Reer aw saciid Community

05/05/2025

DEGDEG: Fashilka Shirkii Muqdisho, KGS & GM oo shirqool culus u dhigay Xasan Sh & Xiisada Mucaaradka oo....

Halkaan waxaad ka helaysaan wararkii ugu dambeyay ee dalka iyo dibada

01/05/2025

Halkaan waxaad ka helaeysaan wararkii ugu dambeyay ee dalka iyo dibada.

30/04/2025

Halkaan kala soco wararkii ugu dambeyay ee dalka iyo dibada...

27/04/2025

DEG DEG: Xasan Sheekh oo Amnigiisa halis galay & Wiilkiisa oo xil sare u magacaabay.....

24/04/2025

DEG DEG: Cabdi Wabiir oo la sii daayay, Xog culus oo bixiyay, Shuute oo fuliyay balanta & Halista AS oo la ogaaday…

15/11/2024

Wasiirka Wasaarrada Haweenka iyo Horumarinta Xuquuqda Aadanaha Dowladda Hirshabeelle Marwo Fowsiya Abuukar Maxamed oo uu wehliyo Wasiiru dowlaha Wasaaradda Deegaanka iyo Isbedelka Cimilada Xildhibaan Jibriil Alkutubi ayaa maanta magaalada Muqdisho kulan qaatay Haweenka Aqoonyahanka ah ee Beesha Dagoodiye.

Kulanka oo ahaa mid isxog wareysi iyo kala warqaadasho ayaa xooga lagu saaray sidii loo xoojin lahaa xiriirka iyo wada shaqeynta masuuliyiinta ku matala Hirshabeelle iyo Haweenka beesha Dagoodiye.

Wasiiru dowlaha Wasaaradda Deegaanka iyo Isbedelka Cimilada Xildhibaan Jibriil Alkutubi oo kulanka ka hadlay ayaa sheegay in ay xoojinayaan korna u qaadayaan kaalinta Haweenka beesha ee ka qeyb qaadashada dowlad dhiska iyo sidii ay kaga qeyb qaadan lahaayeen Siyaasadda.

Wasiirka Wasaarrada Haweenka iyo Horumarinta Xuquuqda Aadanaha Dowladda Hirshabeelle Marwo Fowsiya Abuukar Maxamed ayaa sheegtay iney ku faraxsan tahay iney aragto gabdho aqoonyahano ah oo beesha ka tirsan, kana shaqeyneyso sidii loo horumarin haweenka.

22/10/2024

Madaxweyne Qoorqoor oo iska casilaya Xilka Madaxweynaha Galmudug kadib markii uu heshiis galay

Ahmed Qoor-Qoor ayaa iska casilaya xilka Madaxweynaha Galmudug dhamaadka sanadkaan kadib heshiis siyaasadeed kaga tagaya xilka Madaxweynaha Galmudug, waxa uuna qaatay lacago badan oo villa Somalia ay ku bixisay iscasilada Qoorqoor.

Warar aan helnay ayaa sheegaya xitaa inuusan ka qeyb galeynin shirka madasha Axmed Qoorqoor isla markaana uu u safri doono dalka Turkiga .

Mucaaradka galmudug oo ugu horeeya Mahad Salad iyo Liibaan Shuluq ayaa xaqiiqsatay in Galmudug aan laga aqbali doonin muddo kordhin Qoorqoor loo sameeyo ,

Xubnaha Musharixiinta u ah Galmudug ayaa iyagana ku adkeeystay in haddii Galmudug muddo kordhin laga sameeyo in Galmudug lagu kala tegaayo.

Ugu danbeen mustaqbalkii Ahmed Qoorqoor ee Galmudug ayaa hadda kasoo dhamaaday Galmudug ayadoo villa Somalia ay ka fikireyso dhor musharax oo ay rabto in ay geyso halkaasi.

Dhinaca kale Barlamanka Galmudug ayaa loo la'yahay ajendihii la hor geyn lahaa Kalfadhiga 11aad ee loo balansanaa 19/10/2024.

Waxaa halkaa ka cad in Barlamanka Galmudug aanu la heeyn wax qorsho shaqo ah oo u gaar ah ,marka laga soo tago Sharciyada ay soo gudbisato Dawladda Galmudug.

Sida qorshaha uu ahaa 17 bishaan waxaa la rabay inuu furmo kalfadhiga Baarlamaanka Galmudug balse khilaaf ka taagan xisaab xirka Miisaaniyadda Galmudug, buuq siyaasadeed iyo isqabqabsi u dhaxeeyay madaxda sare ee Galmudug iyo mashaariicyo la isku fahmi waayay darteed ayuu u furmi waayay.

20/09/2024

Waxaa Magaalada Muqdisho lagu qabtay kulan Beesha Dagoodiye ay ugu mahadcelineysay Madaxweynaha dowladda Hirshabeelle mudane Cali Cabdullaahi Xuseen (Cali Guudlaawe) kaas oo ku saabsan magacaabista Wasiirka Wasaaradda Haweenka iyo Xuquuqul Insaanka Hirshabeelle Marwo Fowsiya Abuukar Maxamed.

Kulanka ayaa waxaa ka qeyb galay Aqoonyahanka, odayaasha dhaqanka, Dhalinyarada iyo Haweenka, sidoo kale waxaa ka qeyb ka ahaa guddoomiyaha Dhaqanka Beesha Dagoodiye Nabadoon Ibraahim Cali iyo Xubno kale oo uu qeyb ka ahaa Wakiilka Wabarka Nabadoon Cabdi Xuseen, Afhayeenka Beesha Dagoodiye Cabdi Maxamed Aadan Cabeey iyo Xildhibaanka Beesha ku matala dowladda Hirshabeelle Xildhibaan Cali Cadow Jibril Alkutuby.

Dhaqanka, Dhalinyarada iyo Haweenka kulanka ka hadlay ayaa madaxweyne Cali Guudlaawe ugu mahad celiyay magacaabista iyo xulashada Wasiir Fowsiya Abuukar Maxamed oo ah gabar aqoon iyo howlkarnimo isku darsatay kana soo shaqeysay gudaha dalka iyo dibadiisa.

Dhammaan xubnihii Madasha mahad celinta iyo soo dhaweynta ka hadlay ayaa ugu duceeyay Wasiir Fowsiya Abuukar in masuuliyadda loo igmaday ALLE u fududeeyo, kuna guuleeyo shaqooyinka loo xilsaaray.

Wasiir Fowsiya Abuukar Maxamed waa gabar aqoonyahanad ah oo waxbarashada heerka labaad ee Jaamacadda ka diyaarisay maamulka Kheyraadka Aadanaha iyo dhaqaalaha, waxa ay ka soo shaqeysay arrimaha Samafalka, iyadoo la soo shaqeysay hay'ado caalami ah.

14/11/2023

Wasiir Shaacir Sheegow oo kasoo muuqan doono isku shaandheynta golaha wasiirada Xukuumadda Soomaaliya kadib waqtigii adkaa uu galiyay Galmudug iyo horumarinta Ciyaaraha maamulkaasi

Wasiir Xildhibaan Shaacir Sheegoow Maxamed oo shaqo adag kasoo qabtay Galmudug, sidoo kalena horumariyay Ciyaaraha dowlad goboleedka Galmudug, fursado shaqana u abuuray Dhalinyarada ayaa la filaya inuu ka soo muuqdo isku shaandheynta Golaha Wasiirada ee Xukuumadda R'isul Wasaare Xamse Cabdi Barre.

Mudada kooban ee uu hayo xilka Wasiirka Wasaaradda Dhalinyarada iyo Cayaaraha Galmudug waxa uu qabtay shaqooyin taariikhda u galay dowlad goboleedka Galmudug oo markii ugu horeysay lagu qabtay Ciyaaraha gobolada iyo degmooyinka Galmudug iyo inuu shaqo adag galiyay diyaarinta ciyaartooyda xulka Galmudug ku matalaya tartanka ciyaaraha dowlad goboleedyada iyo gobolka Banaadir ee la filayo in dhawaan Muqdisho lagu qabto.

Wasiir Xildhibaan Shaacir Sheegoow ayaa sidoo kale lagu xasuustaa doorka wanaagsan uu ka qaatay in shaqo abuur loo sameeyo Dhalinyarada iyo iney helaan tababaro sare.

Dad badan ayaa aaminsan in hadii Xildhibaan Wasiir Shaacir Sheegoow Maxamed uu ka soo muuqdo liiska cusub ee Golaha Wasiirada in wax badan uu ka bedeli doono Ciyaaraha iyo hiigsiga dhalinyarada Soomaaliyeed.

10/09/2023

XOG: Cali Daahir Ciid oo Ergo u dirsaday Madaxweeyne Xasan Sheekh.

Xildhibaano ka tirsan Baarlamaanka dowlad goboleedka Galmudug ayaa diyaariyay mooshin kalsoonida loogula noqonayo Madaxweyne ku xigeenka Galmudug Cali Daahir Ciid oo dhawaan Warbaahinta Eedeymo culus u mariyay Madaxweynaha Galmudug Axmed Qoorqoor.

Xildhibaanadaan ayaa waxaa diyaariyay oo Hormuud u ah Xildhibaan Shaacir Shegow Mohamed oo ka mid ah Xildhibaanada ugu firfircoon ee Baarlamaanka dowlad goboleedka Galmudug.

Xildhibaan Shaacir Sheegoow ayaa sheegay in fadhiga ugu horeeyay ee Xildhibaanadu yeeshaan loogu yeeri doono Madaxweyne ku xigeenka ka dibna su’aalo laga weydiin doono eedeymaha culus ee uu u jeediyay Madaxweynaha Galmudug Axmed Qoorqoor.

Xildhibaan Sheegoow ayaa sheegay in hadii uu cadeymo keeni waayo ay xilka ka qaadi doonaan Madaxweyne ku xigeenka Galmudug Cali Daahir Ciid, iyagoo u marayo sida uu sheegay Dastuurka iyo xeer hoosaadka Baarlamaanka Galmudug.

Xildhibaanka ayaa sheegay in kulamo gaar gaar ah ay ka yeesheen talaabooyinka uu qaaday Cali Ciid isla markaana ay la xisaabtami doonaan xilkana ay ka qaadi doonaan hadii jawaabo lagu qanco keeni waayo ama u yeerista Baarlamaanka diido.

Madaxweyne ku xigeenka Galmudug Cali Daahir Ciid ayaa ergo u dirsaday Madaxweynaha JFS mudane Xasan Sheekh Maxamuud oo hada ku sugan Magaalada Dhuusamareeb si uu u dhex dhaxaadiyo Isaga iyo Madaxweyne Qoorqoor balse dadaaladaasi wa lagu guul dareestay.

Madaxweynaha iyo madaxweyne ku xigeenka Galmudug ayaa waxaa u dhaxeeyay khilaaf sababay in warqado kala duwan ay soo kala saaraan labada xafiis.

09/09/2023