GancaPost

GancaPost GancaPost internet portalı müstəqil informasiya siyasəti həyata keçirən media qurumudur. Bu səhifə GancaPost portalının rəsmi Facebook səhifəsidir.

📍 Dünyada və ölkədə baş verənlər
🗞️ Doğru xəbərin tək ünvanı
⚡ Ən son yeniliklərdən ilk sən xəbərdar ol!
📥 Xəbər göndər: GancaPost və ya DM
http://gancapost.info/ Bu səhifədə siz portalımızda dərc olunan xəbərlərlə tanış ola bilərsiniz.

Dünən səsvermədə Nümayəndələr Palatası 4 respublikaçı və bütün demokratlarla birlikdə İranla müharibəni bitirmək üçün ap...
04/06/2026

Dünən səsvermədə Nümayəndələr Palatası 4 respublikaçı və bütün demokratlarla birlikdə İranla müharibəni bitirmək üçün apardığım son danışıqların tam ortasında mənim müharibə səlahiyyətlərimi məhdudlaşdırmaq üçün səs verdi.

“Gəncə Post” xəbər verir ki, bunu ABŞ Prezidenti Donald Tramp “Truth Social”da yazıb.

“Kim belə qeyri-vətənpərvər bir şey edərdi ki? Onlar danışıqların hansı mərhələdə olduğunu bilirlər”, - Tramp şikayətlənib.

ABŞ lideri Demokrat Partiyasının üzvlərinin “Trampa nifrət sindromu” ilə bu hərəkətləri etdiyini bildirib.

“Onlar mənim çox saylı qələbələrimdən birini qazanmağa imkan verməkdənsə, ölkəmizin uğursuzluğa düçar olmasını üstün tuturlar. O dörd respublikaçı isə tamam başqa məsələdir — onlar özlərini göstərməyə çalışanlardır! Onlar özlərindən utanmalıdırlar”, - Tramp vurğulayıb.

Qeyd edək ki, ABŞ Nümayəndələr Palatasının səsverməsi Prezident Donald Trampa İranla müharibəni davam etdirməsi üçün Konqresin təsdiqini almağı tövsiyə edir.

Bakının Sabunçu rayonunda ata qızına xəsarət yetirib.“Gəncə Post” Demokrat.az-a istinadən xəbər verir ki, hadisə bu il y...
04/06/2026

Bakının Sabunçu rayonunda ata qızına xəsarət yetirib.

“Gəncə Post” Demokrat.az-a istinadən xəbər verir ki, hadisə bu il yanvarın 15-də rayonun Zabrat 2 qəsəbəsində, Yeni məhəllədə yerləşən fərdi yaşayış evlərindən birində baş verib.

Tovuz rayon sakini, 1985-ci il təvəllüdlü İsrafil (ad şərtidir) həmin gün gecə saat 01:00 radələrində qızı Ədilə (ad şərtidir) ilə yaşadığı evdə olarkən aralarında ailə-məişət münasibətləri zəminində mübahisə yaranıb. Mübahisə zamanı o, qızının üz nahiyəsinə bir dəfə şillə vuraraq ona müxtəlif dərəcəli xəsarətlər yetirib.

İş üzrə ifadə verən İsrafil bildirib ki, axşam saatlarında evə gəlib, daha sonra gecə saatlarında qızının hələ də yatmadığını və telefonla məşğul olduğunu görüb. Ona yatmasını desə də, sözünə məhəl qoyulmadığını düşünərək üz nahiyəsinə bir dəfə zərbə endirib. O, əməlindən peşman olduğunu bildirib.

Zərərçəkmiş qız isə ifadəsində atasının onun telefonla oynadığını görərək yatmasını tələb etdiyini qeyd edib. O bildirib ki, telefonu söndürüb otağına keçmək istəyərkən atası üz nahiyəsinə bir dəfə zərbə endirib.

Ədilə atasından şikayətçi olduğunu bildirib. Onun sözlərinə görə, hadisədən sonra atası yenidən həm onu, həm də anasını döyərək şikayəti geri götürmələrini tələb edib. Zərərçəkmiş anasının döyülməsi ilə bağlı çəkilmiş şəkilləri məhkəməyə təqdim edib. Daha sonra polis əməkdaşları hadisəyə müdaxilə edərək İsrafili evdən aparıblar.
Sabunçu Rayon Məhkəməsinin hökmü ilə İsrafil 5 ay müddətinə azadlıqdan məhrum edilib. Onun cəzasını ümumi rejimli cəzaçəkmə müəssisəsində çəkməsi, cəza müddətinin isə 18 fevral 2026-cı il tarixdən hesablanması qərara alınıb.

Avropa Komissiyasının Prezidenti Ursula von der Leyen bu gün Ermənistan Baş naziri Nikol Paşinyanla telefon danışığı apa...
04/06/2026

Avropa Komissiyasının Prezidenti Ursula von der Leyen bu gün Ermənistan Baş naziri Nikol Paşinyanla telefon danışığı aparıb.

“Gəncə Post” xəbər verir ki, Aİ lideri Paşinyanla Rusiyanın son dövrdə Ermənistana qarşı tətbiq etdiyi məhdudiyyətləri müzakirə etdiyini bildirib.
“Bu, açıq şəkildə iqtisadi təzyiqdir və qəbuledilməzdir. Avropa Ermənistanın yanında qətiyyətlə dayanır. Biz Aİ-nin dəstək paketini hazırlayırıq. Bu paketə 50 milyon avrodan çox məbləğdə təcili maliyyə yardımı daxildir və əlavə dəstək də olacaq”, - Ursula von der Leyen deyib.

O, həmçinin bəzi Ermənistan məhsulları, xüsusilə kənd təsərrüfatı və ərzaq məhsulları üçün ticarətin asanlaşdırılması üzrə tədbirlərin nəzərdə tutulduğunu bəyan edib: “Bundan əlavə, 10 min gül partiyasının sabah Latviyaya çatdırılması planlaşdırılır. Digər partiyalar da göndəriləcək. Biz həmçinin İrəvanda keçirilən son sammitdə götürülən öhdəliklərin davamı olaraq bizneslərimizi bir-birinə daha da yaxınlaşdıracağıq”.

Aİ lideri qeyd edib ki, Türkiyə ilə ticarət marşrutlarının, o cümlədən Gürcüstan və Türkiyə üzərindən dəmir yolu bağlantısının yenidən açılması çox müsbət addımdır: “Ermənistan Avropa, Cənubi Qafqaz və Mərkəzi Asiyanı birləşdirən strateji mərkəzə çevrilmək potensialına malikdir. Regional əlaqələr bərpa olunduqca biz infrastruktur və sərhəd-keçid məntəqələrinin inkişafına dəstək verməyə hazırıq. Biz bu prioritetləri 23 iyunda keçiriləcək Bağlantılılıq Platformasının nazirlər görüşündə birlikdə irəlilətməyə davam edəcəyik. Bütün bu istiqamətlər üzrə effektiv koordinasiyanı təmin etmək üçün biz birgə Aİ-Ermənistan İşçi Qrupunun yaradılması barədə razılığa gəldik. Bu qurum bütün bu təşəbbüslərin və gələcək addımların icrasına nəzarət edəcək”.

04/06/2026

Sosial şəbəkələrdə İsrail Ben-Qurion hava limanının ABŞ ordusu tərəfindən tamamilə hərbi bazaya çevrildiyinə dair iddialar və videogörüntülər yayılıb. Paylaşımlarda hava limanına çox sayda hərbi təyyarələrin və logistik təchizatın endiyi iddia olunur.

Lakin rəsmi mənbələr və aviasiya ekspertləri bu iddiaların həqiqəti əks etdirmədiyini bildirirlər. Ben-Qurion mülki hava limanı statusunu qoruyur və görüntülərin regiondakı gərginlik fonunda ABŞ-ın İsrailə göndərdiyi adi hərbi-logistik yardımların daşınması anına aid ola biləcəyi qeyd edilir. Hazırda aeroportun rəsmi olaraq xarici dövlətin hərbi bazasına çevrilməsi barədə heç bir rəsmi təsdiq yoxdur.

Avtonom nəqliyyat vasitələrinin hərəkətinə dair tələblər qoyulur, tanınma nişanı olacaq.“Gəncə Post” xəbər verir ki, bun...
04/06/2026

Avtonom nəqliyyat vasitələrinin hərəkətinə dair tələblər qoyulur, tanınma nişanı olacaq.

“Gəncə Post” xəbər verir ki, bununla bağlı Milli Məclisin İqtisadi siyasət, sahibkarlıq və sənaye komitəsinin bu gün keçirilən iclasında müzakirəyə çıxarılan “Yol hərəkəti haqqında” qanuna təklif edilən dəyişiklikdə əksini tapıb.

Layihəyə əsasən, avtonom nəqliyyat vasitəsi avtomatlaşdırılmış idarəetmə sistemi vasitəsilə hərəkət edən, insan tərəfindən birbaşa və ya davamlı idarəetmə müdaxiləsi olmadan özü hərəkət edən, yol hərəkətinin təhlükəsizliyi pozulduqda və ya avtonom nəqliyyat vasitəsində nasazlıq yarandıqda özü-özünü təhlükəsiz hərəkət rejiminə gətirə bilən, avtomatlaşdırılmış idarəetmə sistemi yüksək avtomatlaşdırılmış olan mülki təyinatlı nəqliyyat vasitəsidir.

04/06/2026

Dünya futbolunun canlı əfsanəsi Roberto Karlosla Lionel Messinin meydandakı kölgəsi kimi tanınan məşhur mühafizəçisi Yassin Çueko (Yassine Cheuko) arasında baş tutan qısamüddətli 'qarşılaşma' sosial şəbəkələrdə böyük marağa səbəb olub.

İyunun 5-də gözlənilən hava proqnozu açıqlanıb.“Gəncə Post” xəbər verir ki,Milli Hidrometeorologiya Xidmətindən verilən ...
04/06/2026

İyunun 5-də gözlənilən hava proqnozu açıqlanıb.

“Gəncə Post” xəbər verir ki,Milli Hidrometeorologiya Xidmətindən verilən məlumata görə,Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Gecə bəzi yerlərdə duman olacaq. Şimal-şərq küləyi gündüz cənub-şərq küləyi ilə əvəz olunacaq.

Havanın temperaturu gecə 15-18° isti, gündüz 24-29° isti olacaq. Atmosfer təzyiqi 762 mm civə sütunu, nisbi rütubət isə gecə 60-65 %, gündüz 45-50 % olacaq.

Azərbaycanın əksər rayonlarında havanın əsasən yağmursuz keçəcəyi, lakin bəzi dağlıq və dağətəyi rayonlarda arabir yağıntılı olacağı gözlənilir. Ayrı-ayrı yerlərdə qısamüddətli intensivləşəcəyi, şimşək çaxacağı, dolu düşəcəyi ehtimalı var. Gecə və səhər bəzi yerlərdə duman olacaq. Şərq küləyi əsəcək.

Havanın temperaturu gecə 15-19° isti, gündüz 27-32° isti, dağlarda gecə 7-12° isti, gündüz 15-19°, bəzi yerlərdə 21-25° isti olacaq

Gəncədə kikboksinq üzrə Azərbaycan Birinciliyi keçiriləcək.“Gəncə Post” məlumat verir ki, 18–21 iyun tarixlərində Gəncə ...
04/06/2026

Gəncədə kikboksinq üzrə Azərbaycan Birinciliyi keçiriləcək.

“Gəncə Post” məlumat verir ki, 18–21 iyun tarixlərində Gəncə Olimpiya İdman Kompleksində kikboksinq üzrə 30-cu Azərbaycan Birinciliyi baş tutacaq. "Kikboksinq narkomaniya və uşaq cinayətkarlığına qarşı" devizi altında təşkil olunacaq yarışda ölkənin müxtəlif bölgələrindən 1000-ə yaxın idmançının iştirakı gözlənilir.

Yarışda 2009–2010-cu il təvəllüdlü gənclər, 2011–2012-ci il təvəllüdlü yeniyetmələr və 2013–2014-cü il təvəllüdlü yeniyetmə kadetlər iştirak edəcəklər.

İdman tədbiri Gənclər və İdman Nazirliyi, Azərbaycan Milli Olimpiya Komitəsi, Azərbaycan Kikboksinq Federasiyası, həmçinin Dünya Kikboksinq Təşkilatları Assosiasiyasının dəstəyi ilə təşkil olunur.

Qeyd edək ki, kikboksinq üzrə Azərbaycan Birinciliyi ilk dəfə Gəncədə keçiriləcək.

Ermənistan və ABŞ TRIPP layihəsi üzrə çərçivə sazişini imzalayıb.“Gəncə Post” “Armenpress”ə istinadən xəbər verir ki, b...
04/06/2026

Ermənistan və ABŞ TRIPP layihəsi üzrə çərçivə sazişini imzalayıb.

“Gəncə Post” “Armenpress”ə istinadən xəbər verir ki, bu barədə Ermənistan Xarici İşlər Nazirliyi məlumat yayıb.

Xarici İşlər Nazirliyi sənədin ilkin olaraq mayın 26-da ABŞ dövlət katibi Marko Rubionun Ermənistana səfəri zamanı paraflandığını xatırladıb.Ermənistan Xarici İşlər Nazirliyinin yaydığı videogörüntüdə xarici işlər naziri Ararat Mirzoyanın sənədi imzaladığı əks olunub.

Mirzoyanın sözlərinə görə, bir neçə gün əvvəl o və ABŞ dövlət katibi Marko Rubio tərəfindən ilkin olaraq paraflanan sənəd daha sonra ABŞ tərəfindən imzalanaraq Ermənistana göndərilib: “Dövlət katibi Rubio sazişi imzaladı, sənəd Ermənistana göndərildi və indi mən Ermənistan tərəfi adından imzamı atdım”.

Mirzoyan qeyd edib ki, bununla sənədin distant imzalanması prosesi başa çatıb: “Beləliklə, distant imzalanma prosesi tamamlandı və saziş ratifikasiya üçün hazırdır.

Address

G***a
AZ2000

Telephone

+994559480066

Website

Alerts

Be the first to know and let us send you an email when GancaPost posts news and promotions. Your email address will not be used for any other purpose, and you can unsubscribe at any time.

Contact The Business

Send a message to GancaPost:

Shortcuts

Share

Category