Azerbaijan News24

Azerbaijan News24 Contact information, map and directions, contact form, opening hours, services, ratings, photos, videos and announcements from Azerbaijan News24, Media/News Company, Baku. Nobel Avenue, 15, Baku.

Azərbaycan və dünya xəbərləri

https://twitter.com/
https://www.youtube.com/user/ARealities
https://www.instagram.com/azerbaijanrealitiesvip
https://t.me/AzerbaijanRealities

Komissar: Aİ Azərbaycanla əlaqələri daha da irəli aparmağı planlaşdırırHörmət, dialoq və qarşılıqlı maraqlar Avropa İtti...
19/09/2025

Komissar: Aİ Azərbaycanla əlaqələri daha da irəli aparmağı planlaşdırır

Hörmət, dialoq və qarşılıqlı maraqlar Avropa İttifaqı-Azərbaycan tərəfdaşlığının əsasını təşkil edir.

Bu barədə Avropa İttifaqının genişlənmə məsələləri üzrə komissarı Marta Kos xarici işlər naziri Ceyhun Bayramovla görüşünə dair “X” hesabında paylaşımında bildirib.

“Hörmət, dialoq və qarşılıqlı maraqlar Avropa İttifaqı-Azərbaycan tərəfdaşlığına rəhbərlik edir. Bu, mənim xarici işlər naziri Ceyhun Bayramov ilə görüşümdən aydın oldu. Biz əlaqələrimizi daha da irəli aparmağı planlaşdırırıq”, - paylaşımda deyilir.

19/09/2025

Üzeyir Hacıbəylinin ev-muzeyi, 📍Şuşa
Muzey Heydər Əliyev Fondu tərəfindən bərpa olunub.

Azərbaycanla Avropa İttifaqı arasında mövcud əməkdaşlıq məsələləri müzakirə olunubXarici işlər naziri Ceyhun Bayramov öl...
19/09/2025

Azərbaycanla Avropa İttifaqı arasında mövcud əməkdaşlıq məsələləri müzakirə olunub

Xarici işlər naziri Ceyhun Bayramov ölkəmizdə səfərdə olan Avropa İttifaqının genişlənmə üzrə komissarı Marta Kos ilə görüşüb.

Bu barədə Xarici İşlər Nazirliyindən (XİN) məlumat verilib. Görüşdə Azərbaycanla Avropa İttifaqı (Aİ) arasında mövcud əməkdaşlıq məsələləri və planları müzakirə olunub. Vurğulanıb ki, münasibətlərin gücləndirilməsində liderlərarası təmasların əhəmiyyəti xüsusi əhəmiyyət kəsb edir.

Xüsusilə enerji təhlükəsizliyi, nəqliyyat marşrutları, habelə bərpaolunan enerji sahələri üzrə əməkdaşlığın daha da genişləndirilməsinin vacibliyi vurğulanıb. Bununla yanaşı, ətraf mühit və iqlim dəyişmələri ilə mübarizə istiqamətində Azərbaycan-Aİ əməkdaşlığının əhəmiyyəti qeyd olunub.

Nazir Ceyhun Bayramov, həmçinin qarşı tərəfi postmünaqişə dövründə bölgədə mövcud vəziyyət və reallıqlar barədə ətraflı məlumatlandırıb.

Ötən ay Vaşinqton şəhərində baş tutmuş tarixi görüş zamanı əldə olunmuş razılıqlardan xüsusi məmnunluq ifadə olunub. Regional normallaşma və sülh prosesinin təşəbbüskarı olan ölkəmizin bundan sonra da sülh gündəliyinin irəliləməsi istiqamətində səylərini davam etdirəcəyi diqqətə çatdırılıb.

Görüş zamanı, həmçinin qarşılıqlı maraq doğuran digər ikitərəfli və regional məsələlər ətrafında fikir mübadiləsi aparılıb.

19/09/2025

🇦🇿 Naxçıvan şəhərində “Suverenlik yürüşü” keçirilib

Sentyabrın 18-də Naxçıvan şəhərində “Konstitusiya və Suverenlik İli” çərçivəsində möhtəşəm bir tədbir – “Suverenlik yürüşü” təşkil olunub. Naxçıvan Muxtar Respublikasında Azərbaycan Respublikası Prezidentinin səlahiyyətli nümayəndəliyinin təşəbbüsü, Naxçıvan Şəhər İcra Hakimiyyətinin təşkilatçılığı və Əlahiddə Ümumqoşun Ordunun dəstəyi ilə baş tutan yürüş Əlahiddə Ümumqoşun Ordunun Hərbi Orkestrinin müşayəti ilə Zəfər parkından başlayaraq şəhərin mərkəzi meydanında yerləşən Heydər Əliyev Muzeyinin qarşısına qədər davam edib. Keçirilən yürüşdə Heydər Əliyev adına Hərbi Liseyin və Naxçıvan Hərbi Kollecinin kursantları, tələbələr, gənclər, ümumtəhsil məktəblərinin şagirdləri və ictimaiyyət nümayəndələri fəal iştirak ediblər.

Yürüş iştirakçıları Azərbaycan Respublikasının Dövlət bayraqları ilə şəhərin mərkəzi küçələrində addımlayaraq dövlətin suverenliyi, müstəqilliyin qorunması və milli birliyin gücləndirilməsi istiqamətində həmrəylik nümayiş etdirib, şəhidlər və vətənpərvərlik haqqında şüarlar səsləndiriblər.

Qeyd edək ki, Azərbaycan Respublikasının Prezidenti cənab İlham Əliyevin 19 sentyabr 2024-cü il tarixdə “Azərbaycan Respublikasında Dövlət Suverenliyi Gününün təsis edilməsi haqqında” imzaladığı Sərəncamla dövlətimizin suverenliyinin möhkəmləndirilməsi, milli dəyərlərin qorunması və cəmiyyətin bütün sahələrində müstəqillik prinsiplərinin inkişaf etdirilməsi ilə bağlı mühüm istiqamətləri müəyyənləşdirmişdir.

20 sentyabr – Dövlət Suverenliyi Günü müstəqilliyimizin dönməzliyini, ərazi bütövlüyümüzün bərpasını və xalqımızın sarsılmaz iradəsini təcəssüm etdirən tarixi gündür. Bu günün dövlət səviyyəsində qeyd olunması Azərbaycan dövlətçiliyinin yeni mərhələsinin başlanğıcını göstərir.

🇦🇿🏡 Qarabağda köç üçün yararlı evlər siyahılaşdırılıb Xankəndi şəhəri, Xocalı və Ağdərə rayonlarında məskunlaşma planına...
19/09/2025

🇦🇿🏡 Qarabağda köç üçün yararlı evlər siyahılaşdırılıb

Xankəndi şəhəri, Xocalı və Ağdərə rayonlarında məskunlaşma planına uyğun olaraq 19 yaşayış məntəqəsinə köç üçün yararlı evlər müəyyən edilib.

Bu barədə Xankəndi şəhərində, Ağdərə və Xocalı rayonlarında Bərpa, Tikinti və İdarəetmə Xidmətinin ictimaiyyətlə əlaqələr şöbəsindən bildirilib.

Köç planına əsasən 19 yaşayış məntəqəsinə, o cümlədən, Xankəndi şəhərinin Kərkicahan qəsəbəsinə, Xocalı rayonunun 11 kəndinə (Ballıca, Xanyurdu, Təzəbinə, Daşbulaq, Badara, Seyidbəyli, Xanabad, Şuşakənd, Almalı, Çanaqçı və Mehdibəyli) və Ağdərə rayonunun 7 kəndinə (Həsənriz, Vəngli, Kolatağ, Çıldıran, Heyvalı, Aşağı Oratağ və Çapar) əhalinin köçü ilə bağlı təmir-bərpa işlərinin aparılması məqsədilə müvafiq sayda qismən yararlı evlər müəyyən edilib.

Ölkə başçısının iştirakı ilə Xocalı rayonunun Ballıca kəndində işlər başa çatdırılmış evlərə 200 ailə (912 nəfər), Xanyurdu kəndində 69 ailə (237 nəfər), Təzəbinə kəndinə 28 ailə (125 nəfər), Badara kəndində 14 ailə (56 nəfər), Daşbulaq kəndində 13 ailə (67 nəfər), Seyidbəyli kəndində 9 ailə (30 nəfər), Şuşakənd kəndinə 15 ailə (59 nəfər), Ağdərə rayonunun Həsənriz kəndində 159 ailə (566 nəfər), Vəngli kəndinə 51 ailə (188 nəfər) və Kolatağ kəndinə 26 ailənin (89 nəfər) köçü baş tutub.

Ağdərə rayonunun Suqovuşan kəndində inşası başa çatdırılmış 5 ədəd 5 mərtəbəli yaşayış binasında 2025-ci ilin mart-aprel aylarında ümumilikdə 180 ailə (592 nəfər), Xocalı şəhəri üzrə isə 86 ailə (346 nəfər) məskunlaşıb. Ağdərə rayonunun Talış kəndində isə 20 ailə (90 nəfər) məskunlaşdırılıb.

MI6 rəhbəri: Putin Ukraynanın kapitulyasiyası ilə nəticələnməyən sülhü istəmirPutin danışıqlar zamanı Ukraynanın kapitul...
19/09/2025

MI6 rəhbəri: Putin Ukraynanın kapitulyasiyası ilə nəticələnməyən sülhü istəmir

Putin danışıqlar zamanı Ukraynanın kapitulyasiyası ilə nəticələnməyən sülhdə maraqlı deyil.

Bunu Böyük Britaniyanın xarici kəşfiyyat xidmətinin (MI6) rəhbəri Riçard Mur deyib.

Onun sözlərinə görə, Rusiya liderinin Ukraynanın məğlubiyyətinə gətirib çıxarmayan sülh razılaşması əldə etmək niyyətinin olması ilə bağlı heç bir sübut yoxdur.

Britaniya kəşfiyyatının rəhbəri Putinin Ukrayna ordusunun potensialını düzgün hesablamadığını da bildirib.

Bakıda Formula 2 üzrə sərbəst yürüşün qalibi bəlli olubBakıda keçirilən Formula 2 üzrə Azərbaycan Qran-Prisində sərbəst ...
19/09/2025

Bakıda Formula 2 üzrə sərbəst yürüşün qalibi bəlli olub

Bakıda keçirilən Formula 2 üzrə Azərbaycan Qran-Prisində sərbəst yürüş başa çatıb.

45 dəqiqə davam edən yürüşdə ən yaxşı nəticəni "Rodin" komandasından irlandiyalı pilot Dunne Aleks göstərib.

DAMS-ın amerikalı pilotu Krauford Cek ikinci, "Hiteç”in isveçli sürücüsü Dino Beqanoviç üçüncü olub.

Saat 13:30-dan 14:30-dək isə Formula 1 üzrə sərbəst yürüş keçiriləcək.

Saat 15:00-da Formula 2-də sıralama turu, 17:00-da isə Formula 1-də ikinci sərbəst yürüş başlayacaq.

🇦🇿 🇪🇺 Azərbaycan və Avropa İttifaqı arasında yüksək səviyyəli iqtisadi işçi qrupu yaradılacaq“Regionda sülh bazarlar, ti...
19/09/2025

🇦🇿 🇪🇺 Azərbaycan və Avropa İttifaqı arasında yüksək səviyyəli iqtisadi işçi qrupu yaradılacaq

“Regionda sülh bazarlar, ticarət və investisiyalar üçün imkanlar açır".

Bu barədə Avropa İttifaqının genişlənmə məsələləri üzrə komissarı Marta Kos iqtisadiyyat naziri Mikayıl Cabbarovla görüşünə dair “X” hesabında paylaşımında bildirib.

"Bu imkanlardan yararlanmaq üçün yüksək səviyyəli iqtisadi işçi qrupunun yaradılması barədə razılığa gəldik. Tərəfdaşlığımızı gücləndirməyə davam edəcəyik”, - paylaşımda deyilir.

🏎️ Bu gün Bakıda Formula 1 Azərbaycan Qran-Prisi start götürəcəkBu gün Bakının sayca doqquzuncu dəfə ev sahibliyi edəcəy...
19/09/2025

🏎️ Bu gün Bakıda Formula 1 Azərbaycan Qran-Prisi start götürəcək

Bu gün Bakının sayca doqquzuncu dəfə ev sahibliyi edəcəyi Formula 1 Azərbaycan Qran-Prisinə start veriləcək.

10 komandadan 20 pilotun birincilik uğrunda mübarizə aparacağı yarış trekinin uzunluğu 6 kilometrdir.

Bakı Şəhər Halqasında dünyanın ən məşhur pilotları - Luis Hemilton, Fernando Alonso, Maks Ferstappen, Şarl Lekler və digərləri yarışacaqlar.

Formula 1 təqvimindəki ən uzun treklərdən sayılan Bakı trasının 20 döngəsi var. Azadlıq meydanından başlayan trek Hökumət Evinin ətrafı ilə fırlanaraq Qız qalasına çatmaq üçün İçərişəhər ətrafında 2,2 kilometr dairə edir və Neftçilər prospektinə çıxaraq başlanğıc yerində başa çatır. 51 dövrədən ibarət trekin ən geniş yeri 13, ən dar hissəsi trekin İçərişəhər ətrafında olan bölmələrində, o cümlədən 7-ci və 8-ci döngələrdə 7,6 metr təşkil edir. Saat əqrəbi istiqamətinin əksinə hərəkət edən trek məşhur almaniyalı memar Hermann Tilke tərəfindən hazırlanıb.

Yarış zamanı pilotlar və milyonlarla televiziya tamaşaçıları UNESCO-nun Ümumdünya Mədəni İrs Siyahısına daxil edilmiş İçərişəhəri, paytaxtın müasir memarlıq abidələrini və Xəzərin sahilboyu hissəsini özündə birləşdirən ecazkar mənzərəni görəcəklər.

Yarışın start və finiş xətləri Azadlıq meydanında olacaq. Burada, həmçinin “Paddok klub”, komandaların boksları və pit-leyn qurulub.

Yarışın ilk günündə Formula 1 və Formula 2 üzrə sərbəst yürüş və sıralama turu təşkil olunacaq. Sentyabrın 20-də Formula 1 üzrə sərbəst yürüşlər, Formula 2 üzrə sprint yarışı keçiriləcək. Nəhayət, sonuncu gün - ayın 21-də əsas yarış baş tutacaq.

Qeyd edək ki, Azərbaycan 2016-cı ildən dünyanın ən nüfuzlu avtoidman yarışına ev sahibliyi edir.

🇦🇿🇺🇸🇦🇲 ABŞ-də erməni lobbisinin planı MƏHV EDİLDİABŞ Nümayəndələr Palatasının Xarici Əlaqələr Komitəsi erməni lobbisinin...
19/09/2025

🇦🇿🇺🇸🇦🇲 ABŞ-də erməni lobbisinin planı MƏHV EDİLDİ

ABŞ Nümayəndələr Palatasının Xarici Əlaqələr Komitəsi erməni lobbisinin təsiri ilə hazırlanan qanun layihələrinə düzəlişləri rədd edib.

Düzəlişlər Dövlət Departamentinin yenidən səlahiyyətləndirilməsi prosesi çərçivəsində hazırlanıb.

Hər iki layihə erməni lobbisinin təsiri altındakı Kaliforniyadan olan demokrat konqresmen Bred Şerman tərəfindən hazırlanıb.

Birinci düzəliş ABŞ-ın Beynəlxalq İnkişaf Maliyyələşdirmə Korporasiyasına Azərbaycandakı layihələrə hər hansı dəstək verməyi qadağan etməyi, ikinci düzəliş isə ABŞ Prezidentinin "Azadlığa Dəstək Aktı"na 907 saylı düzəlişin təsirini dayandırmaq səlahiyyətlərinin ləğv olunmasını təklif edirdi.

Layihələrin rədd edilməsi erməni diasporu və erməni lobbisi üçün ağır məğlubiyyət hesab edilir.

Separatizmə son qoyulması ilə nəticələnən antiterror tədbirlərindən iki il ötürVətən müharibəsindən sonra bölgədə cərəya...
19/09/2025

Separatizmə son qoyulması ilə nəticələnən antiterror tədbirlərindən iki il ötür

Vətən müharibəsindən sonra bölgədə cərəyan edən separatizm hərəkətləri Azərbaycanın öz ərazilərində suverenliyini bütünlüklə təmin etmək üçün başqa seçim yolu qoymadı və lokal xarakterli antiterror əməliyyatının keçirilməsi qaçılmaz zərurət oldu.

2023-cü il sentyabrın 19-20-də Azərbaycan Ordusunun həyata keçirdiyi lokal xarakterli antiterror tədbirləri nəticəsində ölkəmizin suverenliyi tam bərpa edildi.

Cəmi 23 saat 43 dəqiqə ərzində erməni separatçıları ağ bayraq qaldırmağa məcbur oldular.

Məhz uğurla aparılan həmin əməliyyatdan sonra Xankəndi, Xocalı, Ağdərə, Xocavənd və Əsgəranda üçrəngli Azərbaycan Bayrağı yüksəldildi, ölkəmizin ərazi bütövlüyü tamamilə bərpa edildi.

Şahdağ Milli Parkı
18/09/2025

Şahdağ Milli Parkı

Address

Baku. Nobel Avenue, 15
Baku
AZ1000

Website

Alerts

Be the first to know and let us send you an email when Azerbaijan News24 posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Azerbaijan News24:

Shortcuts

Share

Category