https://www.facebook.com/180055435924735/

Göyçay bu gün / Goychay Today, Göyçay (2025)

19/09/2025

Rayon İcra Hakimiyyəti başçısının növbəti səyyar qəbulu keçirildi

Bu gün Göyçay Rayon İcra Hakimiyyətinin başçısı otu kənd inzibati ərazi dairəsi üzrə nümayəndəliyinə daxil olan Ulaşlı Şıxlı kəndində vətəndaşlarla növbəti səyyar qəbul keçirib. Qəbulda rayon İcra Hakimiyyətinin başçısı Natiq Ağayev, RİH başçısı aparatının məsul əməkdaşları, idarə, müəssisə və təşkilat rəhbərləri, eləcə də kənd sakinləri iştirak ediblər. Rayon rəhbəri Natiq Ağayev ölkəmizdə sosial - iqtisadi sahədə əldə olunan nailiyyətlər, həmçinin Göyçay rayonunda həyata keçirilən abadlıq - quruculuq işləri və əhalinin sosial problemlərinin həlli istiqamətində görülən tədbirlər barədə iştirakçılara ətraflı məlumat verib. Eyni zamanda, vətəndaş məmnunluğunun artırılması və göstərilən xidmətlərin keyfiyyətinin yüksəldilməsi məqsədilə sakinlərə “Rəqəmsal İcra Hakimiyyəti” portalı vasitəsilə (https://rih.gov.az) onlayn müraciət etmək, həmçinin təklif və rəylərini bildirmək imkanlarının mövcud olduğu xatırladılıb.
Səyyar qəbulda çıxış edən rayon İcra Hakimiyyəti başçısının Potu kənd inzibati ərazi dairəsi üzrə nümayəndəsinin müavini Rövşən Cabbarov çıxış edərək Ulaşlı Şıxlı kəndinin əhalisi, sosial-iqtisadi inkişafı, məşğulluq vəziyyəti və ərazidə həyata keçirilən işlər barədə ətraflı məlumat verib.
Səyyar qəbul zamanı kənd sakinləri müxtəlif mövzularda rayon icra hakimiyyətinin başçısına müraciət ediblər. Qaldırılan məsələlər diqqətlə dinlənilərək qeydiyyata alınıb və icrası nəzarətə götürülüb.

15/09/2025

Göyçayda Heydər Əliyev Fondu tərəfindən yeni inşa edilmiş Qarabaqqal kənd tam orta məktəbinin açılış mərasimi keçirilib

Bu gün “Bilik Günü” və yeni inşa edilmiş 360 şagird yerlik Qarabaqqal kənd tam orta məktəbinin açılış mərasimi olub. Mərasimdə Göyçay Rayon İcra Hakimiyyətinin başçısı Natiq Ağayev, Milli Məclisin deputatı Sabir Hacıyev, Heydər Əliyev Fondunun məsul əməkdaşı Cəmil Əliyev, Mərkəzi Aran Regional Təhsil İdarəsinin müdiri Həmid Qasımov iştirak ediblər. Tədbir Azərbaycan Respublikasının Dövlət Himninin səsləndirilməsi ilə açıq elan edilib, Ümummilli Lider Heydər Əliyevin və Azərbaycanın suvrenliyi və ərazi bütövlüyü uğrunda canından keçmiş şəhidlərin əziz xatirəsinin yad edilməsi ilə başlayıb. Tədbirdə qeyd olunub ki, bu gün Heydər Əliyev Fondu tərəfindən müasir tələblərə cavab verən Qarabaqqal kənd tam orta məktəbinin yeni binasının inşa edilərək istifadəyə verilməsi gənc nəslə və təhsilə göstərilən böyük diqqət və qayğının təzahürüdür. Mərasimdə çıxış edən məktəblilər onlara göstərilən diqqətə görə ölkə rəhbərliyinə minnətdarlıqlarını bildirdilər və daha əzmlə oxuyacaqlarına söz verdilər. Sonra tədbir iştirakçıları məktəb binasına daxil olaraq yaradılmış şəraitlə tanış oldular.

14/09/2025

Fərhad Əhmədovun doğum günüdür

Bu gün tanınmış iş adamı, xeyriyyəçi Fərhad Əhmədovun 70 yaşı tamam olur. Fərhad Teymur oğlu Əhmədov 1955 - ci il sentyabrın 15 – də Göyçay şəhərində anadan olub. Bir müddət burada təhsil alaraq Moskvaya gəlir və qaynaqçı - çilingər ixtisası üzrə texniki peşə məktəbinə daxil olur. Məktəbi bitirdikdən sonra ordu sıralarında xidmət edib. 1977 - ci ildə əmtəə və əmtəəşünaslıq ixtisası üzrə Skryabin adına Baytarlıq Akademiyasını bitirib. Sonradan təhsilini davam etdirərək Ali iqtisadiyyat məktəbini başa vurub. 1987 - ci ildə "Transley Tradinq" şirkətini yaradaraq neft - qaz sahəsində işə başlayıb. 1993 - cü ildə "Transley Tradinq"in adı dəyişdirilərək "Farko Qrup" olur. "Farko Qrup" Rusiyanın Şimal - Urenqoy yataqlarında layihə üzrə aparılacaq hasilat işlərinə operator qismində dəvət alır. Elə həmin ildən etibarən F.Əhmədov bu yataqda hasilat işləri aparan "Nortqaz" şirkətinin Direktorlar şurasının üzvü olur. 1999 – 2004 - cü illər arasında isə şirkətin prezidenti qismində layihəyə bilavasitə rəhbərlik etməyə başlayır. 2004 - cü ilin 9 dekabrında Krasnodar vilayətindən Rusiyanın Federasiya Şurasının üzvü seçildikdən sonra "Nortqaz"ın prezidenti vəzifəsindən könüllü istefa verir. Paralel olaraq Fərhad Əhmədov elmi fəaliyyətlə də məşğul olur. O, Rusiya və MDB ölkələrinin neft-qaz kompleksinin problemləri ilə bağlı çoxsaylı monoqrafiya və elmi məqalələrin müəllifidir. 1997 - ci ildən Texnoloji Elmlər üzrə Beynəlxalq Akademiyanın müxbir üzvüdür. O, 2000 - ci ildə İ.M.Qubin adına Rusiya Neft və Qaz Dövlət Universitetinin aspiranturasını bitirib. İqtisad elmləri namizədidir. 1996 – 2006 - cı illər arasında "Neft-qaz üfüqləri" jurnalının naşiri olub. Dünya Azərbaycanlıları Konqressinin vitse - prezidenti, Avropa İqtisadi Ticarət, Kommersiya və Sənaye Palatasının senatoru, RF Federasiya Şurasının hüquq və məhkəmə işləri üzrə Komitəsinin və AŞPA - dakı nümayəndə heyətinin üzvüdür. Sahibkar vaxtilə doğulduğu rayonda və respublikamızda hörmətli şəxslərdən olan atası Teymur Əhmədovun xatirəsini əbədiləşdirmək məqsədilə doğma şəhəri Göyçayda yerləşən, bir zamanlar atasının rəhbərlik etdiyi nar şirəsi istehsalı üzrə kiçik zavodu satın alıb. Hazırda bu zavod T.Əhmədovun adını daşıyır. F.Əhmədov rus dilindən savayı ingilis və doğma Azərbaycan dilində sərbəst danışır.
Fərhad müəllim son illər ərzində daha çox xeyriyyəçilik fəaliyyətilə yadda qalıb. O, doğulduğu rayonda müxtəlif ictimai, sosial, mədəni-kütləvi sahələrdə, o cümlədən idman sahəsində bir sıra layihələrə sərmayə yatırıb. Belə ki, xeyriyyəçi vaxtilə təhsil aldığı orta məktəbin əsaslı təmirinə, rayonda yerləşən stadionun yenidən tam təmir olunaraq gənclərin ixtiyarına verilməsinə böyük yardım göstərmişdir. O, rayonda hər il keçirilən ənənəvi Nar bayramının da əsas təşkilatçısı və sponsorudur. Fərhad müəllimin öz xalqı, el - obası qarşısında göstərdiyi belə şərəfli xidmət onun kimi insanların daxili əzəmətinin, mənəvi ucalığının bariz nümunəsidir. Biz də Fərhad müəllimi doğum günü münasibətilə təbrik edir, bundan sonrakı fəaliyyətində də ona yeni-yeni uğurlar arzu edirik.

13/09/2025

Şəkərli diabet xəstələrinin nəzərinə

“Göyçay Rayon Mərkəzi Xəstəxanası” publik hüquqi şəxsi tərəfindən şəkərli diabet xəstələri üçün nəzərdə tutulan dərmanların götürülməsi zamanı yaranan növbə sıxlığının qarşısını almaq məqsədilə xüsusi qrafik hazırlanıb. Aşağıda qeyd edilmiş qrafikə əsasən rayon qeydiyyatında olan xəstələrə lazımi dərman vasitələrinin növbə gözləmədən verilməsi təmin ediləcək:

12/09/2025

Hazırda adları Birinci Qarabağ savaşında itkin düşənlər siyahısında olan Göyçaylılar

1. Abseyidov Vahid Seyid oğlu - Göyçay rayonu, Mırtı kəndi
2. Abışov Hüsni Ağanur oğlu - Göyçay rayonu, Mallı - Şıxlı kəndi
3. Adıgözəlov Feyruz Firidun oğlu – Göyçay şəhəri
4. Allahyarov Eldəniz Kərim oğlu – Göyçay şəhəri
5. Babayev Vüqar Səlim oğlu - Göyçay rayonu, Qarabaqqal kəndi
6. Bağırov Namiq Əlisaab oğlu – Göyçay şəhəri
7. Baxışov Qeys Dövlətxan oğlu - Göyçay rayonu, Çərəcə kəndi
8. Beydullayev Məzahir Feyzulla oğlu - Göyçay rayonu, Ərəbşahverdi k.
9. Beydullayev Nazim Yunis oğlu - Göyçay rayonu, Ləkçıplaq kəndi
10. Bəbişov Seymur Zinhar oğlu - Göyçay rayonu, Cəyirli kəndi
11. Bəkirov Elşən Zakir oğlu - Göyçay rayonu, Çayarxı kəndi
12. Cəbrayılov Nadir Adil oğlu – Göyçay şəhəri
13. Eyvazov Məsud Eynulla oğlu - Göyçay rayonu, Bığır kəndi
14. Əzizov Aqil Ağabala oğlu – Göyçay şəhəri
15. Həmidov Zaur Fəxrəddin oğlu - Göyçay rayonu, Qızılağac kəndi
16. İbrahimxəlilov Zaur Akif oğlu – Göyçay rayonu, Cəyirli kəndi
17. İmaməliyev Fariz Faxrət oğlu – Göyçay şəhəri
18. İsayev Rasim Sədi oğlu - Göyçay rayonu, Kürdəmiş kəndi
19. İslamov Sərvan Sədulla oğlu - Göyçay rayonu, Yalman kəndi
20. İsmayılov Qadir Emin oğlu - Göyçay rayonu, İnçə kəndi
21. İsmayılov Müştəba Ağabala oğlu - Göyçay rayonu, Alpout kəndi
22. Kərimov Qadil Qulu oğlu - Göyçay rayonu, Alpout kəndi
23. Kujeyev Oleq Nikolayeviç - Göyçay şəhəri
24. Qarayev Rahib Sədiyar oğlu - Göyçay şəhəri
25. Qasımov Zahid Əsəd oğlu - Göyçay şəhəri
26. Quliyev Abdulla Novruz oğlu - Göyçay şəhəri
27. Qurbanov Rasim Fikrət oğlu - Göyçay şəhəri
28. Qurbanov Rövşən İntiqam oğlu - Göyçay şəhəri
29. Mehdiyev Zaur Azad oğlu - Göyçay şəhəri
30. Məmmədov Cavanşir Heydər oğlu - Göyçay rayonu, Alpout kəndi
31. Məmmədov Elnur Həmid oğlu – Göyçay şəhəri
32. Məmmədov Elton Zöhrab oğlu – Göyçay şəhəri
33. Məmmədov Eyvaz Şamil oğlu - Göyçay rayonu, Potu kəndi
34. Məmmədov Niyaz Məhəmməd oğlu - Göyçay rayonu, Potu kəndi
35. Mikayılov (Mixailov) Vüqar İbrahim oğlu – Göyçay şəhəri
36. Namətov Anar Nemət oğlu – Göyçay şəhəri
37. Nəbiyev İlqar Rəhim oğlu - Göyçay rayonu, Çərəkə kəndi
38. Nuriyev Aydın Nəriman oğlu - Göyçay rayonu, Mırtı kəndi
39. Nuriyev Sahil Sahib oğlu - Göyçay rayonu, Bəydövül kəndi
40. Osmanov Rəsul Zahir oğlu - Göyçay rayonu, Ləkçıplaq kəndi
41. Ovçiyev Qalib Vələd oğlu - Göyçay rayonu, Potu kəndi
42. Rəsulov Zaur Qismət oğlu - Göyçay rayonunun Çayarxı kəndi
43. Şirinov Elbrus Əlisaab oğlu - Göyçay rayonunun Bığır kəndi
44. Şıxəliyev Altay Rafiq oğlu - Göyçay rayonu, Ləkçıplaq kəndi
45. Tarverdipur Elşad Hüseyn oğlu – Göyçay şəhəri
46. Vahidov Vüqar Bahadur oğlu - Göyçay rayonunun Çaxırlı kəndi

P.S. Bu siyahıda adları çəkilən Abışov Hüsnü, Allahyarov Eldəniz, Beydullayev Məzahir, Beydullayev Nazim, Cəbrayılov Nadir, İmaməliyev Fariz, İsmayılov Qadir, İsmayılov Müştəba, Qarayev Rahib, Qasımov Zahid, Quliyev Abdulla, Qurbanov Rövşən, Mehdiyev Zaur, Məmmədov Cavanşir, Məmmədov Elton, Məmmədov Eyvaz, Nəbiyev İlqar, Nuriyev Sahil, Osmanov Rəsul, Tarverdipur Elşad, Vahidov Vüqar haqqında ətraflı məlumatı olan varsa xahiş olunur bizimlə əlaqə saxlasın.

12/09/2025

𝐁𝐢𝐫𝐢𝐧𝐜𝐢 𝐐𝐚𝐫𝐚𝐛𝐚𝐠̆ 𝐦𝐮̈𝐡𝐚𝐫𝐢𝐛ə𝐬𝐢𝐧𝐝ə 𝐢𝐭𝐤𝐢𝐧 𝐬̧ə𝐡𝐢𝐝 𝐬𝐚𝐲ı𝐥𝐚𝐧 𝐀𝐲𝐚𝐳 𝐙ə𝐫𝐛𝐚𝐥ı𝐲𝐞𝐯 𝐆𝐨̈𝐲𝐜̧𝐚𝐲𝐝𝐚 𝐝ə𝐟𝐧 𝐞𝐝𝐢𝐥𝐢𝐛

1993-cü ildə Birinci Qarabağ müharibəsində Kəlbəcər istiqamətində gedən ağır döyüşlərdə itkin düşmüş, Göyçay rayonunun Potu kənd sakini, şəhid Ayaz Əsgəralı oğlu Zərbəliyevin nəşi uzun illərdən sonra müəyyən edilib və sentyabrın 12 - də doğulduğu Potu kəndinə gətirilərək ailəsinə təhvil verilib. Burada cənazə namazı qılınıb və şəhidlərimizin ruhuna dualar oxunub. Sonra şəhidin nəşi Göyçay şəhər Şəhidlər Xiyabanına gətirilib və burada torpağa tapşırılıb. Şəhidlə vida mərasimində Göyçay Rayon İcra Hakimiyyətinin başçısı Natiq Ağayev, hüquq - mühafizə orqanlarının rəhbərləri, idarə, müəssisə və təşkilatların kollektivləri, rayon ictimaiyyətinin nümayəndələri, şəhid ailələri və Vətən müharibəsi iştirakçıları iştirak ediblər. Mərasimdə hərbi orkestrın ifasında Azərbaycan Respublikasının Dövlət Himni səsləndirilib, yaylım atəşi açılıb, şəhidin məzarı üzərinə əklil və gül dəstələri düzülüb.
Göyçay Rayon İcra Hakimiyyətinin başçısı Natiq Ağayev çıxış edərək qeyd edib ki, torpaq uğrunda canından keçən soydaşlarımızın xatirələrini daim əziz tutan dövlətimiz möhtəşəm Qələbə ilə yekunlaşan 44 günlük Vətən müharibəsindən sonra itkin şəhidlərin nəşlərinin tanınması və ailələrinə təhvil verilməsi istiqamətində aparılan işlər şəhidlərimizin xatirəsinə olan diqqət və qayğının nümunəsidir. Sonra Rayon İcra Hakimiyyətinin başçısı N.Ağayev şəhidin tabutuna bükülmüş Azərbaycanın üçrəngli bayrağını qardaşı Müşviq Zərbalıyevə təqdim edib.
Qeyd edək ki, Ayaz Zərbalıyev 1969 - cu ildə Göyçay rayonunun Potu kəndində anadan olub. O, ilk hərbi xidmətini 1987 - 1989 - cu illərdə Ukrayna Respublikasının Zaporojye şəhərində keçirib. 1992 - ci ildə səfərbərlik üzrə xidmətə cəlb edilərək Azərbaycan ordusunda hərbi xidmətə çağrılıb, Ağdərənin və Kəlbəcərin müdafiəsi uğrunda gedən döyüşlərdə fəal iştirak edib və böyük şücaət göstərib. 1993 - cü ildə Kəlbəcər rayonunun Çələkdar kəndi uğrunda gedən döyüşlərdə itkin düşüb. Göyçay rayon Məhkəməsi tərəfindən 2007 - ci ildə ona şəhidlik statusu verilməsi haqqında qərar qəbul edilib. Allah rəhmərt eləsin.

11/09/2025

İqtisadçı alim, iqtisad elmləri namizədi, dosent Namiq Sadıqovun 70 yaşı tamam olur. Namiq Ənvər oğlu Sadıqov 1955 - ci il sentyabrın 12 - də Göyçay şəhərində anadan olub. 1973 - cü ildə D.Bünyadzadə adına Azərbaycan Xalq Təsərrüfatı İnstitutunun Ümumiqtisad fakültəsinin Siyasi iqtisad ixtisasına daxil olub. 1978 ci ildə həmin ixtisası fərqlənmə diplomu ilə bitirərək iqtisadçı, siyasi iqtisad müəllimi ixtisasını alıb. 1978 – 1981 - ci illərdə Gəncə Politexnik Texnikumunda, 1981 – 1995 - ci illərdə Azərbaycan Kənd Təsərrüfatı İnstitutunda (indiki Aqrar Universitet) siyasi iqtisad müəllimi vəzifəsində işləyib. 1992 - ci ildə namizədlik dissertasiyasını müdafiə edib. 1996 – 2000 - ci illərdə Bakı Dövlət Əmtəəşünaslıq - Kommersiya İnstitutunun «İqtisad elmləri» kafedrasının, 2000 – 2004 - cü illərdə isə Azərbaycan Dövlət İqtisad Universitetinin «Ümumiqtisad» kafedrasının müdiri vəzifəsində calışıb. 2004 – 2005 - ci illərdə “Biznes inzibatçılığı” fakültəsində dekan müavini, 2005-ci ildən “Maliyyə - 2” fakültəsində dekan müavini vəzifəsində çalışıb. Hazırda “Nəzəri və praktiki iqtisadiyyat” kafedrasının dosentidir. 50 - dən çox müxtəlif səpgili elmi əsərlərin müəllifidir.
Biz də səhifəmizin izləyiciləri adından hörmətli alimimizi ürəkdən təbrikc edir, ona can sağlığı, bundan sonrakı fəaliyyətində də yeni - yeni uğurlar arzulayırıq.

08/09/2025

Çində yaşayan həmyerlimiz, əslən Göyçaydan olan İqrar İlham oğlu Məmmədov 1995 - ci ildə Bakı şəhərində anadan olub. 2000 - ci ildə atasının işi ilə əlaqədar Rusiyanın Orexovo - Zuyevo şəhərinə köçüb. 2001 - ci ildə həmin şəhərdə məktəbə gedib. 2007 - ci ildə isə Göyçaya qayıdaraq təhsilini Göyçay şəhər 3 saylı məktəbinin rus bölməsində davam etdirib. 2012 - ci ildə Milli Aviasiya Akademiyasının Aviasiya təhlükəsizliyi mühəndisliyi fakültəsinə daxil olub. 2016 - cı ildə akademiyanı bitirdikdən sonra hərbi xidmətə yollanıb. Hərbi Hava Qüvvələrinin Zirə qəsəbəsindəki "N" saylı hərbi hissəsində, radiolokasiya stansiyasında operator vəzifəsində xidmət edib. Daha sonra Azərbaycan Hava Yollarında (AZAL) inspektor kimi çalışıb, lakin səhhətində problemlər yarandığı üçün işdən ayrılmalı olub. 2023 - cü ilin iyununda Çinə yola düşüb. Burada özünü logistika sahəsində sınayıb və bu sahədə bir neçə təklif də alıb. Hazırda da bu sahədə fəaliyyətini davam etdirir.

05/09/2025

𝐑𝐚𝐲𝐨𝐧 İ𝐜𝐫𝐚 𝐇𝐚𝐤𝐢𝐦𝐢𝐲𝐲ə𝐭𝐢 𝐛𝐚𝐬̧𝐜̧ı𝐬ı𝐧ı𝐧 𝐧𝐨̈𝐯𝐛ə𝐭𝐢 𝐬ə𝐲𝐲𝐚𝐫 𝐪ə𝐛𝐮𝐥𝐮 𝐤𝐞𝐜̧𝐢𝐫𝐢𝐥𝐝𝐢

Bu gün Göyçay Rayon İcra Hakimiyyətinin başçısı Çərəkə kənd inzibati ərazi dairəsi üzrə nümayəndəliyinə daxil olan Şıxlar kəndində vətəndaşlarla növbəti səyyar qəbul keçirib. Qəbulda rayon İcra Hakimiyyətinin başçısı Natiq Ağayev, RİH başçısı aparatının məsul əməkdaşları, idarə, müəssisə və təşkilat rəhbərləri, eləcə də kənd sakinləri iştirak ediblər. Rayon rəhbəri N. Ağayev ölkəmizdə sosial - iqtisadi sahədə əldə olunan nailiyyətlər, həmçinin Göyçay rayonunda həyata keçirilən abadlıq - quruculuq işləri və əhalinin sosial problemlərinin həlli istiqamətində görülən tədbirlər barədə iştirakçılara ətraflı məlumat verib. Eyni zamanda, vətəndaş məmnunluğunun artırılması və göstərilən xidmətlərin keyfiyyətinin yüksəldilməsi məqsədilə sakinlərə “Rəqəmsal İcra Hakimiyyəti” portalı vasitəsilə (https://rih.gov.az) onlayn müraciət etmək, həmçinin təklif və rəylərini bildirmək imkanlarının mövcud olduğu xatırladılıb.
Səyyar qəbulda çıxış edən rayon İcra Hakimiyyəti başçısının Çərəkə kənd inzibati ərazi dairəsi üzrə nümayəndəsi Vüsal Bədəlov çıxış edərək Şıxlar kəndinin əhalisi, sosial-iqtisadi inkişafı, məşğulluq vəziyyəti və ərazidə həyata keçirilən işlər barədə ətraflı məlumat verib.
Səyyar qəbul zamanı kənd sakinləri müxtəlif mövzularda rayon icra hakimiyyətinin başçısına müraciət ediblər. Qaldırılan məsələlər diqqətlə dinlənilərək qeydiyyata alınıb və icrası nəzarətə götürülüb.

31/08/2025

Göyçay Rayon İcra Hakimiyyəti başçısı Natiq Ağayev 2025 - ci ilin sentyabr ayı ərzində rayonun 4 yaşayış məntəqəsində sakinləri səyyar qəbul edəcək. Vətəndaşların qəbulu tərtib olunmuş qrafikə uyğun olaraq rayonun bütün yaşayış məntəqələrində keçiriləcək.

28/08/2025

Göyçay Rayon Mərkəzi Xəstəxanasına yeni direktor təyinatı olub

TƏBİB - in İcraçı direktoru Vüqar Qurbanovun müvafiq əmri ilə Zahir Əliyev Göyçay Rayon Mərkəzi Xəstəxanasın direktoru vəzifəsinə təyin olunub. Bu barədə xəstəxanadan verilən məlumatda deyilir ki, TƏBİB - in İcraçı direktorunun müşaviri Anar Ağayev Zahir Əliyevi tibb müəssisəsinin kollektivinə təqdim edib. O öz çıxışında Zahir Əliyevin idarəçilik təcrübəsi və tibb sahəsindəki peşəkarlığını vurğulayaraq kollektivə uğurlar arzulayıb. Sonra Z.Əliyev çıxış edərək göstərilən etimada görə təşəkkürünü bildirib və qarşıya qoyulan tapşırıqların vaxtında icrası, yeni layihələrin həyata keçirilməsi istiqamətində prioritet planlarını təqdim edib. Göyçay Rayon Mərkəzi Xəstəxanasının direktoru vəzifəsini icra edəcək Z.Əliyev ixtisasca pediatrdır və yeni təyinata qədər Ədliyyə Nazirliyi Penitensiar Xidmətin müəssisəsində baş həkim vəzifəsində çalışıb. Göyçay Rayon Mərkəzi Xəstəxanasının direktoru Z.Əliyevi yeni təyinatı münasibətilə təbrik edir, fəaliyyətində uğurlar arzulayırıq!

28/08/2025

Həmyerlimiz, xanım diplomat Zülfiyyə Maarif qızı Əlizadə1985 – ci il avqustun 29 – da Göyçay şəhərində anadan olub. Orta təhsilini Bakı şəhər 91 saylı orta məktəbdə alıb. 2002 - 2006 – cı illərdə BDU - nin Beynəlxalq Əlaqələr fakültəsinin bakalavr pilləsində, 2006 - 2008 – ci illərdə isə həmin fakultənin magistr pilləsində (qırmızı diplomla) ali təhsil alıb. 2009 - 2010 – cu illərdə təhsilini Cənubi Koreya Respublikasının Koreya Universitetinin Beynəlxalq Əməkdaşlıq və İnkişaf fakültəsinin magistr pilləsində davam etdirib. Z.Əlizadə 2006 - 2009 – cu illərdə “Azercell” MMC şirkətində Müştərilərlə Əlaqələr departamentinin əməkdaşı, 2010 – cu ildə “Heerim Architects & Planners” şirkətində Menecer köməkçisi, 2011 – 2013 – cü illərdə Bakı Nəqliyyatı İntellektual İdarəetmə Mərkəzinin İctimaiyyətlə Əlaqələr şöbəsinin müdiri – mətbuat katibi, 2013 – 2016 – cı illərdə Xarici İşlər Nazirliyinin İqtisadi Əməkdaşlıq İdarəsinin İkitərəfli Əməkdaşlıq Şöbəsinin attaşesi, 2016 – 2020 – ci illərdə Azərbaycan Respublikasının Bolqarıstan Respublikasındakı Səfirliyinin 3-cü katibi, 2020 – 2022 – ci illərdə XİN - in İqtisadi Əməkdaşlıq İdarəsinin Aİ ilə Əməkdaşlıq şöbəsinin 2 - ci katibi vəzifələrində çalışıb. 2023 – cü ildən bu günədək Azərbaycan Respublikasının Avstriya Respublikasındakı Səfirliyinin 2 - ci katibidir.
Biz də öz növbəmizdə Zülfiyyə xanımı səhifəmizin izləyiciləri adından doğum günü münasibətilə tərik edir, ona bundan sonrakı səmərəli fəaliyyətində də yeni - yeni uğurlar arzulayırıq.

Göyçay bu gün / Goychay Today

19/09/2025

15/09/2025

14/09/2025

13/09/2025

12/09/2025

12/09/2025

11/09/2025

08/09/2025

05/09/2025

31/08/2025

28/08/2025

28/08/2025

Address

Website

Alerts

Shortcuts

Share

Category