Qafqaz Xəbər Agentliyi

28/01/2025

Ayxanım hacının oğlu Serjikin gömrükdə 2 milyon tələb etməsi üzə çıxdı

"Azadlığa çıxmaq üçün uşaqlarını ağlamağa məcbur edən MTN polkovnikinin acı hekayəsi" başlıqlı yazıda MTN-nin polkovnikinin Ermənistanın eks-prezidenti Serj Sarkisyanla xarici görünüşünün oxşarlığını xüsusilə qeyd etmişdim. Məhkum MTN-nin polkovnikinin adını çəkməsəm də, murdar hərəkətlərinə görə cəzaçəkmə müəssisəsində digər məhkumlar tərəfindən Aykanuş hacının oğlu yox, “Ayxanım hacının oğlu” çağrılaraq, eləcə də adlandırılmışdı. Dövlət Gömrük Komitəsində qızıl -zinət əşyalarının ölkəyə gətirilməsi monopoliyasını ələ keçirərək, neçə illər ərzində sahibkarları MTN-nin adından hədələyərək onlara zülmlər etmişdir. 2015-ci ilin MTN olaylarında Ayxanım hacının oğlu da həbs olunub 14 il müddətinə azadlıqdan məhrum edilmişdi. MTN olayları baş verməsəydi də, MTN-nin rəhbəri Eldar Mahmudovun göstərişi ilə Ayxanım hacının oğlu törətdiyi cinayətlərə görə MTN tərəfindən həbs olunub azadlıqdan məhrum ediləcəkdi. Onun MTN-nin adından sui-istifadə edərək MTN-də bazar açmasından naziri məlumatlandırmışdılar və E.Mahmudovun göstərişi ilə artıq Ayxanım hacının oğlunun üzərində əməliyyat qurulmuş və əməliyyata iki MTN generalırəhbərlik edib. Ayxanım hacının oğlu həbs olunmazdan iki həftə əvvəl bir tanışımla şəhərdə “Torqovıy” adlanan küçədə yerləşən "Dəfnə" kafesində çay içirdim. Birdən kafedə Ayxanım hacının oğlunun qardaşı görsəndi və mənimlə əyləşən yoldaşla tanış olduqları üçün onlar salamlaşdılar. Özümdən asılı olmayaraq, onların söhbətinin şahidi oldum. Yanımdakı tanışım ondan qardaşını, yəni Ayxanım hacının oğlunu və MTN-də işlərinin necə getdiyini soruşdu. Qardaş suala cavab vermək üçün az qala masanın üstünə çıxaraq çıxıb cavab verdi ki, " qardaşımın işləri əla, çox yaxşı gedir, çox güman bu gedişatla bu yaxınlarda general ali rütbəsinə layiq görüləcək. Sağ olsun dövlətimiz ki, ona elə bir yüksək və məsuliyyətli vəzifəni etibar edib".

Elə bu çıxışdan iki həftə sonra Ayxanım hacının oğlu həbs olundu, beləliklə onun qardaşının istək və arzuları ürəyində qaldı. Ayxanım hacının oğlu vəzifədə olduğu dövrdə qardaşını da öz çirkin əməllərinə cəlb etmişdi, lakin istintaq qardaşı ilə bağlı epizodlara nədənsə göz yumdu. Görünür istintaqçılar Ayxanım hacının oğluna qarşı humanizm prinsipi nümayiş etdirərək, türməyə yanına gəlib-getmək üçün qardaşını azadlıqda saxlamışdılar. Ayxanım hacının oğlunun sahibkarlara zülmlər etdiyindən dəfələrlə söz açmışam. Lakin yeni daxil olan məlumatlara görə, bir müddət əvvəl "gömrük işi" adlanan keçirilmiş əməliyyat tədbirləri nəticəsində həbs olunan məsul vəzifəli şəxsdən də Ayxanım hacının oğlu hədə-qorxu ilə 2 milyon ABŞ dolları tələb etmişdi.

Qardaşının zəng etmədiyi tanışım qalmayıb, onlara yalvararaq onların vasitəsilə mənə təsir göstərmək istəyir ki, Ayxanım hacının oğlu ilə bağlı yazılara son qoyum. Lakin bu cür hərəkətindən sonra onun da törətdiyi cinayətlərdən gələn yazılarımda söz açacam.

Ayxanım hacının oğlunun qardaşına bildirmək istəyirəm ki, onun cavanlıqda yaxşı dərzi olduğundan məlumatlıyam. Ona məsləhətim odur ki, sənətə qayıdıb, yenidən sənətkar olsun. Avenue-Zamin, güvəndiyin Nadir, Nizami və Rasimdən bir nəticə olmaz. Bir sözlə: get kostyumlarını tik və Allaha şükür elə ki, istintaq sənin əməllərinə göz yumub. Eşitdiyimə görə mollaxanımın yanından çıxmırsan, gecə-gündüz mənə bəddualar yağdırırsan. Yazdır, amma belə yazdıransansa, qardaşın Ayxanım hacının oğlu üçün yazdır, bəlkə sənin yazdırdığın dualardan sonra əfvə düşdü. Amma çətin, çünki zülm etdiyi insanların qarğışları hələ bitməyib. Ardı var.

Mahmud Rasimoğlu
14/01/2025

18/01/2025

Jurnalist cəzaçəkmə müəssisəsində infarkt keçirib

"Qafqaz Xəbər Agentliyi"nin rəhbəri jurnalist Mahmud Rasimoğlu Tağıyev 12 il müddətinə azadlıqdan məhrum olunaraq, Penitensiar Xidmətin 9 saylı Cəzaçəkmə Müəssisəsində yeddinci ildir ki, cəza çəkir. Yanvarın 15-dən 16-a keçən gecə M.Rasimoğlu hipertoniya xəstəliyindən əziyyət çəkdiyi üçün ürəyindən infarkt olub. Qeyd edək ki, M.Rasimoğlu neçə illərdir ki, hipertoniya xəstəliyindən əziyyət çəkir və ürək təzyiqinin çox yüksək olduğundan tez-tez ürək ağrıları ilə üzləşir. Ailə üzvlərinin dediyinə görə, M.Rasimoğlu yeddinci ildir ki, ona qarşı haqsızlığın, bitib- tükənmək bilməyən qərəzin zillətlərini çəkməkdədir, və bunun nəticəsində sağlamlığını demək olar ki, tamamilə itirib. Həkim nəzarəti və dərmanların təhcizatı ilə təmin olunsa da, hipertonik izlər və ürək sancıları tez-tez davam etdiyi üçün son nəticədə ürəyindən infarkt olub. Məlumat üçün bildirək ki, M.Rasimoğlu korrupsioner məmurların barəsində jurnalist araşdırmaları apardığı üçün onların sifarişi ilə 03.07.2018-ci ildə şərlənərək həbs olunub, 12 il müddətinə azadlıqdan məhrum edilmişdir. Dəfələrlə Prezidentin yanında əfv məsələləri üzrə komissiyası tərəfindən əfv siyahısına salınsa da, onun adı son dəqiqələrdə hansısa qüvvələr tərəfindən siyahıdan çıxarılmışdır. Görünür Prezidentin humanizm prinsipindən bəzi qüvvələrin ya xəbəri yoxdur və yaxud da M.Rasimoğluya Prezident tərəfindən humanizm prinsipinin tətbiq olunması həmin qüvvələrə sərf eləmir. Çox güman ki, həmin qüvvələr M.Rasimoğlunun azadlığa çıxaraq onları elə Prezidentin qarşısında ifşa etdiklərinrən ehtiyat edərək, M.Rasimoğlunun həbsdə səbirsizliklə sonunu gözləyirlər. Yəni, guya öz əcəli ilə dünyasını dəyişməyini arzulayırlar. Həmkarlarımızdan da bizə dəstək olmalarını xahiş edirik. Tanrıdan M.Rasimoğluna şəfa diləyirik.
"Qafqaz Xəbər Agentliyi"nin kollektivi hadisəni nəzarətdə saxlayacaq.

Seymur Ağdaş

13/12/2024

11/12/2024

Öz gözündə şalbanı görməyən Frankenşteyn başqasının gözündə tük axtarır – “Sabiqlər” rubrikasından

Frankenşteyn öz gözündə həm şalbanı görür, həm də tükü. Sadəcə özünü görməzliyə vurur.
Eh, vaxt var idi ki, buradakı sabiqlər ölkədə at oynadırdılar: maşınlar, cangüdənlər, gözəl-göyçək katibələrlə villalarda kef çəkir, adaxlıbazlıq və digər işlərlə məşğul olurdular.
Amma bu gün onlar törətdikləri cinayətlərə görə həbs olunub, uzun müddətə azadlıqdan məhrum ediliblər.

Onların bəzilərinin cinayət məsuliyyətinə cəlb olunmasında biz jurnalistlərin də az əməyi olmayıb. Obyektiv jurnalist araşdırmaları apararaq onların əməllərini ifşa edib ictimaiyyətə təqdim etmişik. Onlar haqqında mənfi ictimai rəy formalaşandan sonra cinayət məsuliyyətinə cəlb olunublar.

Demək olar ki, hər kəs bilir ki, bəndəniz 7-ci ildir ki, Penitensiar Xidmətin 9 saylı cəzaçəkmə müəssisəsində məhkumluq həyatı yaşayır. Buranın məhkum kontingenti digər müəssisələrin məhkumlarından xeyli fərqlidir. Çünki burada əsasən sabiq məmurlar cəza çəkir.

Bir vaxtlar ölkənin beyin mərkəzləri sayılan bu şəxslər indi burada yeyib-içib bekarçılıqdan qeybət edirlər. Mənim fikrimcə, onlar Rusiyanın həbsxanalarında cəza çəkib səhərdən axşama qədər Sibir meşələrində ağac kəsib yerbəyer etsəydilər, bəlkə də qeybət etməyə heyləri qalmazdı. Ancaq bizim cəzaçəkmə müəssisəmiz qocalar evinə bənzədiyi üçün buranın bəzi sabiqləri səfeh işlərlə məşğuldurlar.

Haqqımda qeybət edən sabiqlərdən birinə cavab vermək istədim. Sonra ehtiyat etdim. Bu yaxınlarda sui-qəsdə məruz qalmağımı bir çoxlarınız bilirsiniz. Ona görə də hələ ki, özümə “stop” dedim.

Cavab vermək istədiyim həmin sabiq xarici görünüşü ilə “Drakula” filmindəki Frankenşteynə bənzəyir. Neçə illər yüksək rütbəli məmur işlədiyi üçün 200 milyon avro sərvəti var. Bizim başqasının sərvətində gözümüz yoxdur. Kimin nəyi varsa, özünə qismət olsun. Amma söhbət cinayət yolu ilə əldə edilmiş varidatdan gedirsə, xalqın ağır maddi durumu dərhal göz önünə gəlir.

Burada da həmin məmur məhkum olmasına baxmayaraq, xalqın sərvətinin hesabına digər məhkumlardan ibarət mütəşəkkil qoşun saxlayır. “Mütəşəkkil” sözünə xüsusi diqqət yetirin. Niyə məhz mütəşəkkil? Çox güman ki, bu söz onun beyninə gənclik illərindən həkk olunub.

Gənc yaşlarında o mütəşəkkil qaydada mərhum eks-prezident Əbülfəz Elçibəylə risk edib görüşlər keçirərək onun qəlbini fəth etmişdi. Sonradan yüksək vəzifəli məmur olan bu şəxs indi burada hikkəsindən gözləri qan çəkərək cəza çəkir. Məhkum olmasına baxmayaraq, mənim haqqımda qeybət edərək məni burada “reket jurnalist” adlandırıb.

Lakin çox yanılır. Çünki vaxtilə ən böyük reket məmurlardan biri özü olub. İndi isə burada yığdıqlarını qaytarsa da, əfvə düşə bilmir və buna görə jurnalistləri günahlandırır. Reket nazirlə kirvə olaraq oğlunu həmin nazirlikdə işə düzəldib, ondan oğluna reketçiliyi yaxşı öyrətməsini xahiş edib ki, sabah atasının yarımçıq qalan işlərini davam etdirsin.

Mən isə nə nazir olmuşam, nə general. Vaxtilə təsadüfən Daxili İşlər Nazirliyinin zabiti olmuşam. Daha sonra kriminal xəbərlər üzrə jurnalist araşdırmaları apardığım üçün bu sabiqlərin arasına düşmüşəm. İndi isə düşündüm ki, ən yaxşısı, "Frankenşteynə" yazaraq ictimaiyyət vasitəsilə cavab verim.

Sabah o mənim üstümə mütəşəkkil qoşun göndərsə, mən də cavab olaraq bildirərəm ki, “axı vaxtında bu barədə balaca cızma-qara edərək ictimaiyyəti məlumatlandırmışdım”.

Mən bu sabiq "Frankenşteyni" qınamıram. O, neçə illər yüksək rütbəli məmur vəzifəsində işləyərək cəmiyyətə neqativ baxışla yanaşıb və indiyə qədər baş verənlərdən bir nəticə çıxarmayıb. Azadlıqda olduğu kimi, burada da mütəşəkkil qoşun saxlayır.

Onun kimi sabiq məmurların çirkin əməllərini ictimailəşdirdiyim üçün bu gün də reket məmurlar tərəfindən təhdid və şantaja məruz qalıram. Ölkənin əksər tənqidçi jurnalistləri şərlənərək reketçilikdə suçlanıb uzun müddətə azadlıqdan məhrum edilib. Halbuki bütün dünya ictimaiyyəti bilir ki, tənqidçi jurnalist reket ola bilməz.

Ey Frankenşteyn! Sən dəvə saxlaya, həmkarının ailəsini maşından düşürüb avtomobilini əllərindən ala bilərsən. Amma unutma ki, cəmiyyətdə elə yaşamalısan ki, öz keçmiş həmkarını həbsxanada görüb onun üstünə mütəşəkkil qoşun göndərməyəsən.

Ardı var…
Mahmud Rasimoğlu
17.11.2024

06/12/2024

Azadlığa çıxmaq üçün uşaqlarını ağlamağa məcbur edən MTN polkovnikinin acı hekayəsi

Serj Sarkisyanın fotosu ilə hekayəyə başlamağımın səbəbi bəhs etdiyim polkovnikin Ermənistanın keçmiş prezidenti Serj Sarkisyanla oxşarlığının, sanki, bir almanın iki yerə bölünməsinə bənzəməsidir.

MTN polkovnikinin əsl adını çəkməsəm də, onun murdar hərəkətlərinə görə məhkum yoldaşları onu “Aykanuş hacının oğlu” deyil, “Ayxanım hacının oğlu” kimi çağırırlar və belə də tanıyırlar.

Bu “Ayxanım hacının oğlu” vaxtilə MTN-də irəli çəkilmək üçün mərhum eks-nazir Namiq Abbasovla qohum olmuşdur. Daha sonra sələfi Eldar Mahmudovun dönəmində də xidmətini davam etdirmiş və hətta Gömrük Komitəsində qızıl-zinət əşyalarının monopoliyasını ələ keçirmişdir.

O, illər boyu zərgərlik fəaliyyəti ilə məşğul olan sahibkarlara MTN adı ilə təzyiqlər edərək onların evlərini, son qəpiklərini əllərindən almış, hətta bəzilərini dilənçi vəziyyətinə salmışdır. İtaət etməyənləri isə həbs etdirərək uzun müddət azadlıqdan məhrum etmişdir.

2015-ci ilin MTN hadisələrində “Ayxanım hacının oğlu” da həbs olunaraq 14 il müddətinə azadlıqdan məhrum edilmişdir.

O, Penitensiar Xidmətin 9 saylı Cəzaçəkmə Müəssisəsinin məhkumu olandan sonra öz aləmində dövlətə qarşı hiyləgər plan hazırlamışdır. Prezident Aparatında yüksək vəzifəli bir məmurun nəvələrinin oxuduğu məktəbə öz uşaqlarını yerləşdirməyə nail olmuşdur. Amma bununla kifayətlənməmiş, uşaqlarına telefonla zəng edərək ağlamağı öyrətmişdir.

Uşaqlarına belə demişdir: “Əgər Prezident Aparatındakı məmurun nəvələrini götürməyə gələnləri görsəniz, ağlamağa başlayın. Sizi soruşsalar ki, ‘Uşaqlar, niyə ağlayırsınız?’ deyin ki, ‘Bizim atamız MTN polkovniki olub, amma indi həbsdədir. Xahiş edirik, onun azadlığa çıxmasına kömək edin.’”

Təhlükəsizlik xidməti onun bu hiyləsindən xəbər tutaraq vaxtında qabaqlayıcı tədbirlər görmüş və bu planı boşa çıxarmışdır.

Vaxtilə sahibkarlara qan udduran, onları həbs etdirən bu polkovnikin ağlına belə gəlməzdi ki, bir gün özü həbs olunacaq və azadlığa çıxmaq üçün hətta öz uşaqlarından belə istifadə edəcək.

Onun canını yandıran əsas məsələ isə rəhbərlik etdiyi idarənin baş idarə rəisinin 2020-ci ildə əfv edilərək azadlığa çıxmasıdır. Halbuki o, hələ də həbsxanadadır və uşaqlarına ağlamağı öyrətməklə məşğuldur.

Əslində, MTN olayları baş verməsəydi də, Eldar Mahmudovun göstərişi ilə “Ayxanım hacının oğlu” törətdiyi cinayətlərə görə MTN tərəfindən həbs ediləcəkdi. Onun MTN adından sui-istifadə edərək öz biznes bazarını qurduğu barədə nazirə məlumat verilmişdi.

Eldar Mahmudovun tapşırığı ilə “Ayxanım hacının oğlu”nun üzərində əməliyyat planı hazırlanmış və iki MTN generalı bu əməliyyata rəhbərlik etmişdi. Lakin MTN olayları baş verdiyi üçün onun üzərində qurulan əməliyyatı digər hüquq-mühafizə orqanı həyata keçirmişdir.

Bir sözlə, ona qandal vurulması əsl MTN-çilərə qismət olmamışdır.

Cəzaçəkmə müəssisəsində məhkum yoldaşları onun Serj Sarkisyanla necə də oxşadığını deyirlər. “Ayxanım hacının oğlu” isə bununla fəxr etdiyini bildirir. Onun bu sözündən sonra məhkumlar yumruqla onun plastik əməliyyat olunan burnunu sındırmışlar. Üstəlik, deyiblər: “Kaş qulaqlarını da plastik əməliyyat etdirərdin, onları da sındırardıq!”

Beləliklə, məhkum MTN polkovnikinin acı hekayəsi burada sona çatır.

Mən isə artıq yeddi ildir ki, məhkumluq həyatı yaşayıram. Bəzən hətta bu vəziyyətimə sevinirəm. Fikirləşirəm ki, həbs olunmasaydım, burada murdar və mənfi xarakterli məhkumlarla rastlaşmaz, onların bu çirkin əməllərindən hekayələr yazmaq mənə nəsib olmazdı.

Yaxşısını bilən Allahdır!

Mahmud Rasimoğlu
07.11.2024.

23/10/2024

“ŞaurmaN1” qalmaqalının gerçəkləri: ölkə rəhbərliyindən ədalət istənilir

Azərbaycan ictimaiyyətində böyük rezonans doğuran “ŞaurmaN1” işinin yeni detalları üzə çıxıb. Obyektiv media araşdırmaları onu göstərir ki, əslində baş verənlərədə zərərçəkən qanunun tanıdığı qrup yox, həbs cəzası alan Aqil Babayevdir.

“ŞaurmaN1” necə dirçəldi, yaxud Natiq Sadıqovun Aqil Babayevə borclanması

“ŞaurmaN1” Bakı şəhərində Nizami 81 ünvanında Natiq Sadıqovun rəhbərliyi altında ilkin fəaliyyətə başlayıb. Atası Eldəniz Sadıqovun keçmişdə pivəxana kimi işlətdiyi məkanın profilini dəyişən N.Sadıqov bu işdə özünü doğrultmur. Həm atasının müalicəsi, həm də digər xərcləri üçün yaxın münasibətdə olduğu Aqil Babayevə pul üçün müraciət edən N.Sadıqovun Aqilə 800 min manata yaxın borcu yaranır. 2010-cu ildə N.Sadıqov Nizami 81 ünvanındakı obyekti sataraq borclarını ödəmək fikrinə düşür. Bu vaxt Aqil Babayev bir dost kimi ona borca görə narahat olmadığını, obyekti işlətməsini məsləhət görür. N.Sadıqovun dəfələrlə təkidli xahişindən sonra tərəflər arasında şifahi şəriklik anlaşması olur. 2011-ci ildən məhz Aqil Babayevin maddi dəstəyi və birbaşa işin üstündə durması nəticəsində “ŞaurmaN1” şəbəkəsi böyüyür, yeni filiallar açılır.

Natiq Sadıqovun xəyanəti: pul hərisliyindən sənəd saxtakarlığınadək

Gəlirlərin həddən artıq artdığını görən Natiq Sadıqov gizli şəkildə həm maliyyə, həm də digər məsələlərdə maxinasiyalara yol verir. Bununla bağlı hətta iclasların birində bütün bunlar açıq müzakirə olunur və Aqil Babayev Natiq Sadıqov və dəstəsinin oğurluqlarını ifşa edir. Görünür, bu, Natiq Sadıqova xoş gəlmir və Aqil Babayevlə aralarında münasibətlər 2018-ci ildən daha da kəskinləşməyə başlayır. Eyni zamanda Standartlaşdırma, Metrologiya və Patent üzrə Dövlət Komitəsi tərəfindən Ceyhun Məhərrəmova 4 mart 2010-cu il tarixli (reyestr nömrəsi 2010 0274) ŞAURMA №1 nömrəli əmtəə nişanına hüququnun təsbit edilmiş sertifikat, əmtəə nişanı saxta yolla Natiq Sadıqovun xalasıoğlu Teymur İmaməliyevin adına keçirilir. Belə ki, sənədi notarial qaydada təsdiq etmədən həqiqi mülkiyyətçi Ceyhun Məhərrəmovun ona hüquqların könüllü keçməsi haqqında imzası saxtalaşdırılır. Daha sonra İmaməliyev özünə yaxını Səbuhi Əliyevi şərik tapır və ona yenidən mülkiyyət şəhadətnaməsi verib. Bir müddət sonra Səbuhi Əliyev də notarius vasitəsilə həmin sənədi İmaməliyevin özünə yenidən rəsmiləşdirib. Saxta sənədi “yuyaraq” və bununla da əqli mülkiyyətin “qanuni” sahibinə çevrilib.

Aqil Babayevin evinə quldur basqını

Bütün bu proseslərin fonunda Natiq Sadıqovla Aqil Babayev arasında son telefon mesajlaşmasında N.Sadılqov A.Babayevə səhvlərini etiraf edib yalvararaq bağışlanmasını xahiş edir. İyun ayının 6-da olan bu yalvarışıdan iki gün sonra isə Xəzər rayonu, Buzovna qəsəbəsi, Badamlıq ərazisi, Musa Nağıyev küçəsində yerləşən bağ evində 25-30 nəfərdən ibarət cinayətkar qrup tərəfindən əvvəlcədən planlaşdırılmış şəkildə girov götürülərək, köməksiz vəziyyətə salınmış, döyülərək, işgəncələrə məruz qalmış və həmin şəxslər tərəfindən quldurluq yolu ilə 9 000 000 (doqquz milyon) manat pulu və digər əmlakları ələ keçirilmişdir. Əvvəlcə bağ evindəki pullarını və qiymətli əşyalarını götürərək soyğunçuluqla əldə etdiklərinin əslində elə onlara aid olduğunu bildiriblər. Bu əməlləri başının dəstəsi ilə icra edən Anar adlı şəxs isə Aqilin telefonundan həyat yoldaşına mesaj yazaraq Xətai rayonunda onun yaşadığı evə daxil olub, mənzilin 5-ci mərtəbəsindən bütün zinyət əşyalarını, 9 milyon pulu götürərək BMV GT markalı avtomobillə aparıblar. Baş vermiş soyğunçuluq faktı üzrə heç bir istintaq hərəkəti aparılmayıb, hüquq-mühafizə orqanları hadisə yerinə baxış belə keçirilməyib. Baş verənlərlə bağlı hüquq-mühafizə orqanlarına şikayət edən Aqil Babayev özü şərlənərək həbs olunub.

Aqil Babayevə qarşı məhkəmə ədalətsizliyi: “zərərçəkmişlərin” gerçək siması

Bakı Ağır Cinayətlər Məhkəməsində “Şaurma N 1″ restoranının şəriki Aqil Babayevə hökm oxunmasından bir il keçir. Ötən il oktyabrın 18-də hökmə əsasən, A.Babayev 12 il 6 ay müddətinə azadlıqdan məhrum edilib. “Zərərçəkmiş” qismində tanınan şəxlərin gülünc və məntiqsiz məhkəmə çıxışları da gündəmi zəbt etməyə davam etdiyindən, bu işin pərdəarxası məqamları ortaya çıxmağa başlayıb. Belə ki, məntiqə uymayan ən gülünc ifadəsi ilə seçilən “zərərçəkən” Anar Aslanov təhsilli hüquqşünas olduğu təqdirdə Aqil Babayevin evindən pullarının oğurlandığı gün “Aqil Babayevin evinə gecə saat 00:00-də santexnik kimi smestitel dəyişməsi üçün getdiyini”, “istintaqda verdiyi ifadəsində isə Aqil Babayevin guya ona 306 min borclu olduğu halda evindən 520 min manat pul götürdüyünü”, “Pakdad” restoran sahibi Babaşova 200 min dollar borclu olduğu təqdirdə isə guya Aqil Babayevə kasıb ailələr üçün bina tikdirməsinə görə külli miqdarda pul verdiyini” bildirib.

Natiq Sadıqov və dəstəsinin məhkəmə uydurmaları

Digər “zərərçəkən” Xəyal Mustafayev “Tələbə vaxtından 20 min manat zəkat verdiyini”, “zərərçəkən” Əli Quliyev kirayədə yaşaya-yaşaya 14 min 400 manat zəkat verdiyini və digər “zərərçəkənlər” də maddi durumları kifayət qədər yaxşı olmadıqlarına baxmayaraq zəkatı mütləq şəkildə verdiklərini məhkəməyə bildiriblər. Bundan əlavə, şikayətçilərin sözlərinə görə, Aqil Babayevin onları aldatması və inandırmasına səbəb kimi “zərərçəkən” Aydın Niftəliyev “Aqil Babayevin onu havaya qaldırmasını, tonqalın üzərində əyləşib qanadlar çıxarmasını”, “zərərçəkən” Polad Mustafayev “Ayı bölməsini, səmada möcüzələr göstərməsini”, “zərərçəkən” Azər İslamov “Səmada, qiblədə Aqil Babayevin üzünü görməsini”, “zərərçəkən” Ömər Qurbanov “Ağacların səcdə etməsini, Aqil Babayevin yanında Cəbrayıl mələyi görməsini”, “zərərçəkən” Natiq Sadıqov “Onu ovsunlamasını”, “zərərçəkən” Bəruz Kave “Aqil Babayevin onun yuxularına müdaxilə etməsini”, “zərərçəkən” Faiq Abdullayev “Cənnətdən bir neçə sot torpaq almasını”, “zərərçəkən” Elmar Orucov “Günahlarının pulnan sıfırlanmasını, evinin qara qüvvələrdən təmizlənməsi üçün 40 min manat verməsini”, “zərərçəkən” Fuad Məmmədov “Ərəblərin belə bilmədiyi suallara Aqil Babayevin cavab verə bilməsini” və s. göstərən dəlil və sübut olmadan onlardan hansısa uydurulmuş məbləğdə pul almalarını deyiblər.

Bütün bu ifadələrdən göründüyü kimi, Aqil Babayevin həbsdə saxlanılmasına əsaslı səbəb gətirə bilmədiklərinə görə “zərərçəkən” şəxslər hansısa qüvvələrin himayəsi ilə ona “möcüzəvi insan” möhürü vuraraq və məntiqsiz, ağıla sığmayan açıqlamalar verərək, məhkəməni və dövlət qurumlarını ələ salıb yormaqla məşğuldurlar. Bundan əlavə, həmin “zərərçəkmiş” şəxslər qəsdən planlı şəkildə məhkəmənin gedişinə də süni maneələr törədərək, təqsirləndirilən şəxsi və vəkillərini söyüş-təhqir edib, hücum taktikasında olaraq işin obyektiv araşdırılmasına mane olublar.

Hakim ədalətsizliyi

Bunu da qeyd etmək lazımdır ki, ittiham tərəfindən çıxış edən şahidlərindən biri Layiq Şıxəliyev Aqil Babayevdən şikayət edən öz qohumunun Emin Həsənovun yalanını dolayısı yolla üzə çıxarsa da və Aqil Babayevin dediklərini təsdiq etsə də, digər ittiham tərəfdən cıxış edən şahid və zərərçəkənlərin məhkəməyə məcburi gətirilmə qərarı ilə belə işə cəlb edilməsi mümkün olmayıb.

Lakin müdafiə tərəfi 4 şahidin dindirilməsi ilə bağlı vəsatət verməsinə baxmayaraq, hakim yalnız T.Dadaşovanın müdafiə tərəfinin təqdim etdiyi şahid qismində dindirməsini təmin edib. Belə ki, hakim Eldar İsmayılovun T.Dadaşovanın dindirilməsi zamanı həqiqətləri deyərək hər ay yığılan zəkatın paylanılmasını etiraf etməsi və beləliklə də Aqil Babayevin işi üzrə ittiham edildiyi CM-in 178.4 maddəsinin dispozisiyasının əlamətlərinin olmaması göz önündədirsə, “Aqil Babayevin hələ də həbsdə saxlanılmasında maraqlı şəxslərin hansı qanuna tabe olması” sualı yaranır.

Ölkə rəhbərliyinə müraciət

Aqil Babayevin həbs edilməsinin təşkil edilməsi üçün müvafiq dövlət orqanlarına yalan məlumatlarla çıxış edən şəxslərin əməllərinin araşdırılmasının təmin edilməsi və Aqil Babayevin pozulmuş hüquq və azadlıqlarının bərpası üçün onun yaxınları, ailə üzvləri və media rəhbərləri ölkə rəhbərliyinə müraciət edib.

Mövzunu davam etdirəcəyik…
cumhuriyyet.az

23/10/2024

Natiq Sadıqovun “ŞaurmaN1” fırıldaqları: maliyyə xəyanətindən sənəd saxtalaşdırılmasınadək

Azərbaycan ictimaiyyətində böyük rezonans doğuran “ŞaurmaN1” işinin yeni detalları üzə çıxıb. Obyektiv media araşdırmaları onu göstərir ki, əslində baş verənlərədə zərərçəkən qanunun tanıdığı qrup yox, həbs cəzası alan Aqil Babayevdir. Məsələ burasındadır ki, “ŞaurmaN1” Bakı şəhərində Nizami 81 ünvanında Natiq Sadıqovun rəhbərliyi altında ilkin fəaliyyətə başlayıb. Atası Eldəniz Sadıqovun keçmişdə pivəxana kimi işlətdiyi məkanın profilini dəyişən N.Sadıqov bu işdə özünü doğrultmur. Bir tərəfdən də o zamanlar N.Sadıqovun atasının Türkiyədəki müalicəsinə böyük pullar sərf etməsi Natiq Sadıqovu və biznesini tam iflas həddinə çatdırır. Bu müddətdə həm atasının müalicəsi, həm də digər xərcləri üçün yaxın münasibətdə olduğu Aqil Babayevə pul üçün müraciət edən N.Sadıqovun Aqilə 800 min manata yaxın borcu yaranır. 2010-cu ildə N.Sadıqov Nizami 81 ünvanındakı obyekti sataraq borclarını ödəmək fikrinə düşür. Bu vaxt Aqil Babayev bir dost kimi ona borca görə narahat olmadığını, obyekti işlətməsini məsləhət görür, hətta “ŞaurmaN1” şəbəkəsini böyütmək üçün ona maddi dəstək göstərəcəyini bildirir. N.Sadıqovun dəfələrlə təkidli xahişindən sonra tərəflər arasında şifahi şəriklik anlaşması olur. 2011-ci ildən məhz Aqil Babayevin maddi dəstəyi və birbaşa işin üstündə durması nəticəsində “ŞaurmaN1” şəbəkəsi böyüyür, yeni filiallar açılır. Gəlirlərin həddən artıq artdığını görən Natiq Sadıqov gizli şəkildə həm maliyyə, həm də digər məsələlərdə maxinasiyalara yol verir. Bununla bağlı hətta iclasların birində bütün bunlar açıq müzakirə olunur və Aqil Babayev Natiq Sadıqov və dəstəsinin oğurluqlarını ifşa edir (bu toplantı haqqında növbəti yazımızda geniş məlumat verəcəyik). Aqil Babayev Natiq Sadıqovun həyat tərzində olan bəzi yanlışlıqları, səhvlərini görərək həm şərik, həm də böyük qardaş kimi ona məsləhət verib və danlayır. Bildirib ki, belə işlərdən əl çəkməsə qurduğu biznesə maneə yarana bilər. Onu həm də ətrafında puluna göz dikən, adını dost qoyan şəxslərdən uzaqlaşdırmaq istəyirdi. Görünür, bu, Natiq Sadıqova xoş gəlmir və Natiq Sadıqov və Aqil Babayev arasında münasibətlər 2018-ci ildən daha da kəskinləşməyə başlayır. Onlar arasında son telefon mesajlaşmasında isə N.Sadılqov A.Babayevə səhvlərini etiraf edib yalvararaq bağışlanmasını xahiş edir. İyun ayının 6-da olan bu yalvarışıdan iki gün sonra isə Xəzər rayonu, Buzovna qəsəbəsi, Badamlıq ərazisi, Musa Nağıyev küçəsində yerləşən bağ evində 25-30 nəfərdən ibarət cinayətkar qrup tərəfindən əvvəlcədən planlaşdırılmış şəkildə girov götürülərək, köməksiz vəziyyətə salınmış, döyülərək, işgəncələrə məruz qalmış və həmin şəxslər tərəfindən quldurluq yolu ilə 9 000 000 (doqquz milyon) manat pulu və digər əmlakları ələ keçirilmişdir. Onların qanunsuz hərəkətlərinə göz yumulması, araşdırma sirlərinin dərhal onlara ötürülməsi cinayətkarların özünə əminliyini bir qədər də artırmış, artıq onlar Aqil Babayevi 150 000 manat müqabilində öldürülməsi barədə planlar qurulmuş və bununla bağlı da müvafiq sübutlar hüquq mühafizə orqanlarına təqdim edilmişdir. Ən maraqlı məqam ondan ibarətdir ki, məsələ ilə bağlı hüquq-mühafizə orqanlarına müraciət edildikdən sonra müəyyən şəxslər Bakı şəhəri, ”Ağ şəhər” adlanan ərazidə yığışaraq Aqil Babayevin öldürülməsi barədə qərar qəbul etmişlər. Burada bütün məqsəd Aqil Babayevin 9 000 000 (doqquz milyon) manat pulunu, bahalı avtomobillərini, bağ evlərini, qızıllarını və digər əmlaklarının qaytarılmasının qarşısının alınmasıdır. Buna qədər də N.Sadıqovun Aqil Babayevə qarşı xain planları olub. Məsələn, Standartlaşdırma, Metrologiya və Patent üzrə Dövlət Komitəsi tərəfindən Ceyhun Məhərrəmova 4 mart 2010-cu il tarixli (reyestr nömrəsi 2010 0274) ŞAURMA №1 nömrəli əmtəə nişanına hüququnun təsbit edilmiş həmin sertifikat verilmişdir. Söhbətin dövlət qurumu tərəfindən təsdiq edilmiş rəsmi sənəddən getdiyini nəzərə alsaq, Məhərrəmovun şəxsi razılığı olmadan kiminsə bu sənədə dəyişiklik edə biləcəyini heç ağlına belə gətirməyib. Əmtəə nişanı hüququ Natiq Sadıqovun xalasıoğlu Teymur İmaməliyevin adına qeydiyyatdan keçib.Eyni zamanda, həm buraxılış tarixi, həm də reyestr nömrəsi C.Məhərrəmovun hüquqları ilə eyni idi. Belə çıxır ki, eyni sənəd eyni vaxtda iki müxtəlif hüquqi şəxsə verilib. Amma bu baş verə bilməz, elə deyilmi? Sonra mən bu hekayənin dolaşıqlığını açmağa başladım və nəticədə İmamverdiyevin başqasının əmtəə nişanının mənimsənilməsi ilə bağlı sövdələşməsinə nail olan fırıldaqçılıq və saxtakarlığın mürəkkəb texnologiyasını üzə çıxardım. Sənədi notarial qaydada təsdiq etmədən həqiqi mülkiyyətçi Ceyhun Məhərrəmovun ona hüquqların könüllü keçməsi haqqında imzasını saxtalaşdırıb. Bundan sonra o, Standartlaşdırma üzrə Dövlət Komitəsinin məsul şəxslərinin “köməyi ilə” əqli mülkiyyətə sahiblik barədə saxta sənəd alıb. Daha sonra İmamverdiyev özünə yaxını Səbuhi Əliyevi şərik tapır və ona yenidən mülkiyyət şəhadətnaməsi verib. Lakin artıq bu dəfə gözlənildiyi kimi, notarius vasitəsilə. Və bir müddət sonra Səbuhi Əliyev də notarius vasitəsilə həmin sənədi İmaməliyevin özünə yenidən rəsmiləşdirib. Saxta sənədi “yuyaraq” və bununla da əqli mülkiyyətin “qanuni” sahibinə çevrilən, özünü toxunulmaz hiss edən Teymur İmaməliyev bir şeyi nəzərə almayıb ki, pullardan fərqli olaraq, rəsmi sənədlərin “yuyuluması” daha çətindir.
Bundan əlavə, Ümumdünya Əqli Mülkiyyət Təşkilatının Madriddə (İspaniya) yerləşən mənzil-qərargahı 3 mart 2010-cu il tarixli 2010 0274 reyestr nömrəli ŞAURMA №1 nömrəli əmtəə nişanı hüququn Ceyhun Məhərrəmova aid olduğunu təsdiq edən cavabı elektron məktub ilə göndərib. Həmçinin bu hüququn 2023-cü ilin oktyabr ayının sonuna qədər Belarus, Çin, İran, Qazaxıstan, Ukrayna və Rusiya ərazisində də tanındığı təsdiqlənib. Bu sənədlərin məzmunu heç bir şübhə yeri qoymur ki, “təşəbbüskar” Teymur İmaməliyev nəinki mənimsənilmiş əqli mülkiyyət hüququnu itirəcək, həm də ola bilsin, sənəd uydurmaq və dövlət zəmanəti altında olan əmlakın mənimsəməsinə görə bir neçə ilə qədər azadlığınından məhrum olacaq.
cumhuriyyet.net

23/10/2024

“Şaurma N 1″ qalmaqalının pərdəarxası məqamları: Natiq Sadıqov Aqil Babayevi necə şərləyib?

“Şaurma N 1″ restoranının şəriki, “12-ci İmam Mehdi” adı altında həbs olunan Aqil Babayevin cinayət işi üzrə məhkəmə prosesində ona qarşı irəli sürülən və hökm çıxarılan ittihamın əssassız olması ilə bağlı yeni məqamlar ortaya çıxır. Müstəqil media olaraq aparılan araşdırmalar onu göstərir ki, soyğunçuluğa məruz qalaraq evindən milyonlarla manat pul, küllü miqdarda qızıl-zinnət əşyaları aparılan sahibkar Aqil Babayev bu barədə hüquq mühafizə orqanlarına şikayət etdikdən sonra şərlənərək həbs olunub. Aqil Babayev “Shaurma N1″ restoranlar şəbəkəsinin şəriki imiş. 2021-ci il iyunun 8-də A.Babayevin Buzovnada olan bağ evində Anar Aslanov, Daşqın Aslanov, Araz, Bəhruz, Rövşən qardaşları, Elmar Orucov, Ceyhun Ağakişibəyli və qardaşı Rəşid, Nadim Qurbanov, Fuad Məmmədov, Emin Həsənov, Elnur Mehdiyev, Natiq Sadıqov, Faiq və Zaur Abdullayev qardaşları, Qalib Rzayev, Azər İslamov və Şamil Cəfərovdan ibarət dəstə soyuq silahla A.Babayevi təhdid etmiş və həmin bağ evini talamışlar. Həmin gün Aqil Babayev ustaların məvacibini vermək üçün Xəzər rayonu, Buzovna qəsəbəsi, Badamlıq ərazisi, Musa Nağıyev küçəsində yerləşən bağ evinə gedib. Orada namaz qılmağa düşərkən ikinci mərtəbədə yuxarıda adları çəkilən şəxslərin ondan xəbərsiz evinə daxil olduğunu görüb. Onlardan nə baş verdiyini, niyə xəbərsiz şəkildə evə soxulduqlarını soruşduqda həmin şəxslər ona nalayiq ifadələr işlədərək, həmçinin fiziki güc tətbiq edərək birinci mərtəbədə qonaq otağına gətiriblər. Burada Aqili döyərək onlara borclu olduğunu söyləyiblər. Halbuki Babayevin heç kəsə borcu olmayıb. Həmin dəstə Aqilin telefonlarını əlindən alaraq mobil telefonun yaddaşını silərək bağ evinin və Xətai rayonundakı mənzilin açarlarını götürüblər. Əvvəlcə bağ evindəki pullarını və qiymətli əşyalarını götürərək soyğunçuluqla əldə etdiklərinin əslində elə onlara aid olduğunu bildiriblər. Bu əməlləri başının dəstəsi ilə icra edən Anar adlı şəxs isə Aqilin telefonundan həyat yoldaşına mesaj yazaraq Xətai rayonunda onun yaşadığı evə daxil olub, mənzilin 5-ci mərtəbəsindən bütün zinyət əşyalarını, 9 milyon pulu götürərək BMV markalı avtomobillə aparıblar. Baş vermiş soyğunçuluq faktı üzrə heç bir istintaq hərəkəti aparılmayıb, hüquq-mühafizə orqanları hadisə yerinə baxış belə keçirilməyib. Baş verənlərlə bağlı hüquq-mühafizə orqanlarına şikayət edən Aqil Babayev özü şərlənərək həbs olunub. Faktik olaraq quldurluq və hədə-qorxu ilə Aqil Babayevə milyonlarla manat ziyan vuran bu qrup özünü “zərərçəkən” kimi təqdim edib və “oğru elə bağırdı ki…” prinsipi ilə hərəkət edib. “Şaurma N1” restoranlar şəbəkəsinin şəriki Aqil Babayevə və onun ailəsinə qarşı törədilən quldurluq cinayətin gunahkar şəxslərin kimliklərinim müəyyən edilərək barələrində heç bir tədbir görülməməsi və tam əksinə zərərçəkmiş Babayevlər ailəsinə qarşı ögey münasibətin göstərilməsi sözün əsl mənasında çox düşündürücüdür. Qanuna zidd əməlləri törədən şəxslərin barələrində heç bir qanuni tədbir görülməməkdə davam etdirilir. Aqil Babayevin qanunsuz olaraq həbs edilməsi və ağır cəza alması üçün qabaqcadan planlı şəkildə dəstə üzvləri əlavə şəxsləri də öz ətraflarına cəlb edərək, şər-böhtan xarakterli, qabaqcadan yalan olduğunu bilə-bilə uydurulmuş məlumatlar əsasında, Aqil Bayevin güya ki, özünü 12-ci İmam Mehdi Sahib Zaman kimi təqdim edərək ayrı-ayrı şəxslərdən pul yığaraq dələduzluq etməsinə inandırmağa çalışaraq Aqil Babeyiv həbs olunması üçün süni və əsassız zəmin yaratmışlar. Aqil Babayevin həbsdə saxlanılmasına əsaslı səbəb gətirə bilmədiklərinə görə “zərərçəkən” şəxslər hansısa qüvvələrin himayəsi ilə ona “möcüzəvi insan” möhürü vuraraq və məntiqsiz, ağıla sığmayan açıqlamalar verərək, məhkəməni və dövlət qurumlarını ələ salıblar. Bundan əlavə, həmin “zərərçəkmiş” şəxslər qəsdən planlı şəkildə məhkəmənin gedişinə də süni maneələr törədərək, təqsirləndirilən şəxsi və vəkillərini söyüş-təhqir edib, hücum taktikasında olaraq işin obyektiv araşdırılmasına mane olub.
Baş verənlər Bakıdakı məşhur “Şaurma-1” restoranlarının sahibi Natiq Sadıqovun göstərişi ilə həyata keçiriıib. Çünki, Aqillə həmin restoranlar şəbəkəsini şərikli işlədiblər.
Aqil Babayevin həbs edilməsinin təşkil edilməsi üçün müvafiq dövlət orqanlarına yalan məlumatlar çıxış edən şəxslərin əməllərinin araşdırılmasının təmin edilməsi və Aqil Babayevin pozulmuş hüquq və azadlıqlarının bərpası üçün onun yaxınları və ailə üzvləri ölkə rəhbərliyinə müraciət edib.

Mövzunu davam etdirəcəyik…
cumhuriyyet.net