19/09/2026
🔴🇫🇷 Zidane ahagaritse “défilé” y’abakinyi b’ubufaransa i Clairefontaine: nta banyamakuru bazongera kwemerewa gufata amashusho y’abakinyi bashika
🚀 Umugenzo wari umaze imyaka uba ikimenyamenya c’ugutangura amakoraniro y’Ikipe y’Ubufaransa i Clairefontaine ugiye guhinduka.
Umumenyereza mushasha Zinédine Zidane, yafashe ingingo yo gukura abamenyeshamakuru n’abafotora ku kibanza abakinyi bashikiramwo.
Kuva ku wa mbere, abakinyi bazoshika i Clairefontaine ariko abamenyeshamakuru ntibazoba bakiri ku muryango w’ikigo kugira babafate amashusho uko umwe wese ashika.
Uyu mugenzo wari umaze guhinduka nka « défilé », aho abafotora n’ abamenyeshamakuru bamara hafi isaha barindiriye abakinyi, rimwe na rimwe imyambaro yabo ikaba ari yo iba ikiganiro gikomeye ku mbuga ngurukanabumenyi.
Zidane ashimangira ko Clairefontaine ikwiye gusubira kuba ahantu hazwi cane ku mupira w’amaguru, aho gutuma ukuza kw’abakinyi guhinduka igikorwa co kwiyerekana. Ariko amashusho y’abakinyi bazoshika azoguma aboneka biciye mw’ishirahamwe ry’umupira w’amaguru .
