09/10/2024
Rəsuli-Əkrəm (s) buyurub: “Kimin elmi çoxalarsa və doğru yola meyli artmazsa, Allahdan uzaq düşməyindən qeyri bir artımı olmaz”.
İmam Əli (ə) buyurub: “Biliklərin ən yaxşısı səni islah edən bilikdir”.
Bəli, elmlə, biliklə bağlı məsələlərə mübarək İslam dini fövqəl dərəcədə yüksək əhəmiyyət vermişdir.
İslam o qədər elmə qiymət verir ki, alimin qələminin mürəkkəbi şəhidlərin qanından üstün sayılır. Amma hansı alimin mürəkkəbi?
Kimdir həmin o alim ki, bu qədər məqamı var mürəkkəbi şəhidin qanından üstündür. Peyğəmbərin (s) varisidir. Cənnətdəki dərəcəsinin peyğəmbərlərlə çox az fərqi var. Peyğəmbərlərə bənzər əzəməti var. Allah yolunda cihad edir, mücahidə edir. Cahillər arasında olanda, onu bənzədirlər ölülər arasında bir diriyə.
Bu keyfiyyətlər bütün bilənlərə məxsus deyil. İslam deyir, bir başqa məsələ də var orada: məsuliyyət. Bu elm onlara məsuliyyət verər. Bu elm insana fərdi məsuliyyətlər verər. Bu elm insana ictimai məsuliyyət verər. Bu elm insana vücudi məsuliyyət verər. Əgər o məsuliyyətlər olarsa, əgər əmələn də o bildiyini məsuliyyətinə uyğun çalışarsa, o zaman Allah yolunda mücahid olar alim, o zaman bu deyilən məsələlər ona aid olar.
Mübarək İslam dini məsuliyyətsiz bilik əhlini, məsuliyyətsiz agahları, məsuliyyətsiz alimləri ciddi qəbul etmir. Zamanımızda bir “mədəniyyət” yavaş-yavaş daxil olur topluma ki, bəzi hallarda adam haqqı deməyə qorxar. Amma Quran məntiqində məsuliyyəti yerinə yetirməyən həmin o məsuliyyətsiz bilik əhli açıq-aşkar şəkildə kəskin pislənir. Çünki dinimiz istəyir fəsad törədən məsuliyyətsiz almin aqibəti bütün bəşəriyyət üçün açıqlansın ki, nəticə etibarilə bəşəriyyət bu bəhsdən, bu məsələdən ibrət dərsi götürsün.Ölüm haqdır, mütləq ki hər birimiz onu dadacağıq amma ölümdən sonra yaltaqlıq xətrinə haqqı olmayanlara təriflər yağdırmaqla barışmaq olmaz. Son paylaşımlardan belə başa düşdüm ki, Naxçıvan Muxtar Respublikası Mərkəzi Seçki Komissiyasının sədri Əkrəm Hüseynzadəyə camaat bir alim kimi, bir savadlı insan kimi müraciət edərmiş. Camaat deyərmiş ki, bu adam hər şeyin zirvəsidir. Amma həmin o alim fəsad, ədalətsizlik, bidətlər hökm sürən bir toplumda yaşayırdı. Bu toplumda insanların (şəxsən mənim) haqları pozulurdu.Sonuncu keçirilən seçkidə Naxçıvan Muxtar Respublikası Mərkəzi Seçki Komissiyasının sədri Əkrəm Hüseynzadə bu qədər qul haqqını öz imzası ilə leqallaşdırmağa çalışan bir “alim” idi. Əkrəm Hüseynzadə toplumda baş verən cinayətlərdən xəbərdar idi. Yəni belə deyil ki, onun barəsində deyələr ki, “yazığın xəbəri yox idi”. Bu “yazıq”ların adət üzrə hər şeydən xəbəri olur. Həm keçmişdə, həm də indi. Tarixdə belə qalacaq ki, Əkrəm Hüseynzadənində xəbəri var idi vəziyyətdən. Onun həm baş verən fəsadlardan xəbəri var idi, həm ədalətsizlikdən xəbəri var idi, həm də insanların məruz qaldığı saxtakarlıqdan xəbəri var idi. Həmin şəxs gecə başını qoyub yatanda, həmin vaxt mən zülm çəkirdim. Mənim ah naləm ucalırdı göylərə. Çünki bu adamın malik olduğu bilik, onun malik olduğu elm, ona məsuliyyət vermədi. Bu “alimin” həmin saxtakar rəhbərlərə yaltaqlığı ucbatından, öz nəfsani meyillərinə uyması səbəbindən bərbad vəziyyətə düşməsini anlamaq öz yerində, amma bu statusun yazılmasında əsas məqsəd - bütün insanlardır. Yəni nə? Yəni çalışın bu “alim” kimi məsuliyyətdən qaçıb öz ani ləzzətləriniz üçün, öz dünyanız üçün, öz maddi mənfəətiniz üçün haqqı, həqiqəti tapdalamayın. Haqqımı əsla halal etməmişəm,etmirəm, etməyəcəyəm. Sən getdin orda darıxma məni gözlə məndə gələcəyəm o zaman ilahi ədalət zəfər çalacaq.
Amma yenədə insanlıq xətrinə Allahın rəhmi sənin üzərində olsun. Allah yaxınlarına səbr versin!
P.s Uca Allah bizlərə elm və məsuliyyəti birgə daşımaq bacarığını qismət etsin! Amin!
