https://www.facebook.com/101536179715615/

Göyçayın Tarixi Salnaməsi

Home
Azerbaijan
Göyçay
Göyçayın Tarixi Salnaməsi

Biz hər səhifədə Göyçayın tarixini yaşadır, unudulmuş səhnələri yenidən canlandırırıq. Göyçayın Tarixi Salnaməsi — Bir şəhərin yaddaşını səhifələyirik.

“Göyçayın Tarixi Salnaməsi” — Göyçay İcma İnkişaf Mərkəzinin təşəbbüsü ilə yaradılmış bu layihə şəhərimizin tarixi, mədəni və ictimai irsini sənədlər, fotolar və arxiv videolar vasitəsilə geniş ictimaiyyətə çatdırır. Göyçay İcma İnkişaf Mərkəzinin təşəbbüsü ilə yaradılmış “Göyçayın Tarixi Salnaməsi” layihəsi doğma şəhərimizin zəngin mədəni, ədəbi, ictimai və tarixi irsini geniş ictimaiyyətə tanıt

maq məqsədi daşıyır. Bu layihə çərçivəsində Göyçayın keçmişinə işıq salan nadir arxiv video materialları, fotoşəkillər və sənədlər toplanaraq rəqəmsallaşdırılır, həmçinin müxtəlif mədəniyyət ocaqlarında keçirilmiş əlamətdar tədbirlər, yubileylər və görüşlər haqqında məlumatlar toplanır və paylaşılılır. Layihənin əsas məqsədi Göyçayın yaddaşını qorumaq, keçmiş nəsillərin izi ilə gələcək nəsillərə yol göstərmək və yerli ictimaiyyəti bu mirasa sahib çıxmağa təşviq etməkdir.

04/08/2025

Yasin Cəfərovla Riyaziyyatın və Xatirələrin Kəsişməsi – 70 İl Bir Ömrün Hekayəsi ( 2 avqust 2025)

📌 Layihə: "Ətalətdən uzaq, işıqlı insanlar sorağında"
🎙️ Bu buraxılışda mədəniyyət yazarı Vasif Ayan, Göyçay ictimaiyyətində dərin iz buraxmış, riyaziyyat elminə fenomenal yanaşması ilə tanınan
Yasin Cəfərovla görüşür.

🎓 Müsahibə zamanı keçmişin məktəb xatirələri, müəllim-şagird münasibətləri və bir ziyalının həyat fəlsəfəsi ətrafında dəyərli söhbətlər yer alır. Bu film Yasin müəllimin 70 illik yubileyinə həsr olunub.

🎥 Video çəkiliş: Mursel Rovshan Oglu
📅 Çəkiliş tarixi: 2 avqust 2025

Bu nostalji dolu ekran əsəri Göyçayın pedaqoji tarixində dərin iz buraxacaq bir sənəddir.

📢 Videonu bəyənməyi, paylaşmağı və kanalımıza abunə olmağı unutmayın!

https://www.youtube.com/watch?v=SuiQUcGj2fs

03/08/2025

Firəngiz Nəsirova ilə Şekspirə səyahət – Vasif Ayan-ın
"Ətalətdən uzaq, işıqlı insanlar sorağında" layihəsi ( 3 avqust 2025)

Mədəniyyət yazarı Vasif Ayan-ın "Ətalətdən uzaq, işıqlı insanlar sorağında" layihəsinin növbəti qonağı Xəzər Universiteti İngilis dili və ədəbiyyatı departamentinin baş müəllimi Firəngiz Nəsirova oldu.

Söhbətimiz dünya ədəbiyyatının zirvəsində dayanan Uilyam Şekspirə həsr olundu. Şekspirin əsərlərinin zaman və məkan tanımadan insan psixologiyasına, cəmiyyətin dərin qatlarına necə nüfuz etdiyini müzakirə etdik.

Bu maarifləndirici görüşün video çəkilişi bir zamanlar Xəzər Universitetinin fəal tələbələrindən olmuş, hazırda mədəni irsin qorunmasına töhfə verən Mursel Rovshan Oglu tərəfindən həyata keçirilib.

📅 Tarix: 3 avqust 2025
📍 Məkan: Göyçay şəhəri

https://www.youtube.com/watch?v=EcSoIrxpGF8

01/08/2025

🎬 Bu kino ki var...

31/07/2025

📸 Arxiv Fotoşəkillər | Məlikkənd Bakı Kolxozu

🕰️ “Göyçayın tarixi salnaməsi” layihəsi çərçivəsində sizə bu dəfə də restavrasiya və rənglənmiş fotoşəkillər silsiləsindən Göyçay rayonunun Məlikkənd kəndində yerləşən Bakı kolxozunun tarixi görüntülərini təqdim edirik.

👩‍🌾 Fotolarda Azərbaycan SSR Ali Sovetinin deputatı Almaz Osmanova Türkmənistanın qonaq kolxozçuları ilə birgə təsərrüfat sahəsində əkinçilik prosesində əks olunub. Bu görüntülər sadəcə bir əmək gününü deyil, həm də o dövrün kənd təsərrüfatında beynəlmiləl əməkdaşlığını və qadınların fəallığını əks etdirir.

📂 Fotoşəkillər Almaz Osmanovanın şəxsi arxivindəndir. Bu nadir tarixi kadrların əldə olunması Tərlan Qarayevin təşəbbüsü və təşkilatçılığı ilə mümkün olmuşdur.

📷 Layihəmizin məqsədi – unudulmuş yaddaşları yenidən üzə çıxarmaq və gələcək nəsillərə miras qoymaqdır.

🔧 Restavrasiya və rəngləmə: Murad Qasimovv tərəfindən həyata keçirilmişdir.
🎯 Məqsədimiz: Göyçayın mədəni irsini qorumaq və gələcək nəsillərə ötürməkdir.
📖 “Göyçayın Tarixi Salnaməsi” — Bir şəhərin yaddaşını səhifələyirik.
📌 Əlavə materiallar üçün kanalımıza abunə olun və paylaşaraq bu irsin yaşamasına dəstək verin!

💬 Xüsusi çağırış:
📣 Məlikkənd kəndindən olan dəyərli izləyicilərimizdən xahiş edirik ki, bu foto ilə bağlı xatirələrinizi, bildiyiniz adları, maraqlı məlumatları şərh bölməsində bizimlə bölüşəsiniz. Sizin töhfələriniz bu salnaməni daha da zənginləşdirəcək.

30/07/2025

📸 Göyçay İcma İnkişaf Mərkəzi-nin təşəbbüsü ilə həyata keçirilən "Göyçayın tarixi salnaməsi" layihəsi çərçivəsində sizə bu dəfə də ötən əsrin dəyərlərini əks etdirən nadir bir fotoşəkili təqdim edirik.

🏫 Şəkildə gördüyünüz məkan Göyçay rayonunun Çərəkə kəndində yerləşən keçmiş sovet təsərrüfatına məxsus idarə binasının giriş hissəsidir. Böyük tağlı qapı, yaşıl alleya və lövhələrlə əhatələnmiş bu görüntü kənd təsərrüfatı və ictimai təşkilatlanmanın bir dövrünü əks etdirir.

🌳 Bu tarixi kadr kəndin keçmişinə işıq tutur — həm memarlıq baxımından, həm də kolxoz həyatının gündəlik reallıqlarını xatırladır.

🕰️ Foto 20-ci əsrin ortalarına — sovet dönəminə aiddir və zamanın ruhunu əks etdirən mühüm vizual sənəddir.

🏛️ Fotoşəkil Göyçay Tarix-Diyarşünaslıq Muzeyinin fondundan əldə olunmuşdur.

🔧 Restavrasiya və rəngləmə: Murad Qasimov tərəfindən həyata keçirilmişdir.

🎯 Məqsədimiz: Göyçayın mədəni irsini qorumaq və gələcək nəsillərə ötürməkdir.
📖 “Göyçayın Tarixi Salnaməsi” — Bir şəhərin yaddaşını səhifələyirik.
📌 Əlavə materiallar üçün kanalımıza abunə olun və paylaşaraq bu irsin yaşamasına dəstək verin!

💬 Xüsusi çağırış:
📣 Çərəkə kəndindən olan dəyərli izləyicilərimizdən xahiş edirik ki, bu foto ilə bağlı xatirələrinizi, bildiyiniz adları, maraqlı məlumatları şərh bölməsində bizimlə bölüşəsiniz. Sizin töhfələriniz bu salnaməni daha da zənginləşdirəcək.

29/07/2025

Əli Kərimin məzarı önündə – 1969-cu ilin nadir görüntü canlanır.

🕰️ Göyçay İcma İnkişaf Mərkəzi-nin təşəbbüsü ilə həyata keçirilən "Göyçayın tarixi salnaməsi" layihəsi çərçivəsində bu dəfə ilk dəfə olaraq fərqli bir təqdimatla qarşınızdayıq.

📸 Təxminən 1969-cu ildə Göyçayın böyük şairi, tərcüməçi, AYB-nin üzvü Əli Kərimin vəfatından sonra bir qrup Göyçaylı ziyalı onun məzarını ziyarət edir. Həmin məkan – bugünkü Əli Kərim parkıdır.

🧠 Bu dəyərli arxiv fotosu süni intellekt vasitəsilə vidioya çevrilmişdir. Zamanı dayandıran bu unikal təqdimat vasitəsilə yaddaşlarda iz buraxan anlara yeni nəfəs verilir.

🎞️ Videonun hazırlanması və bərpası layihəmizin həmtəsisçisi Murad Qasimov tərəfindən həyata keçirilib.

🎼 Bu videonun arxa fonunda isə Göyçayın görkəmli tarzəni, sənətkarı, pedaqoq mərhum Rövşən Zamanov-un tarda ifası səslənir. Ona qavalda müşayiət edən Nazim Məmmədovdur. Bu musiqi görüntülərə ruh və duyğu qataraq o günlərin ovqatını bu günə daşıyır.

🎯 Məqsədimiz: Göyçayın mədəni irsini qorumaq və gələcək nəsillərə ötürməkdir.

📖 “Göyçayın Tarixi Salnaməsi” — Bir şəhərin yaddaşını səhifələyirik.

📌 Əlavə materiallar üçün kanalımıza abunə olun və paylaşaraq bu irsin yaşamasına dəstək verin!

🕯️ Əli Kərimin xatirəsinə və onu ehtiramla yad edən ziyalılarımıza sonsuz sayğı ilə ...

© Göyçay İcma İnkişaf Mərkəzi, 2025 – All rights reserved.
Bu materiallar müəllif hüquqları ilə qorunur. İcazəsiz istifadə, paylaşım və yayım qadağandır.
All content is protected under copyright law. Reproduction or distribution is not permitted without written permission from Goychay Community Development Centre.
Proper credit must be given when using any part of this content.

https://www.youtube.com/watch?v=MBt3NAXZeF0

27/07/2025

Müharibədən mətbuata uzanan şərəfli yol: Qulu Məmmədov

📸 Göyçay İcma İnkişaf Mərkəzi-nin təşəbbüsü ilə həyata keçirilən "Göyçayın tarixi salnaməsi" layihəsi çərçivəsində bu dəfə sizə rayonumuzun görkəmli ziyalısı, müharibə və əmək veteranı, mətbuat və mədəniyyət xadimi Qulu Məmmədovun şəxsi arxivindən əldə olunmuş, restavrasiya və rənglənmə yolu ilə bərpa edilmiş fotoşəklini təqdim edirik.

🕯️ Məmmədov Qulu Qasım oğlu (20.10.1920 – 27.03.1994) – SSRİ–Finlandiya müharibəsinin və Böyük Vətən Müharibəsinin iştirakçısı, Leninqrad blokadasının şahidi, iki dəfə qəlpə yarası almış igid döyüşçü olmuşdur.

🎖️ Müharibə dövründə göstərdiyi şücaətlərə görə aşağıdakı orden və medallarla təltif olunmuşdur:
▪️ "Vətən müharibəsi" ordeni
▪️ "Almaniya üzərində qələbəyə görə" medalı
▪️ "Leninqradın müdafiəsinə görə" medalı
▪️ "Döyüş xidmətlərinə görə" medalı
▪️ "Əmək veteranı" medalı
▪️ "Əmək şücaətinə görə" medalı

📰 Müharibədən sonra "Bakinski raboçi" qəzetində Ağsu, Ucar, Zərdab, İsmayıllı, Kürdəmir, Ağdaş, Göyçay bölgələrinin zona müxbiri kimi fəaliyyət göstərmiş, qələm sahibinə xas peşəkarlıqla bölgənin ictimai həyatını işıqlandırmışdır. Bu xidmətlərinə görə "Qızıl qələm" mükafatına, Azərbaycan SSR Ali Sovetinin fəxri fərmanına və 1976-cı ildə Əməkdar Mədəniyyət İşçisi adına layiq görülmüşdür.

🛠️ Restavrasiya və rənglənmə: “Göyçayın tarixi salnaməsi” layihəsinin həmtəsisçisi Murad Qasimov tərəfindən həyata keçirilib.

📂 Fotoşəkil və bioqrafik məlumatlar mərhumun oğlu – stomatoloq Azad Memmedzade-nin şəxsi arxivindən əldə olunmuşdur. Dəyərli töhfəsinə görə təşəkkür edirik!

⚠️ Qeyd: Bu fotoları digər platformalarda paylaşmaq istəyənlərdən xahiş və tələb olunur ki, mütləq şəkildə "Göyçayın tarixi salnaməsi" layihəsinə istinad etsinlər. Layihənin əsas məqsədi mədəni irsimizi qorumaq və gələcək nəsillərə ötürməkdir.

26/07/2025

📸 "Zəhmətin izi" : Göyçay "Leninqrad " sovxozunda ot yığımı (1970–1980-ci illər)

Göyçay İcma İnkişaf Mərkəzi-nin təşəbbüsü ilə həyata keçirilən "Göyçayın tarixi salnaməsi" layihəsi çərçivəsində sizə ötən əsrin kənd təsərrüfatı həyatını əks etdirən nadir görüntülərdən birini təqdim edirik.

Fotoda Göyçay rayonunun Lelinqrad sovxozunda aparılan ot yığımı prosesi təsvir olunub. Yığılmış otlar iri yük maşınına yüklənərək, əl əməyi ilə daşınır. Bu səhnə kənd əməkçilərinin birgə əməyi və əməksevərliyinin parlaq nümunəsidir.

🕰️ Foto XX əsrin 1970–1980-ci illərinə təsadüf edir və sovet dövrünün kənd təsərrüfatı işlərini əks etdirir.

🛠️ Restavrasiya və rənglənmə: “Göyçayın tarixi salnaməsi” layihəsinin həmtəsisçisi Murad Qasimov tərəfindən həyata keçirilib.

📍 Bu arxiv görüntü Göyçay Tarix-Diyarşünaslıq Muzeyinin fondundan əldə olunmuşdur və rayonumuzun zəhmətkeş insanlarının yaddaşlarda iz qoyan həyatından bir parça kimi qorunub saxlanılır.

̈fatı

24/07/2025

📸 Arxiv foto | 🎶 Göyçay musiqiçiləri

Göyçay İcma İnkişaf Mərkəzi-nin təşəbbüsü ilə həyata keçirilən "Göyçayın tarixi salnaməsi" layihəsi çərçivəsində sizə ötən əsrdə çəkilmiş və restavrasiya edilərək rənglənmiş unikal bir fotoşəkili təqdim edirik.

🪕 Bu fotoda Göyçayın musiqiçilərindən ibarət ansambl əks olunub. Onlar klassik dəst-xətlə — nağara, qoşa nağara, klarnet və qarmonla xalqımıza musiqi zövqü yaşadıblar.

📍Fotoda sağdan birinci qarmonda əyləşən sənətkar Vaqif Məmmədovdur. Digər musiqiçilər haqqında məlumatınız varsa, şərhlərdə bizimlə bölüşün!

🛠️ Restavrasiya və rənglənmə: “Göyçayın tarixi salnaməsi” layihəsinin həmtəsisçisi Murad Qasimov tərəfindən həyata keçirilib.

📂 Bu nadir sənəd Göyçay Tarix-Diyarşünaslıq Muzeyinin fondundan əldə olunmuşdur.

📅 Təxmini dövr: XX əsrin sonları
📍Məkan: Göyçay

📝 Qeyd: Belə arxiv fotolar Göyçayın mədəniyyət tarixinin canlı şahidləridir. Onları birlikdə tanıyaq və gələcək nəsillərə çatdıraq!

⚠️ Qeyd: Bu fotoları digər platformalarda paylaşmaq istəyənlərdən xahiş və tələb olunur ki, mütləq şəkildə "Göyçayın tarixi salnaməsi" layihəsinə istinad etsinlər. Layihənin əsas məqsədi mədəni irsimizi qorumaq və gələcək nəsillərə ötürməkdir.

Address

Göyçay
2300

Website

facebook.com

Alerts

Be the first to know and let us send you an email when Göyçayın Tarixi Salnaməsi posts news and promotions. Your email address will not be used for any other purpose, and you can unsubscribe at any time.