GancaPost

GancaPost GancaPost İnformasiya Portalı GancaPost internet portalı müstəqil informasiya siyasəti həyata keçirən media qurumudur.

Bu səhifə GancaPost portalının rəsmi Facebook səhifəsidir. Bu səhifədə siz portalımızda dərc olunan xəbərlərlə tanış ola bilərsiniz.

2026-cı il Azərbaycanda “Şəhərsalma və Memarlıq İli” elan edilib.Azərbaycan Prezidenti İlham Əliyev bu barədə Sərəncam i...
22/12/2025

2026-cı il Azərbaycanda “Şəhərsalma və Memarlıq İli” elan edilib.

Azərbaycan Prezidenti İlham Əliyev bu barədə Sərəncam imzalayıb.

Sərəncam Azərbaycanın çoxəsrlik tarixə malik şəhərsalma və memarlıq mədəniyyəti ənənələrinin yaşadılması, eləcə də ölkədə bu sahədə yeni çağırışlara cavab verən mütərəqqi yanaşmaların təşviqi və tətbiqinin genişləndirilməsi məqsədilə imzalanıb.

Gəncədə vətəndaş qəbulu və sıra baxışı keçiriləcəkDaxili işlər naziri, general-polkovnik Vilayət Eyvazov 1 dekabr 2025-c...
25/11/2025

Gəncədə vətəndaş qəbulu və sıra baxışı keçiriləcək

Daxili işlər naziri, general-polkovnik Vilayət Eyvazov 1 dekabr 2025-ci ildə Gəncə şəhərində növbəti vətəndaş qəbulu, həmçinin polis orqanları və Daxili Qoşunlarda xidmət etmək istəyən gənclərin sıra baxışını keçirəcək.

📍 Vətəndaş qəbulu:
⏰ 1 dekabr 2025
📌 Gəncə Şəhər Baş Polis İdarəsinin inzibati binası
👥 Gəncə, Goranboy, Naftalan, Göygöl, Samux, Kəlbəcər və Xocalı sakinləri iştirak edə bilər.

📝 Qəbula yazılmaq üçün:
➡️ Yaşadığınız ərazinin polis orqanına müraciət edin
➡️ Və ya DİN-in rəsmi saytı: mia.gov.az
➡️ Həmçinin Nazirliyin sosial şəbəkə hesabları vasitəsilə

✅Sıra baxışı:
⏰ 1 dekabr, saat 08:00
📍 Gəncə Olimpiya İdman Kompleksi
🔎 Polis və Daxili Qoşunlarda xidmət etmək istəyən namizədlər iştirak edə bilər.

ℹ️ Qeyd: Qəbula və sıra baxışına gələnlər şəxsiyyət vəsiqəsi ilə təqdim olunmalıdır.

06/11/2025

Deputat: "Gəncə şəhərində yeni iş yerlərinin yaradılmasına ciddi ehtiyac var".

Bunu Milli Məclisin deputatı Naqif Həmzəyev 2026-ci ilin büdcə layihəsinə münasibət bildirərkən deyib.

Onun sözlərinə görə, son illərdə böyük şəhərlərdən, o cümlədən Gəncədən Bakıya miqrasiya prosesi güclənib və bu tendensiya regional iqtisadi tarazlığı poza bilər.

“Gəncədə mövcud iş yerlərinin qorunması və yeni məşğulluq imkanlarının yaradılması vacibdir. Gəlin Gəncəyə sahib çıxaq,” – deputat vurğulayıb.

Həmzəyev əlavə edib ki, uşaqlar arasında görmə zəifliyi halları artmaqdadır və bir çox valideynlər övladlarını eynəklə təmin etməkdə çətinlik çəkirlər.

“Bu istiqamətdə dövlət dəstəyi göstərilməlidir,” – deputat qeyd edib.

O, həmçinin sahibsiz heyvanlarla bağlı məsələyə toxunaraq bildirib ki, regionlarda bu sahədə işlərin aparılması üçün həm maliyyə vəsaitinə, həm də vaksinasiya tədbirlərinə ehtiyac var.

02/11/2025

Siqaret çəkənlərin NƏZƏRİNƏ: Vətəndaşlar hansı halda və neçə manat cərimələnə bilərlər?

Bir müddət əvvəl ictimai yerlərdə siqaret çəkmək qanunla qadağan edilsə də, bəzi insanlar hələ də qadağanın nəzərdə tutulduğu məkanları tam olaraq bilmirlər.

Belə ki, şəhərin bəzi ərazilərində siqaret kötüklərinin atılması üçün tullantı qabları quraşdırılıb.

Qanunla təhsil və tərbiyə, tibb müəssisələrində, habelə onların ərazilərində, idman oyunlarının keçirildiyi binalar və ərazilərdə, kafe və restoranlar daxil olmaqla ictimai iaşə, ticarət və məişət obyektlərində siqaret çəkmək qadağandır. Bu ərazilərdə siqaret çəkməyə görə 30 manat cərimə nəzərdə tutulur.

İnzibati xətalar məcəlləsində qeyd olunur ki, küçədə siqaret kötüyünü yerə atmağa görə 300 manat cərimə nəzərdə tutulur.

02/11/2025

🚨🚸 Gəncə şəhərində yol hərəkəti təhlükəsizliyinin artırılması istiqamətində zəruri tədbirlər görülür.

Bu barədə Daxili İşlər Nazirliyinin (DİN) Mətbuat Xidmətinin Gəncə Regional Qrupundan bildirilib.

Vurğulanıb ki, sürət həddi və piyada zolaqlarında qaydalara əməl etməyən sürücülərlə bağlı məsuliyyət tədbirləri gücləndirilib.

01/11/2025

❗2025-2026-cı tədris ilində Ermənistanın üç dövlət məktəbində Azərbaycan dili tədris olunacaq.

Bu barədə Ermənistan Təhsil, Elm, Mədəniyyət və İdman Nazirliyi məlumat verib.

Proqrama əsasən, 10-12-ci sinif şagirdləri üçün Azərbaycan və türk dilləri, 5-ci sinifdən etibarən isə fars və gürcü dilləri tədris olunacaq. Proqram könüllü olacaq və ixtisaslı müəllimlərin mövcudluğundan asılı olacaq.

Təşəbbüs dövlət təhsil proqramı çərçivəsində həyata keçirilir.

01/11/2025

🏅Gəncə ilk dəfə Aerobika gimnastikası üzrə Avropa çempionatına ev sahibliyi edəcək.

09-16 noyabr tarixlərində Gəncə şəhərində möhtəşəm idman bayramı yaşanacaq: Aerobika gimnastikası üzrə Avropa çempionatı!
17 ölkədən ən güclü gimnastlar kubok uğrunda mübarizə aparacaqlar.

Gəncə İdman Sarayında keçiriləcək yarışlarda 09-11 noyabr tarixlərində yeniyetmələr və 15 yaşadək idmançılar arasında, 14-16 noyabr tarixlərində isə böyüklər arasında çempionat keçiriləcək.

Biletləri iticket az saytından əldə edə bilərsiniz.

01/11/2025

❗Ermənilərin Gəncəyə hücumu nəticəsində dağıdılmış evlərin bərpası üzrə növbəti işlərə başlanılır
Ermənistan Respublikası silahlı qüvvələrinin Azərbaycan Respublikası ərazisinə təcavüzü nəticəsində Gəncə şəhərində dağıdılmış, qəzalı vəziyyətə düşmüş, təmir və bərpaya ehtiyacı olan fərdi yaşayış evləri və qeyri-yaşayış obyektlərinin tikintisi, təmiri və bərpası işləri davam etdirilir.

Dövlət satınalmalarının vahid internet portalındakı məlumata görə, bu işlərin davamı kimi növbəti mərhələ üzrə təmir işləri aparılacaq.

Belə ki, Dövlət Şəhərsalma və Arxitektura Komitəsinin tabeliyindəki Ərazi Tikinti-Planlaşdırma Mərkəzi Gəncə şəhərində bəhs olunan təmir-bərpa işləri ilə bağlı “İnşaat Servis-2” Məhdud Məsuliyyətli Cəmiyyəti (MMC) ilə yeni müqavilə bağlayıb.

Müqaviləyə uyğun olaraq, şirkətə 460,9 min manat ödənilib.

Buna qədər isə, dövlət qurumu indiyədək qeyd olunana işlər üzrə “İnşaat Servis-2” MMC ilə bir neçə dəfə müqavilə bağlayıb. Buna misal olaraq 2021-ci ildə 2,2 milyon manatlıq, 2023-cü ildə 1,5 milyon manatlıq müqavilələri göstərə bilərik.

Dövlət qurmunun bir neçə dəfə işləri həvalə etdiyi “İnşaat Servis-2” MMC 2009-cu ildə dövlət qeydiyyatına alınıb. Nizamnamə kapitalı 50 manat olan MMC-nin qanuni təmsilçisi Aslanov Vüqar Məzahir oğludur.

Address

G***a
AZ2000

Telephone

+994559480066

Website

Alerts

Be the first to know and let us send you an email when GancaPost posts news and promotions. Your email address will not be used for any other purpose, and you can unsubscribe at any time.

Contact The Business

Send a message to GancaPost:

Shortcuts

Share

Category

GancaPost portalı

Bu səhifə müstəqil informasiya siyasəti həyata keçirən GancaPost internet portalının rəsmi Facebook səhifəsidir. Bu səhifədə Siz portalımızda dərc olunan xəbərlərlə tanış ola bilərsiniz.