http://Dasilva.word.wordpress.com/

SILVA, Bujumbura (2025)

30/07/2025

🌐🇷🇺🇺🇸 Abanyamerika barambiwe Zelensky ?

Inzego z’ubutasi z’uburusiya zivuga ko intumwa za Uk na USA ziheruka guhurira muri Alpes. Inama yari yatumiwemwo Yermak, umuyobozi mwishikira mu bureau kwa Zelensky, Budanov, arongoye inzego z’ubutasi za Ukraine hamwe na Zalouziny yahoze arongoye ingabo za Ukraine, ubu ni Ambassadeur wa Ukraine muri UK.

Muri iyo nama, basavye ko Zalouziny yokwemera kuva président asubiriye Zelensky. Budanov na Yermak bahise bavyemera badahigimanze, baremerewe kugumana inzego bahoramwo

Ibi bintu kubona bivuze igihugu c’uburusiya birateye amakenga. Bushobora kuba uburyo bwiza bwo gusambura inkingi zubakiye ku butegetsi bwa Zelensky. Aho bitereye amakenga ni uko Yermak, abanyamerika bzsigaye bamwinuba kubera ko ari mu badindiza ibiganiro. Ariko ivyo ntiwobiraba, USA ishobora guhera aho nyene isambura ubutegetsi bwa Zelensky. Ihereye ku kinani, abasigaye ikagenda ishwanyaguza. Budanov yarerekanye ubutwari mugabo biroroshe kumuhindukiza kuko ni umwana yarezwe na CIA. Ahasigaye birazwi y’uko Ukraine nka yose yipfuza kubona Zalouziny ayiyobora. Amaze kuvugwa kenshi mu basubirizi beza ba Zelensky

🟡Ukwezi kwa buki kurashobora kurangira

Zelensky aramaze kwubakirwa inzu muri USA na France ashobora guhungiramwo igihe yoba yavuye ku butegetsi canke ibintu vyakomeye. Biroroshe kumureka ariko abanyamerika ikintu batinya ni gusubira kumaramara nk’uko vyagenze muri Afghanistan, ariko umusi igihe cageze bazomukurako amaboko. Ivyo uko USA ishaka gukuraho Zelensky nimaze kuvugwa kenshi, bashobora kuba batarahuriza ku buryo bazobikoramwo canke ivyo bipfuza muri Ukraine bitarahera

Erega vyaratanguye, abashingamateka batari bake barazi y’uko imyirekano iheruka yo kwiyamiriza igiturire yari yateguwe na USA . Nico gituma hari abatoye itegeko rihaharika inzego zo kugwanya igiturire. Kwari kugira bakingire Zelensky ntave ku butegetsi. Ngo barafise amakuru ko uwo mugambi bawufise

None ubu niho USA n’abagwanya ibiturire babonye ko Ukraine yamunzwe n’ibiturire? Ninde atazi ko ibigwanisho vyinshi Ukraine yahawe vyagiye mu migwi itandukanye harimwo na Hamas? Ninde atazi y’uko aba Général ba Ukraine bubatse imiturirwa hirya no hino kw’isi ? Ninde ayobewe ko abakomiseri n’abaganga barya ibiturire ngo bareke abantu bamwe ntibaje ku rugamba?

Bagenzi sindabicishe amajambo, hamagara +257 61 28 44 39 ababikire ibiro na bitanu vya FODI Flour ya fu y’ibigori abarundi bariko bahurumbira, kuko abaranguzi bo baraye bagize commande baciye hano: https://chat.whatsapp.com/FNakWMf8zhbAPqnyZPdJSx?mode=ac_t

Mugire umusi mwiza

29/07/2025

🌐🟡⚫Aho vyakabereye ni kera

Murabizi ko ibisagara vya France bibonesherezwa na Uranium ya Niger mu gihe ibigwati vya Niger bacana ibimuri, Niamey amatara acika buri mwanya

None nk’uko mubibona ku musanamu, Vladimir Poutine yarungitse abantu batari bwigere barungikwa muri Africa. Ni umugwi munini ugizwe n’abashikiranganji, abahinga, abayobozi. Basinye amasezerano yo kwubaka centrale nucléaire muri Niger

Ico kintu kirahambaye kuko France itigeze yipfuza ko sahel yakaka ngo igatamanzure. Ni vyiza kubera batiriwe barasaba amahera banque mondiale canke ngo barondere aba experts b’abafransa. Bizonyaruka kubera ko bitazoca mu nzego zisuzuma ibi na biriya

Muri ayo masezerano harimwo ko abahungu n’abakobwa ba Niger bazoronswa ubumenyi mu bisata vy’uburimyi, ubuvuzi, amahinguriro, ibigwanisho...

Nanditse dukeyi kugira ngo nimba udandaza boutique uce winjira mu groupe urabe ico abandi bagucuze kubera baranguye ifu ya FODI Flour: https://chat.whatsapp.com/FNakWMf8zhbAPqnyZPdJSx?mode=ac_t

Mugire ijoro ryiza

29/07/2025

🌐🟡⚫France na Allemagne mu bukinagizwa budasanzwe

Umushikiranganji wa mbere wa France yavuze y’uko umusi wa mbere mubi ari umusi Ursula Von Deyen ananiwe kwumvisha Trump kugabanaya amakori ku bihugu vya buraya. Ngo ibihugu vya buraya vyahoze bifatwa nk’ibihugu vyigenga ariko birangiye bibaye mu bukoroni bwa USA

Frédéric Merz, chancelier w’ubudagi nawe yavuze y’uko Ubudagi bugiye kwikorera umuzigo uremereye cane. Berlin izogira ibihombo vyinshi cane. Ku kaba nkako, ubugadi buzohomba 15% ku butunzi bw’igihugu. UE nayo izohomba 11%

Ibi bintu mwebwe muvyumva gute?

29/07/2025

Trump aguma akinisha gasopo n’uburusiya: Ngo imisi 50 canke 10... Atagerezwa kwibuka ibintu bibiri:

1. Uburusiya si Israël canke Iran

2. Gasopo nshasha yose ni icago cegereza intambara, intambara apana hagati ya Russie canke Ukraine ahubwo igihugu ciwe. Ntimukurikire inzira ya Sleepy Joe

🗣️ Dimitri Medvedev

29/07/2025

🌐Uburundi ntiburi mu bihugu bishobora kubangamirwa cane na Nyamugigima

Mwaramutse neza

Mwaraye mwumvise nyamugigima yumvikanye mu Burundi no mu Rwanda . Mwavuze vyinshi kubijanye n’ibituma nyamugigima iba. Kandi birumvikana ico kinyegezwa camye cibazwako vyinshi . Ariko rero Umwanditsi w'izaburi ya 93 avuga ngo: " Uhoraho aravogereye. Akenyeje inkomezi. None isi irashimangiye ntinyiganyizwa. "

☝️Ivyo avuga biratahuritse kuberako nyamugigima yamye ifatwa nk'igihano canke inkebuzo y'Imana. Ariko birashika umuntu akiyumvira ko na Biblia yemera ko isi ihagaze ku busa, yoreka kunyiganyiga gute? Reka tubibaze science

🇧🇮Twebwe turi muri Africa y'ubuseruko. Turi ku mugabane wa Africa. Dutandukanijwe n'iyindi migabane n'amabahari hamwe n'ibiyaga. Kandi n'ibihugu vyacu usanga bitandukanywa n'inzuzi n'ibiyaga. Muri make isi yacu ntiyegeranye Kuko hamwe ni ibiyaya ahandi imisozi miremire. None nyamugigima yo ica iva hehe ?

🥑 Tugerageze kubitahura dufatiye kw'ivoka. Ifise ibice bitatu nyamukuru : urubuto, igice coroshe( Nico bafungura) hamwe n'igishishwa.

☝️Isi yacu nayo ni uko. Irafise noyau (urubuto),irafise igice ca manteau( partie molle pour un avocat)hamwe na Croûte terrestre ari yo twokwita igishiswa. Ivyo bice vyose birafise duce tubigize. Muri croûte terrestre hari igice kigizwe n'ibisate. Citwa lithosphère. Igitandukanya ivoka na lithosphère ni uko ivoka ata bisate ifise ku gishishwa. Ivyo bisate ni vyo bivyara nyamugigima. Vyinshi biri kure mu ma bahari( plaques océaniques) . Nyamugigima hari igihe ivyara tsunamis, canke ibirunga. Vyose biva Kuri vya bisate twavuga biri muri litosphere bakavyita .

✍️Plaques tectoniques zizwi cane ni izi: plaques Eurasiennes, Antarctiques, Africaines, Pacifiques, Nord- Américaines, Sud Américaines, Australiennes

yagize abantu benshi bishwe na Nyamugigima iheruka iri hagati ya plaques Eurasiennes na plaques Africaines.

❗ Nyamugigima yumvikana iyo faille iri hagati ya plaques imwe n'iyindi bihuye. Bica bimera n''ibihinze isi biciye kuri plaques continentales ( ibisate biri hafi y'isi). Kuri plaques imwe imwe haba hari uruja n'uruza rw'ubushuhe buva muri lithosphère busubira muri manteau( igice kirimwo ubushuhe bwinshi). Kuberako zitaboneka, Abahinga baziraba bakoresheje missiles.

🌟Ibihugu vyo muri Asie n'ivyo bikunda kubangamirwa na nyamugigima. Ibi ni ibiharuro vy'ibihugu bifise amahirwe yo kubangamirwa cane na Nyamugigima kurusha ibindi: Chine(182), Indonésie (161), Iran(108), Japon( 94), USA (77), Turquie (58), Inde(57), Philippines ( 52)

Uburundi buri mu karere ka Rift Valley kava muri Éthiopie gushika muri Malawi. Ni agace karimwo plaques tectoniques. Bivuze y’uko bushobora guhura n’ivyago. Ibituma Uburundi bugira ivyago biciriritse, ni uko ibisate biri muri Rift Valley bitagera kure ibituma isi inyiganze itazungeta cane. Kuva muri 1900, Uburundi bumaze kubura abantu 10 bishwe na Nyamugigima. Ikindi gihambaye ni uko mu Burundi ata birunga bihari vyosongera isibe

Ucumva ayo makuru meza, ushobora guca uhitana imboga hanyuma nanje ngaca nkurangira FODI Flour ifu nziza y’ibigori ushobora kugirirako n’umusi mukuru. Barouder bayigusanze aho uri. Téléphone ☎️ +257 61 28 44 39

Mugire umusi mwiza

28/07/2025

🌐🇺🇸Trump yerekanye ko ari umutware w’isi: Abanyaburaya bayamanitse, abarabu bumiwe

Hari i photo iri kuri internet yerekana Ursula Von Deyen yagiye muri White house. Yari yagiye kugondoza Trump ngo afute ingingo yo gutoza amatagisi abanyaburaya. Kw’ifoto aboneka afukamye imbere ya Trump, umwami w’isi yose.Aho kumwumviriza yahisemwo gufata ingingo zikurikira:

!Ibidandazwa vyose bivuye i buraya bizotozwa 15%

!!Abanyaburaya bategerezwa kugura gaz na pétrole vya USA biciye 750Md

!!!UE itegerezwa gushorera muri USA ibintu biciye 600 Md

!!!!Abanyaburaya bategerezwa kugura ku rwego rwo hejuru ibigwanisho i buraya

!!!!!!Nta kintu kuvuye mutuelle USA kizoriha ikori i buraya

Tuzogaruka ku kuntu vyakiriwe i buraya. Mugabo mwomenya ko hazoca hakurikira uburusiya. Ya misi mirongo itanu yayihevye. Mu misi cumi Poutine abaye atarerekana ishaka ryo kurangiza intambara azoca afata ingingo zibereye
Nkaho ivyo bidakwiye, Hamas izorandugwa muri Gaza. Yavuze bari kumwe na Israël bariko bariga uko batahana imbohe. Ikibazo c’abantu bariko baricwa n’inzara ntaco kimubwiye. Abakimubajije yabishuye y’uko ari intashima kuko Washington ngo imaze gutanga 60M ata n’umwe ariko arashima

Président wa Égypte yamutakambiye ashimitse y’uko yokora ibishoboka akarangiza intambara kuko ngo arabishoboye. Yamusavye kandi gukora ibishoboka imfashanyo zishikire abantu bariko baricwa n’inzara. Président wa Tunisie nawe yeretse intumwa ya Trump amasamu y’abantu bicwa n’inzara abandi bakicwa bagiye gutora imfashanyo, yamwishuye ko muri 2029 intambara ishobora kuba yarangiye

Birabaje ariko ikiryoshe ni uko ushobora gufungura ubugari bw’igori buryoshe atari ubwa America ahubwo buvuye mw’i fu yakorewe i Burundi. Dukunde kandi dushigikire ivyiwacu. Nimba ushaka kurara uyicumvye, hamagara +257 61 28 44 39

Mugire umugoroba mwiza

28/07/2025

Abo mwari kumwe igihe nyamugigima inyigangije isi bakubwiye ngwiki? Ngo bivuye kuki? Weho wibaza ko hari habaye iki?

28/07/2025

🌐🌽ESPACE PUBLICITAIRE: FODI Flour Intungamagara

Ninde yibuka ifu y’ibihori PAM yahora itanga mu Burundi ? Benshi barayikunze mbere bayita ngo ubugari bwa America. Hari abamugaye baguma bipfuza ivya PAM n’igihe intambara yari yararangiye?

Mu nyuma intambara yaraheze, abandadaza b’abarundi baragiye kurangura muri Uganda, ubugari buryoshe.

Twebwe twabayeho twibaza ko ifu iryoshe iva muri America canke muri uganda gushika FODIBICO ishikanye ifu y’akanovera ku butaka bw’uburundi

⚫Compagnie FODIBICO

Ni abahinga mu guhingura ibiribwa n’ibinyobwa. Bamaze kuronka ubushimwe mpuzamakungu kubera ubwiza n’ubuziranenge bw’ivyo bakora. Ubu rero babazaniye FODI Flour Intungamagara

🌽 Ifu y’ibigori iryoshe cane

FODI Flour Intunganyamagara ni ifu nziza cane. Yakorewe mu Burundi, ikozwe n’abarundi bakoresheje ivyuma vyo ku rwego rwo hejuru, ibiha iyo fu umwanya wa mbere mu zindi zose wari umaze gufungura

Abamaze kuyifungura bose baguma bisubiriza kuyigura. Irera cane, isyeye neza, iragwira kandi ikoranye isuku, ibikanye ubuhinga butuma igumana akanovera

FODIBICO ishobora kugushikanira iyo fu aho uri, abarangura ibiciro babimanuye cane. Muri FODIBICO niho hantu honyene wakirwa nk’umwami. Raba nk’ubu babashireyeho groupe whatsapp mushobora kubaza ivyo mushatse vyose
https://chat.whatsapp.com/FNakWMf8zhbAPqnyZPdJSx?mode=ac_t

Mushobora kandi kubarondera kuri izo numéro mubona ku mifuko y’ifu. Bashika ahantu hose mushobora kubarondera

🌽FODI Flour, mugire amagara meza

28/07/2025

🌐🟡⚫Intambara ya ukraine irabandanya

Hari abantu bariko baraduterefona batubaza nimba intambara ya Ukraine yararangiye. Ndatahura umwitwarariko wabo: Uru rubuga rwarashikirije kenshi ukwo intambara iriko iragenda muri ukraine. Nimba atari rwo rwa mbere ruri mu za mbere, rukaba urwa mbere rutanga amakuru atomoye. Ariko:

📌SILVA si urubuga ruvuga amakuru y’intambara gusa. Tuvuga ubumenyi rusangi. Nimba vyarash*tse tukavuga cane intambara ya Ukraine cane kwari kugira ngo duce dufata umwanya twigishe ivyigwa vya géopolitique. Twarabikoze kandi tuzobandanya

📌 Hako tubesha turihorera kuko inyuma y’intambara dutegerezwa kuguma tubaho kandi dukora. Turipfuza guhurira namwe mu mikaratusi, mw’isoko, mu bunywero, ku bibuga dusangira mutatwita ababeshi

📌 Intambara irabandanya kandi mu bice bimwe bimwe birakomeye ariko amakuru ava ku mirongo y’urugamba ntakiri menshi nka kera

📌 Ukraine si Gaza aho abantu bicwa nk’ibimonyo amasanamu agakwiragizwa kuri internet. Ni intambara y’ibiharuro si ihonyabwoko

📌 Hambavu yo gukora inkuru zitandukanye, dufise ubuzima bundi tubayemwo

Kuri izo mvo zose, twashaka kubabwira ko tutahinduye uko dukora, turi kumwe namwe ariko vyari vyiza ko dutomora ibintu

Murakoze kudutahura

Publicité +25779178612

28/07/2025

🌏🤔 Gushika ubu nta murundi n’umwe araboneka yagiye guca ingero muri Ukraine

Intambara ya ukraine yagwanyemwo abacangero benshi ku mpande zose. Muribuka ko abamenyekanye cane ari Wagner ku ruhande rw'uburusiya

Ni vyiza ko dusigura amazina abanyamahanga bari muri iyi ntambara bitwa.

Ku ruhande rwa Ukraine benshi ni abacangero ni kuvuga abantu bashoboye kugwana bagiye guca amahera atawubarungitse. Hari imigwi y'abacangero isanzwe izwi yagiye kugwana. Abo bose batumweko na Kiev kenshi biciye kuri Internet. Hari abavyisabira ca gihe mu buraya hari indirimbo yavuga ngo:" Ukraine igiye kwigaranzura Uburusiya, Poutine ahabwe icigwa ca gisirikare". Ivyo bumva mu binyamakuru si vyo basanze ku mirongo y'urugamba.

Mwibuke ko benshi muri ba mudahusha isi itunze ( si benshi cane) bari muri Ukraine ariko benshi cane binjiye muri Koursk

Hari uwundi mugwi w'abakorerabushake barungitswe n'ibihugu ari navyo bibamenya ariko kandi hari n'abakunzi ba Ukraine bagiye kugwana kubera ko igihugu cari catewe n' "umugesera" yitwa Poutine

Umuce wa nyuma ugizwe n'abahinga bo muri OTAN. Ni abahanuzi mu vya gisirikare hamwe n'abigisha, aba techniciens bahembwa na OTAN mu gacerere kenshi

Ibitigiri ngiye gutanga hano ni bimwe mu vyegeranijwe n’umumenyeshamakuru umwe muri benshi bari hafi y’imirongo y’urugamba. Si ntabanduka. Inyuma y’intambara tuzomenya ukuri kwinshi. Colombie niyo ifiseyo abacangero benshi. Ibihugu ni uko bikurikirana:

🇨🇴Colombie : 959
🇺🇸USA : 538
🇧🇷Brésil : 303
🇬🇪Géorgie : 288
🇬🇧Royaume-Uni : 280
🇷🇺Russie : 233
🇫🇷France : 187
🇧🇾Biélorussie : 157
🇨🇦Canada : 104
🇵🇱Pologne : 87
🇩🇪Allemagne : 68
🇪🇸Espagne : 66
🇸🇪Suède : 62
🇵🇪Pérou : 56
🇫🇮Finlande : 54
🇱🇻Lettonie : 52
🇦🇺Australie : 45
🇳🇴Norvège : 43
🇦🇷Argentine : 42
🇨🇿Tchéquie : 39
🇮🇹🇱🇹Italie, Lituanie : 37
🇵🇹Portugal : 36
🇩🇰Danemark : 30
🇮🇪🇷🇴Irlande, Roumanie : 28
🇮🇱🇵🇭Israël, Philippines : 23
🇮🇳🇳🇵🇳🇿Inde, Népal, Nouvelle-Zélande : 21
🇲🇽Mexique : 20
🇪🇪Estonie : 19
🇭🇷🇹🇼🇹🇷Croatie, Taïwan, Turquie : 17
🇧🇪🇨🇱Belgique, Chili : 16
🇰🇷Corée du Sud : 15
🇦🇿🇯🇵🇳🇱Azerbaïdjan, Japon, Pays-Bas : 14
❓🇨🇭Provenance inconnue, Suisse : 13
🇵🇰Pakistan : 12
🇧🇬🇿🇦Bulgarie, Afrique du Sud : 11
🇳🇬🇱🇰Nigeria, Sri Lanka : 10
Autriche, Moldavie : 9
Équateur, Kenya, Venezuela : 8
Bangladesh, Égypte, Grèce, Slovaquie, Uruguay : 6
Arménie, Serbie : 5
Cameroun, Chine, Congo, Costa Rica, Kazakhstan, Paraguay, Zimbabwe : 4
Afghanistan, Algérie, Bosnie-Herzégovine, Hongrie, Tunisie, Vietnam : 3
Albanie, Ghana, Kosovo, Malaisie, Maroc, Namibie, Soudan, Yemen : 2
Bolivie, Cap Vert, Côte d’Ivoire, Cuba, Guatemala, Irak, Kirghizstan, Liban, Madagascar, Malte, Nouvelle-Guinée, Ouganda, Ouzbékistan, Panama, Salvador, Sénégal, Singapour, Somalie, Syrie, Thaïlande, Togo, Turkménistan : 1

!Murabona igihugu n’abacangero gifise
!! Ibihugu binganya abacangero vyashizwe hamwe bagaca berekana igitigiri bahuriyeko

!!! Ivyo n’ibitigiri vy’abacangero basigaye ku rugamba, udashizemwo abishwe

Ukraine yarikomeje

Mugire umusi mwiza

27/07/2025

Sinzi ko mwabonye ubutumwa Macron yaraye yanditse yihanganisha Muhmed Bazoum yahoze arongoye Niger https://www.facebook.com/100044157757824/posts/1315715869910326/?app=fbl

Natangajwe n’indero abanyafrica baburiye umukuru w’igihugu w’umuzungu, afise ibigwanisho ruhonyaganda, umuntu yafashije ngo abantu babe civilisés, umuzungu yafashije kwubaka insegero mwamye guhimbarizamwo

Ubutumwa bwinshi birumvikana bwari ubwo kumutuka ko ari igisuma, ko yoreka kwivanga mu buzima bw’abanyafrica, ko n’abandi bakuru b’ibihugu bazofatwa bagapfungwa n’ubundi butumwa bwerekana ko abanyafrica batahuye umubano nk’uwigihere France n’ibindi bihugu vyagiranye na Africa

Jewe nabuze insiguro y’ivyo bintu. Mwebwe mutahura gute?

27/07/2025

🌐🇺🇸🇧🇫Burkina & USA muri politique na diplomatie

Donald Trump yaraye Général Kassoum Koulibaly nk’umuserukizi mushasha wa Burkina Faso muri USA

Ku masanamu murabona Trump amuramukanya icubahiro cinshi ariko abakuru b’ibihugu vya africa baranse kumuramutsa no kwifotozanya nawe bahuriye mu burusiya

SILVA

30/07/2025

29/07/2025

29/07/2025

29/07/2025

29/07/2025

28/07/2025

28/07/2025

28/07/2025

28/07/2025

28/07/2025

27/07/2025

27/07/2025

Address

Telephone

Website

Alerts

Contact The Business

Shortcuts

Share

Category