05/08/2025
Buta Film - 20 yaşında!
Azərbaycanın aparıcı kino istehsalat şirkətlərindən biri olan Buta Film, 3 avqust 2005-ci il tarixində Azərbaycan Respublikası Ədliyyə Nazirliyində rəsmi qeydiyyatdan keçərək fəaliyyətə başlamışdır. Təsisçisi rejissor İlqar Nəcəf olan Buta Film, ötən 20 il ərzində yerli və beynəlxalq kino sahəsində fəal iştirak etmiş, bir çox bədii, sənədli və reklam filmlərinin istehsalına imza atmışdır.
Şirkət, fəaliyyəti dövründə aşağıdakı kimi mühüm filmlərin ərsəyə gəlməsində iştirak etmişdir:
“Çıxış” (2006), “Ev” (2007), “Kaş Millətdə Ruh Yaşasın”, “Sirat körpüsü” (2007), “Düyün” (2008), “Qanadlarıma sığal çək” (2008), “Yalançılar” (2008), “Teatral həyat” (2009), “Leninə məktub” (2009), “Arxası qibləyə” (2009), “Buta” (2011), “Şəbəkə” (2011), “Yuva” (2012), “Nar Bağı” (2017), “Suğra və Oğulları” (2021).
20 illik fəaliyyəti ərzində Buta Film təkcə filmlər istehsal etməklə kifayətlənməyib, eyni zamanda gənc rejissorların və kino mütəxəssislərinin yetişməsində mühüm rol oynamışdır. Şirkət, Azərbaycan kinosunun beynəlxalq səviyyədə tanınması istiqamətində də əhəmiyyətli addımlar atmış, müxtəlif beynəlxalq film festivallarında ölkəmizi layiqincə təmsil etmişdir.
Buta Film, Azərbaycan kinosunun inkişafına töhfə verməyə davam edir və növbəti illərdə də həm yerli, həm də qlobal kino məkanında yeni uğurlara imza atmağı hədəfləyir.
