Isanamu Media

22/10/2025

🔴Ubuhimbiri, ibanga ridasanzwe ryabera ku kirimba Bwami, ryahavuye rihindurigwa insiguro..

📌Nk'uko bikunze kuvugwa mu mvugo y'ikirundi ikunze gukoreshwa mu kugaya umuntu canke ibikorwa vyiwe iyo biteye isoni, harakunzwe gukoreshwa ijambo "Umuhimbiri" canke "Ubuhimbiri", "Urya n'umuhimbiri,..akora ubuhimbiri, yarahimbiye.."

🤔Naho bir'uko "ubuhimbiri" ryari ibanga ridasanzwe ryakorerwa i Bwami, n'ukuvuga "Umuhimbiri" yar'umwe mu banyamabanga badasanzwe b'i Bwami.

📓Nk'uko kahise kabivuga, Umuhimbiri yar'umunyamabanga ajejwe kuryosha uruhigi rw'umwami(Umwami ariko ararangura ibanga ryo kwabira)...

😀Iyo umwami ari mu ruhigi n'umwamikazi, Umuhimbiri yaba ari musi y'uburiri bw'umwami(ikigwa) agakoma amashi yivuga amazina nk'uwukeza igikorwa umwami arimwo avuga atya:"Ganza sabwa Mwami w'Uburundi"..

🤔Umuhimbiri yaba atorohewe kuko ntiyava musi y'ubwo buriri umushatsi utaraba mwinshi cane ngo ufuke mu maso ninaho bamugaburirira, yavayo ashaje, kandi yaba yari umuntu aba yarashahuwe(adashobora kurangura ibanga ryo kurondoka) kugira ntahave asimbira k'umwamikazi, akaba yar'umusore yatorwa mu muryango w'Abahigwa...

✍🏾Naho bir'uko biraboneka ko iryo banga ryoba ryarakuwe mu mpera y'intwaro ya Cami, kuko mw'ijambo Umuganwa Ludoviko Rwagasore yashikirije umugambwe Uprona utsindiye ukwikukira kw'Uburundi yaravuze ko azogwanya ibisuma n'abambuzi aho yabigereranije n'imihimbiri, hari ku ngoma y'umwami Mwambutsa 4 Bangiricenge.

✍🏾Kuva ico gihe umuganwa Rwagasore abivuga, birasohoka ko ubuhimbiri bisigura ibikorwa bigayitse canke biteye isoni nk'uko umwanditsi w'ikinyamakuru Isanamu Media avyibaza.

Basomyi bahire, ibanga ry'ubuhimbiri mwumva ryari ryoroshe, n'ibihe bikorwa wogereranya n'ubuhimbiri mu gihe ca none?

📸: Amasanamu yafatiwe ku kibanza c'iratiro kiri mu gishora, umuntu umwe yaciye atanga akarorero k'ibanga ry'ubuhimbiri.

21/10/2025

Akamo ko gucandagisha ibibondo, gukurana amagara meza

Komine Mugere, Zone Kanyosha, abavyeyi baritaho cane igikorwa cogucandagisha abana babo kugira bakurane amagara meza.

19/10/2025

This is Hipop 🇧🇮

🎵Jembe langu by Kingorongoro ft T-Max mwanajeshi.

✍🏾Product by Isanamu Entertainment

Audio Prod : Bedi BestVideo Dir : Executif Producer : ISANAMU ENTERTAINMENT

19/10/2025

🔴 Isaha icenda z'i Gitega, Flambeau du Centre w'i Gitega uratana mu mitwe n'umurwi Singida wo muri Tanzaniya mw'ihiganwa CAF Confederation Cup..

✍🏾N'urukino rutoroshe ku mirwi yompi na rirya bari mu gice ca 2è préliminaire.

⌚Urukino ruzagutangura Isaha icenda z'umuhingamo(15:00) Ku masaha y'i Gitega..

19/10/2025

🔴Hon Reverien Ndikuriyo aracafise icizere c'uko Aigle ishobora gukuramwo Al Ahly mw'ihiganwa Caf Champions League.

✍🏾Abicishije ku rubuga rwa Facebook, yamenyeshejeko ko bigishoboka ko Aigle Noir itsinda kuko hagisigaye urundi rukino n'ukuvuga ko iminota 90' ar'iyo igisisgaye,
Reverien Ndikuriyo yabimenyesheje inyuma y'urukino rw'ibanze aho Al Ahly SC watsinze igitsindo kimwe ku busa AIGLE NOIR mw'ihiganwa CAF Champions League mu muce wa 2è Tour préliminaire.

📌Nk'uko aherutse kubikora k'urukino rwa As Djibouti, Hon Reverien Ndikuriyo yemereye umukinyi umwe umwe imiriyoni 10, n'ukuvuga imiriyoni amajana atatu(300.000.000fbu) Ku bagize umurwi wose wa Aigle Noir..

🔴Urukino rwo gusubiriza ruzobera mu gisagara ca Cairo mu gihe ca Égypte italiki 22/10/2025...

Bakunzi b'inkino mweho muha amahirwe angana gute Aigle Noir?

18/10/2025

🔴 AIGLE NOIR yagerageje guhangana ariko ntacavuyemwo....

📌Mu rukino rwariko ruhuza umurwi Aigle Noir wo mu Burundi, n'umurwi Al Ahly SC no muri Égypte rurangiye rurangiye ku ntsinzi y'umurwi Al Ahly ku gitsindo kimwe ku busa..

⚽ Igitsindo cinjijwe n'umukinyi Mohamed Hang Gamal mu gice ca mbere c'urukino ku munota wa 37'

🙆🏽‍♂️ Aigle yagerageje gusatira ku munota wa nyuma ariko ntivyakunze ko habonela igitsindo..

🦅 Aigle yari yagerageje guhangana n'uyo murwi ufatwa nk'uwambere ku mugabane wAfrika ariko babuze igitsindo co kugombora..

18/10/2025

🔴" Dawidi ahangana na Goriyati, ni rwo rukino rugira ruhuze imirwi AIGLE NOIR na Al Ahly SC....

📌Umurwi Aigle Noir wo mu Burundi, uhava uhura n'umurwi ufatwa ko uri mu bihangange muri Afrika ndetse no kw'isi ariwe Al Ahly.. mu nkino za CAF Champions League

🎯Umurwi Aigle Noir naho uri muyikomeye nta Kahise gakomeye uragira wihweje umurwi Al Ahly.

🦅 Aigle Noir umaze gutwara Igikombe Primus Ligue incuro zibiri n'igikombe c'umukuru w'igihugu rimwe gusa..mu mahiganwa mpuzamakungu ubu niho warenganye umuce wa mbere...

🏆Umurwi Al Ahly umaze gutwara Igikombe ca Egypte incuro 45, Caf champions League incuro 12, Caf conféderation rimwe, n'ibindi.....usanzwe ar'umurwi wa kera cane aho wavutse muri 1907.

✍🏾⌚Isaha cenda z'umuhingamo(15:00) niho Aigle Noir na Al Ahly iza gutana mu mitwe aho abatari bake babibona ko ari nk'urugamba ruhuza Dawidi na Goriyati uravye igihagararo kuko Aigle Noir ata mahirwe menshi ihabwa yo gutsinda naho ivy'umupira bihandagurika umenya uwutsinze urukino rurangiye..

Mweho urukino ruhuza Aigle Noir na Al Ahly mu rubona gute?

16/10/2025

🔴Ntaho umusararuro utari mwiza, mwibuke ko yemeye gushikana Uburundi muri CAN 2027....

📌Ni Coach Patrick Sangwa Mayani, umumenyereza w'umurwi Nserukiragihugu Intamba, biboneka ko ataripanga neza bivuye k'ukuntu umusararuro utari mwiza..

📍 Coach Patrick Sangwa Mayani yagiye mu mabanga yo kumenyereza Intamba, Uburundi buri mu mahiganwa abiri rimwe ryo kurondera itike y'igikombe c'isi iyindi ic'Afrika....

📌 Ihiganwa ryo kurondera itike y'igikombe c'Afrika vyaza vyaraheze hasigaye kwuzuza inkino gusa, ariko iryo kurondera itike y'igikombe c'isi hari hakiriho amahigwe kuko Uburundi bwari mu kibanza aho umurwi wa mbere wawurusha amanota atatu gusa.....

🔴Ng'iyu musaruro w'intamba kuva Patrick Sangwa Mayani agiye mu mabanga yo kumenyereza Intamba..

📌Uburundi bwatsinze Seychelles gusa bwongera bunganya na Malawi.

📌 Sénégal, Côte d'Ivoire, Kenya, Gambie na Gabon vyaratsinze Uburundi....

✍🏾Mu nkino indwi, habonetse intsinzi rimwe gusa, ukunganya rimwe gusa, n'ugutsindwa gatanu...

🗨️Naho ivyo vyose vyabaye reka tugaruke Ku gace k'ijambo yashikirije igihe yatanga ikiganiro ku bamenyeshamakuru mu ntumbero yo gutegura inkino zo kurondera itike y'igikombe c'is, yagize ati:

"Nta murwi ukina coupe du Monde utarikina CAN incuro nka zitanu.....,intego mfise n'iyo gushikana Uburundi muri CAN 2027....

Bakunzi b'inkino Coach Patrick Sangwa Mayani mu mubona gute kuva aje murwi nserukiragihugu Intamba ?

📸: Akeza sports

12/10/2025

Ntamuntu yari yiteze kino kintu!

Fyonda kuri iyo video urabe uko -Wally na bakije umuriro mundirimbo yabo barekuye ejo!

“NAMENYEREYE” blends smooth R&B vibes with the edge of hip-hop, creating a heartfelt anthem about love, longing, and the frustration of feeling unseen. The t...

09/10/2025

🔴Kenya itsinze Uburundi kimwe ku busa..

📌Mu rukino rwo gusubiriza rwariko ruhuza Uburundi na Kenya rurangiye ku ntsinzi y'igihugu ca Kenya ku gitsindo kimwe ku busa..

⚽ Igitsindo cinjijwe n'umukinyi Rabok Ku monota wa 73 w'urukino.

🙆🏽‍♂️ Amahirwe yo kuja mu gikombe c'isi aza yararangiye, Uburundi busigaje inkino zisabwa mw'itsinda burimwo gusa..., bwimirije urukino ruzobuhuza n'igihugu ca Gabon.

🤨Vyifashe uku gukurikira mw'itsinda rya F

-Côte d'ivoire 20
-Gabon 19
-Kenya 12
-Gambie 10
-Burundi 10
- Seychelles 9

🎥: Dr

05/10/2025

🔴 Abarwanyi b'i Makamba barahejeje kwirahira abami b'ishamba b'i Gitega..

📌Mu rukino rwariko ruhuza imirwi ibiri isa n'iyiyoboye mw'ihiganwa Primus Aigle naho ubu itari my bibanza bibiri vya mbere, Aigle Noir(abarwanyi) na Flambeau du Centre(Abami b'ishamba) rurangiye ku ntsinzi y'umurwi Aigle Noir ku gutsindo kimwe ku busa..

⚽ Igitsindo kikaba cinjijwe n'umukinyi Sostène ku munota wa 22 w'urukino..

04/10/2025

azwi kumazina nka Espoir Bweso official ahejeje gushira ahabona indirimbo yiwe yambere aririmvye ari wenyene inyuma yuko aherutse kugaragara mundirimbo yakoranye na bagenziwe.

CANE ikaba ari indirimbo iri mumudiho ukomeye cane yakozwe na ikaba yerekana impano yiwe yigeze gushikira abantu batari bake igihe yari mw'ihiganwa Nanje Ndaririmba igice ca 3.

Isanamu Entertainment ikaba ariyo yamufashe mumugongo muri ico gikorwa bafadikanije na Kirikou A Kili.

Link muyisanga muri commentaire.

Sangiza abandi (Share) munamukurikirane (Subscribe) kugira muzokwame mubona ibikorwa vyiwe kumwanya.