Ku Muzi Media

Ku Muzi Media Uta akaranga ukaba utaye akabanga ugatorana akaranda

16/05/2025

Mwaramutse neza

Ukubandwa ,mumajambo yoroshe, bose boshobora gutegera ni "Ukujahamwe, mugaca mwumva nyene ko muri mwabaye nk'Umuntu mwe, mugafata urugendo ibaranga ku Mana! Mukayishimira canke muyisabe.

Mukubandwa nta muto ,nta mukuru.

Ese igene ukubandwa biryoshe.

Biruhura umutima n'umubiri.

Turabipfurije umunsi mw'iza

Imana ibahezagire
Abakurambere bera-nda nabo,bagume batubera hafi

13/05/2025

Twakoranye ikiganiro na Eric Le Rouge na Koreshumwanya.
Nimuze kw'umviriza, hanyume twibaze hamwe namba uyu mu Harroy akwiye kuhitiriwa?

Mutubwire muma comment,namba mwe mushigikira ko izina Harroy igumizwako?

Nimuze tuyage

#

Mwiriwe neza basomyiAho hantu murahazi? Uyu"Harroy" nawe? Ndibaza ko amateka yiwe azwi n'abarundi benshi, ko mbona twamw...
12/05/2025

Mwiriwe neza basomyi

Aho hantu murahazi? Uyu"Harroy" nawe? Ndibaza ko amateka yiwe azwi n'abarundi benshi, ko mbona twamwitirwe aho hantu.

Ku Muzi media yahisemwo kwegera umwanditsi y'itwa Eric Le Rouge ,akaba ari umu Panafricain nk'uko avyivugira, akaba yatuyagishije neza

Ejo tuzobaha ikiganiro yahakoze n'uwundi mu Content Creator Koreshumwanya

Imana y'iburundi ibahezagire, abakurambere bera-nda bacu batubere hafi.

Uno munsi duterekera umukarambere Nesta Marley. The Gong. Mbega Bob Marley yoba yarbafashije gusubira kumizi, gukunda no...
11/05/2025

Uno munsi duterekera umukarambere Nesta Marley. The Gong.

Mbega Bob Marley yoba yarbafashije gusubira kumizi, gukunda no kugwanira Afrika?

Kumenya ubutumwa bwa Rastafari?

One Love
Urukundo Rumwe

09/05/2025

Amahoro 🙏🏾

Twari twabakumbuye.

Tugarutse n'imihezagiro ziva ku Mana. Twize vyinshi kuvyerekeye akaranga n'ukwemera bwabakurambere.

Ubu twumvise abakurambere bera-nda basubiriye kuduhamagara ngodusangire ubumenyi n'ubushakashatsi twarimwo.

Abo twa koranye bose turabashimira. Abashasha n'abo turabikiriye.

Imana y'iburundi ibampezagirire
Abakurambere bera-nda batubere hafi.




Isanamu ya

Mweranda wacu Mwezi IV Gisabo Bikata-Bijoga (1840-1908),icubahiro nikibe icawe ubu no mu myaka yose.
23/11/2024

Mweranda wacu Mwezi IV Gisabo Bikata-Bijoga (1840-1908),icubahiro nikibe icawe ubu no mu myaka yose.

Umwami Mwambutsa IV Bangiricenge (1911-1977) mwene Mutaga IV Mbikije
21/11/2024

Umwami Mwambutsa IV Bangiricenge (1911-1977) mwene Mutaga IV Mbikije

11/11/2024

UMURUNDI WUNDI

Witegereje inyifato y' abarundi batari bake mu kibano usanga hari vyinshi dukwiye guhindura na cane cane mu vyiyumviro ngo tugere ku vyiza nk' abandi mu bindi bihugu.Mu rugendo rw' iterambere icihutirwa nuguhangana n' ivyiyumviro vyacu kuko umwansi w' umuntu wa mbere niwe nyene iyo ubitahuye ugahangana nukwihindura iba intsinzi ikomeye ku buzima bwawe maze ugaheza ugatangura kwama ivyamwa vyiza.

Naho twokwiha imyaka runaka ngo 2040 canke 2060 naho hoba 2070 tutabanje guhindura kamere mbi ziturimwo nk' abarundi ntitwoshika muri ayo majambere turota twama twiha niyo mpamvu twakoresheje ijambo ry' umutwe rigira riti "umurundi wundi" ni ukuvuga umurundi atandukanye nuwo tuzi uno munsi umurundi akunda gusega,akunda inda,w' inzigo,w'umunebwe,w' amacakubiri,n' ibindi vyinshi.

Umurongo twogenderako mu ntumbero y'ugukira ako gatima k' ubukoko katurimwo nawo nuyu:

1) TUBOHOKE INZIGO ITURIMWO

Muri kino gihe hamaze igihe hibonekeza cane amashano hirya no hino mu gihugu biri ku rugero runini rutigeze rubaho ukabona ko kumbure hari abagize umwuga gutamika amashano benewabo canke naho ugasanga ni imyemerere y' ibintazi baba barimwo ko vyotuma batunga nkuko babikora ku ba albinos canke abantu bafise ubuhanza canke mu kuroba amafi ngo bakabanza kuyatega ikiziga ngo niho aca aba menshi.

Muri Afrika kubera science na technologie atabibaho haca habaho "obscurantisme" canke "dark age" abantu baba bemera ibintazi kuko baba bibereye mu mwijima bituma bagira ivyiyumviro bipfuye nabi nk' ivyo.

Uyaze n' umuntu wumva ngo narariye ishano canke uwuba mu gisagara ugasanga aratinya kuduga ruguru ngo bomuroga,ikindi kintu cerekana inzigo iri mu barundi benshi uwuteye imbere ntafata akaboko mugenzi we ngo amushikane kuri ivyo vyiza yash*tseko niba ari akazi na rirya hakora ibimenyane canke kuja mu mahanga uwubish*tseko ashima kubona mugenzi we amerewe nabi mu bushomeri n' ubukene aho ukabona batwengeranira ngo n' abagenzi naho shwi.

2) KWIRINDA GUSEGA

Gusega biba mu buryo bwinshi hari ugusega ikintu bita ngo ni imana kitabaho ngo kiba hejuru y' ibicu abantu baba biyumvira bakagisega ubutunzi kitazobaha na rimwe,ukuramba n ibindi ahandi abantu barasegana hagati yabo ngo amahera y' agafanta,ama lift,n' ibindi vyinshi ivyo vyose ni inyifato mbi cane iranga abanyantege nke umuntu muzima ahangana n' ibibazo vyiwe akavyikuramwo atawe aririra kuko abo uririra ngo nibagufashe baranakugaya nuko atavyo umenya.

3) GUK***A IGIHUGU

Twitwa abarundi kubera hariho igihugu tubayemwo citwa Uburundi ni vyiza kugikingira tukagikorera mu bumwe bwacu na cane cane ejo uronse amahirwe yo kuba umwe mu barongozi (elite) nkuko umurongozi aba yavuye mu bato (la masse ou le bas-peuple) tunganiriza abagutoye ubakorere nturabe inda yawe nkuko benshi babikora kuko inda ari ukuzimu kudashima.

Iyo ukunda igihugu kandi ntuja mu vyiyumviro umukoroni yazanye vy' abahutu n' abatutsi canke ngo abahima n' aba bantous ubwo bumara ababukurikira baba bameze nk' abagwayi bo mu mutwe nukubaca kure,nta bwoko bubaho habaho abanyafrika gusa.

Iyo ukunda igihugu ntucafuza imigirwa ya ba sogokuruza ngo ni iy' amashetani niba wahisemwo imana z' abakoroni Allah na Yehova na Dieu/Deus ariko reka gucafuza imigirwa ya ba sogokuruza bawe ubonye n' uwubandwa uramuha agaciro ntumucireko amate.

4) HA AGACIRO UMUNTU AKIRIHO KURUSHA ATAKIRIHO

Iyo umuntu apfuye hari igihe uza ubona mu miryango imwe imwe baza bariruka gushirako amashurwe n' ama carreaux ugasanga uyo muntu apfuye akiriho ntawamuraba ntiyaronka n' utwo atamira.

Twige kuvavanura n' uwo mutima w' ubunyamaswa umuntu mwereke urukundo akiriho ivyo ukora yarapfuye ntaco biba bimaze.

5) K***A GUFUNGURA UGABANYE N' INZOGA

Abarundi turakunda inzoga cane ntidufungure cane mbere hari n umugani waciye uvuka ngo "imfura ziranywa ntizirya!!" wo gushigikira iyo nyifato itabereye.

Kugira abantu babe productifs bagire inguvu n' amagara meza bararya ntibanywa ivyo bintu vyo gukunda amayoga bidukwegera ibibazo vyinshi.

6) KORA CANE UGWIZE N' AMASAHA YO GUKORA

Uvyihweje neza abarundi turi ibinebwe uravye ama services atandukanye usanga abantu bikwega cane mu gukora abandi batonda aho bishakiye,abantu nabo bashaka kwakirwa umubabaro ukaba wose aho bicaye barindiriye,abitwara uko ni kuki badafutwa mu buzi hagakora ababishoboye ko abashomeri ari na benshi?

Watembera naho usanga nk' isaha zibiri z' ijoro abantu bugaye amaduka yabo batashe mu gihe mu bindi bihugu ijoro ritakibaho usanga baguma ku kivi.

Kugwiza ubuzi no kugwiza amasaha abantu bagakora ijoro n' umurongo vyofasha cane mu kurema iterambere.

7) K***A GUSOMA CANE

Mu mico yacu ntidukunda gusoma usanga umuntu inzu yiwe muri salon aho yakirira abash*tsi hari ecran plat hamwe n' ama bafles aza arirabira indirimbo z' abazunza ibisusu gusa,nta bitabu ushobora kuhabona niyo muyaze urabibona ko ata bintu uyo muntu yifitiye mu mutwe wiwe ugasanga umuntu yahisemwo gusoma icupa gusa n' iminwa y abigeme gusa ivy' igitabu ntumubaze.

Turakwiye kuvavanura nako gatima kabi ko kudakunda ubumenyi hagati mu gisagara baradandaza ibitabu simbirayo uze uragura kimwe kimwe ushira mu nzu usoma bizogukuza,gusoma ibitabu ni vyiza biragufasha kugira amakuru menshi y' ibintu vyogufasha mu buzima kanatsinda umuntu agizwe n' amakuru.

Mu gusozera,turamutse duhinduye kamere yacu mbi nta nkeka tuzoshika ku vyiza twipfuza ikibazo Afrika ifise si abazungu ahubwo ni abanyafrika bonyene ubwabo abo bazungu bo twama dutera ivyatsi bakorera ku ntege nke zacu nitwahinduka bazobura aho baduca.

Gwira,Gwira!!

05/11/2024

ISANO RIRI HAGATI Y' UBUKIRISU HAMWE N' UKUBANDWA

Abakirisu batari bake akenshi usanga baraba ribi uwubandwa agaterekera imizimu ya sekuruza wiwe atigeze ahemuka ngo aje muri ubwo buja bw' umukoroni bo bahisemwo gukurikira,abo bakirisu bakavuga ngo uwubandwa agaterekera imizimu ya sekuruza wiwe ngo ni "umuyoboke wa shetani" uyo mugirwa mwiza wa ba sogokuruza abo bakirisu bakawita uwa "gipagani" (paganisme),abo bakirisu babivuga baba bumva ko bo ari ibitangaza ko bo bari mu nzira y' ukuri bazohava baja mw' ijuru bonyene bigishijwe ritanabaho.

Yamara ukoze ubushakashatsi usanga ubukirisu bukomoka kuri iyo paganisme nyene batera ivyatsi.Muti gute?

Abantu ba mbere babayeho bakomotse muri Afrika mu nyuma bagenda bariyunguruza mu bice bitandukanye vy' isi inyuma y' imyaka ibihumbi n' urukoba rwabo rurahinduka,bari bafise uko babayeho nuko bemera uravye ukwemera kw' abantu ba mbere hari ikintu bari bahuriyeko "kwemera imizimu y' ababo batakiriho no kuyiterekera."

Nkuko civilisation yose yigana iyindi yari ikomeye niko nayo madini usanga yigana ayandi yabayeho mbere.Ubukirisu rero ni copy ya gipagani ivyo vyose mubona biba vyanditswe muri ivyo bita vyeranda umukoroni yazanye.Imana y' ibibi shetani,imana y' ivyiza Dieu,imana ifise umwana yavyaye bivuye mu gutera inda isugi Bikira Mariya n' ibindi vyinshi ivyo vyose ni ibinyoma vyitiriwe abantu batabayeho
(les personnages fictives) vyaba vyakuwe ku migirwa ya gipagani ya mbere yabayeho (paganisme).

Uno munsi tugira turabire hamwe isano ry' ubwo bukirisu hamwe n' ukubandwa kwa ba sogokuruza bacu:

- Mu kubandwa babanza gutota ico kibanza bakoresha amashami bakoza mu mazi adasanzwe bakirukana ibisigo/Mu bukirisu ibisa nivyo biraba abaja mu misa muhora mubibona.

- Kiranga yaba yicaye ku ntebe ya Bigombo yambaye impuzu y' igiti ndende akikujwe n' ibishegu vyiwe yambaye intutu ku mutwe afise n' icumu mu ntoki/mw' ishengero patiri yicaye ku ntebe aba yambaye ikanzu ndende n' inkofero ku mutwe afise n' inkoni yihese hejuru akikujwe n' abakorezi biwe.

- Tuvuze uguterekera imizimu aba ari abantu batakiriho mw' isi y' abafise umubiri w' inyama n' amaraso baba bari mw' isi y' impwemu niyo mpamvu baterekera imizimu ya Bihome,Ririkumutima,Inamujandi,Runyota,Mwezi Gisabo,Mirerekano,n' abandi/ ibi abakirisu barabitunyaze nabo baterekera imizimu y' abo muri Moyen-Orient ngo Isaka,Aburahamu,Yakobo,Mose,Eliya,Elisa,Mariya,n'abandi benshi gusa ababo bo n' abantu bataba baranabayeho ntawobigereranya n' abacu babayeho.

- Mu kubandwa ababandwa baca kuri Kiranga iyo bafise ivyo basaba Imana yabo y' Uburundi akabashikira kuri iyo Mana/abakirisu bafise umuntu bacako yitwa Yezu canke Bikira Mariya ngo abasabire ku mana yabo "Mariya Mweranda nyina w' imana dusabire..." canke muri Bibiliya aho yezu yavuze ngo: "ntawushika kwa data ntamujanye" canke ngo "icomuzosaba data mw' izina ryanje azokibaha" naho yezu atabayeho ari izuba abantu basenga batabizi niyo mpamvu bamusenga ku munsi w' indwi Sunday (sun= izuba/day=umunsi)ni imana-zuba yaremwe na Empereur Constantin w'i Roma muri Concile de Nicee mu mwaka wa 325 biraboneka ko Yezu akora nka Kiranga guhuza abantu n' imana (intermediaire).

- Kubandwa bivuye mw' ijambo "kubanda" bisigura gukorana hamwe kuba hamwe mu murwi ninavyo tubona mw' ishengero abantu baba bari hamwe nabo bisigura ko baba bariko barabandwa.

- Amashikanwa yaratangwa kuri Kiranga nk' inka y' insubirane canke inzoga bita "umuseso" n' ivyimburwa bitandukanye umwe wese ico ashoboye kuronka gusa bo babisangira aho ntaco kiranga yatahana/Mu bukirisu amashikanwa aratangwa akaca aja mu mufuko w' umwigisha w' ibitito ugasanga afise ubuzima bwiza abayamuha bo bishwe n' ikigoyi tubonamwo ubukunzi bw' inda burenze muri ayo madini.

Mu gusozera rero twovunira akagohe abakirisu mu kutamenya kwabo usanga bita abari mu migirwa yo kubandwa n' uguterekera imizimu nka ba sekuruza ko bobubahiriza kuko ni intwari,ni abantu banse guhemuka ngo baje mu buja bw' umukoroni bashima kubungabunga iragi rya ba sekuruza babo ninayo nyifato ikwiye kuturanga ngo ukwikukira kugire insiguro ntikube indirimbo gusa.Abazungu ivyo bubatse vyose nivyo barabiye ku birabure mbere banatuvuyemwo ivyacu rero birumvikana cane ko ari ivyo guha agaciro.

Gwira,Gwira!!!

03/11/2024

VINICIUS NGO YARIBWE BALLON D' OR?

Vinicius José Paixão yavukiye muri Bresil itariki 12 Mukakaro 2000 ahitwa São Gonçalo,akaba akinira umurwi nserukiragihugu wa Bresil,agakinira na Real Madrid.Mu myaka 3 gusa azoba amaze kwegeranya ama miliyoni 69 y' ama dollars akuye mu mupira w' amaguru.

Kuva hatanzwe umupira w' inzahabu ejo bundi aho hanze y' urugo rwawe umujinya ni mwinshi ku barengana ngo umwirabure mwenewabo yitwa Vinicius ngo ntibamuhaye Ballon d'or ngo kubera ari umwirabure ngo yazize urukoba rwiwe ngo abazungu baramwimye umupira w' inzahabu
(Ballon d'or).Hari ijambo abavuga ivyo bakoresha ijambo ngo: "...abazungu baratwanka!!!..."

Ukoze umwihwezo usanga abirabure bibereye mu ma domaines mato atanico avuze yo kunezereza abantu gusa mu ma medias n' ububare nko kwiruka muri athletisme,comedy,boxe,
imiziki,imipira y'amaguru,basket,nta birabure dufise muvya science na technologie ibi biri mu maboko y' abandi kiretse abanyafrika gusa na cane cane b' urukoba rwirabura.

Abirabure ntaco dukora ngo dukomere nk' abandi turi abanyantege nke baraho aho kuja muvya science na technologie,uburimyi n' ubworozi ngo twikomeze nk' abandi twishinga gusenga imana abakoroni batuzaniye mu bitabu bise ngo ni vyeranda imana zaremwe muri Moyen-Orient hamwe n' I Roma tukazisenga ngo zizodukorera ibitangaza aho twokuye amaboko mu mpuzu ngo turondere ivyo bitangaza twipfuza dukoresheje ubwonko bwacu n' amaboko yacu.

Iyo tubonye umuzungu turamusega amafaranga biciye mu ma associations canke tumubonye arenganye mw' ibarabara,hagati yacu nta bumwe dufise turatemana dupfa amazuru n'intara,umwirabure iyo agiye mu bihugu vy' abo bazungu abaye umu diaspora aho yobaye umutasi ngo arabe iryo terambere ry' abazungu arijane mu gihugu ciwe.

Usanga ari aho gusa aguma atukana ku ma reseaux sociaux yifata n' amafoto n' amareresi yerekana ko ari ahantu heza anywa n' imivinyu izimvye canke akibera umu homosexuel nk' abazungu bagenzi biwe,umwirabure ni umuntu atitwara mu buryo bwa discipline yama ashaka guhangana n' abajejwe umutekano mu mabarabara,iyo atowe naho araba inda yiwe kurusha abamutoye,n'ibindi vyinshi.

Ubwoko bw' abantu bameze uko ninde yobaha agaciro nabo ubwabo batakiha?abazungu sibo kibazo ikibazo ni twebwe abirabure imyitwarire mibi yacu.

Imbere yo kwuzura umubabaro ngo umuzungu aratwanka turakwiye kumenya ko ivyo barimwo ari ivyabo biyubakiye ayo ma stades,ayo ma televisions murabamwo imipira,ayo ma ballons d' or vyose nibo bavyubatse rero nibadufate uko bagomba nitwe tuvyitera aho kubabara twari dukwiye kwubaka ivyacu.

Mu gusozera,abirabure nimuze twihe agaciro niho n' amahanga azokaduha tugabanye kwama twiriza ngo turarenganywa iyo ni imyitwarire y' abana bato,tuje hamwe dusubire ku muzi wa ba sogokuruza ducagagure imigozi y' umukoroni ivy' amazuru,imbibe,ivya yezu na mariya na muhamad tuje muvya science na technologie uburimyi n' ubworozi,amahinguriro tube n' abantu bakunda gusoma ibitabu cane batishinga gusoma amacupa gusa canke iminwa y' abigeme maze twiyubakire iryo terambere tubona mu bazungu niho nabo batubonye bazoduha agaciro nkuko bagaha abashinwa,abayahudi,abayapani,aba slaves b'abarusiya,aba perses,abahindi.

Gwira,Gwira!!

Inkomoko y'isanamu: Manchester Evening News

Address

Nyanzuki
Bujumbura

Telephone

+25768345656

Website

Alerts

Be the first to know and let us send you an email when Ku Muzi Media posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Ku Muzi Media:

Shortcuts

Share

Category