08/04/2025
Taliyihii ugu mudada dheeraa Guutadda ilaalada Madaxtooyada ayaa maanta Xilka wareejiye.
Sareeye Guuto Xasan Aadan Dhicis Taliyihii Guutadda 77 ee Ilaalada Madaxda iyo Madaxtooyada Soomaaliya ayaa saakay wareejiye kadib 7 sano oo uu ahaa Hogaanka guutadaas masuulka ka ah amniga Madaxda Qaranka iyo Villa Somaliya.
Gen Xasan ayaa xilka kala wareegay Taliyaha xooga Gen Odowaa yuusuf Raage oo markaas isna u wareegay taliskii Ciidanka lugta.
Xiligaas Guuto ma dhameen Ciidanka Koofiyo Casta, waxaana ay ahayd Urur lixdamaad, balse muddo gaaban kadib markii uu xilka la wareegay Gen Xasan dhicis waxa ay madaxda qaranka u garteen Guuto in laga dhigo Ciidankaaas.
Gen Xasan Aadan Dhicis ayaa Ciidanka Xooga dalka Soomaaliyeed kamid noqday Xiligii Dowladii Jaale Maxamed Siyaad barree isaga oo labo mar ku dhawaacmay Dagaalkii 77- ee Itoobiya lala galay, waxaana uu ka mid ahaa ciidanka Godey xureeyay balse maalinkaas waxaa uu kusoo dhaawacmay dagaalkaas.
Burburkii Dowladii dhaxe ee dalka Sareeye Guuto Xasan dhicis ayaana dalka ka bixin waxaana uu qayb ka ahaa dib u yegleelidii Ciidanka xooga dalka Soomaaliyeed.
Mar kale ayuu saaxada dagaalka kasoo muuqday Xasan dhicis isaga oo markaan kamid ahaa saraakiishii ugu horeeysay ee Guutaddan maanta uu xilkeedu wareejiyey.
Dagaaladii 2007-2008-2009-2010-2011 ee kooxaha khawaarijta loogu saaray Muqdisho ayuu qayb wayn ka ahaa, waxaana kadib dagaaladaas uu kamid noqday saraakiisha hogaanka u qabatay guutada oo markaas dib loo yegleelay kana tilmaamneed Ciidanka qaybihiisa kale.
Sarreeye Guuto Xasan waa sarkaal tabobar sare iyo qibrad ciidan iyo hoggaamin leh waana nin ku ad-adag shuruucda iyo habraacyada ilaalinta amniga madaxda sare isaga oo la soo shaqeeyay dhammaan madaxdii dalka soo martay.
Taliye Horin, Urur ilaa Taliyihii Guud ee guutada ayuu isaga kala badalay mudadaas ee 4-ta Muddo xileed ee madaxwaynayaasha kala ah.
1-Mw Shariif Sheekh Axmed (2008-2012)
2-Mw Xasan sheekh Maxamud (2012-2017)
3-MW Maxamed Cabdulaahi Farmaajo (2017-2022)
4-Mw Xasan sheekh Maxamuud (2022-2025)
Mid kamid ah waxyaabaha uu ku tilmaaman yahay Sareeye Guuto Xasan dhicis ayaa ah inuu ahaa sarkaalkii Ciidanka Amisom kala wareegay guud ahaan amniga Madaxtooyadda oo muddo dheer baraha qaar ay ayagana xukumayeen.
