02/09/2026
Bujumbura: Evelyne Butoyi, umushikiranganji wo kumenyesha amakuru n’ibimenyeshamakuru yaraye yakiriye urunani rw’ibimenyeshamakuru bikorera ku mbuga ngurukanabumenyi, "Réseau des Médias en Ligne Enregistrés au Burundi-RMEBU #.
Kuri uyu wa 1 Nyakanga 2026, ni ho umushikiranganji ajejwe kumenyesha amakuru n’ibimenyeshamakuru, ._Evelyne_Butoyi, yakira mu biro iwe abaserukira "Réseau des Médias en ligne enregistrés au Burundi" ( ), mu ntumbero yo kumushikiriza ibikorwa bamaze kurangura kuva urwo runani rubayeho.
Muri uwo mubonano, uwurongoye , , ari kumwe n’abagize Komite nyobozi y’urwo runani, yarashikirije ibikorwa bitandukanye imaze kurangura mu guteza imbere uruhara rw’ibimenyeshamakuru mu buzima bw’igihugu.
Muri ivyo bikorwa, nk’uko uwo muyobozi yabisiguye, ngo harimwo ibiganiro bihuza ibinyamakuru bitandukanye, “Synergies des médias”, bimaze igihe bitunganywa mu ntumbero yo gutanga ubutumwa bukangurira abenegihugu kugira uruhara mu bikorwa vy’iterambere ry’igihugu, harimwo isuku n’isukura, gukangurira abenegihugu gukunda igihugu, hamwe n’ibindi bibazo vyerekeye iterambere n’ukubaka Burundi bwiza butuganisha kumbonakazoza y’Uburundi bwifashe mu 2040 buteye imbere mu 2060.
Harakozwe kandi ibikorwa vyo gukarihiriza ubwenge abamenyeshamakuru kugira babe imboneza mu gutanga amakuru atosoye ahimiriza kwiteza imbere no guteza imbere igihugu hatibagiwe kushishoza nimba inkuru ari yo canke igihuha.
Umushikiranganji Amb. Evelyne Butoyi yashimiye RMEBU n’ibimenyeshamakuru biyigize ku bikorwa bariko birarangura, mu gutanga amakuru no gukangurira abenegihugu ibikorwa vy’iterambere.
Yarashimye kandi kubona ibimenyeshamakuru vyagiye hamwe mu ntumbero yo gukunda no guteza imbere igihugu, ndetse no mu kurwanya ibihuha, hamwe n’imvugo zibiba urwanko.
Umushikiranganji yagiriyeko ashimangira ko agiye kubandanya gushigikira ibinyamakuru, harimwo n’ibinyamakuru bikorera ku mbuga ngurukanabumenyi bihurikiye muri .
