Arghakhanchi.Com

20/09/2025

GenZ समूहले प्रदेश प्रतिनिधि तोकेको छ।
कोशीं प्रदेश: उपार्जन चाम्लिङ
मधेस प्रदेश: शिव यादव
बागमती प्रदेश: किरण के सी
गण्डकी प्रदेश: प्रदीप पाण्डे
लुम्बिनी प्रदेश: आदित्य आचार्य
कर्णाली प्रदेश: सुप्रिया शाही
सुदूरपश्चिम प्रदेश: खेमराज साउद
यसले समूहको संगठन सुदृढ पार्दै प्रदेशस्तरीय गतिविधिमा केन्द्रित भूमिका सुनिश्चित गर्ने लक्ष्य राखेको छ।

Arghakhanchi.Com

20/09/2025

अर्घाखाँचीको सितगंगामा मिनि ट्रक दुर्घटना
३ जना घाईते ।

20/09/2025

जेन्जी युवाहरु माइतिघर मण्डलामा के भन्दैछन् ?

भिडियो : सामाजिक सञ्जाल

Arghakhanchi.Com

20/09/2025

अर्घाखाँचीमा मिनी ट्रक दुर्घटना : ३ जना घाइते:

अर्घाखाँचीको शितगंगा नगरपालिका–६ करमखोलामा मिनी ट्रक दुर्घटना हुँदा तीन जना घाइते भएका छन्।

शितगंगा–३ ठाडाबाट किराना तथा खाद्यान्न बोकेर कल्लेरी जाँदै गरेको लु १ क ४७०३ नम्बरको मिनी ट्रक सडकबाट करिब २५ मिटर तल खस्दा दुर्घटना भएको हो।

दुर्घटनामा परि शितगंगा–२ का २७ वर्षीय जीवन आले, शितगंगा–३ का २१ वर्षीय विवेक बिक, र २४ वर्षीय चालक ईश्वरी भुषाल घाइते भएका छन्।

घाइतेमध्ये जीवन आले र विवेक बिकलाई प्राथमिक स्वास्थ्य केन्द्र ठाडामा उपचारपछि थप उपचारका लागि प्रादेशिक अस्पताल बुटवल रिफर गरिएको प्रहरीले जनाएको छ। चालक भुषाललाई सामान्य चोट लागेकाले उनलाई प्राथमिक उपचारका लागि ठाडा स्वास्थ्य केन्द्र ल्याइँदै गरिएको छ।

प्रहरीका अनुसार चिप्लो सडकमा दायाँपट्टिका दुई वटा टायर जमिनमा भासिएपछि ट्रक अनियन्त्रित भई सडकबाट तल खसेको हो।
- arghakhanchi.com

20/09/2025

मन्त्री भनेर कुटाई खाने ,
लोक बहादुर टण्डन मिडियामा ।

श्रोत : मोहन बस्नेत

20/09/2025

हामी नेपालले भन्यो- सुदन गुरूङ एमाले प्रवेश गर्न लागेको भनेर महेश बस्नेतले भ्रम छरे

हामी नेपालले भन्यो- सुदन गुरूङ एमाले प्रवेश गर्न लागेको भनेर महेश बस्नेतले भ्रम छरेl

20/09/2025

कांग्रेसले आगजनी भएको केन्द्रीय कार्यालय आइतबार सरसफाई गर्ने
काठमाडौँ । नेपाली कांग्रेसले जेनजी आन्दोलनको क्रममा आगजनीले ध्वस्त भएको पार्टी केन्द्रीय कार्यालय आइतबार क्षतिको विवरण सार्वजनिक गर्दै सरसफाई गर्ने बताएको छ ।

कांग्रेसको सुचना, सञ्चार तथा प्रचार विभागले सिंगो राष्ट्र शोकमा डुवेको अवस्थामा पार्टी कार्यकर्ताको पसिनाले बनाएको भवन जलेर खरानी भएको भग्नावेस एक पटक हेर्न पाउन भनेर शनिबारसम्म जस्ताको तस्तै राख्ने र आइतबार सरसफाई गर्ने जानकारी दिएको छ ।

साथै विभागले दिनको १ बजेदेखि सरसफाई गर्ने र सामुहिक सरसफाई कार्यमा सहभागी हुन पार्टी केन्द्रीय कार्यसमितिका पदाधिकारी एवं सदस्यहरु, भ्रातृ संघ तथा शुभेच्छुक संस्थाका पदाधिकारी सदस्यहरु, कार्यालयका कर्मचारी साथीहरु एवं नेपाली कांग्रेसलाई माया गर्ने सम्पूर्ण आमावुवा, दाजुभाई तथा दिदीवहिनीहरुलाई सरसफाइका लागि आवश्यक गर्ने सामग्रीहरु (झाडु, कुचो, खालीबोरा, फोहो उठाउने, वाल्टी, मास्क, पञ्जा) सहित उपस्थित हुन आग्रह गरेको छ ।

20/09/2025

दशैँ मनाउन घर जानेहरुको चहलपहल बढ्यो
राजधानीबाट गाउँघरमा दशैँ मनाउन जानेहरुको चहलपहल शुरु भएको छ ।
नयाँ बसपार्क लगायतका बस छुट्ने स्थानहरुमा घर जानेहरुको संख्या दिनानुदिन बढ्दै गएको छ । काम र पढाईको सिलसिलामा राजधानीमा रहेकाहरु दशैँ मनाउनको लागि घर फर्किन थालेका हुन् । यातयात व्यवसायीहरुले दशैँका लागि अग्रिम टिकट बुकिङ खुला गरेका छैनन् । टिकट बुकिङ खुला नभएका कारण मानिसहरु यसपटक घटस्थापना अगाडदेखि नै घर जान थालेका हुन् । जेन-जी आन्दोलनका कारण देशमा उत्पन्न भएको राजनितिक परिस्थितिले अधिकांश विद्यालय, क्याम्पसहरु विदा भइसकेका छन् ।

विद्यालय, क्याम्पस विदा भएसँगै घर फर्किन जानेहरुको बसपार्कमा चहलपहल बढेको हो । गएका वर्षहरुमा यातयात व्यवसायीहरुले दशैँका लागि अग्रिम टिकट बुकिङ खुलाउने गरेका थिए । फूलपातीदेखि टीकाको दिनसम्मलाई दशैँको महत्वपूर्ण दिनका रुपमा मनाउने गरिन्छ । फूलपातीको दिनसम्म यात्रु बाहिरिने गरेका ट्राफिक प्रहरीले जनाएको छ । यसवर्ष दशैँको टीका असोजको १६ गते रहेको छ ।

20/09/2025

नेपालको अवस्थामा सुधार आएको भन्दै आफ्ना नागरिकलाई भारतले दियो यस्तो सल्लाह

काठमाडौँ । भारतीय दूतावासले भारत र नेपाल बीचको यात्रा र त्यहाँको वर्तमान अवस्थाको बारेमा आफ्ना नागरिकका लागि एड....

20/09/2025

ग्र्यामी अवार्ड विजेता गीतकार ब्रेट जेम्सको विमान दुर्घटनामा मृत्यु

  काठमाडौँ । ग्र्यामी अवार्ड विजेता गीतकार ब्रेट जेम्सको विमान दुर्घटनामा मृत्यु भएको छ । ५७ बर्षिय जेम्सको उत्त....

20/09/2025

अर्घाखाँचीमा आगजनी प्रभावित क्षेत्रको मुख्यमन्त्री आचार्यद्वारा अनुगमन:

अर्घाखाँची । लुम्बिनी प्रदेशका मुख्यमन्त्री चेतनारायण आचार्यले भदौ २३ र २४ गतेको आन्दोलनका क्रममा सरकारी कार्यालय र विभिन्न दलका पार्टी कार्यालयमा भएको क्षतिको स्थलगत अनुगमन गर्नुभएको छ ।

जिल्ला समन्वय समिति, सन्धिखर्क नगरपालिका, नेपाली कांग्रेस, नेकपा एमाले, माओवादी केन्द्र राण्ट्रिय जनमोर्चा लगायतका कार्यालयमा आगजनी भएपछि शनिबार गृहजिल्ला अर्घाखाँची पुगेका मुख्यमन्त्री आचार्यले तत्काल सेवा प्रवाह सुचारु गर्ने तयारीमा जोड दिनुभयो ।

`अस्थायी संरचना वा त्रिपाल टाँगेर भए पनि जनताको काम रोक्न हुँदैन´ भन्दै उहाँले सबै पक्षसँग समन्वयमा सेवा प्रवाह अघि बढाउन निर्देशन दिनुभयो ।

आन्दोलनका नाममा भएको क्षतिको अनुसन्धान भइरहेको र दोषी कानूनी दायरामा ल्याइने पनि मुख्यमन्त्री आचार्यले स्पष्ट पार्नुभयो । उक्त घटनामा उहाँकै सन्धिखर्कस्थित घरमा समेत आगजनी भई पूर्ण क्षति भएको थियो ।

- arghakhanchi.com