04/09/2026
🇧🇮 : Ubushikiranganji bw’Ibidukikije, Uburimyi n’Ubworozi, bufadikanije n’amashirahamwe y’abarimyi hamwe n’ayashigikira igisata c’uburimyi, bwarateguye ihayanisha-gurisha hamwe n’inama y’abarimyi ku rwego rw’igihugu.
📅 Iryo hayanisha-gurisha ririko ribera i Gitega kuva kuri uno wa 3 gushika kuri uno wa 4 Nyakanga 2026. Ni ibikorwa vyatunganijwe ku civugo kigira giti:
« Ugutsimbataza uburimyi mu guteza imbere uruhererekane nyongeragaciro, twubahiriza ibidukikije kandi dushira imbere ivyimburwa k**a, kugira tugire ubwigenge burama mu vy’imfungurwa. »
✍🏻 Aha, kabaye akaryo keza ko guhanahana ivyiyumviro, kwungurana ubumenyi ku migambi itandukanye igamije gukomeza ubwigenge bw’Uburundi mu bijanye n’umutekano w’ibifungurwa. Ivyo bikorwa kandi bijanye no gushira mu ngiro Imbonokazoza y’Uburundi bwifashe mu mwaka wa 2040, n'igihugu giteye imbere mu mwaka wa 2060. Intumbero nyamukuru yari iyo guteza imbere igisata c’uburimyi mu Burundi biciye mu gushimangira uruhererekane nyongeragaciro, guteza imbere uburimyi bwubahiriza ibidukikije, hamwe no guha agaciro ifumbire n’imbuto bikorerwa mu Burundi.
🎙️Mw’ijambo ryo kwugurura ivyo bikorwa, , Umunyamabanga ntayegayezwa mu bushikiranganji bw’ibidukikije, uburimyi n’ubworozi (MINEAGRIE), yaramenyesheje abitavye ivyo bikorwa ko ubushikiranganji buzobandanya bushigikira abarimyi no kworohereza amashirahamwe akorera mu gisata c’uburimyi. Yarashimye kandi intambwe imaze guterwa muri ico gisata, ahamagarira abarimyi, aborozi hamwe n’abafatanyabikorwa bose kubandanya batanga intererano yabo kugira igisata c’uburimyi n’ubworozi kibandanye gitera imbere mu Burundi.
