MilliSfera

31/12/2025

Xırdalan 2 saylı tam orta məktəbdə 2025-ci ilin uğurlu dönüş nöqtəsi

2025-ci il Xırdalan şəhərində yerləşən 2 saylı tam orta məktəb üçün əlamətdar il kimi yadda qalıb. Məktəbdə son bir il ərzində müşahidə olunan müsbət dəyişikliklərin və irəliləyişlərin mərkəzində isə məhz məktəbin direktoru Gülnaz Kərimovanın prinsipial, məsuliyyətli və məqsədyönlü idarəetmə fəaliyyəti dayanır.

Mənbələrin bildirdiyinə görə, Gülnaz Kərimovanın rəhbərliyi ilə məktəbdə nizam-intizam əsaslı şəkildə bərpa olunub, tədris prosesi sistemli və nəzarətli formaya salınıb. Direktorun müəllim kollektivi ilə gündəlik təmasları, tələbkarlığı və eyni zamanda obyektiv yanaşması nəticəsində pedaqoji heyətdə məsuliyyət hissi güclənib, dərslərin keyfiyyəti nəzərəçarpacaq dərəcədə yüksəlib.

Valideyn–məktəb münasibətlərinin sağlam əsaslar üzərində qurulması da birbaşa direktorun təşəbbüsü ilə reallaşıb. Gülnaz Kərimova valideynlərin problemlərini dinləyən, təkliflərə açıq olan idarəçi kimi məktəbdə qarşılıqlı etimad mühiti formalaşdırıb. Bu yanaşma şagirdlərin həm davamiyyətinə, həm də ümumi davranışına müsbət təsir göstərib.

2025-ci ildə məktəbin maddi-texniki bazasının yaxşılaşdırılması, sinif otaqlarında səliqə-sahmanın təmin olunması, məktəb ərazisində ümumi nizamın yaradılması da məhz direktorun birbaşa nəzarəti və təşəbbüsü ilə həyata keçirilib. Təhsil ocağında formalaşan təhlükəsiz, sağlam və motivasiyaedici mühit müəllim, şagird və valideynlər tərəfindən yüksək qiymətləndirilir.

Qeyd olunur ki, bu gün Xırdalan 2 saylı tam orta məktəbdə müşahidə edilən müsbət mənzərə təsadüfi deyil. Bu uğurların arxasında direktor Gülnaz Kərimovanın qətiyyətli mövqeyi, idarəetmə bacarığı və təhsilə verdiyi önəm dayanır. Məhz bu yanaşma məktəbin 2025-ci ildə inkişaf yoluna çıxmasını təmin edib və qarşıdakı illər üçün möhkəm təməl yaradıb.

11/11/2025

"On fokusun, heç olmasa, yeddisinin sirrini tamaşaçılar bizdən soruşurlar. Bir dəfə elə oldu ki, 1 manatı tamaşaçıdan alıb, 100 dollar etdim. O sonra baxırdı, görsün ki, həqiqətən, bu, dollardır? Həqiqi dollar olduğunu biləndən sonra dedi ki, bu pul mənimdir. Ona dedim ki, niyə sənin olmalıdır ki? Əziyyət çəkən axı mənəm orada. Hiss edirdim ki, onun bu pulu qaytarmaq fikri yoxdur. Dedim ki, ver, heç olmasa, iki dənə edim, biri sənin olsun, biri mənim. O da aldandı. Gözünün qabağında yenə həmin pulu qatlayıb, açdım, 1 manat oldu və özünə verib dedim ki, sənin pulun budur".

Millisfera xəbər verir ki, bunu Moderator.az-a açıqlamasında məşhur fokusçu, "Sehrbaz Tofiq əmi" adı ilə tanınan aktyor Tofiq İsgəndərli deyib.

O daha sonra bildirib ki, bəzi fokuslarının sirrini xaricə satıb:

"Fokusların sirlərini satmaq olur. Şəxsən mən xaricə satmışam. İki fokusumun sirrini satmışam, özü də yaxşı p**a. Bir dəfə də Çində festivalda olanda müəllif nömrəmi göstərirdim. Oraya öz fokuslarını satanlar gəlmişdilər. Bir-iki sehrbaz yaxınlaşıb soruşdu ki, bu fokusun sirrini satırsan? Dedim ki, xeyr, satmaq fikrim yoxdur, festivalın sonunda baxarıq. Sonra yenidən yaxınlaşıb məndən bu fokusun sirrini satmağımı xahiş edirlər. Özü də təklif etdilər ki, nə qədər qiymət desən, verəcəyik. Sözsüz ki, tərcüməçi ilə danışırdıq. İki min dollar verəcəklərini dedilər. Sonda dörd min dolların üzərində dayandılar. Əvvəlcə p**a şirnikləndim, istədim ki, satım. Fikirləşdim ki, o bunu alıb, satışa buraxacaq, ondan sonra mən bu fokusu harada göstərəcəyəm? Nə qazanacağam? Ona görə də satmadım.

Bir dəfə də Türkiyədəki festivalda İrandan olan bir sehrbaz müəllif nömrəmi məndən istədi. Mən o fokusu əlimlə düzəltmişdim. Həmin fokusçu dedi ki, mən bunu fabrikdə düzəltdirərəm, sataram və hər dəfə satılanda da sənə də oradan faiz verərəm. Fikirləşdim ki, bu mənə hesabat verməyəcək ki, bu qədər satdım. Dedim ki, xeyr, satmıram. Çox xahiş etdi, nə qədər dedisə, satmadım. Söhbət "Piramida" fokusumdan gedir. Satdınsa, getdi. Bazara yayılandan sonra onu göstərməyin böyük bir əhəmiyyəti yoxdur. Yəni həmin fokus səninki olmaqdan çıxır.

Pandemiya vaxtında iş yox idi, boş vaxt həddindən artıq çox idi. Mən o zaman bir neçə rekvizit düzəldib, yaxşı qiymətə xaricə satmışam. Düzdür, bir az göndərmək çətin olub, amma hər halda qazanc əldə etmişəm. Sonra "İllüziya" adlı fokusum var idi. Onun mən çertyojunu satmışdım. İdeyamı da satmışam. Xaricdə dilerlər var, xüsusilə bu işlərlə məşğuldurlar. Onların fokusunu heç kim düzəldib, sata bilməz. Onların rəsmi saytları, işləri var. Qanunla məhkəməyə verə bilərlər. ABŞ-də, Almaniyada, Çində bu kimi işlər çox yayılıb".

07/03/2018

Türkiyə Xarici İşlər Nazirliyi Yunanıstanda türk bayrağının yandırılması ilə bağlı sərt mövqe nümayiş etdirib.Paytaxt.org bildirir ki, Oxu.Az-ın məlumatına görə, Türkiyə XİN bu hərəkəti şiddətlə qınadığını açıqlayıb: "5 mart tarixində bir qrup irqçi partiy...

06/03/2018

Sosial şəbəkədə müğənni Röya Ayxanın maşın şoudan arxiv videosu üzə çıxıb. Paytaxt.org Publika.az-a istinadən xəbər verir ki, ifaçı sözügedən verilişdə çox cəsarətli açıqlamaları ilə çıxış edib. Röyanın 18 + söhbətləri kimi təqdim olunan kadrlar "Maşın ...

06/03/2018

Əlil arabasında icra başçısı ilə görüşə can atan Rəşad idarənin işçiləri tərəfindən də təzyiqlərə məruz qaldı. Paytaxt.org bildirir ki, Bölgə TV-nin əməkdaşlarının Cəlilabad rayonunda lentə aldıqlarını olduğu kimi sizlərə də təqdim edirik. Göründüyü kim...

06/03/2018

Daxili İşlər Nazirliyi martın 2-də Bakı şəhərinin Xətai rayonunda yerləşən Respublika Narkoloji Mərkəzində coxsaylı insan tələfatı ilə nəticələnən yanğın barədə məlumat yayıb. DİN-in mətbuat xidmətindən Musavat.com-a verilən məlumatda bildirilir ki, fakt üzrə d...

06/03/2018

Nazirin zavodları partlayır, yaxınları odlu silahla tutulur; Camalovların adı sələmə pul verməkdən tutmuş bahalı maşının qaçırılaraq Gürcüstanda satılmasınadək çəkilir Müdafiə sənayesi naziri Yavər Camalovun adı növbəti dəfə qalmaqallı bir olayın üzərindən gü...

06/03/2018

05/03/2018

Hal-hazırda həbs həyatı yaşayan Fədayə Laçının 20 il əvvəl dövlət telekanalında Ofeliya Sənaninin aparıcılığı ilə yayımlanan "Gəl səhərim" adlı proqramda ilk efirlərindən olan kadr marağımıza səbəb oldu. Fədayə proqramda müğənni olmamışdan öncəki arzusunu a...

05/03/2018