Htet Ar Kar Kyaw

19/06/2025

"ခေါင်းဆောင်တစ်ယောက်အနေနဲ့ကျွန်မဘယ်လောက်အောင်မြင်သလဲဆိုတဲ့ မေးခွန်း။

သူမအ​ဖြေ။ ။

ကျွန်မ မပါဘဲ ရှေ့ဆက်နိုင်အောင် ကျွန်မ ဘယ်လောက် လုပ်ပေးနိုင်ခဲ့သလဲ ဆိုတာက ဆုံးဖြတ်ပါလိမ့်မယ်” တဲ့

ဒီည သူမရဲ့ ၈၀ ပြည့်အမှတ်တရစကား​ထုတ်လွှင့်ချက်မှာ အကြိုက်ဆုံးစကားမို့ ထုတ်နုတ်​ပြောဖြစ်မှာပါ။
___________________________

CNA ရုပ်သံနဲ့ အင်တာဗျူးတခုမှာ ,
" ခေါင်းဆောင်တယောက် အနေနဲ့ ဘယ်လောက် အောင်မြင်တယ်လို့ ထင်လဲ " လို့ မေးတဲ့အပေါ် ...

သူမရဲ့ အဖြေက ရိုးရှင်းပြီး နက်နဲတာမျိုးပါ။

" တနေ့မှာ ကျွန်မကို လုံး၀ မလိုတော့အောင် ကျွန်မ လုပ်ပေးနိုင်ခဲ့လိမ့်မယ်,
ကျွန်မပါတီရော၊ ကျွန်မနိုင်ငံရော
ကျွန်မကို မလိုတော့ဘဲ ရှေ့ဆက်သွားနိုင်ကြလိမ့်မယ်လို့ ကျွန်မမျှော်လင့်ပါတယ်" ...တဲ့

" လူတွေက ကျွန်မအုတ်ဂူမှာ ဘာရေးထားခဲ့ချင်သလဲလို့ မေးလာတိုင်း ကျွန်မ အမြဲပြောဖြစ်တာကတော့..."

" သူမသည် လုပ်စရာ တာဝန်များကို ဆောင်ရွက်ခဲ့သည် " ဆိုတာပါပဲ...

15/05/2025

ဝိုင်းဖျက်လို့ပျက်နေတဲ့ နိုင်ငံတော်ကြီးကို
ပြုပြင်ဖို့ ကြိုးစားနေတဲ့ ဒီလူငယ်တွေရဲ့ အတ္တကို လေးစားမိပြန်တယ်

သူတို့က ငါတို့ကို အရူးလို့ ပြောကြမှာပဲ
ငါတို့မှ မိုးခါးရေ မသောက်တာ။

မန်းဇွဲ(ပုပ္ပါး)

20/03/2025

ကိုယ်ဖောက်တဲ့ လမ်းမို့သာ လျှောက်ခဲ့ရတာ
ဒီတစ်ခါလျှောက်တဲ့လမ်းတွေ ပိုကြမ်းတယ် ပိုပြီးခက်ခဲတယ်

အိမ်ကိုလည်းလွမ်းရ ချစ်တဲ့သူတွေနဲ့လည်းခွဲရနဲ့
အဆိုးအကောင်းတွေကို သင်ခန်းစာယူပြီး
ဒီတစ်ခါ အိမ်ပြန်ရင် လိမ်လိမ်မာမာနေပါ့မယ် အမေ ။

🍂🤍

19/03/2025

ဆုံးရှုံးမှု့တွေက နာကျင်ရတယ် အဲ့ဒီအထဲမှာမှ
ကိုယ်နဲ့ ဆိုးတူကောင်တူ (ဖြတ်သန်းခဲ့ရတဲ့ (ချစ်ရတဲ့ အားကိုးရတဲ့)
ကို့ကလေးတွေ လက်လွှတ်ဆုံးရှုံးလိုက်ရတာဟာ
ပို၍.ပို၍.ပို၍.ပို၍နာကျင်ရတယ်💔

ပုံ=ဘုန်းကြီးပျံလွန်တော်မူပွဲ တနေရာ

19.3.25
Du Won

03/06/2024

AA စစ်ဦးစီးချုပ် ဗိုလ်ချုပ်ထွန်းမြတ်နိုင်နဲ့ ဆက်သွယ်မေးမြန်းချက် (ပထမပိုင်း)

11/04/2024

နန့်ယားစခန်းသိမ်းတိုက်ပွဲမှ ထွက်ပြေးသွားသော စကစတပ်သား (၃၀)ဦးကို KIAမှ ဖမ်းဆီးရမိ။

ကာမိုင်း- ၁၁ ဧပြီ ၂၀၂၄။

ကချင်ပြည်နယ် ကာမိုင်းမြို့နယ်ခွဲ နန့်ယားကျေးရွာ အခြေစိုက် တပ်မ (၃၃)လက်အောက်ခံ ခမရ (၁၂၀) နှင့် SNAတပ်ဖွဲ့တို့ တပ်စွဲထားသော စခန်းကို ကချင်လွတ်လပ်ရေးတပ်တော် KIA တပ်မဟာ (၉) တပ်ရင်း (၆)၊ (၄၄) တပ်ဖွဲ့ဝင်များနှင့် KPDFပူးပေါင်းတပ်တို့မှ တိုက်ခိုက်ရှင်းလင်းခဲ့ပြီး စစ်သုံ့ပန်းများ ဖမ်းဆီးရမိခဲ့ကြောင်း သိရသည်။

ဧပြီလ (၉)ရက်နေ့ နံနက် (၆)နာရီခန့်မှစ၍ စကစ တပ်ရင်းမှူး ဗိုလ်မှူးဇေယျာလင်း ဦးဆောင်သော အင်အား (၆၀)ခန့်နှင့် နန့်ယားပြည်သူ့စစ်ခေါင်းဆောင် လှမြင့် ဦးဆောင်သော ပြည်သူ့စစ် အင်အား (၂၅)ဦးခန့်ရှိသည့် စခန်းကို KIAနှင့် KPDFပူးပေါင်းတပ်တို့မှ ထိုးစစ်ဆင်တိုက်ခိုက်ခဲ့ခြင်းဖြစ်သည်။

တိုက်ပွဲသည် ဆက်တိုက်ပြင်းထန်နေခဲ့ပြီး ယမန်နေ့ ဧပြီ (၁၀)ရက်နေ့ည (၇)နာရီခန့်အချိန်တွင် ဒဏ်ရာပြင်းထန်စွာရရှိခဲ့သော ပြည်သူ့စစ်တချို့ကို စခန်းအတွင်းမှ ခေါ်ထုတ်သွားကြကြောင်း စစ်ရေးသတင်းရင်းမြစ်တစ်ဦးက 7 Stars Newsကို ပြောသည်။

ယနေ့ ဧပြီလ (၁၁)ရက်နေ့ နံနက် (၆)နာရီတွင် အလံဖြူထောင်လာသည်ကိုတွေ့ရကြောင်း၊ နံနက် (၇)နာရီခန့်တွင် စခန်းအတွင်းမှ စကစတပ်သားများ လက်နက်မချပဲ ထွက်ပြေးစွန့်ခွာသွားကြကြောင်းနှင့် လိုက်လံဖမ်းဆီးရာတွင် စစ်သုံ့ပန်း (၃၀)ယောက်ကို ဖမ်းဆီးရမိခဲ့ကြောင်း သိရသည်။

“သုံ့ပန်း အယောက် (၃၀)ကို ဖမ်းမိတယ်။ တချို့က ထွက်ပြေးလွတ်မြောက်နေဆဲပါ။ လက်နက်တချို့ကိုတော့ သိမ်းဆည်းရမိတယ်။ လက်နက်သိုလှောင်ခန်းကို ကျွန်တော်တို့ရဲ့ ဒရုန်းဗုံးကျရောက် ပေါက်ကွဲတဲ့ပုံပါပဲ။ လက်နက်တချို့ ပျက်ဆီးသွားတယ်။”ဟု ပြောသည်။

ဖမ်းဆီးရမိသော သုံ့ပန်းများတွင် စစ်ကောင်စီ စစ်သား (၂၅)ယောက်နှင့် ရှမ်းနီပြည်သူ့စစ် (၅)ယောက်တို့ဖြစ်ကြောင်း သိရသည်။

နန့်ယားစကစတပ်စခန်းကို KIAနှင့် ပူးပေါင်းတပ်တို့မှ မီးရှို့ရှင်းလင်းထားပြီဖြစ်ကြောင်းနှင့် လမ်းပိုင်းကို ထိန်းချုပ်ထားပြီဖြစ်ကြောင်း သိရသည်။

#စစ်ကောင်စီ #နန့်ယား #စစ်သုံ့ပန်း #အလံဖြူ #ဂျက်ဖိုက်တာ

01/04/2024

👍✅

စိန်လုံဗျူဟာစခန်းကို အပြီးသတ်သိမ်းပိုက်၊ မိုးမောက် - လွယ်ဂျယ်လမ်းကို KIA ထိန်းချုပ်

1 April 2024 - Kachinwaves

စိန်လုံဗျူဟာစခန်းကို ဒီနေ့မနက် ၇ နာရီမှာ KIA နဲ့ ပူးပေါင်းတပ်တို့က အပြီးသတ်သိမ်းပိုက်လိုက်ပြီဖြစ်ကြောင်း သိရပါတယ်။

မိုးမောက် - လွယ်ဂျယ်လမ်းပိုင်းက စိန်လုံစခန်းကြီးရဲ့ ကာကင်းစခန်းတွေကို အရင်တိုက်ခိုက်သိမ်းပိုက်ပြီးနောက် မနေ့က စိန်လုံစခန်းကြီးကို တိုက်ခိုက်ခဲ့ရာ ဒီနေ့မနက်ပိုင်း သိမ်းပိုက်နိုင်တာ ဖြစ်ပါတယ်။

တရုတ်မြန်မာနယ်စပ်မြို့ ဖြစ်တဲ့ လွယ်ဂျယ်မြို့နဲ့ မိုးမောက်မြို့ကြားက စစ်ကောင်စီတပ်စခန်းတွေကို မတ်လ ၂၇ ရက်နေ့ကနေ ထိုးစစ်ဆင်တိုက်ခိုက်ခဲ့ပြီးနောက် စခန်းပေါင်း (၁၁) ခုကို သိမ်းပိုက်နိုင်ပြီဖြစ်ကြောင်း KIO ရဲ့ သတင်းနဲ့ပြန်ကြားရေးဌာနက ထုတ်ပြန်ထားပါတယ်။

၎င်းစခန်းတွေထဲက စိန်လုံစခန်းနဲ့ ယောယုံစခန်းဟာ စစ်ကောင်စီရဲ့ ဗျူဟာမှူးတွေထိုင်တဲ့ စခန်းကြီးတွေဖြစ်ကြောင်း သိရပါတယ်။

စခန်းသိမ်းပိုက်ခြင်းနဲ့အတူ စစ်ကောင်စီရဲ့ လက်နက်ခဲယမ်း၊ ရိက္ခာတွေကိုလည်း သိမ်းပိုက်ရရှိတာ ဖြစ်ပါတယ်။

မတ်လ ၂၉ ရက်နေ့က မိုးမောက်မြိုနယ် မန်နောင်နဲ့ နောင်းအိန်ကျေးရွာကြားမှာ ဖြစ်ခဲ့တဲ့တိုက်ပွဲအတွင်း တပ်မ (၈၈) တပ်မမှူး ဗိုလ်မှူးချုပ်မင်းထွဋ်ဦး သေဆုံးခဲ့တယ်လို့ ဗိုလ်မှူးကြီးနော်ဘိုက သတင်းမီဒီယာမှာ အတည်ပြုဖြေကြားထားပါတယ်။

08/03/2024

ကချင်က နာမည်ကြီး ပြည်သူ့စစ်‌ေခါင်း‌ေဆာင် ဦးရွှေမင်း သေဆုံး

၃.၇.၂၀၂၄ ကျောက်ကြီး-News .

လိဆူစစ်တပ်တည်ထောင်မယ်ဆိုပြီး အတင်းအဓမ္မလူစုဆောင်းနေတဲ့ လီဆူပြည်သူ့စစ်ခေါင်းဆောင် ဦးရွှေမင်း ဒီမနက်က တိုက်ခိုက်ခံပြီး သေဆုံးသွားပြီး သူ့ရဲ့စခန်းကိုလည်း တော်လှန်ရေးအဖွဲ့တွေ သိမ်းပိုက်လိုက်ပြီဖြစါကြောင်း သိရပါတယ်။

ဦးရွှေမင်းပါဝင်တဲ့ ပြည်သူ့စစ်တပ်ဖွဲ့ဝင်တွေ စီးလာတဲ့ကားကို ဝိုင်းမော်အထွက်မှာ KIA ပူးပေါင်းအဖွဲ့က တိုက်ခိုက်ခဲ့တာဖြစ်ပြီး သေဆုံးသွားတာလည်း ဟုတ်မှန်တဲ့အကြောင်းလို့ KIA သတင်းရင်းမြစ်တွေက အတည်ပြုပြောဆိုကြပါတယ်။

တိုက်ပွဲဖြစ်နေတဲ့နေရာကို ထွက်ခွါလာတဲ့ ဦးရွှေမင်းသမီးရဲ့ကားကို တိုက်ခိုက်ရာက ကားပေါ်ပါလာတဲ့ ဦးရွှေမင်းအပါအဝင် ပြည်သူ့စစ်အဖွဲ့ဝင်တွေ သေဆုံးခဲ့တာဖြစ်တယ်လို့လည်း ဗိုလ်မှူးကြီးနော်ဘူက ဆိုပါတယ်။

ဒီကနေ့ မွန်းလွဲပိုင်းမှာတော့ အောင်မြေ (၁) ကျေးရွာမှာရှိတဲ့ ဦးရွှေမင်းရဲ့ လီဆူပြည်သူ့စစ်စခန်းကိုလည်း KIA ပူးပေါင်းအဖွဲ့က သိမ်းလိုက်နိုင်ပြီလို့ သတင်းတွေထွက်ပေါ်နေပြီး အထက်ပါဖြစ်စဉ် ၂ ခုလုံးဟာ ဟုတ်မှန်ကြောင်း ရှေ့တန်းသတင်းရင်းမြစ်အချို့ကလည်း အတည်ပြုပေးပါတယ်။

ဦးရွှေမင်းသေဆုံးတဲ့ကိစ္စနဲ့ပက်သက်ပြီး လီဆူပြည်သူ့စစ်အဖွဲ့ကို ဆက်သွယ်ပေမဲ့ အဆက်အသွယ်မရရှိသေးပါဘူး။

ဒီကနေ့မနက် ၄ နာရီဝန်းကျင်ကစပြီး မြစ်ကြီးနား - ဗန်းမော်လမ်းကြောတစ်လျှောက်က စစ်တပ်စခန်းတွေကို KIA ပူးပေါင်းတပ်ဖွဲ့က ထိုးစစ်ဆင်နေတာဖြစ်ပြီး လက်ရှိချိန်မှာ ဦးရွှေမင်းရဲ့ ပြည်သူ့စစ်စခန်းအပါအဝင် စခန်းနဲ့ စခန်းကုန်းအချို့ကို KIAပူးပေါင်းအဖွဲ့တွေက သိမ်းပိုက်ထားနိုင်ပြီလို့ သိရပါတယ်။

27/02/2024

ဖားကန့်ဒေသရှိ စကစ၏ ခမရ (၁၁၉)တပ်စခန်းနှင့် ရဲစခန်းကို KIAနှင့် ပူးပေါင်းတပ်တို့ တိုက်ခိုက်သိမ်းပိုက်ပြီး မီးရှို့ရှင်းလင်း။

ဖားကန့်- ၂၇ ဖေဖော်ဝါရီ ၂၀၂၄။

ကချင်ပြည်နယ် ဖားကန့်မြို့အနီးရှိ တာမခန်ကျေးရွာမှ စစ်ကောင်စီတပ်၏ ခမရ (၁၁၉)တပ်စခန်းနှင့် ရဲစခန်းတို့အား ကချင်လွတ်လပ်ရေးတပ်မတော် KIAနှင့် KPDF ပူးပေါင်းတပ်တို့မှ တိုက်ခိုက်သိမ်းပိုက်ပြီး မီးရှို့ရှင်းလင်းလိုက်ကြောင်း သိရသည်။

ဖားကန့်မြို့နယ်၊ တာမခန်ကျေးရွာရှိ ရဲစခန်းအား ယနေ့နံနက် (၇:၃၀)ခန့်တွင် ရဲတပ်စခန်းအား KIA တပ်မဟာ (၉)စစ်ကြောင်း၊ တပ်ရင်း (၂၆)၊ (၃၁)နှင့် KPDF ပူးပေါင်းတပ်တို့မှ တိုက်ခိုက်သိမ်းပိုက်နိုင်ခဲ့ပြီး ခမရ (၁၁၉)ကို ဆက်လက်တိုက်ခိုက်နေကြရာ (၁၀)နာရီခွဲခန့်တွင် အဆိုပါတပ်စခန်းကိုလည်း သိမ်းပိုက်နိုင်ခဲ့ပြီဖြစ်သည်။

ယမန်နေ့ ဖေဖော်ဝါရီလ (၂၆)ရက်နေ့ ညနေ (၄:၂၁)မှစ၍ တာမခန်ရှိ စကစတပ်၏ ခမရ (၁၁၉)နှင့် နေမြေခံရဲစခန်းတို့အား KIAနှင့် KPDFပူးပေါင်းတပ်တို့မှ ထိုးစစ်ဆင်တိုက်ခိုက်ခဲ့ပြီး တိုက်ပွဲအပြင်းအထန် ဖြစ်ပွားခဲ့သည်။

ထို့အပြင် ယမန်နေ့ည (၅:၃၀)ခန့်အချိန်တွင်လည်း ‌စကစမှ လေကြောင်းတိုက်ခိုက်မှုများပြုလုပ်ခဲ့သည်။ ကျေးရွာအနီးတွင်လည်း စက်သေနတ်နှင့် ဗုံးကျဲပစ်ခတ်မှုများ ပြုလုပ်ခဲ့သည်။

ယနေ့နံနက် ဖေဖော်ဝါရီ (၂၇)ရက် (၄)နာရီ ခန့်မှစ၍ တိုက်ပွဲတဖန်ပြန်လည် ပြင်းထန်လာခဲ့ပြီး KIA နှင့် KPDF ပူးပေါင်းတပ်တို့မှ စကစတပ်၏ ရဲစခန်းအား (၇:၃၀)တွင် သိမ်းပိုက်နိုင်ခဲ့ပြီး မီးရှို့ရှင်းလင်းကာ၊ ခမရ(၁၁၉)တပ်စခန်းကိုလည်း (၁၀)နာရီခွဲခန့်တွင် ထပ်မံသိမ်းပိုက်၍ ရှင်းလင်းရေးများလုပ်ဆောင်နေလျက်ရှိသည်။

တိုက်ပွဲအတွင်း သိမ်းဆည်းရမိသော စစ်လက်နက်များနှင့် နှစ်ဖက်အကျအရှုံး အချက်အလက်များကို ဆက်လက်စုံစမ်းနေဆဲဖြစ်သည်။

ပုံ- ပုံဟောင်း။

25/02/2024

ဆင်ဘိုမြို့အနီး ခလရ(၁၄၁)စခန်းသိမ်းတိုက်ပွဲ ပြင်းထန်ပြီး စစ်ကောင်စီ လေကြောင်းတိုက်ခိုက်

၂၄..၂၀၂၄ ကျောက်ကြီး-News

ကချင်ပြည်နယ် မြစ်ကြီးနားမြို့နယ် ဆင်ဘိုမြို့အနီးရှိ စစ်ကောင်စီ၏ ခလရ(၁၄၁) တပ်ရင်း သိမ်းပိုက်နိုင်ရေးအတွက် ကချင်လွတ်လပ်ရေးတပ်မတော်(KIA)နှင့် ပူးပေါင်းတပ်များက ဖေဖော်ဝါရီ ၂၄ရက်တွင် ထပ်မံထိုးစစ်ဆင်တိုက်ခိုက်ခဲ့ရာ တိုက်ပွဲပြင်းထန်ခဲ့ဟု KIA သတင်းပြန်ကြားရေးဌာနက ဖော်ပြသည်။

KIA တပ်ရင်း(၅)နယ်မြေရှိ အဆိုပါ စစ်ကောင်စီတပ်ရင်းကို ဖေဖော်ဝါရီ ၂၄ရက် နံနက်၇နာရီမှ စတင်ပြီး KIAနှင့် KPDF ပူးပေါင်းတပ်က ပြန်လည်ထိုးစစ်ဆင်ခဲ့ရာ နှစ်ဖက်တိုက်ပွဲပြင်းထန်ခဲ့သည်ဟု ဆိုသည်။

တိုက်ပွဲဖြစ်ပွားရာနေရာဘက် မြစ်ကြီးနား လေတပ်မှ တိုက်လေယာဉ်ဖြင့် တိုက်ခိုက်လာကြောင်း KIA သတင်းပြန်ကြားရေးက ဖော်ပြသည်။

ယမန်နေ့တွင် တိုက်ပွဲပြင်းထန်နေပြီး စစ်ကောင်စီဘက်က လက်နက်ကြီးဖြင့် ရမ်းသမ်းပစ်ခတ်နေ၍ ဆင်ဘိုမြို့နေ ပြည်သူများ လုံခြုံရာသို့ ထွက်ပြေးတိမ်းရှောင်နေရသည်ဟု အသိပေးသည်။

"ခလရ(၁၄၁)ကို တိုက်ခိုက်နေတာဟုတ်တယ်။ မသိမ်းနိုင်သေးဘူး"ဟု ကချင်စစ်ရေးသတင်းရင်းမြစ်တစ်ဦးက ဖေဖော်ဝါရီ ၂၄ရက်ညပိုင်းတွင် ပြောပြသည်။

အခြားစစ်ရေးသတင်းရင်းမြစ်တစ်ဦးကလည်း ဆင်ဘိုတွင် တိုက်ပွဲဆက်ရှိနေသည်ဟု ယနေ့ ဖေဖော်ဝါရီ ၂၅ရက် နံနက်တွင် ပြောသည်။

ဆင်ဘိုမြို့ကို KIA ပူးပေါင်းတပ်က ဖေဖော်ဝါရီ ၁၀ရက်တွင် ထိုးစစ်ဆင်ခဲ့ရာ မြို့ကို ထိုစဉ်ကတည်းက သိမ်းပိုက်ထိန်းချုပ်ထားခဲ့သည်။

မြို့အနီးရှိ ခလရ(၁၄၁)တပ်ရင်းကိုလည်း ထိုစဉ်က ပထမအကြိမ် ထိုးစစ်ဆင် တိုက်ခိုက်ခဲ့သော်လည်း နောက်ပိုင်း၌ တိုက်ပွဲခေတ္တပြန်ငြိမ်သွားပြီး ယမန်နေ့တွင် ပြန်လည်ထိုးစစ်ဆင် တိုက်ခိုက်ကာ စစ်ကောင်စီတပ်စခန်းကို သိမ်းပိုက်နိုင်ရန် ကြိုးပမ်းနေခြင်းဖြစ်သည်။

ပုံ -မြို့လှ KPDF

23/02/2024

ခမရ ၃၈၇ ၏ စခန်းနှစ်ခု စခန်းစွန့်ခွာပြီး ရွှေကူမြို့သို့ အင်အားဖြည့်နေ

၂၃.၂.၂၀၂၄ ကျောက်ကြီး-News

မြို့လှမြို့ စစ်တပ်ကုန်းနှင့် ကျောက်ကြီးရွာ ရဲစခန်းမှ စစ်ကောင်စီတပ်ဖွဲ့ဝင်များ ယမန်နေ့ကစပြီး စခန်းစွန့်ခွါသွားပြီဖြစ်ကြောင်း သိရသည်။

မြို့လှမြို့အဝင်ရှိ တပ်မ (၈၈) လက်အောက်ခံ ခမရ (၃၈၇) စစ်တပ်ကုန်းနှင့် ကျောက်ကြီးကျေးရွာ ရဲစခန်းမှ စစ်ကောင်စီတပ်ဖွဲ့ဝင်များသည် စခန်းစွန့်ခွါပြီး ရွှေကူမြို့သို့ အင်အားပူးပေါင်းကြောင်း မြို့လှ KPDF တပ်ဖွဲ့ဝင်တစ်ဦးက ဆိုသည်။

“သူတို့ဆုတ်နေတယ်။ ဆူတ်နေတယ်ဆိုတာက ရွှေကူဘက်ကိုဆန်သွားတာ သွားနေတုန်း သံခွန်နဲ့သွားတယ်။ ကုန်းကြောင်းနဲ့တစ်ဖွဲ့ သွားတယ်။”

ယခုရက်ပိုင်း ဖေဖေါ်ဝါရီ ၁၉ ရက်နေ့တွင် ရွှေကူမြို့မှ စစ်ကောင်စီတပ်စခန်း၏ အင်အားထက် လေးငါးဆခန့်ရှိသော မံစီမြို့နယ် စီခမ်းကြီးရှိ မဆုတ်တမ်းခံစစ်စခန်းကို KIA နှင့် မဟာမိတ်ပူးပေါင်းတပ်ဖွဲ့က သုံးရက်အတွင်း လေကြောင်းဖြင့် အကြိမ်ကြိမ်တိုက်ခိုက်သည့်ကြားမှ သိမ်းပိုက်နိုင်ခဲ့သည်။

ဆုတ်ခွါသွားသည့် စစ်ကြောင်းသည် ယနေ့ညနေ ၄ နာရီခန့်တွင် သံခွန်ရေမော်တော်ယာဉ်ဖြင့် ရွှေကူမြို့ဘက်သို့ ကူးသွားခြင်း ဖြစ်သည်။

မြို့လှ KPDF တပ်ဖွဲ့ဝင်တစ်ဦးက စစ်ကောင်စီစခန်းစွန့်ခွါရခြင်းမှာ ရွှေကူမြို့နှင့် ကချင် - ရှမ်းမြောက်အစပ်ရှိ ငါးအိုးမြို့အတွက် ခံစစ်ပြင်ရန်ဟု ကြားသိရကြောင်း ဆိုသည်။

“ဘာလို့စခန်းစွန့်ခွါရလဲဆို သူတို့ကိုယ်သူတို့ မလုံခြုံတာရယ်။ ပြီးရင် သူတို့တပ် အတိုက်ခံရမှာကြောင့်ရယ်။ ပြီးရင် သူတို့ရွှေကူဘက်နဲ့ ငါးအိုးဘက်ကို ခံစစ်ပြင်မယ့် သဘောအနေနဲ့ ဆုတ်သွားတာ။ အဓိက ဒီအကြောင်းတွေကြောင့်လို့ပါ့။”

၂၀၀၂ ခုနှစ် ကတည်းက စတင်အထိုင်ချခဲ့ပြီး ဗျူဟာမှူး ဝင်းသူရအောင် ဦးစီးကွပ်ကဲခဲ့သည့် မြို့လှစခန်းကုန်းသည် စစ်အာဏာသိမ်းထားသည့် ၂၀၂၁ ခုနှစ်က KIA နှင့် မြို့လှ KPDF တပ်ဖွဲ့၏ တိုက်ခိုက်သိမ်းပိုက်ခြင်းကို ခံခဲ့ရဖူးပြီး ၃ ရက်အကြာတွင် စစ်ကောင်စီက လေကြောင်း၊ ကုန်းကြောင်းဖြင့် ပြန်လည်တိုက်ခိုက်မှုကြောင့် တော်လှန်ရေးတပ်ဖွဲ့ဝင်များ ပြန်လည်ဆုတ်ခွါခဲ့ရဖူးသည့် စခန်းဖြစ်သည်။

ကျောက်ကြီး ရဲစခန်းမှာလည်း KIA နှင့် မြို့လှအဖွဲ့၏ ထိုးစစ်ဆင်တိုက်ခိုက်ခြင်းကို မကြာခဏခံရလေ့ရှိပြီး ဒရုန်းစစ်ဆင်ရေးများ တွင်တွင်ကျယ်ကျယ် အသုံးပြုလာချိန်တွင်လည်း မြို့လှတပ်ဖွဲ့က ထိုစခန်းကို ဒရုန်းဖြင့် ဗုံးချပြီး အကြိမ်ကြိမ်တိုက်ခိုက်ခဲ့ကြသည်။

မြို့လှစခန်းမှ စစ်ကောင်စီတပ်ဖွဲ့ဝင်များ မစွန့်ခွါမီ ၃ ရက်အလိုတွင် တော်လှန်ရေးအဖွဲ့ဘက်က လက်နက်ချပူးပေါင်းရန် စာပေးပို့ခဲ့ကြောင်းလည်း မြို့လှ KPDF ၏ သတင်းပြန်ကြားရေး စာမျက်နှာ၌ ဖော်ပြထားသည်။