AzerNewMedia

23/09/2025

Azərbaycan Respublikası Mədəniyyət Nazirliyinin təqdimatında "AzerNyuMedia" "REAL FM"-də “Sinema Radio”nun 328-ci buraxılışını təqdim edir. Qonağımız ssenarist Esmira Əyyubdur.

19/09/2025

17/09/2025

Heydər Əliyev Fondu və Azərbaycan Respublikası Mədəniyyət Nazirliyinin təşkilatçılığı ilə dahi bəstəkar Üzeyir Hacıbəylinin 140 illiyinə həsr edilmiş XVII Beynəlxalq Musiqi Festivalı çərçivəsində Azərbaycan Dövlət Film Fondunda “Üzeyir Hacıbəyli və Azərbaycan kinosu” mövzusunda filmlərin retrospektiv nümayişi və fotosərginin açılışı olacaq.

Giriş sərbəstdir.

Proqram:

18 sentyabr (saat 16:00) – “Arşın mal alan” (1945) / rej. Rza Təhmasib, Nikolay Leşşenko

19 sentyabr (saat 16:00) – “O olmasın, bu olsun” (1956) / rej. Hüseyn Seyidzadə

22 sentyabr (saat 16:00) – “Arşın mal alan” (1965) / rej. Tofiq Tağızadə

23 sentyabr (saat 15:00) – “Üzeyir ömrü” (1981) / rej. Anar

17/09/2025

https://youtu.be/_33aFwmwrQk?si=RhvrfIAGazfoUqS2

Azərbaycan Respublikası Mədəniyyət Nazirliyinin təqdimatında "AzerNyuMedia" "REAL FM"-də “Sinema Radio”nun 327-ci buraxılışını təqdim edir. Qonağımız təsvir ...

16/09/2025

Azərbaycan Respublikası Mədəniyyət Nazirliyinin təqdimatında "AzerNyuMedia" "REAL FM"-də “Sinema Radio”nun 327-ci buraxılışını təqdim edir. Qonağımız təsvir rejissoru Soltan Abdullayevdir.

13/09/2025

Xalq artisti Hacı Murad Yegizarov vəfat edib

Azərbaycan mədəniyyətinə ağır itki üz verib. Xalq artisti, tanınmış teatr və kino aktyoru, Dövlət mükafatı laureatı Hacı Murad Yegizarov 13 sentyabr 2025-ci il tarixində, ömrünün 86-cı ilində Almaniyada vəfat edib.
Hacı Murad Hacı Əhməd oğlu Yegizarov 18 iyul 1939-ci ildə Bakı şəhərində anadan olub. Orta məktəb illərindən səhnə sənətinə maraq göstərib, dram dərnəyində çıxış edib. 1958–1962-ci illərdə M.Əliyev adına Azərbaycan Dövlət İncəsənət İnstitutunun (indiki ADMİU) Aktyorluq fakültəsində (Xalq artisti Məhərrəm Haşımovun kursu) təhsil alıb.
1962-ci ildən sənət taleyini Azərbaycan Dövlət Rus Dram Teatrına bağlayan aktyor burada "Sən niyə yaşayırsan?", "Həyat necə də qısadır", "P*k saatı", "Öz yolunla", "Valentin və Valentina", "İvanov", "Qumluqdakı ev", "Aydın", "Şeyx Sənan", "Qurdlar və quzular", "Artist və onun kölgəsi", "Arzu tramvayı" və digər tamaşalarda yaddaqalan obrazlar qalereyası yaradıb.
1950-ci illərin sonundan filmlərə də dəvət alan aktyor “Böyük dayaq”, “Ulduz”, “Arşın mal alan” (1965), “Bir cənub şəhərində”, “Ən vacib müsahibə” və s. filmlərdə maraqlı rollar oynayıb.
Aktyorun Azərbaycan mədəniyyətinin inkişafındakı xidmətləri yüksək qiymətləndirilib. O, 1974-cü ildə “Əməkdar artist”, 1982-ci ildə “Xalq artisti” fəxri adlarına, 1986-cı ildə Dövlət mükafatına, 2009-cü ildə “Şöhrət”, 2019-cu ildə isə “Şərəf” ordenlərinə layiq görülüb.
Azərbaycan Respublikası Mədəniyyət Nazirliyinin kollektivi Xalq artisti Hacı Murad Yegizarovun vəfatından kədərləndiyini bildirir, mərhumun ailəsinə və yaxınlarına dərin hüznlə başsağlığı verir.
Allah rəhmət eləsin.

13/09/2025

Anaheymdə (Kaliforniya) yerləşən ilk “Disneyland”in açılışı münasibətilə hazırlanmış poster. Kaliforniya, 1955-ci il.

08/09/2025

Sentyabrın 5-də Azərbaycan Kinematoqrafçılar İttifaqında rejissor Seyran Mahmudoğlunun “Evim” tammetrajlı sənədli filminə qapalı baxış keçirilib.

AKİ İdarə heyətiin üzvü, rejissor, ssenarist, "AzerNyuMedia" şirkətinin icraçı direktoru Kamran Qasımovun moderatorluğu ilə keçən tədbirdə filmin yaradıcı heyəti ilə yanaşı kinotənqidçilər Sevda Sultanova, Aliyə Dadaşova, Ülvi Mehdi, Aygün Aslanlı, Şahanə Ürfan, həmçinin, AKİ-nin İdarə Heyətinin üzvü, rejissor Oleq Səfərəliyev, rejissorlar Elcan Məmmədov, Əli-Səttar Quliyev, rejissor və ssenarist Rüstəm Babazadə, rejissor, prodüser, Bakı Beynəlxalq Film Festivalının direktoru Fehruz Şamıyev və başqa peşəkarlar da iştirak ediblər.

Nümayişdən sonra tədbir iştirakçıları rejissor ideyasının vizual həllini, filmin dramaturji strukturunun ideyanın çatdırılmasına nə qədər xidmət etdiyini müzakirə ediblər. Seyran Mahmudoğlu çəkiliş prosesi və tamaşaçılara qaranlıq qalan məqamlar barədə danışıb.
Müəllifin şəxsi hekayəsinin inikası olan “Evim” filmi itirilmiş cənnətin bərpasına cəhd və bunun qeyri-mümkün olduğunun dərki haqqındadır.

Müəyyən fasilələrlə səkkiz il müddətində çəkilmiş film, Xaçmaz rayonu Alekseyevka kəndində yaşayan Larisa, SSRİ-nin sonlarına yaxın kəndi tərk etmiş və düz otuz ildən sonra uşaqlığını keçirdiyi Alekseyevkaya qayıdan Ninanın hekayəsini nəql edir. Daha doğrusu, göstərir, çünki nadir yaxın planlar nəzərə alınmazsa, kamera filmboyu sadəcə müşahidəçidir. Müəllif, uşaqlığına duyduğu nisgili bu iki qadının, əsasən də, Ninanın hekayəsi vasitəsilə ifadə etməyə çalışır. Bəzən buna nail olur, bəzən yox.

“Evim” filminin dünya premyerası Doker Beynəlxalq Sənədli Filmlər Festivalının (4-9 sentyabr) əsas müsabiqəsi çərçivəsində sentyabrın 8-də, Moskvada, “Oktyabr” kinoteatrında baş tutacaq.

Bakılı kinosevərlər isə filmə oktyabrda, IX DokuBaku Beynəlxalq Sənədli Film Festivalında baxmaq imkanı qazanacaqlar. “Evim” filmi festivalın “DOKUTAM: Ən yaxşı beynəlxalq tammetrajlı sənədli film” müsabiqəsində yarışacaq.

Seyran Mahmudoğlunun həm də prodüseri olduğu filmin ssenari müəllifi Esmira Əyyub, operatorları Əli Sultanov, Zaur Allahverdiyev, İsgəndər Qənbərov, səs rejissoru Hafiz İbrahimlidir. Montaj işi Seyran Mahmudoğlu, Rza Əsgərov və Əsgər Rəhimova, rəng korreksiyası Aleksandr Melnikov və Elşən Əliyevə məxsusdur.

aki.az

07/09/2025

Azərbaycan Respublikası Mədəniyyət Nazirliyinin təqdimatında "AzerNyuMedia" "REAL FM"-də “Sinema Radio”nun 326-cı buraxılışını təqdim edir. Qonağımız rejissor, prodüser Rafiq Hacıyevdir.