Mukenyezi Magazine

Mukenyezi Magazine Contact information, map and directions, contact form, opening hours, services, ratings, photos, videos and announcements from Mukenyezi Magazine, Media/News Company, Bujumbura.

Mukenyezi Magazine est conçu pour informer, former, éduquer et divertir sur tout ce qui contribue à la promotion des droits de la femme africaine en général, avec un accent particulier sur la femme burundaise

Nguyu📷 umukenyezi Marie Chantal Nijimbere ahawe kurongora ubushikiranganji bwo kwivuna abansi ubwa mbere mu gihugu c'Ubu...
05/08/2025

Nguyu📷 umukenyezi Marie Chantal Nijimbere ahawe kurongora ubushikiranganji bwo kwivuna abansi ubwa mbere mu gihugu c'Uburundi. Yahora aramutswa Ubushikiranganji muvyo mujejejwe harimwo ubudandaji, amahinguriro

🔴Reta nshasha ihejeje kugenwa, ihaye ikibanza umushikiranganji w'umukenyezi kitamenyerewe mumateka y'Uburundi. 📌Marie Ch...
05/08/2025

🔴Reta nshasha ihejeje kugenwa, ihaye ikibanza umushikiranganji w'umukenyezi kitamenyerewe mumateka y'Uburundi.

📌Marie Chantal Nijimbere niwe agiye kuramutswa ubushikiranganji bwo kwivuna abansi. Ubu ubushikiranganji ntivyari bimenyerewe ko burongorwa n'umukenyezi. Bishikirijwe n'umuvugizi w'umukuru w'i gihugu, Rosine Guilène Gatoni kuri uyu wa 5 ukwezi kw'umunani 2025.

👀Abakenyezi 4 kubashikiranganji 13 nibo bagize Reta nshasha y'Uburundi.

👉Muri abo, harimwo Lydia Nsekera agiye kurongora ubushikiranganji bw'urwaruka, inkino n'imico k**a.

📌Hari na Dr Lyduine Baradahana yasubiye kwizigirwa kugira arongore ubushikiranganji bw'amagara y'abantu.

📌Calinie Mbarishimana nawe aramutswa Ubushikiranganji bw'ibidukikije hamwe n' Uburimyi n'ubworozi

🔴Mubagabo 9 bagize Reta nshasha, umushikiranganji w'indero n'ubushakashatsi, François Havyarimana niwe yarasanzwe muri Reta yahahora, abandi ni bashasha. Nabo ni:

-Léonidas Ndaruzaniye : Umushikiranganji w'intwaro yo hagati mu gihugu, iterambere rusangi n'umutekano.

-Edouard Bizimana:Umushikiranganji w'imigenderanire y'Uburundi n'ayandi makungu, iyinjira y'Uburundi mu miryango yo mukarere no gufashanya mw'iterambere.

-Alain Ndikumana: Umushikiranganji w'ubutunzi, ikigega ca Reta, n'ubutunzi bufatiye ku buhinga bwa none.

-Dr Hassan Kibeya : Umushikiranganji w'ubutare n'agataka, amasoko ntanganguvu, amahinguriro, ubudandaji n'ingenzi.

-Jean Claude Nzobaneza : Umushikiranganji w'inyubako, uburaro rusangi, ugutwara abantu n'ibintu hamwe n'ibikoresho.

-Gabriel Nizigama : Umushikiranganji w'abakozi ba Reta no gutegekaniriza kazoza abakozi

-Gabby Bugaga: Umushikiranganji wo kumenyesha amakuru n'ibimenyeshamakuru

-Arthemon Katihabwa : Umushikiranganji w'ubutungane, agateka kazina muntu n'iterambere ridakumira.

📷RTNB
Rosine Guilène Gatoni, ni umuvugizi w'umukuru w'i gihugu yasomye itangazo rya Reta nshasha kuri Radiyo na terevisiyo Nkuru y'igihugu

🔴Gelase Daniel Ndabirabe agiye gusubira kurongora inama nshingamateka ku kiringo c'imyaka 5.----------------------------...
31/07/2025

🔴Gelase Daniel Ndabirabe agiye gusubira kurongora inama nshingamateka ku kiringo c'imyaka 5.
------------------------------------------------------------------

Gelase Daniel Ndabirabe niwe asubiriye kuramutswa Inama Nshingamateka y’ Uburundi mu kiringo ca 2025-2030. Ivyo bikaba vyavuye mu matora yabaye kuri uyu wa kane igenekerezo rya 31 Mukakaro 2025, akaba yatowe ku majwi 109 kuri 111 n’ukuvuga ibice 98,1 kw’ijana(98,1%).

Mu kibanza c’Icegera ca Mbere c’Umukuru w’Inama Nshingamateka hatowe Umushingamateka Fabrice Nkurunziza yahora ari Icegera ca kabiri c’Umukuru w’Inama Nkenguzamateka, akaba yatowe ku majwi 99,1 kw’ijana(99,1%).

📌 Mu kibanza c’Icegera ca kabiri c’Umukuru w’Inama Nshingamateka naho hatowe Umushingamateka Nkezimana Boussessia ku majwi 100%.

🛑"NFASHA, NTUMPANE" (Support, don't punish)Abakenyezi bihereza ibiyovyabwenge bavugako bahura n’ingaruka mbi zihariye k...
30/06/2025

🛑"NFASHA, NTUMPANE" (Support, don't punish)

Abakenyezi bihereza ibiyovyabwenge bavugako bahura n’ingaruka mbi zihariye kubakenyezi n’ubwo n’abagabo nabo babangamiwe.

Bamwe mubo twavuganye batashimye kwivuga amazina bavugako kuva batangura kubifata batakarijwe icizere n'imiryango yabo.

📌Hari uwagize ati: " haraheze igihe kinini ndabifata, ubu mfise imyaka 30 nkaba nabitanguye nfise 12. Umuryango waranyinuvye cane kugezaho nfata ingingo yokwibera mwibarabara. Akenshi iyo nabuze uburyo bwokugura agatabi, vyarashika nkiba muhira. Bik**a ari ibibazo, abavyeyi bakampana bakananfungisha. Ubu narahevye kuja muhira kandi ntawukinyitayeho." Naranavyaye abana babiri ndi mw'ibarabara, umuryango wanje wanfashe nk'igicibwa ntiwigeze uvyitaho. Uwo twabavyaranye twabana ngaho nyene mwibarabara. Yahavuye yicwa n'igituntu. Akenshi turarwara igituntu.”

Uwundi nawe ati: " inkurikizi zokunywa ibiyovyabwenge kuri twebwe abakenyezi ni nyinshi kuko hari nigihe dufatwa kunguvu ntitumenye abadukoreye ayo mabi. Ikindi kandi turakumirwa cane. Abagize inguvu zokubivamwo birabagora kuko ikigo gifasha abifuza kubivamwo gisaba amafaranga menshi. Abenshi muri twebwe ntayo tworonka kuko abatahebwe n'imiryango yabo ni bantahonikora".

Abo bakenyezi basaba gutahurwa , gushigikirwa hako bokwihutira kubahana.

Ni mugihe kuri uno wa 26/06/2025 ari umunsi mpuzamakungu wahariwe guharanira agateka kabihereza ibiyovyabwenge.

🎤Wewe ubona uwufata ibiyovyabwenge yofashwa gute mu kibano?

🛑Mugihe hahimbazwa kuruno wa 23/06/2025 umunsi mpuzamakungu wahariwe abapfakazi, bamwe muribo barasaba ko agateka kabo ...
24/06/2025

🛑Mugihe hahimbazwa kuruno wa 23/06/2025 umunsi mpuzamakungu wahariwe abapfakazi, bamwe muribo barasaba ko agateka kabo kubahirizwa.
-----------------------------------------------------------------
Bamwe muri abo bapfakazi na cane cane abafise amikoro adashemeye twahuriye kuri sentare nkuru ya Ntahangwa baje gukurikirana imanza zabo bavugako bahohoterwa kandi bagafatwa nabi cane kubera ari abapfakazi.

👩‍🦰Anita Nimpagaritse avuga ko aho abaye abana biwe baburabuzwa bakanakubitwa mbere n'urubanza ariko arakurikirana arurwo aburanamwo n'uwundi mukenyezi mugenzi we akaba n'umubanyi wiwe yamukubitiye umwana akamusinzikaza cane kugezaho yihagarika amaraso.

Nizigiyimana Francine, ni uwundi mupfakazi w’abana 7, avuga ko umuryango y'ubatsemwo aho womushigikiy, wamuririyeko n'agatongo umugabo yamusigiye. Abona ko ubupfakazi bubakengereza cane mu kibano. Agira ati :" igeze Kure ntayitayigera ihembe".

👉Abandanya ati: " Databukwe na mabukwe bahengereye umugabo wanje ari mubitaro bagurisha itongo twari dufise. Ubu nirirwa ndiruka mubutungane ngo bundenganure sinkironka n'akanya kokwiruka ngondondere icongaburira abana."

⚖️Kuri sentare Nkuru ya Ntahangwa twahasanze kandi umushingwamanza Carine Murekerisoni na mugenzi we Kwizera Marie Francine ahanini bihaye ihangiro ryo gutabara impfuvyi n'abapfakazi-Mpore Mama "D.O.V-M.M."

🤲Bakaba bari baje nabo kwishuza imanza zabamwe mubapfakazi batishoboye basanzwe bafasha mubijanye n'amategeko. Batumenyesheje ko bari baje kuri uno munsi kuraba imanza zadindiye canke zagize ikibazo kandi zaramaze gushika muminwe y'ubutungane.

👩‍⚖️Abo bashingwamanza bihaye kuburanira abapfakazi,bavuga kandi ko basanze imanza zidaterimbere nkuko bavyifuza.

Basaba abatware kuva kunzego zo hasi gukingira umupfakazi kuko bahura n'ibibazo vyinshi.

📌Ikindi basaba n'uko abatware bokorohereza abapfakazi batishoboye mukubaronsa impapuro zerekana ko batishoboye kugira zishobore kubafasha koroherezwa muguhabwa ivyo baba bafitiye uburenganzira.

😢Aha bakaba baduhaye akarorero k'umwe mubapfakazi yarihishijwe amahera bita amagarama muri sentare angana nibihumbi ijana na mirongo itanu atamikoro afise.

✍️Icivugo c'uwu mwaka kikaba gihamagarira abakenyezi babapfakazi kudaheranwa n'ibibazo, ntibagume bagandaye ahubwo nyabuna bahaguruke babe abagira ico baterereye mw'iterambere ry'igihugu mu buryo bwabo na cane cane ko baba bafise n'abana bategerezwa kuzorera.

Abo muriko muratora ni aba !----------------------------------------------Abashingamateka 100 nibo batorwa mu 6753 bahig...
05/06/2025

Abo muriko muratora ni aba !
----------------------------------------------

Abashingamateka 100 nibo batorwa mu 6753 bahiganwa bava mu migambwe itandukanye hamwe no mubigenga, ku ntara nshasha 5 zigize igihugu c‘Uburundi.

Abajenama b’amakomine nabo bahiganwa ari 2909 ariko hagatorwamwo abatarenga 25 kw’ikomine imwe imwe muri 42 nshasha zigize igihugu.

Twibutse ko igihugu cari kigizwe n‘intara 18 ,amakomine nayo yahora ari 119. Biri muvyashikirijwe n'uwurongoye umurwi , Prosper Ntahogwamiye, kuri uyu wa gatatu, italiki 4/06/2025, aho yariko atanga ikiganiro kubamenyeshamakuru kubijanye n'aho bagejeje imyiteguro y'amatora.

Umurwi CENI ntiwashoboye guharura igitigiri c’abakenyezi bitoza. Umuvugizi wuwo murwi François Bizimana asigura ko umwanya utari kubakundira kandi vyongeye atategeko ribitegeka.

“Utagira indongozi uba ugowe.”------------------------------------------------Justine Niyonzima ni umukenyezi w’imyaka 7...
05/06/2025

“Utagira indongozi uba ugowe.”
------------------------------------------------

Justine Niyonzima ni umukenyezi w’imyaka 70 agenda yishimikije “béquilles”kuko agendana imvune yo mu kuguru.Imetero imwe ayitambuka hafi umunota wose.

N’ubwo biri uko,avuga ko anezererewe amatora ari naco gituma bitamukundiye ko aguma munzu.

Agira ati:”Natanguye gutora kuva kw’itora rya mbere ryo mu gihugu ryo kuri Rwagasore, n’abandi bose sinigeze nsiba, n’ubu ,ngihumeka nzotora.”

Yongerako ati:” Ni ngombwa ko tugira abadutwara nyabo kuko uwutagira indongozi aba agowe.”

Weho ni igiki kigusunikira gutora?

🛑Ikibazo co mwaka w'icenda cagenze neza mu ntara ya Makamba -----------------------------------------------------------...
30/05/2025

🛑Ikibazo co mwaka w'icenda cagenze neza mu ntara ya Makamba
-----------------------------------------------------------------
Nkuko bivurwa n'umuyobozi w'indero, Evariste Nzohabonayo muri commune , ikibazo co mu mwaka w'icenda cagenze neza.Abigeme bagera ku 808 kubanyeshure 1225 bari bitezwe nibo bakoze ico kibazo.

👉Murabo bari bitezwe, batatu bakaba aribo batashoboye kuboneka kumvo zuko abahungu 2 umwe yirukanywe burundu, uwundi nawe akaba yarahevye ishure, umwigeme nawe akaba yaritavye Imana.

✅Ernest Nzohabonayo abandanya avugako bashima cane ukuntu ikibazo cagenze uretse ko ku musi wa mbere ariho hibonekeje utubazo ariko dusanzwe kubera ko batanguye ikibazo bateba gato bivuye ku kubanza gutegura aho bakorera. Arashima kandi ko abigeme bitabiriye ari benshi kuko bamaze gutahura ak**aro ko kwiga.

📌Ubushikiranganji François HAVYARIMANA ari nawe yuguruye ivyo bikorwa kuri uyu wambere agashima cane ko igikorwa cagenze neza. Utubazo natwo twibonekeje nuko impapuro zariko ibibazo zakeshe ariko bakaba baciye badutorera umuti vyihuse.

✍️Umushikiranganji arongera akamenyesha ko ku gwego rw’igihugu hari hitezwe abanyeshure bagera 85.210, murabo abigeme akaba ari benshi cane gusumba abahungu, agashima ko abigeme bitabiriye amashure cane gose gusumvya abahungu.

Mwomenya ko ico kibazo catanguye kuri uyu wa mbere igenekerezo rya 26/5/2025, mu gihugu cose, kikarangira kuri uyu wa gatatu itariki 28/5/2025.

🎤Nawe Urashima ko abigeme bijukiye kwiga amashure?

👩🍐🥭🥑Abakenyezi bakora urudandazwa rwo mw'ibarabara basaba abariko baritoza ko bobavugira kugira icipfuzo c'umukuru w'ig...
20/05/2025

👩🍐🥭🥑Abakenyezi bakora urudandazwa rwo mw'ibarabara basaba abariko baritoza ko bobavugira kugira icipfuzo c'umukuru w'igihugu kibashikeko: "Umunwa wose uronke ico ufungura n’umufuko wose ubike amafaranga."

🔴Umukuru w'igihugu ati: "dukeneye ko umukenyezi nawe agira akanoti "----------------------------------------------------...
19/05/2025

🔴Umukuru w'igihugu ati: "dukeneye ko umukenyezi nawe agira akanoti "
--------------------------------------------------------
Ivyo nivyashikirijwe n'umukuru w'Igihugu Ndayishimye mumyiyamazo y'umugambwe -FDD yariko ibera mu ntara ya Burunga,kukibuga NKURUNZIZA PEACE PARK COMPLEXE c'i kuri uyu wa gatandatu itarike17/5/2025.

📌Umukuru w'igihugu Ndayishimye agira ati: "twarabonye ko umukenyezi yama agoyagoya mumuryango, ati ni kubera yama ateze amaboko,ati dukeneye ko nawe agira akanoti"

👉Abandanya amenyesha ko kurya babikoze mumugambi wo kwiteza imbere kurwaruka( ), bagiye gukora imigambi izoca ikorana nirya banki y'abankeyezi gushika aho babona ko umukenyezi nawe afise icaterera mu migambi y'urugo. Umukenyezi ntakwiye kwama imisi yose ariko arasaba umugabo.

🎤Icifuzo c'umukuru w'igihugu ucakiriye gute?

😅🫢“Ukaba witwa Njebarikanuye,ikarata y'amatora uzoyironka wamaze kurikanura”.-------------------------------------------...
15/05/2025

😅🫢“Ukaba witwa Njebarikanuye,ikarata y'amatora uzoyironka wamaze kurikanura”.
--------------------------------------------------------------

🗣Ayo ni amwe mumajambo yavugwa n'abari baje gutora amakarata y'amatora kuri kw’ishure saint Benoît riri mu Ngagara muri karitiye y’icenda.

✍️Ni mu gihe abatanga amakarata y’amatora bari mu masomero atandukanye yo kuri iryo shure bakurikije indome zitangura kumazina y’abazotora.Ariko amazina atangurwa n’indome nka “Nje” “G” hamwe n’abandi bamwe bamwe ntibariko bariyumva mubari kumakarata yariko arasomwa.

😥👤Ahandi naho nko kw'ishure ryo mu kinana ya 2 aho bita kuri Ave Mariya twahaciye abanyagihugu ari benshi cane badashobora kuronka amakarata. Bari benshi cane no mumusunikano mwinshi kugira bashobore kumva amazina ariko ariko arahamagarwa.

💪🤒Hagati aha hari n’abavuga ko baraye batondekesheje amakarangamuntu yabo ariko kugeza igihe c'isaha 16 zo kuri uyu wa 14/5/2025 bakaba bataribwaronswe amakarata kandi bavuga ko ariho biyandikishije. Ni mugihe umugwi ujejwe amatora CENI wari wategekanije ko umunsi wanyuma wo gutora amakarata y'itora ari kuri uyu wa gatatu 14/5/2025 ariko ukaba waraye wongereje ikiringo c'umusi umwe gushika kuri uyu wa kane 15/5/2025.

😅 Nawe uri Njebarikanuye ga musomyi ?

Address

Bujumbura

Telephone

+25722281678

Website

Alerts

Be the first to know and let us send you an email when Mukenyezi Magazine posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Mukenyezi Magazine:

Shortcuts

Share

Category