Afghan Tips

Startpagina
België
Ghent
Afghan Tips

په پښتو ژبه د بلجيم او اروپا په اړه معلوماتي پاڼه
د بلجيم مېشتو افغانانو لخوا...
زموږ ملاتړ وکړئ 🙏🇧🇪🇦🇫

په دې پاڼه په بلجيم، اروپا او نړۍ کې د روغتیا، اقتصاد، تکنالوژۍ او د روان ژوند په اړه بېلابېلې ليکنې او لنډې ویدیوګانې خپریږي.

28/10/2025

یوه ورور رانه پوښتنه کړې ده چې د A کارت ګټې څه شی دي؟‌
ما تر اوسه په دې ډول فکر نه و کړی چې د A کارت د ګټو په اړه فکر وکړم او خو دې جالبې پوښتنې وهڅولم چې دا ګټې یې په لاندې ډول لیست کړم.‌ کېدای شي تاسې ته هم جالبې وي.

په بلجیم کې د A کارت ترلاسه کول یو لړ ګټې لري چې په لاندې ډول دي

1. د A کارت د لنډمهاله استوګنې سند دی چې تاسو ته اجازه درکوي په بلجیم کې ژوند او کار وکړئ. دا سند معمولا د یو کال لپاره وي او د اړتیا په صورت کې نوي کیدی شي.

2. د A کارت لرونکي کولی شي په بلجیم کې قانوني کار او زده کړې وکړي. دا د اقتصادي او تعلیمي فرصتونو لپاره ګټور دی، ځکه چې تاسو کولی شئ په مختلفو برخو کې کار او زده کړو ته لاسرسی ولرئ.

3. که چېرې تاسې مجرد نه یاست او په افغانستان کې کورنۍ لری، تاسې کولای شئ د خپلې کورنۍ لپاره هم لومړی د بلجيم د ویزې او بیا د استوګنې اسناد ترلاسه کړئ. دا د کورنۍ یوځای کېدو پروسه اسانه کوي او ستاسو د کورنۍ غړي کولی شي په بلجیم کې له تاسو سره یوځای ژوند وکړي.

4. که تاسو د روغتیايي ستونزو له امله په بلجیم کې پاتې کېدل غواړئ، نو تاسو ته د لنډمهاله استوګنې سند درکول کیږي چې ستاسو د روغتیايي وضعیت پورې تړاو لري. دا سند تاسو ته اجازه درکوي چې په بلجیم کې د روغتیايي خدماتو څخه ګټه واخلئ او خپل درملنه ترسره کړئ.

۵. د A کارت لرونکي کولی شي د بلجیم د ټولنیزو خدماتو څخه ګټه پورته کړي، لکه د سوسیال مرسته، د ماشومانو لپاره ښوونځي، او نور ټولنیز ملاتړ پروګرامونه.

د A کارت او نورو ټولو مروجو اروپايي کارتونو په اړه افغان ټپس Afghan Tips ویب سایټ‌نور معلومات لوستلای شئ.‌ په افغان ټپس موږ زښته ډېر مطالب خپاره کړي.‌خو ډېرو ته د چا پام نه کېږي‌ چې بیا بیا یې شیر کړي.‌

انځور مې ځکه د کارت ورسره وانچوه چې فېسبوک هغه پوست چې ای ډي کارت او یا دې ته ورته معلومات وي هغه بلاکوي. انځور د کارت په ډول منظور کړئ.

28/10/2025

په بلجيم کې له نارينه و ښځينه ډېرې لوړې زدکړې کوي

په بلجيم کې د اروپا په پرتله د لوړو زده کړو کچه لوړه ده او ډيرى خلک چې عمرونه يې د 25 او 46 کلونو ترمنځ دي لوړې زدکړې لري.
د فلندر په سیمه کې د لوړو زده کړو کچه د والونیا او بروکسل په پرتله لوړه ده.

28/10/2025

په بلجیم کې افغان پناه غوښتونکو ته مهمې سپارښتنې

کله، چې تاسې په پتي شاتو يعنې د پناه غوښتنې لپاره د نومليکنې په مرکز کې ځان ثبتوئ، نو درته د انېکس په نوم يوه ورقه، چې ستاسې انځور‌ به په کې وي، درکول کېږي. کله مو چې دا ورقه ترلاسه کړه، په هماغه شېبه کې ورته يو ځغلنده نظر وکړئ او د نوم، تخلص او د پيدايښت نېټې په اړه مو ځان ډاډمن کړئ. که کومه املايي تېروتنه موجوده وه، په هماغه وخت يې د اصلاح کولو غوښتنه وکړئ، ځکه چې وروسته يې اصلاح کول ستاسې ډېر وخت ضايع کوي.

#بلجيم #کډوالي #معلومات

28/10/2025

په بلجیم کې د استوګنې جواز

په بلجيم کې د استوګنې جواز هغه ويزې یا کارت ته ویل کېږي چې بهرنيو اتباعو ته په بلجيم کې د ټاکلي او یا نامحدوده مودې لپاره د استوګنې، کار او یا زدکړو حق ورکوي.

د اروپايي ټولنې مېشت وګړي په بلجيم کې د کډوالۍ لپاره يوازې د پاسپورټ په ښودلو سره کولای شي د پنځو کلونو لپاره په یوه راجستر شوي آدرس ژوند، کار او یا زدکړې وکړي. خو د دریم هېواد، هغه هېوادونه چې د اروپايي ټولنې غړي نه دي، که چېرې غواړي بلجيم یا د اروپايي ټولنې کوم بل غړي هېواد ته د زدکړو، کار او یا ژوند لپاره راشي باید د خپل ملک د پاسپورت تر څنګ د ډي ویزه، یا د استوګنې له کاروتونو څخه یو کارت هم باید ولري.

#بلجېم #کډوال #معلومات

28/10/2025

په بلجیم کې روغتیایی بیمه

په بلجیم کې، تاسو باید د رسمي بلجیمي اوسیدونکي په توګه د روغتیایي بیمې صندوق سره یوځای شئ ترڅو د هیواد د دولتي روغتیایي بیمې څخه ګټه واخلئ، کوم چې د ټولنیز خوندیتوب سیستم یوه مهمه برخه ده.

کارکوونکي په بلجیم کې خپلو معاشونو شاوخوا 13% په ټولنیز خوندیتوب کې ورکوي. دا سیستم په دې ډول کار کوي چې که تاسې ناروغ شئ، نو روغتیا بیمې صندوق ستاسو د طبي لګښتونو یوه برخه بیرته درکوي - لکه، د ډاکټر فيس يا د درملو يو څه برخه لګښت.

27/10/2025

قهوه ولې دومره مشهوره ده او د انسان پر بدن باندي څومره اغېزې لري؟

قهوه د 15 پېړيو نه په دېخوا د انسانانو په ژوند او کلتور کې ځانګړي ځاى لري . او د عربېکا د کافي نبات له مېوو څخه راځي چې لومړى په اېتوپیا کې وموندل شو.

په قهوه کې اصلي مواد کافین دي ، چې اوس په نړۍ کې ترټولو پراخه کارول شوي ذهني محرک په توګه پیژندل کیږي او زموږ په فکرونو او احساساتو اغیزه کوي.

د کافي تولید 90٪ څخه ډیر په پرمختللو هیوادونو کې ترسره کیږي ، چې ډیری یې په سویلي امریکا کې موقعیت لري ، مګر نور هیوادونه لکه ویتنام او اندونیزیا هم د دې تولید کې رول لوبوي. د دې موادو مصرف بازار په عمده توګه په صنعتي هیوادونو کې متمرکز دی.

27/10/2025

که ته د بلجیم تابعیت لرې او غواړې په بل هېواد کې کار وکړې، نو باید پوه شې چې د مالیې (ټیکس) ورکول ډېر مهم دي. که چیرې د بلجیم او هغه هېواد تر منځ چې ته پکې کار کوې، د مالیې تړون موجود وي، نو ته به یوازې هغه هېواد ته مالیه ورکوې چې پکې کار کوې. یعنې که ته په جرمني کې کار کوې، نو مالیه به جرمني ته ورکوې، نه بلجیم ته، ځکه دواړه هېوادونه مالیاتي تړون لري. خو که د مالیې تړون نه وي، نو امکان لري چې دواړو هېوادونو ته مالیه ورکړې. وروسته یو هېواد کېدای شي تا ته تخفیف درکړي یا پیسې بېرته درکړي، خو دا به وخت او اسنادو ته اړتیا ولري. ښه به دا وي چې مخکې له دې چې په بل هېواد کې کار پیل کړې، د مالیې ادارې یا یو با تجربه کار حسابدار سره مشوره وکړې، ترڅو له قانوني ستونزو خلاص شې او خپل حقوق وساتې.

27/10/2025

د بلجیم دوه غوره پوهتنونونه

د اروپا په کچه اکسفورډ نور غوره پوهنتون نه دى. د QS د نړيوالو پوهنتونونو د ارزونې له مخې په اروپايي کچه په سويس کې د زوريخ ښار ETH پوهنتون د اروپا په کچه د راتلونکي تعليمي کال لپاره د غوره پوهتنون لقب ګټلى دى.

له بلجیم څخه ددې پوهنتونو په لړ کې د لووېن پوهنتون 27 ام او د ګېنت پوهنتون 47 ځاى لري.

27/10/2025

په بلجیم کې بايد خلکو او قانون ته درناوى وکړئ

درناوی په بلجیم کې یو مهم ټولنيز او بنسټیز ارزښت دی.
کله چې يو څوک په بلجيم کې ژوند کوي نو باید د دې هيواد قانون پر ځان باندې تطبیق کړي او هم دارنګه خلکو ته يې درناوى وکړي.

هرڅوک مکلف دي چې په بلجیم کې قانون وپیژني او د هغې اطاعت وکړي.
مثلاً تاسو نشى کولاى له نورو سره فزیکي، احساساتي، رواني او جنسي تاوتریخوالی ړکړئ، تبعیض او نژاد پرستي وکړئ، د شپې شور جوړ کړى، بې غير د رضايت نه د خلکو عکسونه وخلى و يا يې شير کړئ او همدارنګه باید په خپله ژمنه باندې عمل وکړئ.په #بلجيم کې د #ژوند #کار او #کډوالۍ #قوانین

26/10/2025

بلجیم د نړۍ درېیم غوره هېواد بلل شوی، چې خلک پکې ښه ژوند او ښه کار لري. يانې چې هلته خلک ډېر خوشحاله دي، لږ کار کوي او ښه معاشونه اخلي. د اونۍ په منځ کې خلک یوازې شاوخوا 34 ساعته کار کوي، چې دا د نورو هېوادونو په پرتله لږ وخت دی. همدارنګه ، که څوک ناروغ شي یا ماشوم وزېږي، حکومت ورته ښه رخصتي او مالي مرستې ورکوي. بلجیم کې د هر ډول خلکو سره ښه چلند کېږي، که هغه ښځې وي، نارینه وي، یا د LGBTQ+ ټولنې غړي. دا ټولې خبرې دا ښيي چې بلجیم د ژوند او کار لپاره یو خوندي او ښه ځای دی.

تاسو هم داسې فکر کوئ؟ خپل نظر مو راسره شریک کړئ!

26/10/2025

د بلجیم په ولاندرن کې به لس کاله وروسته ځوانان ډیر وي که زاړه؟
د یوې څيړنې له مخې به لس کاله وروسته د بلجیم په ولاندرن زون کې 65 کلن او یا له دې څخه د لوړ عمر خلک به د دغې سیمې نږدې33.4 سلنه جوړ کړي یانې په هرو سلو تنو کې به نږدې 34 تنه زاړه وي.د بلجیم په ولاندرن کې به لس کاله وروسته ځوانان ډیر وي که زاړه؟
د یوې څيړنې له مخې به لس کاله وروسته د بلجیم په ولاندرن زون کې 65 کلن او یا له دې څخه د لوړ عمر خلک به د دغې سیمې نږدې33.4 سلنه جوړ کړي یانې په هرو سلو تنو کې به نږدې 34 تنه زاړه وي.

26/10/2025

آېا خپله بستره باید سم د لاسه جوړه کړو؟

موږ ټولو له خپل مشرانو زده کړي چې خپله بستره له خوبه له پاڅېدو سره سمه جوړه کړئ. موږ هم همداسې کوو، کوم چې خپله بستره همداسې ګډوډه پرېږدي د خلکو ښه نه راځي.
اوسنیو څېړنو ښودلې چې غوره ده چې خپله بستره تر یو وخت پورې همداسې پرېږدئ، وروسته بیا ورته راشئ او هغه جوړه کړئ.

څېړنې څرګندوي چې انسان د خوب پر مهال د خپل جلد یا پوستکي برخې غورځوي او ځای یې نوي پوستکي ته ورکوي او پوستکی ځوان پاتې کېږي. خو زموږ د خوب په کوټه کې تل داسې حشرات شته چې زموږ له بدن څخه له دې جلا شویو برخو څخه تغذیه کوي.

دې مایکروسکوپي حشراتو ته چې د نیم میلي په کچه غټ دي په انګلیسي کې ورته (mite) ویل کېږی، خوښ دي چې تاسې خپل ځای سم د لاسه جوړ کړئ او هغه د بړستنې په تودوخه او حرارت چې تاسې ته ورکړې ورځ تېره کړي.

نو څه باید وکړو؟
دا چې بلجيم او د مرکزي اروپا نور هېوادونه نمجنه هوا لري، په کورونو کې دا ډول حشرات ډېر پیدا کېږي. نو غوره دا ده چې خپله بستره سم د لاسه نه بلکې وروسته له یوه ځنډه چې بړستنه مو خپله تودوخه له لاسه ورکړي په داسې ډول جوړ کړئ چې د څو شېبو لپاره مو د کوټې کړکۍ هم خلاصې کړي وي.

په دې ډول به دا حشرې د ځان ساتنې په موخه ستاسې په بړستن کې نه پاتې کېږي او چېرې به ځان پټوي. که چېرې تاسې د خپل خوب کوټه تل له وچې او تازه هوا څخه برخمنه کړئ، ستاسې په کوټه کې به دا ډول نور حشرات هم ځاله نه کوي.

Adres

Ghent

Telefoon

+32466076718

Website

http://www.afghan.tips/

Meldingen

Wees de eerste die het weet en laat ons u een e-mail sturen wanneer Afghan Tips nieuws en promoties plaatst. Uw e-mailadres wordt niet voor andere doeleinden gebruikt en u kunt zich op elk gewenst moment afmelden.