23/03/2023
လူတစ်ယောက်ကို လိုတာထက် ပိုပြီး စွဲလမ်းလာတဲ့အခါ
Obsessive Love Disorder ( OLD ) လို့ခေါ်တဲ့
အစွဲအလမ်းကြီးလွန်းတဲ့ စိတ်ရောဂါဖြစ်လာနိုင်ပါတယ်။
‼️" OLD ဆိုတာ ဘာလဲ "‼️
OLD ဆိုတာဟာ အစွဲအလမ်းကြီးလွန်းတဲ့ စိတ်ရောဂါ
တွေထဲက တစ်ခုပါဝင်တဲ့ အမျိုးအစားပါပဲ။
အလွယ်ပြောရရင် စွဲလမ်းတပ်မက်မှုတွေနဲ့
ပြည့်နှက်နေတဲ့စိတ်ရောဂါ တစ်မျိုးပေါ့။
" OLDရဲ့ လက္ခဏာတွေက ဘာတွေလဲ "
( ၁ ) စိတ်အာရုံထဲမှာ ကိုယ်ချစ်မြတ်နိုးရတဲ့
သူတစ်ယောက်က အမြဲလွှမ်းမိုးနေတာ။
( ၂ ) အချိန်တိုင်း စက္ကန့်တိုင်းမှာ
သူ့အကြောင်းပဲ တွေးနေမိတာ။
( ၃ ) ဖြစ်နိုင်ရင် ကိုယ့်အနီးအနားမှာပဲ ရှိနေစေချင်တာ။
( ၄ ) ကိုယ်ပိုင်ပစ္စည်းလေး တစ်ခုလို
ထိန်းချုပ်ထားချင်တာ။
( ၅ ) ရယူပိုင်ဆိုင်ချင်တာ။
( ၆ ) သူ မရှိရင် ဘဝက မပြည့်စုံ သလို ခံစားနေရတာ။
( ၇ ) သူနဲ့ ထိတွေ့ဆက်ဆံနေရတဲ့ အရာရာတိုင်းကို
အလွန်အကျွံ သဝန်တိုတာ။မနာလိုတာ။
( ၈ ) သူ့အတွက် ကိုယ်ကပဲ ကာကွယ်ပေးနေချင်တာ။
ယေဘုယျအားဖြင့် ဒါတွေဟာ OLD စိတ်ရောဂါရဲ့
လက္ခဏာတွေပဲ ဖြစ်ပါတယ်။
OLD ရောဂါ အခြေအနေ ပိုဆိုးလာတဲ့အခါ
▶️ ဘယ်လိုအခြေအနေမျိုးကိုမှ
ဂရုမစိုက်နိုင်တော့တာ
▶️ ကိုယ်စိတ်ဝင်စားနေတဲ့သူကို
ဆက်တိုက် ဖုန်းခေါ်တာ
▶️ ဆက်တိုက် စာပို့တာ၊သူ့အပေါ် အလွန်အကျွံ
သံသယ တွေ များလာတာ၊သူ့ကို စွဲလမ်းလွန်းတာ
ကြောင့် သူငယ်ချင်းနဲ့မိသားစုဝင်တွေအပေါ် ဂရုမ
စိုက်တော့တာ၊
▶️ စိတ်မဝင်စားတော့တာ၊သူ ဘာလုပ်နေမလဲဆိုပြီး
အချိန်ပြည့် မျက်ခြေမပြတ် စောင့်ကြည့်နေတာ
▶️ ဘယ်ကို မသွားရဘူး၊ ဘယ်သူတွေနဲ့ စကားမပြောရ
ဘူးဆိုပြီး ထိန်းချုပ်တာ၊ ချုပ်ချယ်တာ၊ ချည်နှောင်တဲ့
လက္ခဏာတွေ ဖြစ်လာနိုင်ပါတယ်။
‼️ " ဘာကြောင့် OLD ဖြစ်ရသလဲ "‼️
အချစ်နဲ့ ပတ်သက်ပြီး အစွဲအလမ်းကြီးတဲ့ သူတွေမှာ ဒီရောဂါဝင်လာစေဖို့ အကြောင်းရင်း များစွာ ရှိပါတယ်။
၁။ အချစ်မခံခဲ့ရခြင်းကြောင့်
ကလေးဘဝမှာ မိဘရဲ့ ဂရုစိုက်ကြင်နာမှုကို မရရှိခဲ့တဲ့
သူတွေ၊ စိတ်ပိုင်းဆိုင်ရာ ထိခိုက်မှု ကြီးကြီးမားမား ကြုံခဲ့ရတဲ့သူတွေ၊ ချစ်ရသူတွေရဲ့ အမျိုးမျိုးသော စွန့်ပစ်ခြင်း ခံခဲ့ရသူတွေ မှာ ဒီစိတ်ရောဂါမျိုး ဖြစ်နိုင်ပါတယ်။
၂။ အခြေအနေ အပြောင်းအလဲ မြန်ခြင်းကြောင့်
ဒေါသထွက်လွယ်တာ၊ ပျော်ရွှင်လွယ်တာ၊
ဝမ်းနည်းလွယ်တာ၊ စိတ်ဓာတ်ကျ လွယ်တာ၊
စိတ်ဆိုးပြေလွယ်တာ၊ စိတ်ဆိုးလွယ်တာ စတဲ့ အခြေအနေ အပြောင်းအလဲမြန်တဲ့ စိတ်ရောဂါ
ကြောင့်လည်း ဒီလက္ခဏာ ဖြစ်နိုင်ပါတယ်။
ဒီစိတ်ရောဂါနဲ့ OLD ဆိုတဲ့ စိတ်ရောဂါ ပေါင်းစပ်
လိုက်တဲ့အခါ လူတစ်ယောက်ကို ချစ်နေရင်လည်း
အရမ်းချစ်ပြီး မုန်းသွားတော့လည်း အရမ်းမုန်းတဲ့ အခြေအနေထိ ဖြစ်တတ်ပါတယ်။
၃။ Erotomania အမည်ရှိစိတ်ရောဂါကြောင့်
Erotomania ဆိုတဲ့ စိတ်ရောဂါဟာ
ကိုယ့်ရဲ့ idol ( သို့ ) နာမည်ကြီးသူ ( သို့ )အလွန်ချမ်းသာသူ တစ်ယောက် က ကိုယ့်အပေါ်မှာ သဘောကျနေတယ်ဆိုပြီး စွဲလမ်းတတ်တဲ့ စိတ်ရောဂါတစ်မျိုးပါ။
အလွယ်ပြောရမယ်ဆိုရင်တော့ ကိုယ် သဘောကျတဲ့ အနုပညာရှင်တစ်ယောက်နဲ့ အပြင်မှာ ပတ်သက်ဖူးခဲ့ရင်၊
ပတ်သက်ခဲ့မယ် ဆိုရင် သူဟာ ကိုယ့်အပေါ် သဘောကျနေလိမ့်မယ်လို့ တထစ်ချ ယုံကြည်ထားတဲ့ ထင်ယောင်ထင်မှား ချစ်စိတ်မွှန် စိတ်ရောဂါမျိုးပါ။
ဒီစိတ်အခြေအနေမျိုး ရှိတဲ့သူတွေမှာ
ခင်မင်ရင်းနှီးတဲ့သူ နည်းတယ်။
ကိုယ်ပိုင်အလုပ်လည်း မရှိတတ်ဘူး။ သို့ပေမယ့်
ကိုယ်သဘောကျတဲ့ သူရဲ့ အလုပ်ခွင်၊ နေအိမ်နားမှာ အချိန်ပြည့် နေပြီး စုံစမ်းထောက်လှန်းနေတတ်ပါတယ်။
၄။ ထပ်ပြီး စွန့်ခွာသွားမှာ ကြောက်ရွံ့ခြင်းကြောင့်
ကိုယ့်ချစ်သူက ဖောက်ပြန်ခဲ့ဖူးတယ်၊ သစ္စာမဲ့ခဲ့ဖူးတယ်။ဒီ အခြေအနေကို ခွင့်လွှတ်ပြီး ပြန်လည် ပေါင်းသင်း
ခဲ့ပေမယ့် ကိုယ့်အပေါ်မှာ ထပ်ပြီး ဖောက်ပြန်နေမလားဆိုတဲ့ တွေးပူစိတ်တွေကြောင့် OLD စိတ်ရောဂါ ဖြစ်လာရပါတယ်။
စိတ်ရောဂါဆိုတာ မပေါ့ဆသင့်တဲ့ ကိစ္စတစ်ခုပါ။
စိတ်ထောင်းရင် ကိုယ်ကြေတယ်တဲ့။စိတ်ချမ်းသာမှ
ကိုယ် ကျန်းမာ မှာမို့ ကိုယ့်စိတ်ကို ဂရုစိုက်ပါ။
