Toplum TV

Toplum TV Operativ, dolğun və obyektiv xəbərin ünvanı. WhatsApp: https://wa.me/4915213319579
(1)

11/08/2026

Corab satan keçmiş müharibə iştirakçısı: "80 manatla mən nə edə bilərəm?"

“Əli Kərimli və Ələsgər Məmmədlinin sağlamlığı həbsxanadakı qeyri-adekvat şərait və zəruri tibbi yardımın göstərilməməsi...
11/08/2026

“Əli Kərimli və Ələsgər Məmmədlinin sağlamlığı həbsxanadakı qeyri-adekvat şərait və zəruri tibbi yardımın göstərilməməsi səbəbindən ciddi şəkildə p*sləşib”.

Bu barədə beynəlxalq insan hüquqları təşkilatı "Amnesty International" avqustun 11-də yaydığı bəyanatda bildirib.

Təşkilatın Şərqi Avropa və Mərkəzi Asiya üzrə direktoru Mari Struters deyib:
“Azərbaycan Xalq Cəbhəsi Parsiyasının sədri (AXCP) Əli Kərimli içməli suya və havalandırmaya çıxışdan məhrum edilib ki, bu da işgəncə və ya digər qəddar, qeyri-insani və ya ləyaqəti alçaldan rəftar kimi qiymətləndirilə bilər. Ələsgər Məmmədlinin vəkilləri onun səhhətində həbsdə olduğu müddətdə ciddi şəkildə ağırlaşan problemləri nəzərə alaraq dəfələrlə ev dustaqlığına keçirilməsi barədə müraciət ediblər”.

Bəyanatda qeyd olunur ki, Əli Kərimli və Ələsgər Məmmədli Azərbaycanın “getdikcə güclənən siyasi repressiya kampaniyasının qurbanına” çevrilmiş yüzlərlə şəxsdən yalnız ikisidir.

“Bu kampaniya jurnalistləri, fəalları, hökuməti açıq tənqid edənləri və müxalif siyasətçiləri hədəf alır. Bu repressiyaların digər qurbanı isə vaxtilə Əli Kərimlinin mühafizəçisi olmuş siyasi fəal Bəhruz Həsənlidir. Hazırda o, Ukraynadan Azərbaycana ekstradisiya olunmaq riski ilə üz-üzədir və burada işgəncə və digər p*s rəftara məruz qala bilər”, -bəyanatda deyilir.

"Amnesty International" vurğulayır ki, Azərbaycan hakimiyyəti Əli Kərimli, Ələsgər Məmmədli və bütün digər məhbusların dərhal kifayət qədər içməli suya, havalandırmaya və zəruri tibbi yardıma çıxışını təmin etməlidir.

Ətraflı oxumaq üçün şərhdəki linkə keçid edin.

2025-ci ildə Azərbaycanda vergi hüquqpozmaları ilə bağlı 2 min 131 cinayət işi icraatda olub.Bu barədə Dövlət Vergi Xidm...
11/08/2026

2025-ci ildə Azərbaycanda vergi hüquqpozmaları ilə bağlı 2 min 131 cinayət işi icraatda olub.

Bu barədə Dövlət Vergi Xidmətinin avqustun 11-də açıqladığı illik hesabatda bildirilir.

Hesabata görə, bu göstərici 2024-cü illə müqayisədə 53,9 faiz artıb.

Hesabat dövründə başa çatmış cinayət işləri üzrə vurulmuş ziyanın məbləği 202,7 milyon manat təşkil edib. Həmin işlər üzrə dövlət büdcəsinə 156 milyon manat ödənilib.

Ötən il başlanmış cinayət işlərinin böyük əksəriyyəti vergidən, işsizlikdən sığorta, icbari tibbi sığorta və məcburi dövlət sosial sığorta haqlarının ödənilməsindən yayınma halları ilə bağlı olub.

İl ərzində yeddi nəfər barəsində həbs qətimkan tədbiri seçilib.

Maliyyə Nazirliyinin bu günlərdə açıqladığı illik hesabata əsasən, iyulun 1-nə Azərbaycanda vergi borclarının həcmi 4 milyard 50,4 milyon manata çatıb. Bu, ilin əvvəli ilə müqayisədə 741,6 milyon manat və ya 22,4 faiz çoxdur.

Azərbaycanda payızlıq və yazlıq dənli və dənli-paxlalı (qarğıdalısız) bitkilər üzrə məhsuldarlıq aşağı düşüb. Dövlət Sta...
11/08/2026

Azərbaycanda payızlıq və yazlıq dənli və dənli-paxlalı (qarğıdalısız) bitkilər üzrə məhsuldarlıq aşağı düşüb.

Dövlət Statistika Komitəsinin (DSK) avqustun 3-ə olan məlumatına görə, ötən ilin eyni dövrü ilə müqayisədə ümumi məhsul yığımı 6,2 faiz, buğda üzrə isə 2,1 faiz azalıb.

Bildirilir ki, sahələrdən ümumilikdə 3 milyon 131,9 min ton məhsul toplanıb, hər hektardan orta məhsuldarlıq isə 33,9 sentner olub. Yığılmış məhsulun 1 milyon 534,8 min tonu buğdanın, 1 milyon 561,2 min tonu arpanın, 35,9 min tonu isə digər dənli və dənli-paxlalı bitkilərin payına düşüb.

Azərbaycanda kənd təsərrüfatında məhsuldarlığın aşağı olması ilə bağlı müstəqil ekspertlər tez-tez tənqidlər səsləndirir. Onların fikrincə, məhsuldarlığın aşağı olması idxaldan asılılığı artırır və ərzaq təhlükəsizliyini sual altına alır.

Azərbaycan prezidenti İlham Əliyev də may ayında keçirdiyi müşavirədə kənd təsərrüfatında, xüsusilə buğda istehsalında məhsuldarlığın aşağı olmasından şikayətlənib.

“Görürəm ki, İran İslam Respublikasının nümayəndələri son beş ay davam edən hərbi münaqişə zamanı onlara dəymiş zərərə g...
11/08/2026

“Görürəm ki, İran İslam Respublikasının nümayəndələri son beş ay davam edən hərbi münaqişə zamanı onlara dəymiş zərərə görə təzminat tələb edirlər. Bu münaqişə onların nüvə silahına sahib olmaması üçün başladılıb. Halbuki, danışıqlarımızın və görüşlərimizin heç birində belə bir məsələ heç vaxt müzakirə olunmayıb!”

Bunu ABŞ prezidenti Donald Tramp öz “Truth Social” hesabında yazıb.

Tramp İranın törətdiyi yol kənarındakı partlayışlar və məşhur olduqları çoxsaylı münaqişələr nəticəsində öldürülən və ağır yaralanan bütün insanların müqabilində təzminat tələb etdiyini bildirib.

“Bunlara əvvəlcə general Süleymaninin rəhbərliyi ilə həyata keçirilən hücumlar, o cümlədən “USS Cole” gəmisində həlak olanların ailələri və döyüşlərdə öldürülən minlərlə digər insan daxildir”, -Tramp əlavə edib.

O bildirib ki, bundan əlavə, son beş ayda öldürülən 52 min insanı nəzərə almasa belə İranın son 50 il ərzində öldürdüyü yüz minlərlə günahsız etirazçının ailələrinə də təzminat ödənilməlidir.

“Nümayəndələrimə tapşırmışam ki, bu məsələni bundan sonra keçiriləcək bütün danışıqlarda qəti şəkildə gündəmə gətirsinlər”, - Tramp bildirib.

ABŞ və İran arasında münasibətlər onilliklərdir gərgin olaraq qalır. Bu il baş verən hərbi qarşıdurmadan sonra tərəflər atəşkəsə razılaşsalar da, nüvə proqramı, sanksiyalar və müharibənin nəticələri ilə bağlı fikir ayrılıqları davam edir. İran dəymiş ziyana görə kompensasiya tələb etdiyini bildirir, ABŞ isə bu tələbi rədd edir və əksinə, İranın illər ərzində törətdiyi hücumlara görə məsuliyyət daşımalı olduğunu bəyan edir.

Suriya məhkəməsi ölkənin sabiq prezidenti Bəşər Əsəd ölüm cəzasına məhkum edib.Bu barədə Suriyanın dövlət xəbər agentliy...
11/08/2026

Suriya məhkəməsi ölkənin sabiq prezidenti Bəşər Əsəd ölüm cəzasına məhkum edib.

Bu barədə Suriyanın dövlət xəbər agentliyi SANA məlumat yayıb.

Məlumata görə, Əsəd, onun əmisi oğlu, keçmiş briqada generalı Atif Nəcib və daha yeddi nəfər Suriya xalqına qarşı hərbi cinayətlər, qətllər, işgəncələr və insanlığa qarşı cinayətlər törətməkdə təqsirli biliniblər.

İttihamlar 2011-ci ildə Dəraa vilayətində siyasi dəyişikliklər və azadlıq tələbi ilə keçirilən dinc etiraz aksiyalarının amansız şəkildə yatırılması ilə bağlıdır. Bildirilir ki, Bəşər Əsəd rejimi etirazlara kütləvi həbslər və zorakılıqla cavab verib.

Bu isə sonradan yüz minlərlə insanın həyatına son qoyan və ölkənin böyük hissəsini dağıntılara çevirən vətəndaş müharibəsinə səbəb olub.

Bəşər Əsəd 2024-cü ilin dekabrında hakimiyyətdən devrilib və daha sonra ailəsi ilə Suriyanı tərk edərək Rusiyaya sığınıb.

2025-ci ildə Suriya hakimiyyəti Bəşər Əsədin həbsi barədə order verib. Hazırda onun Moskvada yaşadığı bildirilir.

İşçi hüquqları fəalı Ayxan İsrafilov cəzaçəkmə müddətini bitirərək azadlığa çıxıb.Bu barədə avqustun 11-də onun yaxınlar...
11/08/2026

İşçi hüquqları fəalı Ayxan İsrafilov cəzaçəkmə müddətini bitirərək azadlığa çıxıb.

Bu barədə avqustun 11-də onun yaxınları məlumat yayıb.

Ayxan İsrafilov 2023-cü il avqust ayında saxlanılıb. O, narkotik vasitələrin əldə edilməsi və daşınması maddəsi ilə ittiham olunub və Bakı Ağır Cinayətlər Məhkəməsinin qərarı ilə 3 il azadlıqdan məhrum edilib.

Özü ittihamı qəbul etməyib və cinayət təqibini "İşçi Masası" Həmkarlar İttifaqları Konfederasiyasındakı fəaliyyəti ilə əlaqələndirib.

2022-ci ildə yaradılan "İşçi Masası" Həmkarlar İttifaqları Konfederasiyasının dörd üzvü - sədr Afiəddin Məmmədov, Ayxan İsrafilov, Elvin Mustafayev və Möhyəddin Orucov müxtəlif vaxtlarda həbs olunub. E.Mustafayev də bu yaxınlarda cəzaçəkmə müddətini bitirərək azadlığa çıxıb.

“Ukrayna Xəzər dənizində gəmiyə hücum zamanı İrana vurduğu ziyanı könüllü şəkildə ödəməlidir. Əks təqdirdə, buna özümüz ...
10/08/2026

“Ukrayna Xəzər dənizində gəmiyə hücum zamanı İrana vurduğu ziyanı könüllü şəkildə ödəməlidir. Əks təqdirdə, buna özümüz nail olacağıq”.

Bunu İran Xarici İşlər Nazirliyinin sözçüsü İsmayıl Bəqai deyib.

İran XİN sözçüsü qeyd edib ki, Ukrayna rəsmilərinin etirafından sonra dəymiş zərər mütləq şəkildə kompensasiya edilməlidir: “Hələ də bildiririk ki, Ukrayna tərəfinin bu hadisənin təsadüfən baş verdiyinə dair iddiaları bizi inandırmadı. Biz onların izahatlarını dinlədik, lakin Ukrayna tərəfinin bəyanatlarına əsasən, onlar dəymiş ziyanı ödəməyə borcludurlar”.

İranın xarici işlər naziri Abbas Əraqçı iyulun 26-da Ukrayna prezidenti Volodimir Zelenskini Xəzər dənizində İrana məxsus kommersiya gəmisinə hücumda ittiham edib.

Zelenski isə iyulun 25-də Ukrayna ordusunun Xəzər dənizində İrana məxsus hərbi yük daşıyan gəmilərə zərbələr endirdiyini açıqlayıb. Bundan sonra İran Ukraynanın ölkədəki diplomatik nümayəndəsini Xarici İşlər Nazirliyinə çağıraraq ona nota təqdim edib.

Çeçenistan rəhbəri Ramzan Kadırovun 20 yaşlı oğlu Əhməd Kadırov respublikanın ən yüksək dövlət təltifi sayılan “Çeçenist...
10/08/2026

Çeçenistan rəhbəri Ramzan Kadırovun 20 yaşlı oğlu Əhməd Kadırov respublikanın ən yüksək dövlət təltifi sayılan “Çeçenistan Qəhrəmanı” adına layiq görülüb.
Sərəncamı Ramzan Kadırov imzalayıb. Sənəddə Əhməd Kadırovun bu ada Çeçenistana “şəxsi xidmətlərinə”, eləcə də bədən tərbiyəsi və idmanın inkişafına verdiyi töhfəyə görə layiq görüldüyü bildirilir.

Əhməd Kadırov 2024-cü ilin mayından Çeçenistanın idman naziri, 2026-cı ilin fevralından isə respublika hökuməti sədrinin təhsil məsələləri üzrə müavinidir.

“Çeçenistan Qəhrəmanı” adı 2022-ci ilin noyabrında təsis olunub və respublikanın ən yüksək dövlət mükafatı hesab edilir. Bu ada ilk dəfə 2022-ci ilin dekabrında Ramzan Kadırov özü layiq görülüb.

Əhməd Kadırov son illərdə bir sıra digər mükafatlar da alıb. O, 2024-cü ildə “Əhməd Kadırov” ordeni, daha sonra Çeçenistan parlamentinin “Daymexkan Sii” (“Vətənin şərəfi”) ordeni və İslam dininə xidmətə görə I dərəcəli ordenlə təltif edilib. 2025-ci ildə Qroznının fəxri vətəndaşı seçilən Əhməd Kadırov 2026-cı ildə Nikolay Ozerov medalı və Rusiya prezidenti Vladimir Putinin fəxri fərmanı ilə də mükafatlandırılıb.

Əhməd Kadırov bu ada layiq görülən ilk yaxın qohum deyil. 2023-cü ildə Ramzan Kadırovun o vaxt 15 yaşında olan digər oğlu Adam Kadırov da “Çeçenistan Qəhrəmanı” adını alıb. O, 2026-cı ilin iyununda bu ada ikinci dəfə layiq görülüb.

Ramzan Kadırov özü də 2025-ci ildə ikinci dəfə “Çeçenistan Qəhrəmanı” adına layiq görülüb. Bu titul onun qardaşı oğlu Xamzat Kadırova da 2023-cü ildə, 26 yaşında olarkən verilib. Rəsmi açıqlamada mükafat onun müxtəlif sahələrdə fəaliyyət göstərməsi və respublika rəhbərinin “layiqli silahdaşı” olması ilə əsaslandırılsa da, konkret xidmətləri açıqlanmayıb.

Azərbaycan prezidenti İlham Əliyevin açılışını etdiyi hoteli inşa etmiş şirkət pulunu ala bilmədiyini deyir. Bu barədə a...
10/08/2026

Azərbaycan prezidenti İlham Əliyevin açılışını etdiyi hoteli inşa etmiş şirkət pulunu ala bilmədiyini deyir.

Bu barədə avqustun 10-da "Azadlıq Radiosu" adını açıqlamadığı mənbəyə istinadən məlumat yayıb.

İ.Əliyev iyulun 31-də Qırğızıstanda, İssık-Kul gölünün sahilində beşulduzlu “Baku Resort & Spa” hotelinin açılışını edib. Açılışda onunla yanaşı Qırğızıstan, Qazaxıstan, Özbəkistan, Tacikistan və Türkmənistan prezidentləri iştirak edib.

Hotel Azərbaycan və Qırğızıstan hökumətləri arasında 2023-cü ildə Bişkekdə imzalanmış saziş çərçivəsində inşa olunub. Sazişə görə, hotelin idarəçiliyi 49 il müddətinə Azərbaycana verilib.

"Azadlıq Radiosu"nun məlumatına görə, hotel kompleksinin təkcə eskiz layihəsinin hazırlanması üçün 2023-cü ildə "FLAX" şirkəti ilə 228 min 684 manatlıq müqavilə bağlanıb. Sifarişçi isə Azərbaycan prezidentinin İşlər İdarəsi olub. Açılış zamanı da dövlət başçılarına hotel barədə məlumatı idarənin müdiri Ramin Quluzadə verib.

Ətraflı oxumaq üçün şərhdəki linkə keçid edin.

Address

AZ1000
Baku

Telephone

+994502475506

Website

Alerts

Be the first to know and let us send you an email when Toplum TV posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Toplum TV:

Shortcuts

Share

Category