23/08/2025
Ogurlyk eden 20 ýaşly Türkmen Lefkoşa'da tussag edildi. — GIYNIK gazeti
Awgust aýynyň başynda, Lefkoşa'da Atatürk köçesinde ýerleşýän ýaşaýyş jaýynda ýüze çykan ogurlyk bilen baglanyşykly 20 ýaşyndaky Türkmenistan watandaşy A.R. tussag edildi. Polisiýanyň beren maglumatyna görä, şübheli şahsyň öýe rugsatsyz girip, 54 müň 500 türk lirasy möçberindäki nagt puly ogurlandygy aýdylýar. A.R. tussag edilenden soň jenaýaty boýun alypdyr.
Polisiýa işgäriniň kazyýetde beren beýanyna görä, waka 2025'nji ýylyň 1'nji Awgustynda, sagat 11:00 töwereginde bolup geçipdir. Şübheli şahsyň, Demirgazyk Kipr Türk Jumhuriýetiniň, Lefkoşa şäheriniň Atatürk köçesinde ýerleşýän başga bir Türkmenistan watandaşyna degişli ýaşaýyş jaýyna girendigi aýdylýar. Şübheli A.R.'niň ýaşaýyş jaýyna gulpy döwülen, ýöne ýapyk ýagdaýdaky alýumin gapyndan girendigi aýdylýar. Ol öýüň bir otagyndaky çekmeden nagt puly alyp, şol bir gapydan çykyp gidipdir.
Waka barada degişli edaralara 4'nji Awgustda habar berlipdir. Şol gün A.R. tussag edilip, gysga wagtyň içinde jenaýaty boýun alypdyr. Polisiýanyň bellemegine görä, A.R. häzirki wagta çenli DKTJ'de talyp hökmünde ýaşaýardy. Derňew işleri dowam edýär, ogurlanan pul heniz tapylmandyr.
Bu waka diňe bir şahsy meselemi, ýa-da jemgyýetde giňden ýaýran bozuklugyň alamatymy?
