyev Şəhidlər xiyabanında 20 Yanvar şəhidlərinin əziz xatirəsini yad edib.Dövlət başçısı “Əbədi məşəl”...
18/01/2026

Prezident İlham Əliyev Şəhidlər xiyabanında 20 Yanvar şəhidlərinin əziz xatirəsini yad edib.

Dövlət başçısı “Əbədi məşəl” abidəsinin önünə əklil qoydu.

18/01/2026

Baş Dövlət Yol Polisi İdarəsi bölgələrə səfər edən və hərəkətdə olan sürücülərə müraciət edir:

Hazırda ölkənin bir sıra bölgələrində müşahidə olunan qar yağışı və şaxtalı hava şəraiti avtomobil yollarında hərəkəti xeyli çətinləşdirir. Sürüşkən yol örtüyü, məhdud görünüş məsafəsi və qəfil hava dəyişiklikləri yol-nəqliyyat hadisələri riskini artırır. Təhlillər göstərir ki, qarlı hava şəraitində baş verən qəzaların əsas səbəblərindən biri mövsümə uyğun olmayan və aşınmış şinlərdən istifadədir.

Bu səbəbdən sürücülərdən xahiş edirik:
• Zərurət olmadıqca uzunməsafəli və dağlıq ərazilərə səfərlərdən çəkinin;
• Nəqliyyat vasitələrinin texniki sazlığını, xüsusilə şinlərin qış mövsümünə uyğunluğunu, diş dərinliyini və təzyiqini mütləq yoxlayın;
• Qarlı və sürüşkən yollarda adi şinlərlə deyil, qış şinləri ilə hərəkət edin;
• Sürət həddini yol və hava şəraitinə uyğun seçin, təhlükəsiz məsafəni qoruyun;
• Yorğun və yuxusuz halda sükan arxasına əyləşməyin.

Baş Dövlət Yol Polisi İdarəsinin əməkdaşları bölgələrdə gücləndirilmiş rejimdə xidmət aparır, təhlükəli yol sahələrində nəzarət və sürücülərlə izahedici söhbətlər davam etdirilir.

Unutmayaq: Qarlı havada düzgün şin seçimi sükan arxasında təhlükəsizliyin əsas şərtidir.
Yollarda diqqətli olaq, təhlükəsizliyə birlikdə töhfə verək.

⚡️🇸🇾 Suriyanın keçid dövrü Prezidenti Əhməd əl-Şaraa Novruz bayramını Suriyada rəsmi dövlət bayramı elan edib.📌 Novruz b...
17/01/2026

⚡️🇸🇾 Suriyanın keçid dövrü Prezidenti Əhməd əl-Şaraa Novruz bayramını Suriyada rəsmi dövlət bayramı elan edib.

📌 Novruz bayramı (21 mart) Suriya Ərəb Respublikasının bütün bölgələrində ödənişli rəsmi tətil günü kimi qeyd olunacaq.

17/01/2026

Qaxda dələduzluqla vətəndaşların mal-qarasını ələ keçirən şəxs həbs olunub

Qax Rayon Polis Şöbəsinin əməkdaşlarının daxil olmuş müraciətlər əsasında həyata keçirdikləri tədbirlərlə vətəndaşların etibarından sui-istifadə edərək onların maddi vəsaitini ələ keçirən 31 yaşlı Elmin Sutayev saxlanılıb.
O, zərərçəkənlərin iri və xırdabuynuzlu mal-qarasını dələduzluq yolu ilə alıb, həmçinin rayon sakininə digər həqiqətə uyğun olmayan vədlər verib.
Faktla bağlı cinayət işi başlanılıb, E.Sutayev təqsirləndirilən şəxs qismində istintaqa cəlb olunub. Məhkəmənin qərarı ilə həmin şəxs barəsində həbs qətimkan tədbiri seçilib.

15/01/2026

Təbrizdə hərbi vəziyyət elan edilib.

📌 Vətəndaşlara axşam saat 8-dən sonra küçələrə çıxmaq qadağan edilib.

📌 Təbrizin Böyük Bazarı və əsas ərzaq mağazalarının bağlı olduğu bildirilir. Bəzi kiçik mağazalar məhdud saatlarda açıq olsa da, zəruri mallara çıxış məhdud olaraq qalır.

📌 İddia edilir ki, Təbrizin bütün ərazilərinə, o cümlədən kiçik və ucqar ərazilərə çoxlu sayda hərbi və təhlükəsizlik qüvvələri yerləşdirilib.

Tramp Reza Pəhləvi barədə:“O, çox xoş təəssürat bağışlayan bir insandır, amma onun öz ölkəsində necə davranacağını bilmi...
15/01/2026

Tramp Reza Pəhləvi barədə:

“O, çox xoş təəssürat bağışlayan bir insandır, amma onun öz ölkəsində necə davranacağını bilmirəm.

Bilmirəm, ölkəsi onun liderliyini qəbul edəcəkmi, amma əgər qəbul edərsə, bu, məni tam qane edər.”

Address

Baku
1065

Telephone

+994502863145

Website

Alerts

Be the first to know and let us send you an email when Versiya.az posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Versiya.az:

Shortcuts

Share

Category