http://www.eldistv.overblog.com/

Eldis tv, Bujumbura (2025)

05/06/2022

Intamba mu Rugamba umurwi w'abigeme uhejeje gutsindwa na Uganda 4-1, ni mu gihe wari umaze gutsinda Djibouti n'Urwanda wanaronse uburenganzira bwo kuja mu gice ca kabiri gishira ica nyuma.

05/06/2022

Bose bavyifashemwo neza : Intamba mu Rugamba
www.eldistv.eklablog.net

Umurwi nserukiragihugu w'UBURUNDI, Intamba mu Rugamba, haba uw'abigeme canke uw'abahungu, bose baravyifashemwo neza muri iyi ndwi dusozereye, mu nk'ino z'amahiganwa barimwo, aho Umurwi w'abigeme watsinze DJIBOUTI, urongera utsinda URWANDA; uw'abahungu ku musi wa gatandatu hari ejo ukaba waranganije na NAMIBIYA, mu gukurayo igitsindo wari watsinzwe, ugikurayo mu minota ya nyuma y'urukino kandi uwu murwi ukaba warerekanye ko urusha uwo bariko barahura, naho watahanye ikarata itukura.

03/06/2022

Intamba mu Rugamba irahanye Urwanda

Abigeme b'Intamba mu Rugamba z'UBURUNDI, ziranyagiye Amavubi wo mu RWANDA, ibitsindo 2 kuri 1 mu rukino ruriko rubera mu Buganda, ni inyuma yo gutsinda umurwi wa Djibouti akaba ari mw'ihiganwa CCAFA women Challenge Cup z'abigeme, Intamba ukaba uciye uba uwa 1 mu murwi A, uronse guca mu gice ca kabiri gishira ica nyuma kizobera hariya muri MAROC.

Umukinyi Sandrine akaba yifashe neza kuva mu ntango gushika urukino ruheze. Abakinyi bakinira muri Tanzaniya bakaba ari bo Intamba zari zihagazeko. Uwundi yavyifashwemwo neza ni Bukuru Joëlle n'abandi. Urukino rukaba rwitabiriwe n'abarorerezi benshi ikigaragaza ko umupira w'amaguru ku bigeme utanguye gufata ikibanza ciza.

03/06/2022

Bujumbura - VIDEO

Bujumbura, Umurwa mukuru w'Ubudandaji w'Uburundi, iterambere ry'iki gisagara uriravye uharuye kuva imyaka 15 iheze uribona gute? Ubona igisagara ca Bujumbura kizoba kigeze he nko mu myaka 15 iri imbere? Ivyihutirwa mu vyokorwa vyoba ibihe?

02/06/2022

Abakenyezi bo mu KANYOSHA barondera ukwo bokwibeshaho, ubu*ima bwabo

Inyuma yo kutuganirira ibibazo bahura mu rudandazwa ruto rwo ku buzembure harimwo n'abagabo b'ivyigenze babafatira mu bukene barimwo bibaza ko ari indaya, aba bakenyezi ngo naho baba ntibiboroheye na gato. Ngo birashika uwo upangiye akakwirukana iyo aronse uwumupangira ashoboye kuriha ayarengeye ayo umuriha, canke akaku*iza ko abana bamugora n'utundi twinshi. Ngo ushima ko yakwirukanye naho umuha ayangana gute nta kwemerera avuga ko akeneye inzu gusa ata kindi. Na yo ngo abana babo barahura n'ingorane nyinshi iyo bo bari kubaronderera ico bafungura, muri zo harimwo amasanganya, guturubikwa n'ababanyi n'ibindi.
-----------------------------------
ICO BASABA

Basaba Leta mvyeyi ngo n'abantu bose bafise umutima wo gufasha kubongerereza agatahe ngo kuko ukora iciza ukagisanga imbere, ngo kwemera kuja kwirirwa biyanikiye ku ruzuba canke bakanyagirwa n'imvura ni mu ntumbero yo kutimaramaza canke ngo bamaramaze igihugu mu kuja gusegerereza mu gisagara.

Ku bwawe izi nsiguro zirahagije? Hari ivyiyumviro wobaha nk'intererano?

01/06/2022

Umurwi nserukiragihugu w'Uburundi mu mupira w'amaguru w'abigeme INTAMBA wavyifashemwo neza mu gutsinda DJIBOUTI ibitsindo 3 ku busa aho Djibouti yanaronse ikarata itukura. Iyi ntsinzi uyakira gute?

31/05/2022

Ntituri mu bu*ima bw'INDAYA kuko tubukunze
www.eldistv.eklablog.net

Mu gihe umwuga w'ukwigurisha ku bigeme n'abagore bamwe bamwe uterwa ivyatsi n'ibihugu bigishigikiye imico n'akaranga vyiza, bamwe mu bawukora mu gisagara ca BUJUMBURA, ngo ntibawukora kuko bawukunda ahubwo ubu*ima bugoye burabibatuma, nkuko babituganiriye; tugiye kubabwira ubu bu*ima bw'ukwidandaza babwinjiyemwo, ingorane bahagirira n'ingene bicuza bagasaba abigeme batarabijamwo kutarota babwinjiramwo ngo kuko kubujamwo vyoroshe ariko kubuvamwo kikaba ikibazo gikomeye cane.

26/05/2022

ABATERA INDA abigeme bari mu mashure n'ibituma
www.eldistv.eklablog.net

Baratwibiye akabanga. Ni abigeme b**a mu mashure makuru y'igisagara ca BUJUMBURA, no mu mashure nshingiro. Ngo abatwara inda, baziterwa cane cane n'abafise ivyo babahendesha nk'abadereva b'imiduga yunguruza abantu yo mu bwoko bwa taxi n'abandi bunguruza abantu, hakaba kandi n'ib**abo bifise amahera, n'abigisha bataye umurongo. 😎😎 Ikibabaje ngo uyitwaye baca bagukwepa. Aha umuntu akaba yomenya ko ubu uwuteye inda umwana akiri kw'ishure apfungwa imyaka ishika 25 kandi ata kigongwe agirirwa.

Ibituma na vyo aba bigeme bashurashura ngo ni ukurondera kuronka ivyo abavyeyi batabaha ngo kuko kenshi bababwira ko bakenye kandi bikaboneka.😇😇 Bamwe muri abo bigeme bakavuga ko hari n'igihe umuvyeyi ananirwa kukugurira twa tuntu bifashisha mu gihe c'ubutinyanka, uwihanganye agakoresha igitambara gisanzwe, ariko benshi baca bikora kuri abo bashobora kubibagurira.🥲🥲 Icibagiwe co ngo ni inzara ngo kuko imiryango myinshi yo mu gisagara mu ma karitiye mato mato kenshi babura n'ivyo guteka, ico bita KUMANIKA imbabura, ukaja kw'ishure ushonje ugataha ushonje utanizeye gufungura. Ngo uronse uwubiguha biragoye kwihangana.

Ku bwawe izo nsiguro zirahagije?

25/05/2022

Urudandazwa rw'abenegihugu bamwe b'i BUJUMBURA rurerekana ubu*ima bubi barimwo

Hari amakaritiye y'igisagara ca Bujumbura uyinjiyemwo wokwibaza ko uri mu ka zone ka mbere ko mu kirundi ruguru uravye ingene asa n'urudandazwa ruhakorerwa ku bantu bato bato ahanini bagizwe n'abakenyezi aho usanga umutamakazi adandaje nk'utuyoba ku kazembure tutarenza umutahe w'2000, ugaca wibaza ico yunguka, abandi utunyanya, uturengarenga, udutore, ibigori vyokeje, bose ata n'umwe afise umutahe w'30.000.

Ubabajije, bose bemeza ko ata kundi bogira ubu*ima bwazimvye rero barwana kugira bibesheho, ngo bopfuma bicwa n'inzara ariko barondeye. Bagasaba indongozi ngo kubandanya zibarwanako nkuko Leta zirimwo ari Leta mvyeyi ngo kuko bararushe. Ku bijanye no kuja mu ma koperative ngo benshi batinya kuyajamwo ngo kuko batabona ingene vyogenda bahombeje amahera y'abandi.

Bikaba biboneka ko aba benegihugu bagikeneye insiguro zihagije ku bijanye n'umugambi w'amakoperative rusangi.

22/05/2022

Iyumvire isi itagira "UMUKENYEZI" ukwo yoba imeze
www.eldistv.eklablog.net

Hari imvugo Abarundi bakunze gukoresha ihayagiza ikanagaragaza agaciro k'umukenyezi, iyi mvugo iraseruka kandi mu ndirimbo nyinshi z'Ikirundi, na yo si iyindi "Umukenyezi ni kirumara mu muryango", bisigura ko iyo atari mu muryango, hononekara vyinshi canke vyose.😉

Abahinga baremeza ko iyo bish*tse umugore agapfakara afise abana, kuramba kwiwe kurashoboka ariko ngo umugabo apfakaye asigaranye abana burya nta gihe kinini aba asigaje co kubaho. Igituma? 😉Nuko umukenyezi kwitwararika ivyo mu rugo bimworohera cane, ariko umugabo bikamugora rwose.

Ibi bintu ku bwawe wumva ari vyo?😉

20/05/2022

GARA ni yo nkuru igezweho mu CANKUZO
www.eldistv.eklablog.net

Dukubitire mu makuru y'umu*iki aho mu CANKUZO hariko haravurwa inkuru y'indirimbo GARA igiye kuja ahabona. Yakozwe na nde? 😋😋 Ni LOVELY TEAM https://www.facebook.com/search/top?q=lovely%20team%20burundi , umurwi ugizwe n'abasore babiri YOUNG DAFT na GREAT BROWN bamaze igihe kitari gito bakora neza.

Indirimbo GARA ikaba ngo isigaje akanya gato cane ishware mu bakunzi b'uwu murwi ukunzwe cane aho mu Cankuzo, biboneka ko umaze no kumenyekana mu zindi ntara. GARA😂😂😂 Aka kajambo gasigura ukwishima, ukwiyemera, ukuvyimba, kuki bagakoresheje??🤓🤓 Biragoye kumenya, gusa indirimbo itangura, wumva amajwi y'indege, ihuriro nta wurizi. Iyi ndirimbo irimwo umukobwa yitwa Leina, afise iiii😂😂😂😂😂. Great Brown na Young Daft, bati nta mikino "Tuje tuba tuje", baremeza ko igikorwa bakoze bacishimiye kandi gitegerezwa no gushimisha abakunzi babo n'abakunzi b'umu*iki w'UBURUNDI muri rusangi. Itegure kuyiraba kuri Youtube Channel yabo ufyonze ngaha https://www.youtube.com/channel/UCV7SftMuJoxDqWb32DWhEOg urabe n'ibindi bikorwa bakoze biryoshe cane.

19/05/2022

Ba bakenyezi bo mu KANYOSHA - Igice ca 3
www.eldistv.eklablog.net

Mu gice ca kabiri c'ikiyago twagiriraniye n'abakenyezi biyungunganya biciye mu rudandazwa ruto mu KANYOSHA, Komine Muha, Igisagara ca BUJUMBURA, baravuze ingorane nyinshi bagira. Iyo urwo rudandazwa rubankiye burundu, ubu*ima bukurikira ni ubuhe? Bati:
---------------------

"Nta bundi kiretse ubwo kwicurikira wibaza ingene uzoriha inzu ukanagaburira abana, ukabambika iyo u*i ko ufise umugabo w'igito canke akaba yaragutaye canke kandi mwarahukanye" . Uwundi abandanya muri aya majambo: "Ni ho harya wumva ngo hari abana batawe n'abavyeyi, hari igihe utinya kubona abana ikigoyi kibakwiciye mu maso, ukabata ukomoka. Hari abavyumva nk'umugani ariko ni vyo muntu" - Uwa gatatu aciramwo uwa mbere yitwengera ati : "Usesuka hari igihe usanga utanguye bwa bu*ima bwo kwidandaza atari uko ubukunze naho benshi bakubona bakaryana inzara, ni hatari". Uwa nyuma agira ati : "Guta umwana ni ingingo ya nyuma vyose vyanse kuko hari igihe ugenda ukabatera se iyo u*i iyo ari ariko hari n'igihe usanga utazi iyo ari".

Mu gice ca kane aba bakenyezi bo mu Kanyosha bazotuganirira ku vyo babona nk'inyishu y'ingorane barimwo.

17/05/2022

Ba bakenyezi bo mu KANYOSHA - Igice ca 2
www.eldistv.eklablog.net

Mu minsi iheze twarababwiye abakenyezi bo mu KANYOSHA, mu gisagara ca Bujumbura biyemeje kudandaza intica ntikize kugira babeho. Aba bakenyezi bakaba bari mu mice itandukanye nkuko twabibabwiye. Ikibazo ni iki? Mbega hari ingorane bahurira muri aka kazi. Bati: "Ego".

Nkuko abatari bake mu bemeye kutuganiriza babisigura ngo ingorane ya mbere ni agatahe gato kuko uguhomba biba mu kanya isase, bisaba gusa ko umwana arwara canke nawe ukarwara ukamara umusi udakoze, bisigura ko uba uvuye mu rudandazwa. Ngo abafise abagabo nabo hari igihe batizerwa b**atuma uko batashe bama mu ndyane zo kwagirizwa kuba indaya bamwe no gukubagurwa bagakubagurwa. Ikindi ngo ni nk'iyo udandaje ibintu bibora nturonke abakugurira ngo kenshi birahomba. Ivyo ni bimwe muri vyinshi batanze nk'insiguro z'ibibazo bagira.

Mu gice ca gatatu hari abazotubwira ibijanye no kuriha amahera y'inzu ngo kuko benshi bapanze.

Eldis tv

05/06/2022

05/06/2022

03/06/2022

03/06/2022

02/06/2022

01/06/2022

31/05/2022

26/05/2022

25/05/2022

22/05/2022

20/05/2022

19/05/2022

17/05/2022

Address

Telephone

Website

Alerts

Contact The Business

Shortcuts

Share

Category