Qanuna Zidd

30/04/2025

Sürücülərin nəzərinə!
Nəqliyyat vasitəsi qanunla duracağa necə aparılmalıdır?

25/04/2025

Qəza zamanı bunu tələb edin ki, pulunuz çıxmasın

30/03/2025

Təkər bazası və təkər düsturu nədir?

Təkər bazası - avtomobilin ön və arxa oxları arasındakı olan məsafədir. Təkər bazasının uzunluğundan asılı olaraq, uzun təkər bazalı avtomobillər var (limuzinlər, böyük mikroavtobuslar, furqonlar) və qısa təkər bazalı avtomobillər var (adətən ailə hetçbekləri, yığcam idman modelləri, superkarlar).

Təkər düsturu - avtomobilin təkərlərinin ümumi sayının aparıcı təkərlərə olan nisbətidir. Məsələn, "6x4" düsturu, avtomobilin 6 təkər olduğunu və bunlardan 4 aparıcı olduğunu bildirir. Bu, avtomobilin təkər sisteminin strukturu və idarəetmə qabiliyyətləri haqqında məlumat verir.

Göründüyü kimi, təkər ölçülərinin təkər bazası və düsturu ilə yaxından-uzaqdan heç bir əlaqəsi yoxdur. Bu da o deməkdir ki, təkər ölçülərinin pozulmasına görə sürücüyə İXM nə 342.2.2, nə 342.2.3 maddələri ilə cərimə tətbiq edilə bilməz, nə də ki buna görə maşın duracağa yerləşdirilə bilməz. Bu absurddur!

Beləliklə, əziz dostlar, avtomobil üçün nəzərdə tutulan (tövsiyə olunan) təkər ölçülərinin minimal və maksimal həddlərindən kənara çıxmağa görə - İXM 342.5-ci maddəsi ilə 50 manat məbləğində cərimə tətbiq edilə bilər.
Yəni, əgər sizin maşın üçün maksimal hədd 215/60/R16 təyin olunubsa, siz onu 225/50/R17 ilə əvəz etmisinizsə, buna görə sizə yalnız 50 manat cərimə yazıla bilər. Vəssəlam...
Ümid edirəm bu izah hər kəs üçün faydalı olar...
Hörmətlə...

25/03/2025

Yol nişanları arasında ziddiyyət, sürücülərin və piyadaların təhlükəsizliyini təmin etmək üçün əhəmiyyətli bir məsələdir. Bu ziddiyyət, müxtəlif nişanların bir-birini tamamlamaması və ya qarşılıqlı təsir etməməsi nəticəsində ortaya çıxır. Məsələn, bir yol nişanı "sürət həddi" göstərirsə, lakin eyni zamanda "yavaş sür" nişanı da varsa, sürücülər çaşqınlıq yaşayır və bu, qəza riskini artırır.
Ziddiyyətli nişanlar, həmçinin yolun müxtəlif hissələrindəki vəziyyətlərə uyğun gəlmədikdə də yaranır. Məsələn, bir yolda "bir yönlü" nişanı olsa da, digər bir nişan "park etmək qadağandır" deyirsə, bu da ziddiyyət yarada bilər. Belə hallarda, yol nişanlarının aydın və tutarlı olması, sürücülərin və piyadaların təhlükəsizliyini artırmaq üçün vacibdir.

20/02/2025

02/12/2024

"Şalvar" - işıqların tənzimlənməsi üçün xüsusi texniki vasitə.

21/11/2024

Bu gün Bakının bir sıra küçə və prospektlərində avtobus zolaqları salınıb. Bu təqdirəlayiq bir addımdır. İctimai nəqliyyatın inkişafı üçün verilən bu qərar sərnişinlərin fasiləsiz daşınmasını və gediləcək ünvana vaxtında çatmasını təmin edir.
Lakin unudulan bir məqam var... taksi sürücüləri. Onlar rəsmən əziyyət çəkirlər. Taksidən istifadə edən şəxslər üçün avtobus zolağı, 2-ci cərgə anlayışı yoxdur. Harda sifariş verirsə, ora da gəlməlidir. Bəs yaxşı, bu sürücü maşını harda saxlasın? Baxmayaraq ki, qanunvericilikdə sərnişinlərin minmə və düşməsi üçün avtobus zolağında saxlamaq olar, əfsuslar olsun ki, həmin zolağa daxil olan kimi 100 manat + 2 bal, 2-ci cərgədə saxlayanda isə 80 manat + 2 bal cərimə gəlir. Sərnişinlərin taksilərə minmə-düşmə yeri nəzərdə tutulmadan həmin sürücüləri necə cərimələmək olar axı? Bu sürücü dəridən qabıqdan çıxır ki, 5-10 manat pul qazansın. Onu da cərimələrə verir. Ondansa heç işləməsin və evdə otursun. Amma indiki zamanda ailəsinin dolanması üçün ona heç kim elə belə pul verən deyil...
Ortalığa çıxan suala isə gəlin birlikdə cavab axtaraq: taksi sürücüləri və ya adi elə minik avtomobili sürücüləri sərnişinləri mindirib-düşürmək hansı zolaqdan istifadə etməlidirlər ki, cərimə olunmasınlar?...
Hörmətlə...

01/11/2024

Gecədən bəri bütün xəbər saytları, sosial şəbəkələr bar-bar bağırır ki, Noyabrın 1 gecə saat 00:00-dan etibarən "COP29" zolağına daxil olanlar 100 manat + 3 bal cərimə olunacaq. Yaxşı, xəbər paylaşırsınızsa, zəhmət olmasa açıqlama da verin ki, hansı maddəyə əsasən bu cərimə tətbiq ediləcək. Yox əgər bilmirsinizsə, o zaman dəqiqləşdirin sonra paylaşın.
İlk növbədə onu qeyd edim ki, qanunvericilikdə "COP29" zolağı anlayışı yoxdur. Bu da o deməkdir ki, qanunda anlayışı olmayan bir zolağa görə cərimə yazmaq da əsassızdır.
Lakin, "COP29" zolağı avtobus zolaqları ilə birgə təşkil edildiyindən, yəni eyni zolaq olduğundan, həmin zolaqlarda digər nəqliyyat vasitələrinin HƏRƏKƏTİ və DAYANMASI QADAĞANDIR. Həmçinin, həmin zolaqlara SAĞA DÖNMƏK üçün icazə verilən (qırıq-qırıq xətt) tərəfdən keçərək daxil olmaq olar. Bu zolaqlarda HƏRƏKƏT EDƏN nəqliyyat vasitələrinin sürücülərinə isə 100 manat + 3 bal deyil, 2 cərimə balı tətbiq edilir, İXM 327.1-1-ci maddəsinə əsasən.
Hə, bir şeyi də qeyd edim ki, YHQ 48.4-cü maddəsinə əsasən, avtobus, həmçinin "COP29" zolaqlarında HƏRƏKƏT yalnız 5.9, 5.10.1-5.10.3 nişanları ilə işarə edilmiş təqdirdə QADAĞANDIR. Yəni, nişan yoxdursa, həmin zolaqlarda hərəkət etməyə görə cərimə tətbiq edilə bilməz.
Hər bir halda çalışaq qaydalara əməl edək və yollarda ehtiyatlı olaq.
Hörmətlə...

28/10/2024

Yol polisi sizi saxladıqda nə edirsiniz?

25/10/2024

Baxmayaraq ki, ölkəmizdə AZS 122:2023 Standartı "Yerüstü nəqliyyat vasitələrinin təhlükəsizlik şüşəsi. Ümumi texniki şərtlər" Azərbaycan Respublikasının Nazirlər Kabinetinin 21 Yanvar 2023-cü il tarixli 18 nömrəli Qərarı ilə təsdiq edilmiş "Nəqliyyat vasitələrinin şüşələrinə örtüklərin çəkilmə Qaydası"na uyğunlaşdırılmış və 27 Yanvar 2024-cü il tarixində QÜVVƏYƏ MİNMİŞDİR, əfsuslar olsun ki, bizə edilən müraciətlər TAM ƏKSİNİ göstərir.
Daha dəqiq desək, vətəndaşların üzləşdiyi problem xaricdən gətirilən avtomobillərin nəinki İLKİN, hətta sonradan TƏKRAR QEYDİYYATI ilə bağlıdır. Belə ki, sürücüdən arxada qalan şüşələrin tünd olmasına görə avtomobili qeydiyyata almaqdan İMTİNA EDİRLƏR. Vətəndaş standartın dəyişdiyini, sürücüdən arxada olan şüşələrin qeydiyyat prosesinə aid olmadığını bildirsədə, "Kimə istəyirsən şikayət et!", deyilərək qapıdan bayıra çıxarılır.
Bu hələ azmış kimi, Baş Dövlət Yol Polisi İdarəsinə bu məsələ ilə bağlı rəsmi şikayət ünvanladıq da, qürumdan gələn "rəsmi cavab" belə adamı məyus edir... Beləki, vətəndaşa Azərbaycan Respublikasında köhnə, AZS 122:2004 Standartın qüvvədə olduğu bildirilir. Yəni, bilərəkdən vətəndaşlara SƏHV məlumat RƏSMİ qaydada verilir...
Hörmətli, Azərbaycan Respublikasının Daxili İşlər Nazirliyi.
Hörmətli Azərbaycan Respublikasının Baş Prokurorluğu.
Qeyd olunanlarla bağlı sizdən bu məsələnin BİRDƏFƏLİK HƏLL olunmasında köməklik göstərməyinizi xahiş edirəm.
Biz hər zaman çalışırıq ki, vətəndaşlarımız Azərbaycan Respublikasının qanunlarına riayət etsinlər. Yol hərəkəti Qaydalarına əməl etsinlər.
Maksimum şəkildə maarifləndirməyə çalışırıq ki, yollarda qəzaların və qayda pozuntularının sayı azalsın...
Əfsuslar olsun ki, bəzi dövlət qurumlarında Azərbaycan Respublikasının Qanunlarını heçə sayan bəzi əməkdaşlar çox rahat şəkildə vətəndaşlara əziyyət verməkdən çəkinmir.
Zəhmət olmasa bununla bağlı ciddi bir tədbir görün.
Sağlam Azərbaycan naminə...

05/10/2024

70 yaşlı şəxslər sürücülük vəsiqəsi ala bilərlər?

02/10/2024

Texniki baxışın dövlət rüsumu neçədir?