Ambur.az

17/07/2025

Əslində dünən cavab verəcəydim, dünən partiyamızın 36 illiyini qeyd etdiyimiz üçün bu günə saxladım.

Ədalət Vəliyevin avtobusunun daimi yolçusu (avtobus müxalifəti), rejimin qurduğu hər bir konfiqurasiyasında canla-başla iştirak edən, özünü xalqa "müxalifətçi" kimi sırımağa çalışan İqbal Ağazadə açıq-aşkar şəkildə provokasion və təxribat xarakterli yazdığı statusu heç cürə cavabsız saxlaya bilməzdim.

Vətənimiz Azərbaycanın bir parçasını son 35 il ərzində amansız vəhşiliklərlə işğal etmiş və oradakı coğrafi yer adlarını bu dönəmdə dəyişdirməyə çalışmış ermənilərlə ölkəmizin qədim və aborigen sakinləri olan və daim ümum Azərbaycan mənafeyinə xidmət etmiş talışları eyni rakursdan, məhz belə iyrənc və provokasion şəkildə müqayisə etmək nə deməkdir?

Həm İqbal Ağazadə, həm də onun statusuna "like" yağdıran və rəylərdə dəstəkləyən dostlarının Talışlara bu qədər təhqiramiz və nifrətli mövqelərinin zərrəcə məntiqi əsası varmı?

Talışlar bu gün öz dillərində Türk millətinə "tırk" deyirsə, min illərdən bəri bugünəcən də "Lənkəran" ya "Astara" kimi rəsmiləşdirilmiş coğrafi adları öz əzəli "Lankon" ya "Ostoro" talış toponimlərilə qoruyub-saxlayıblarsa, burada qabağını və ya gerisini düşünüb nə məxfi və ya çirkin məqsədlər axtarıla bilər?

Məgər 44 günlük Vətən Müharibəsində İqbal Ağazadənin doğulduğu və ermənilər tərəfindən işğal edilmiş Füzuli rayonunun və ətraf əraziləri digər xalqların nümayəndələrilə birgə düşməndən azad edib və azad edilmiş evlərin divarlarında "Talış" imzalarını əks etdirmiş, elə həmin doğma "Lankon", "Ostoro" və s. kəlmələri dillərindən düşməyən Talışlar deyildimi?

İqbal Ağazadə hətta səlahiyyətli dövlət orqanlarını da onun təxribat xarakterli mövqeyində ona şərik və dəstək olmağa çağırır.

İndi isə çoxlu suallar ortaya çıxır:

1. Görəsən, İqbal Ağazadə və ona dəstək olan dostları ta əzəldən öz evlərində, doğma yurdlarında yaşayan Talışları Azərbaycan xalqına qarşı soyqırımı törədən, köçəri və işğalçı ermənilərlə bir sırada qoyub, onlara qarşı bu qədər antipatiya və nifrət hislərini oyatmaq və milli-etnik ayrıseçkilik salmaq cəhdlərinin arxasında hansı çirkin məqsədlər dayanır?

2. Adətən, özünün "quberniyası" saydığı ölkələrdə milli-etnik ayrıseçkilik, xalqlar arasında nifaq salmaq Kremlin əbədi siyasətidir, Azərbaycan-Rusiya münasibətləri belə gərgin olan vaxta İqbal Ağazadənin yazdığı statusa nə ad vermək olar, necə başa düşək?

3. Talışlar öz doğma ana dilində Lənkərana "Lankon", Astaraya "Ostoro" deməsi ilin-günün bu vaxtı İqbal Ağazadəni niyə bu qədər qıcıqlandırır?

4. Biz Gürcüstan, ruslar Qruziya, gürcülər isə öz vətənlərini öz ana dilində Georgia (Sakartvelo) deyirsə, talışların öz doğma ana dilində Lənkərana "Lankon" ya Astaraya "Ostoro" deməsinin nəyi qəbahətdir?

5. Ölkəmizin bu ağır günlərində rejimə qarşı xalqların birləşib vahid bir cəbhədə mübarizə aparması vaxtı xalqlar arasında nifaq yaratmaq, milli-etnik ayrıseçkilik salmaq üçün İqbal Ağazadə yazdığı statusun sifarişini kimdən və ya hardan alıb?
(Sualları artırmaq olar, kimin sualı varsa, rəy bölümündə yaza bilər)

Əziz xalqım, bundan sonra belə yazıları kimin yazmasından aslı olmayaraq rast gəlsəniz bilin ki, içimizdə nifaq salmaq, birliyimizi dağıtmaq doğma Azərbaycanımızın firavan gələcəyinə, demokratikləşməsinə, insanlarımızın xoşbəxt yaşamasına hər bir vətəndaşımiza vurulacaq zərbədir. Heç biriniz İqbal Ağazadənin bu cür təxribatçı yazılarına fikir verməyin, münasibət bildirməyin. Belə yazıları və müəllifini ancaq və ancaq lənətləmək lazımdır.

Yaşasın vahid Azərbaycanımız!

Ceyhun Novruzov

17/07/2025

"Bu qədər ildə Talışların assimilyasiyası, statistikada sayının süni şəkildə azaldılması bəs etmədimi?

İndi də Talışın tarixi toponimlərinə göz dikmisiniz?
Bu ölkənin qədim və köklü sakinləri Talışlardır. Bu ölkə hamımızın vətənidir. Hesab edirəm ki, sizin yazdıqlarınız bir-başa, məqsədli ya da məqsədsiz şəkildə, separatizmə xidmət edir".

Aləm TV xəbər verir ki, bunu ötən gün sabiq deputat, Azərbaycan Ümid Partiyasının (AÜP) sədri İqbal Ağazadənin Talış bölgəsində yer alan rayonların toponim adları ilə bağlı paylaşımına cavab olaraq Türkiyədə fəaliyət göstərən Azərbaycanlı Tələbələr Assosiasiyasının İdarə Heyətinin sədri Seymur Ağayev özünün "facebook" hesabında paylaşıb.

O, qeyd edib: "İqbal Ağazadə, yanaşmanızı doğru hesab etmirəm.
Bir halda ki, ölkədə Talış dilinin tədrisi demək olar ki, yox dərəcəsindədir.

Talış dilində heçbir televiziyya və radio yoxdur. Xüsusən bu sadaladığınız rayonların heç birində düzgün infrastruktur yoxdur, yollar və bir çox təhsil ocaqları bərbad vəziyyətdədir. Normal iş imkanları yoxdur, camaat sürünür. Siz bunları dilə gətirmək yerinə, həmin rayonların qədim adlarına dil uzadırsınız...

Əvvəla, ermənilərin işğal etdiyi Qarabağ ərazisi Azərbaycanın tarixi torpağıdır, tarixi isə saxtalaşdırmaq mümkün deyil. Necə ki, 30 ildə buna çox cəhdlər olmasına baxmayaraq, hamısı uğursuzluqla nəticələndi.

Talış zonasına gəldikdə isə, o adlar qədim və tarixi adlardır. Siz istəyirsiniz ki, Talış öz tarixini, milli kimliyini, soyunu kökünü unutsun?

Bu qədər ildə Talışların assimilyasiyası, statistikada sayının süni şəkildə azaldılması bəs etmədimi?

İndi də Talışın tarixi toponimlərinə göz dikmisiniz?
Bu ölkənin qədim və köklü sakinləri Talışlardır. Bu ölkə hamımızın vətənidir. Hesab edirəm ki, sizin yazdıqlarınız bir-başa, məqsədli ya da məqsədsiz şəkildə, separatizmə xidmət edir.

Bu gün o adlara irad bildirən, sabah da deyəcək ki, ümumiyyətlə Talış deyə millət yoxdur.
Və bu formada bir millətin axırına çıxmaq niyyətiniz var...
Amma, təkrar qeyd edirəm, biz TALIŞIQ. Bəyənməyən, getsin su içsin.

P.S. Talışı erməni ilə müqayisə etmək məsələsinə toxunmadım belə. Güman ki, şüursuz şəkildə yazılmış bir yazıdır.
Əksi təqdirdə, bu müqayisə Talış xalqına qarşı təhqirdir".

Qeyd edək ki, İqbal Ağazadə "İndi sosial şəbəkələrdə bəzi rayonlarımızın rəsmi adları təhrif edilərək, fərqli yazılır. Bəlkə diqqətdən yayınan faktdır, lakin düşündürücüdür.

Nədən Lənkəran "Lənkon", Astara "Ostoro" və s. kimi qeyd edilir? Məqsəd nədir?" -kimi yazı paylaşmışdı.

Bu da ölkədə yaşayan Talışların ciddi və haqlı narazılığına səbəb olmuş və onlar bildiriblər ki, bu adlar talış dilindədir, talış xalqına aiddir, yerli toponim adlarıdır, coğrafi adlardır və hər birinin talış dilində mənaları var.

16/07/2025

"İndi sosial şəbəkələrdə bəzi rayonlarımızın rəsmi adları təhrif edilərək, fərqli yazılır. Bəlkə diqqətdən yayınan faktdır, lakin düşündürücüdür.

Nədən Lənkəran "Lənkon", Astara "Ostoro" və s. kimi qeyd edilir? Məqsəd nədir?"

Aləm TV xəbər verir ki, bunu sabiq deputat, Azərbaycan Ümid Partiyasının (AÜP) sədri İqbal Ağazadə özünün rəsmi "Facebook" hesabında paylaşıb. Bu paylaşım ölkədə yaşayan Talışlar arasıda narazılığa səbəb olub. Onlar bildirirlər ki, bu adlar Talış bölgəsində olan toponim adlarıdır ki, onlar dəyişilmir. Talışlarda Lerik -Lik, Lənkəran -Lankon, Astara -Ostoro və s. rayon və kənd adları var ki, yerli toponim adlarıdır və olduğu kimi səsləndirilir.

Yazını tam paylaşırıq:

"Düşünmək üçün...

İstər işğaldan əvvəl, istərsə də işğal dönəmində ermənilər Azərbaycanın yer adlarını (rayonlarını) istədikləri kimi adlandırırdılar. Bir qisminə rəsmi də nail olmuşdular.

Ağdərəni Mardakert, Xankəndini Stepanakert, Xocavəndi Martuni və s.

İşğal zamanı da rayonlarımıza özlərinə məxsus adlar uydurmuşdular.

Füzuli Varanda, Kəlbəcər Karvacar, Şuşa Şuşi, Xocalı İvanyan və s.

İndi sosial şəbəkələrdə bəzi rayonlarımızın rəsmi adları təhrif edilərək, fərqli yazılır. Bəlkə diqqətdən yayınan faktdır, lakin düşündürücüdür.

Nədən Lənkəran "Lənkon", Astara "Ostoro" və s. kimi qeyd edilir? Məqsəd nədir?

Məncə səlahiyyətli dövlət qurumları bu işin mahiyyətinə varmağa borcludurlar.

P. S. Bu cür təhrifçilərin bəzilərinin 44 günlük Vətən müharibəsi dönəmində səhifələrində paylaşdıqlarını analiz edən dostlarımıza təşəkkür edirəm.

O şəxslər həmin günlərdə Azərbaycan, Qarabağ, qələbə adına bir söz belə yazmayıblar.

Gerisini siz düşünün...".

14/07/2025

LƏNKƏRAN XANLIĞI YOXSA TALIŞ XANLIĞI? - Yalan və həqiqətlər...

14/07/2025

14/07/2025

https://youtu.be/xmJIqRHmiGE?si=w-bSPfcvW2njn0cC

13/07/2025

Qazaxıstanda yaşayan həmyerlimiz: "Mənim pasportumda "Talış" yazılıb. Mən özümü Talış hesab edirəm."

ARXİV

12/07/2025

Səfəvi imperiyasının qurucuları -TALIŞ TAYFALARI

12/07/2025

https://youtu.be/MhKI8q9BvSc?si=_dy_J6ISADDk_xwc

12/07/2025

Eşq'dir yetmiş iki qurbanı salmış çöllərə,
Oğlunun yasın tutan Zəhranı salmış çöllərə.

Ol şəbihi-Əhmədin nur ilə xəlq olmuş üzü,
Əkbərin ruyin görən, hüsnündən almazmış gözü,
Mənbəri-Peyğəmbəri zəbt eyləyən məl'un özü
Bənzəri-Peyğəmbəri-Tahanı salmış çöllərə.

Neynəvadə bir cinayət törədib qövmi-cəhul,
Şah Hüseynə zərbə dəymiş min qılınc, min-min nüsul,
Yeddi qardaş dağı görmüş, binti-Zəhrayi-bətul
Kərbəla ol Zeynəbi-nalanı salmış çöllərə.

Ruzi-Aşuradə əfğan eyləyib, ağlıb mələk,
Qətl edib Şahi-şəhidanı ədular müştərək,
Ali-heydər min bəlalər çəkdilər ta şamədək
Şimri-dun ətşan olan tiflanı salmış çöllərə.

Aşiqə can bəxş edən məşuqə sevda meylidir,
Dəştidə Məcnun Hüseydir, Rəbbül-Aləm Leylidir,
Kərbəla sultanına məcnun olanlar xeylidir,
Amma o Məcnun özü Leylanı salmış çöllərə.

Bir Hüseyn övladı var həşr olmamış bərpa gələr,
Cəddinin dinin o Həzrət etməyə ehya gələr,
Təbriz a, ümmət haçan islah olar mövla gələr,
Öz xətamız Mehdiyi-Valanı salmış çöllərə.

Təbriz Hüseyni

25/12/2024

Bu gün təyyarə qəzasında sağ qalanlardan biri də Lənkəran rayon Lüvəsər kənd sakini 2004-cü il təvəllüdlü Ayhan Zəfər oğlu Bayramzadədir.

Lent.az-ın verdiyi xəbərə görə atası Zəfər kişi deyib ki, evin tək oğlu olan Ayhan əmisinin yanına işləməyə gedirdi.

"Dünən bibisi ilə Sumqayıt şəhərinə getdi. Bu gün səhər təyyarə ilə Rusiyaya əmisinin yanına özünə iş qurmağa getdi. Saat 11-12 də onlardan bir xəbər çıxmadı. Qardaşıma zəng etdim Ayhandan nə xəbər var. Qardaşım ağladı dedi evimiz yıxılıb. Ayhanın olduğu təyyarə Qazaxıstanda qəzaya düşüb, amma sağ qalanlar var. Ümid edək ki, Ayhan da sağ qalanların siyahısındadır. Yoldaşıma bir söz demədim. Televizora baxdım gördüm Fövqəladə Hallar Naziri Kəmaləddin Heydərov oğlumla danışır, səhhəti ilə maraqlanır. Ondan sonra yoldaşıma xəbəri verdim. Sağ olsun dövlət başçısı hadisə ilə bağlı operativ qrup yaratdı. Özü də iclasdan dönüb xalqın yanında olduğunu göstərdi".

Ayhanın anası Aynur Bayramova bildirib ki, təyyarə qəzasını yoldaşından eşidib. "Yoldaşım mənə xəbəri çatdıranda ölənlər haqqında eşidəndə çox p*s oldum və sevindim ki, oğlum sağdır. Televizorda oğlumu gördüm özü ilə qısa da olsa telefonla danışdıq ürəyim rahat oldu. Dedi ana hər şey yaxşıdır tezliklə evə qayıdaram".

Qeyd edək ki, Ayhan Bayramzadə ailədə bir bacı bir qardaşdır.