Sumqayıt TV

Sumqayıt TV 👉 Media Platforması
👉 Sumqayıt, Ölkə və Dünya xəbərləri 🌍 | Hadisə | Sosial
👉 📩 REKLAM və ƏMƏKDAŞLIQ üçün DM

04/09/2026

Sumqayıt Şəhər İcra Hakimiyyətinin başçısı tərəfindən "Qoca qartal" adlandırılan Sumqayıt şəhər Təbiət Elmləri Təmayüllü Gimnaziyanın əfsanəvi direktoru Nizami Əhmədov, səhnədə kövrək anlar yaşadı.

03/09/2026

Sumqayıtda minik avtomobili şəhid abidəsinə çırpılıb!

​Sumqayıt şəhərinin 6-cı mikrorayon ərazisində yol-nəqliyyat hadisəsi baş verib.

​İdarəetmədən çıxan "Chevrolet" markalı minik avtomobili ərazidəki şəhid abidəsinə çırpılıb. Qəza nəticəsində xəsarət alan olmasa da, həm avtomobilə, həm də şəhid abidəsinə ciddi ziyan dəyib.

​Hadisənin başvermə səbəbləri araşdırılır.

​

Sumqayıtda valideyn-dövlət-özəl əməkdaşlığı əsasında maliyyələşmə müsabiqəsinin qalibi olan 7 özəl məktəbəqədər təhsil m...
03/09/2026

Sumqayıtda valideyn-dövlət-özəl əməkdaşlığı əsasında maliyyələşmə müsabiqəsinin qalibi olan 7 özəl məktəbəqədər təhsil müəssisəsi müəyyənləşib.

Dövlət dəstəyi alacaq bağçalar:

1. “Şirin Arılar” uşaq bağçası
Aylıq ödəniş: 500 manat
Valideyn ödənişi: 250 manat
Dövlət dəstəyi: 250 manat
Qəbul planı: 50 yer

2. “Pöhrə” körpələr evi-uşaq bağçası
Aylıq ödəniş: 350 manat
Valideyn ödənişi: 105 manat
Dövlət dəstəyi: 245 manat
Qəbul planı: 76 yer

3. “Kaspi-Kids” uşaq bağçası
Aylıq ödəniş: 450 manat
Valideyn ödənişi: 200 manat
Dövlət dəstəyi: 250 manat
Qəbul planı: 80 yer

4. “Goyarchin Kids”
Aylıq ödəniş: 500 manat
Valideyn ödənişi: 250 manat
Dövlət dəstəyi: 250 manat
Qəbul planı: 85 yer

5. “LƏMA” uşaq bağçası
Aylıq ödəniş: 500 manat
Valideyn ödənişi: 250 manat
Dövlət dəstəyi: 250 manat
Qəbul planı: 250 yer

6. “İsminur” körpələr evi-uşaq bağçası
Aylıq ödəniş: 450 manat
Valideyn ödənişi: 200 manat
Dövlət dəstəyi: 250 manat
Qəbul planı: 55 yer

7. “Laləli Bağça”
Aylıq ödəniş: 360 manat
Valideyn ödənişi: 110 manat
Dövlət dəstəyi: 250 manat
Qəbul planı: 75 yer

Növbəti mərhələdə dövlət dəstəyi hesabına özəl bağçalarda uşaqlar üçün daha əlçatan imkanların yaradılması və qəbul prosesinin təşkili təmin ediləcək.

Müəssisələrin fəaliyyətinə maliyyələşmə müqavilələri çərçivəsində monitorinq də həyata keçiriləcək.

Sumqayıt Ağır Cinayətlər Məhkəməsinin hakimi Aynur Rzayevanın həlak olduğu yol qəzası ilə bağlı Nuran Abdurrahmanovun ci...
03/09/2026

Sumqayıt Ağır Cinayətlər Məhkəməsinin hakimi Aynur Rzayevanın həlak olduğu yol qəzası ilə bağlı Nuran Abdurrahmanovun cinayət işi üzrə apellyasiya şikayətinə baxılıb.
Bakı Apellyasiya Məhkəməsində keçirilən iclasda zərərçəkənin hüquqi varisinin vəkili vəsatət qaldırıb. Bildirilib ki, hüquqi varisin səhhətində yaranan problem səbəbindən prosesdə iştirak etmək mümkün olmayıb.
Məhkəmə vəsatəti nəzərə alaraq növbəti iclası sentyabrın 17-nə təyin edib.
Qeyd edək ki, Sumqayıt Ağır Cinayətlər Məhkəməsinin hökmü ilə Nuran Abdurrahmanov 5 il 2 ay müddətinə azadlıqdan məhrum edilib.
Aynur Rzayeva 2022-ci ildə Prezident İlham Əliyevin sərəncamı ilə hakim vəzifəsinə təyin edilmişdi. Onun atası Tapdıq Rzayev Birinci Qarabağ müharibəsində, 1991-ci ildə Xocalıda şəhid olub.
Mənbə: Moderator.az

03/09/2026

Sumqayıtda sürücüləri çaşdıran işıqforla bağlı operativ tədbir görüldü!

​Sumqayıt şəhərinin Sülh prospektində yerləşən işıqforda qeydə alınan nasazlıq bərpa edilib.

​Hərəkəti qadağan edən qırmızı işıqla yanaşı, düzünə, sağa və sola icazə verən yaşıl işığın eyni vaxtda yanması sürüclər arasında ciddi çaşqınlığa və müzakirələrə səbəb olmuşdu.

​Məsələ ilə bağlı Baş Dövlət Yol Polisi İdarəsinin (BDYPİ) İctimaiyyətlə əlaqə bölməsinin rəisi Elvin Hacıyev oxu.az-a bildirib ki, sözügedən ünvandakı işıqforda qısaqapanma səbəbindən problem yaranıb. Əraziyə baxış keçirilib, zəruri texniki bərpa işləri aparılıb və işıqfor hazırda tam işlək vəziyyətə gətirilib.

​Gündəmdən xəbərdar olmaq və Sumqayıtdakı ən son yenilikləri izləmək üçün səhifəmizi bəyənməyi və paylaşmağı unutmayın!

​

Sumqayıtın səhiyyə ictimaiyyətinə ağır itki üz verib. Şəhərin müxtəlif tibb müəssisələrində uzun illər mədə-bağırsaq şöb...
03/09/2026

Sumqayıtın səhiyyə ictimaiyyətinə ağır itki üz verib. Şəhərin müxtəlif tibb müəssisələrində uzun illər mədə-bağırsaq şöbəsinin müdiri kimi fəaliyyət göstərmiş tanınmış həkim Sidqəli Bayramov ürək dayanması nəticəsində dünyasını dəyişib.
​1938-ci il təvəllüdlü S.Bayramov 1965-ci ildən etibarən 1 nömrəli Sumqayıt şəhər xəstəxanasında, daha sonra isə 2 nömrəli Sumqayıt şəhər xəstəxanasında çalışaraq minlərlə pasiyentin sağlığına qovuşmasında böyük əmək sərf edib. O, 65 yaşından təqaüdə çıxmışdı.

​Allah rəhmət eləsin!

​Mənbə: /sumqayit24.az

​

“Progress-2016” MTK-nın rəhbəri Emil Səməndərovun məhkəmə araşdırması başa çatıb.Sumqayıt Ağır Cinayətlər Məhkəməsində e...
03/09/2026

“Progress-2016” MTK-nın rəhbəri Emil Səməndərovun məhkəmə araşdırması başa çatıb.

Sumqayıt Ağır Cinayətlər Məhkəməsində elan olunan hökmə əsasən, şirkət rəhbəri xüsusilə külli miqdarda dələduzluqda təqsirli bilinərək 13 il müddətinə azadlıqdan məhrum edilib.

Məhkəmədə onun eyni mənzili bir neçə nəfərə satdığı sübuta yetirilib.

Qeyd edək ki, Emil Səməndərov bundan əvvəl məşhur iş adamı İsfəndiyar Axundovu (“Şərurlu İsfəndiyar”) məhkəməyə verməsi ilə gündəmə gəlmişdi. O, Axundovun televiziya verilişlərindən birində onu “dələduz” adlandırmasını təhqir və böhtan hesab etmişdi. Məhkəmə şikayəti əsassız sayaraq İsfəndiyar Axundova bəraət verib.

Mənbə: Qafqazinfo

03/09/2026

Sumqayıtda dəniz sahilində çəkilən kadrlar izləyənlərdə təəccüb və narahatlıq doğurub. Avtomobilin riskli manevrlər etdiyi an sərnişinin pəncərədən bayıra çıxaraq təhlükəli şou göstərməsi həm özünün, həm də ətrafdakıların həyatını böyük riskə atıb.

03/09/2026

Sumqayıt şəhəri, Babək küçəsində geсə saatlarında asfaltlanma işləri aparılır.

​

02/09/2026

Sumqayıt Perinatal Mərkəzində yanğın baş verib, hadisə binanın üçüncü mərtəbəsində qeydə alınıb.
Sumqayıt TV xəbər verir ki, kondisionerin alışması nəticəsində yaranan tüstülənmə və təhlükə səbəbindən dərhal operativ tədbirlər görülüb.
Mərkəzdə olan yeni doğulan körpələr və analar təhlükəsiz şəkildə təxliyə ediliblər.
Məlumata görə, insident zamanı xəsarət alan olmayıb. Həmçinin bildirilir ki, yeni doğulan körpələrin və anaların vəziyyəti yaxşıdır.
Mənbə: //Nocomment.az

Address

Sumqayıt
AZ5000

Website

Alerts

Be the first to know and let us send you an email when Sumqayıt TV posts news and promotions. Your email address will not be used for any other purpose, and you can unsubscribe at any time.

Shortcuts

Share

Category