11/08/2026
চাঙমাহ্ ভাচ উজোন্দিত্তে মালেয়্যেহ্ দাঘির 🙏
তমিপুরো চাঙমাহ্ মাতভান্দাল ধারাচ গরহ্? সালেন এ পোস্টান ইরি ন যেয়্য। নিত্তোবিত্তো আা সেরে সেরে লাগন মাত্তর কনহ্ কনহ্ কধাভান্দাল, কধাতারা বইয়োত বেক চাঙমাহ্ মাত্থুন পাআ ন যাই। সেনত্তে আমী বেক কধাভান্দাল, কধাতারাউনোত্থুন মাত থুবেয়েই। ২০,৫৩৮ মাত পেয়েহ্ই। ঘেচ্ছি গরিহ্ বিচ্ছেচ গরিহ্ই চাঙমাহ্ত ইত্থুন বেচ মাত আঘন। যুদি সিক্কেন মাত পাআ যাই সালেন Add New Word অত্থুন দোলেই গরিহ্ মাত ভরানাত বল দি পারিবা। আর নুও মাত ন পেলেহ্ আঘন্দে মাত্থুন চেক গরিহ্নে সোর গরানাহ্ত বল দি পারিবা। ইয়ান ১/২ জন্যে কাম নয়, বেগে মিলি আহ্দে-কদালে সোর গরিহ্লে সময় কম লাগিবো। কম মানঝি গরিহ্লে কয়েক বঝর লাগিবো।
এ ডাটাসেটআনত যারাহ্ বল দিভাক তারাহ্ নাঙানী দেঘা যেব বলদিয়েউনো তালিগেত। বানা মাত ভরানা, সোর গরানাহ্ নয়; সে লঘে ভাচবদলর কামও ওহ্ই যেব যুদি সিঙিরি ডাটা সাবমিট গল্লেহ্।
ইয়ান এক্খান মালেয়্যেহ্ কাম। ইয়ান দোলেই অহ্লে কয়েকজনে নয়, গোদা চাঙমাহ্ জাত্তোঅ্ই ভালেত অহ্বদে। সেনত্তে এঝ বাপ-ভেই, মা-ভোন লক অগুনোর গরিহ্ ফেলেইদি সময়ান গুনোর কামত দিই 🙏
কধা পোগোন। কধানি গমে সিজেবং। চাঙমাহ্ ধগে চাঙমাহ্ কধা কভং।
চাঙমাহ্ জাদর ভালেদি কাম উজো......
সাইট লিঙ্ক কমেন্ট সেকশনত 👇
