Toplum TV

31/12/2025

ABŞ prezidenti Donald Tramp yenə Azərbaycan və Ermənistandan danışıb.

Dekabrın 29-da Floridadakı iqamətgahında İsrail baş naziri Benyamin Netanyahunu qəbul edən Tramp söhbət əsnasında iki ölkə arasında münaqişəyə son qoyduğunu deyib.

O iddia edib ki, Azərbaycan və Ermənistanı ABŞ-lə ticarətdən məhrum qoymaq və bu ölkələrdən ixrac olunan məhsullara 200% tarif tətbiq etməklə hədələyib.

"Bunu dediyimin səhərisi günü zəng etdilər ki, gəlirik imzalamağa. 35 ildir döyüşürdülər. Heç kim son qoya bilmirdi. Hətta Putin zəng etdi ki, mən 10 ildir buna son qoymağa çalışırdım, sən necə bacardın?", - o deyib.

Ətraflı oxumaq üçün linkə keçid edin.

ABŞ prezidenti Donald Tramp yenə Azərbaycan və Ermənistandan danışıb.  Dekabrın 29-da Floridadakı iqamətgahında İsrail baş...

31/12/2025

Neftçala rayonunun sabiq icra başçısı İsmayıl Vəliyev azadlığa buraxılıb.

“Qafqazinfo”nun məlumata görə, amnistiya aktı ona da şamil edilib.

Neftçalanın eks-icra başçısı İsmayıl Vəliyev mənimsəmə və rüşvət almaqda təqsirli bilinərək 10 il azadlıqdan məhrum edilmişdi.

2024-cü ildə Ali Məhkəmə onun cəzasını 6 il 2 aya endirib.

İsmayıl Vəliyev 2005-2011-ci illərdə Qobustan rayonunun, 2011-ci ildən 2020-ci ilin fevralında həbs olunana qədər isə Neftçalanın icra başçısı olub. O, həbsindən üç ay öncə prezidentin sərəncamıyla 2-ci dərəcəli "Vətənə xidmətə görə" ordeni ilə təltif edilib.

Onun həbsdə olan sabiq müavini Gültəkin Sadıqova da amnistiya aktı çərçivəsində dekabrın 22-də azadlığa buraxılıb.

Sadıqova 2021-ci ilin oktyabrında Cinayət Məcəlləsinin 311.3.3-cü (külli miqdarda rüşvət alma) maddəsi ilə 6 il yarım azadlıqdan məhrum edilib. O, hökmə qədər azadlıqda olub.

31/12/2025

Rusiyanın Ukraynaya qarşı 2022-ci ilin fevralında başlamış işğalçı müharibəsi 4-cü ilə keçir. Donald Tramp ABŞ зrezidenti kreslosuna əyləşdikdən sonra hərbi əməliyyatları dayandırmaq üçün ciddi səylər göstərsə də, 2025-ci il ərzində onun vasitəçiliyi bir nəticə vermədi. Artıq məlumdur ki, qanlı savaş 2026-cı ilin ilk həftələrində davam edəcək və tərəflərin dördüncü ildönümü (24 fevral) müharibə meydanında qarşılama ehtimalı da yüksək görünür.

Şübhəsiz ki, böyük müharibə aparmaq üçün böyük resurslar, o cümlədən pul lazımdır.

Analitiklərin fikrincə, Rusiya iqtisadiyyatı demək olar ki, durğunluq dövrünü yaşayır. Üçüncü rübdə Ümumi Daxili Məhsul (ÜDM) artımı əvvəlki rüblə müqayisədə 0,1%-ə qədər yavaşlayıb və illik artım tempi 0,6%-ə düşüb. Ümumilikdə 2025-ci il üçün ÜDM artımına dair proqnozlar hazırda 1%-dən aşağı, 2026-cı il üçün isə təxminən 1%-dir.

Əlbəttə ki, hələ Rusiyada iqtisadi kollaps yaşandığını söyləmək olmaz. Müharibəni davam etdirmək üçün vəsait var. Lakin 2026-cı il ərzində enerji bazarında ucuzlaşma tendensiyası davam edərsə, Rusiya daha çox stres yaşayacaq.

Ətraflı oxumaq üçün linkə keçid edin.

Rusiyanın Ukraynaya qarşı 2022-ci ilin fevralında başlamış işğalçı müharibəsi 4-cü ilə keçir. Donald Tramp ABŞ...

30/12/2025

“Qeyri-döyüş itkilərinin səbəbi korrupsiyadır”

2025-ci ildə Azərbaycanda ən azı 43 hərbçi qeyri-döyüş şəraitində vəfat edib.

Bu barədə Xəzər Hərbi Tədqiqatlar İnstitutunun həmin ilə dair hesabatında bildirilir.

İnstitutun direktoru Cəsur Məmmədov “Toplum TV”-yə deyib ki, orduda ciddi islahatlar aparılmadığı, təminat müasir standartlara uyğunlaşdırılmadığı müddətdə əsgər ölümləri davam edəcək.

30/12/2025

Azərbaycandan xaricdə yaşayan jurnalist Sevinc Osmanqızı (Mirzəyeva), Azərbaycan Xalq Parlamentinin həmsədri Abid Qafarov və bloger Beydulla Manafovun məhkəmə prosesi başlayıb.

APA-nın xəbərinə görə, dekabrın 30-da Bakı Ağır Cinayətlər Məhkəməsində hakim Nigar İmanovanın sədrliyi ilə keçirilən prosesdə təqsirləndirilən şəxslərin anket məlumatları dəqiqləşdirilib.

Cinayət işi məhkəmə baxışına verilib və baxış iclası yanvarın 13-nə təyin edilib.

S.Osmanqızı və A.Qafarov Cinayət Məcəlləsinin 220.2-ci (hakimiyyət nümayəndəsinin qanuni tələblərinə fəal şəkildə tabe olmamağa və kütləvi iğtişaşlara, habelə vətəndaşlara qarşı zorakılıq etməyə çağırışlar etmə) və 281.2-ci (dövlət əleyhinə yönələn açıq çağırışlar), B.Manafov isə 281.2-ci və 283.1-ci (milli, irqi, sosial və ya dini düşmənçiliyin salınması) maddələri ilə təqsirləndirilir.

Cinayət işində iddia olunur ki, onlar "YouTube" kanallarında hakimiyyəti ələ keçirmək üçün çağırışlar ediblər.

Azərbaycan hakimiyyəti 2025-ci ildə xaricdə yaşayan 24 tənqidçisinə qarşı cinayət işləri açıb. Onların bəziləri barədə yerli məhkəmələr artıq qiyabi hökmlər çıxarıb.

Avropa Parlamenti dekabrın 18-də Azərbaycana qarşı sanksiyalara çağıran qətnaməsində hakimiyyətin siyasi motivlərlə tənqidçilərinə qarşı cinayət işləri açdığını qeyd edib.

30/12/2025

Dekabrın 29-da Bakı Ağır Cinayətlər Məhkəməsində "Toplum TV işi" üzrə növbəti məhkəmə prosesi keçirilib.
Hakim Azər Tağıyevin sədrliyi ilə keçən proses ölkədə olmayan şahidlərin onlayn şəkildə dindirilməsi və istintaqa verdikləri ifadələrin oxunması ilə davam edib.

Ölkə xaricində olduğu üçün məhkəməyə şahid qismində onlayn qoşulan jurnalist Nigar Mübariz 2016-cı ildə Demokratik Təşəbbüslər İnstitutunun gənc jurnalistlər üçün kursuna müraciət etdiyini və burada ödənişsiz şəkildə jurnalistika bacarıqlarına yiyələndiyini vurğulayıb.

“Bunun üçün müəllimim Ələsgər Məmmədliyə və Demokratik Təşəbbüslər İnstitutunun sədri Akif Qurbanova təşəkkürüm sonsuzdur. 2024-cü ilin mayında ABŞ-yə gələndə hava limanından geri qaytarıldım. Ölkədən çıxışıma qadağa olduğunu söylədilər. O zaman mənə səbəb məlum deyildi. Sonradan “Toplum TV işi” üzrə ifadəyə çağırıldım. İfadə zamanı ancaq şəxsi məlumatlarım, ailəmlə bağlı məlumatlar, 18 yaşından bu yana ölkəyə giriş-çıxışlarım sorğulandı. Bundan sonra yenidən iki dəfə ifadəyə çağırıldım”, - deyə N.Mübariz qeyd edib.

Şahid dindirilməsindən və ilkin ifqadələrin elan olunmasından sonra təqsirləndirilən şəxslərdən III Respublika Platformasının qurucu üzvü Ruslan İzzətli vəsatət verib. O, prezidentin köməkçisi Hikmət Hacıyevin məhkəməyə çağırılıb dindirilməsini istəyib. R.İzzətli xatırladıb ki, H.Hacıyev COP29-da "Toplum TV" əməkdaşı, hazırda həbsdə olan Fərid İsmayılova açıqlamasında bu iş üzrə həbsdə olanların dövlət əleyhinə fəaliyyət göstərdiklərini iddia edib. Məhkəmə bu vəsatəti də baxılmamış saxlayıb.

Ardınca F.İsmayılov A.Tağıyevin prosesdən kənarlaşdırılması haqqında vəsatət verib. Məhkəmə vəsatəti təmin etməyib.

Ətraflı oxumaq üçün şərh bölümündəki linkə keçid edin

30/12/2025

Dekabrın 22-dən icra olunan amnistiya aktı çərçivəsində ən az 36 inanclı fəalın azadlığa buraxıldığı bildirilir.

Bu barədə hüquq müdafiəçisi Arif Yunus sosial media hesabında məlumat verib.

Azadlığa buraxılmış inanclı fəallar 2023-cü ilin martında İranla münasibətlərin pisləşməsi fonunda narkotik ittihamları ilə həbs olunublar və əksəriyyəti 3 il müddətinə azadlıqdan məhrum edilib.

Azadlığa buraxıldıqları zaman onların cəzalarının bitməsinə 6 aydan az vaxt qalıb.

A.Yunus ehtimal edir ki, amnistiya aktının icrası hələ 4 ay davam edəcəyinə görə daha 25-30 inanclı fəalın azadlığa buraxılması mümkündür.

"Əlbəttə, biz onların azadlığa çıxmasına sevinirik və ümid edirik ki, xüsusilə Azərbaycan–İran münasibətləri növbəti dəfə pisləşəndə, hakimiyyət onları yenidən həbs etməyəcək. Lakin gördüyümüz kimi, hətta bu qrup dindarın azadlığa buraxılması belə siyasi məhbuslar problemini həll etmir. O cümlədən, dindarlarla bağlı problem də qalır, çünki onların sayı siyahıda yenə də çoxdur.
Azərbaycan hakimiyyətinin bu “humanizm aksiyası” Qərbin gözünə kül üfürməkdən başqa bir şey deyil. Üstəlik, azad edilənlərin yerini çox tezliklə, qarşıdan gələn ildə yeniləri, o cümlədən yenə də dindarlar tutacaq. Azərbaycanda repressiya və həbslər konveyeri dayanmayacaq, məhbusların sayına görə Azərbaycan Avropada yenə də ön sıralarda qalacaq və siyasi məhbuslar problemi ölkənin əsas problemi olaraq qalmaqda davam edəcək", - o qeyd edib.

Hüquq müdafiəçiləri bildirir ki, Azərbaycanda siyasi məhbusların sayı 400-ə çatmaqdadır və onların 249 nəfəri inanclı fəallardır.

Dekabrın 15-də Azərbaycan prezidenti İlham Əliyev amnistiya təşəbbüsü irəli sürüb. Dekabrın 22-dən aktın icrasına başlanılıb.

30/12/2025

"Təkcə Laçında 4 milyard dollar çirkli pul yuyulub"

Qarabağda tikinti işləri görmüş "Arenol Group" şirkətinin direktoru Tolqa Şahin "Toplum TV"-yə danışıb.

O, Qarabağda gedən tikintidə pulların silindiyini, fabrikinin müsadirə olunduğunu və ölkədən zorla çıxarıldığını iddia edib.

30/12/2025

ABŞ prezidenti Donald Tramp İsrailin İrana təkrar hücum edəcəyi təqdirdə yenə İsraili dəstəkləyəcəyini bildirib.

O, bunu dekabrın 29-da İsrail baş naziri Benyamin Netanyahunu qəbul etməzdən əvvəl jurnalistlərə deyib.

Jurnalistin "İran ballistik raket və nüvə silahı istehsalına İsrail hücumla cavab verərsə, hücumu dəstəkləyərsinizmi" sualına Tramp belə cavab verib: "Birinci halda - bəli, mütləq. İkinci halda isə - dərhal!"

Tramp Netanyahu ilə keçirdiyi brifinqdə də İrana xəbərdarlığını təkrarlayıb.

“İndi isə eşidirəm ki, İran yenidən güclənməyə çalışır və əgər doğrudan da belədirsə, biz onları yenidən yerinə oturtmalı olacağıq. Onları yerinə oturdacağıq. Onları çox sərt şəkildə vuracağıq. Amma ümid edirəm ki, bu baş vermir", - o deyib.

İranın ali lideri Seyid Əli Xameneinin müşaviri Əli Şamxani isə cavabında deyib ki, İran müdafiə qabiliyyətini inkişaf etdirmək üçün heç kimdən icazə almayacaq.

Bu ilin iyununda İsrailin İrana hücumu ilə iki ölkə arasında 12 günlük müharibə baş verib. Nəticədə İranda yüzlərlə mülki insan, həmçinin yüksək rütbəli generallar öldürülüb.

Münaqişəyə qoşulan ABŞ İranın nüvə obyektlərinə zərbələr endirib.

İran isə nüvə obyektlərinin yalnız kiçik zərər gördüyünü və nüvə proqramını mülki məqsədlər üçün inkişaf etdirəcəyini bildirib.

30/12/2025

Tarif Şurası Aİ-92 markalı benzinin və dizelin qiymətini artırıb.

Qərara əsasən, Aİ-92 markalı benzinin 1 litrinin qiyməti 1 manat 10 qəpikdən 1 manat 15 qəpiyə, dizelin 1 litrinin qiyməti isə 1 manatdan 1 manat 10 qəpiyə qaldırılıb.

Qanunvericiliyə edilən dəyişikliyə əsasən, yanacağın hər litrinə görə yol vergisi 7 qəpik müəyyənləşdirilib.

Artımın yanvarın 1-dən qüvvəyə minəcəyi bildirilib.

Qurum bildirir ki, dəyişiklik "ümumi istifadədə olan nəqliyyat xidmətlərinin keyfiyyətinin, dayanıqlılığının və əlçatanlığının artırılması məqsədlərinə" xidmət edir.

30/12/2025

Monteneqro Azərbaycan vətəndaşları üçün qüvvədə olan vizasız gediş-gəliş rejimini ləğv etməyə hazırlaşır.

Hökumətin saytında dərc olunan açıqlamada ləğvin yanvarın 15-dən qüvvəyə minəcəyi yazılıb.

Qeyd olunub ki, qərar ölkənin viza siyasətini Avropa İttifaqınınkı ilə uyğunlaşdırmaq məqsədi daşıyır.

Oktyabrda Monteneqronun paytaxtı Podqoritsada bıçaqlanma hadisəsi ilə əlaqədar bir Azərbaycan vətəndaşı saxlanılmış, bir neçə gün sonra sərbəst buraxılmışdı.

Hadisədən bir gün sonra isə Monteneqro polisi miqrantların yaşadığı yataqxanada reyd keçirmiş, onlarla türk və azərbaycanlı miqrantı saxlamışdı. Onlardan ölkədə icazə verilən müddətdən artıq qalanlar deportasiya edilmişdi.

Həmin vaxt Azərbaycanla vizasız rejimə dəyişiklik olmasa da, Türkiyə ilə vizasız rejim müvəqqəti dayandırılmışdı.

Ətraflı oxumaq üçün şərh bölümündəki linkə keçid edin

30/12/2025

Prezident İlham Əliyev dekabrın 29-da Nəsimi Rayon İcra Hakimiyyətinin başçısı Elxan İbrahimovu vəzifədən azad edib.

Daha öncə Kürdəmir rayonunun icra başçısı olan E.İbrahimov yeni vəzifəyə noyabrın 12-də təyin olunmuşdu.

Sərəncamda icra başçısının vəzifədən niyə azad olunduğu qeyd olunmayıb.

"Unikal. org" saytı isə onun özəl şirkətlərdən rüşvət aldığını iddia edib. E.İbrahimovun iddiaya münasibəti məlum deyil.