Iris News

Iris News Murakaze neza ku rubuga rwa Facebook rwa Iris News.

🗞️ Hano ni ho musanga amakuru y’ukuri:
🇧🇮 ayo mu Burundi, 🌍 mu karere, no 🌐 mu makungu.

Iris News is a generalist Burundian media with 6 editorial aggregates that articulate the bulk of its information offer: Entrepreneurship, Ecology, EAC, Youth, Culture and Sport. Iris News, a media from the future defines itself as « The media of possibilities » designed to help young Burundians shape a prosperous and environmentally friendly Burundi.

👨🏾‍🎤 Sat-B yatanze imburi ku ndirimbo nshasha yo mu mudiho wa Buja Piano agiye gusohorana na Chinno Kidd wo muri Tanzani...
08/10/2025

👨🏾‍🎤 Sat-B yatanze imburi ku ndirimbo nshasha yo mu mudiho wa Buja Piano agiye gusohorana na Chinno Kidd wo muri Tanzania

Inyuma y’iminsi atawuzi igihugu yari yagiyemwo, umuririmvyi w’umurundi Aboubakar Karume Bizimana yamenyesheje ko ari muri Tanzania mu bikorwa vy’umuziki 🇹🇿

Mu majambo yiwe, Sat B agaragaza ko ivyo bikorwa yitabiriye bikomeye mw'iterambere ry'umuziki wiwe.

Aho muri ico gihugu, Sat-B yakiriwe n’uwusanzwe amenyerewe mu bikorwa bikomeye mu muziki wa Tanzania, umugwizatunga azwi nka Chief Godlove, mbere amwemerera kuzomwinjiza mu mugwi wiwe

Chief Godlove ati : "Naragendewe n’umuririmvyi wa mbere mu Burundi. Twarashoboye kuganira no kurabira hamwe ukuntu 'Notes' yoshobora gushira imitahe mu muziki wo mu Burundi kugira ushikire urwego mpuzamakungu. Ubu ngiye kwinjiza Sat B mu mugwi wacu."

🎙️Amakuru ava muri Tanzania gushika aka kanya yemeza ko Sat-B agiye gukorana indirimbo nshasha n’umuririmvyi Chinno Kidd Wanna Man, azwi mu mudiho w'amapiano muri Tanzania.

➡️ Buja Piano ni umudiho uriko urafasha Sat-B kwifatira ikibuga mpuzamakungu aho no muri iki gihe ari mw'ihiganwa rya AFRIMA. Uyu mudiho, uriko umufasha kandi kuronka ama collabo n'abasani bafise izina aho agiye gukora iyigira gatatu.

🚀 Mu mbonokazoza ya Sat-B, ngo yipfuza kuzobona BujaPiano yashinze imizi igasohoka igihugu ndetse igafasha n'ingabire z'Uburundi kuyogerako.


👮🏾‍♂️ Gen. Maj Pol Joseph Ninteretse umugenduzi mukuru w'igiporisi c'Uburundi yahaye impapuro z'umutsindo intwazangabo ...
08/10/2025

👮🏾‍♂️ Gen. Maj Pol Joseph Ninteretse umugenduzi mukuru w'igiporisi c'Uburundi yahaye impapuro z'umutsindo intwazangabo zisozereye inyigisho zo kurongora ibirindiro vy'abaporisi (poste de police)

Hari ejo hahise mu kigo c'igiporosi ca ENAPO. Izo ntwazangabo zaronkejwe izo mpapuro ziri mu mugwi ugira 4 w'ishure kaminuza ry'igiporisi.

Uwo mugwi wari wasozereye ivyigwa muri iryo shure wongera ushikiriza indahiro icese umukuru w'igihugu kuwa 15 Ntwarante 2024.

➡️ Umwaka umwe inyuma, izo ntwazangabo zigiye kuramutswa ibirindiro vy'aba porisi aho barindiriwe n'amabanga atari make arimwo : kugenzura ingabo bajejwe ; gutunganya ibikorwa nk'amarondo, ubutabazi ndetse no kuzana urutonde mu kibano ; kwakira ibirego vy'abanyagihugu no guhagararira amategeko...

Ivyo biri uko mu gihe ikirindiro c'abaporisi gikorana kenshi vya hafi n'abajejwe intwaro kuva hasi kikaba ikiraro hagati ya Reta n'abanyagihugu.

🔴 AMAKURU MASHASHA - Umurongozi wa FFB yizewe na FIFA ashirwa mu mugwi ujejwe ibibuga n'umutekano muri iryo shirahamweGe...
08/10/2025

🔴 AMAKURU MASHASHA - Umurongozi wa FFB yizewe na FIFA ashirwa mu mugwi ujejwe ibibuga n'umutekano muri iryo shirahamwe

Gen. Bde Pol Alexandre Muyenge, aramutswa ishirahamwe ry'umupira w'amaguru mu Burundi - FFB ahejeje kugenwa ngo abe mu mugwi ujejwe gukurikirana ibibuga n'umutekano mw'ishirahamwe ry'umupira w'amaguru kw'isi FIFA

Iryo teka aritewe mu gihe ata kiringo kinini cari kihaciye agenywe kuba umurongonzi w'ishirahamwe ry'umupira w'amaguru mu karere - CECAFA.

📚 Hagiye gutangwa ivyigwa bitobito ku baganga, vyerekeye amagara y’abantu be n’ukwo gufungura neza.🎙️ Ivyo vyamenyeshejw...
08/10/2025

📚 Hagiye gutangwa ivyigwa bitobito ku baganga, vyerekeye amagara y’abantu be n’ukwo gufungura neza.

🎙️ Ivyo vyamenyeshejwe na Mélance Ntunzwenimana, umuyobozi w’igisata EANSI co muri Kaminuza y'Uburundi cigisha ibijanye no gufungura neza, kuri uyu wa 6 Gitugutu 2025, mu gihe hariko habera uruganda rwo kwemeza ivyigwa bijanye n’ivyo gufungura neza bigiye gutanguzwa mu minsi iri imbere.

💬 Ntunzwenimana ati : "Ivyigwa bitobito tuzotanga bitandukanye n’ivyari bisanzwe bitangwa na EANSI kuko ivyo bisanzwe vyagarukira ku nzego za Master na Doctorat, mu gihe ivyo vyo bigenewe abaganga bakorera mu bikorwa vya minsi yose kugira baronke ubumenyi bushasha."

Yongerako ati: "Abazobikurikirana ntibazohabwa urupapuro rw’umutsindo rwa Kaminuza, ariko bazoronka icemezo (Certificat) cerekana ko bakurikiranye inyigisho kanaka mu cigwa kanaka."

🩺 Ntunzwenimana avuga ko inyigisho zishasha zije gukemura ikibazo c’uko abaganga benshi mu gihugu bakenera ubumenyi burambuye mu kuvura abenegihugu mu guhe mu Burundi hasanzwe hagwiriye ingorane zo gufungura nabi. Ngo ni co catumye rero EANSI yihweza uko yobafasha muri ubwo buryo.

🔜 Izo nyigisho zitezwe gutangura imbere y’uko umwaka wa 2025 urangira, ariko zibanje kwemezwa n’ikigo kiraba ivyigwa ko vyujuje ibisabwa.

❓Twitege bishasha kuri izo nyigisho?

✈️ Papa Leo XIV agiye kugira urugendo rwiwe rwa mbere : Mu Burundi ni ryari ?🇻🇦 I Vatikano bamenyesha ko uyu mwungere az...
08/10/2025

✈️ Papa Leo XIV agiye kugira urugendo rwiwe rwa mbere : Mu Burundi ni ryari ?

🇻🇦 I Vatikano bamenyesha ko uyu mwungere azogendera ibihugu vya Turkiya na Liban mu mpera z'ukwezi kuza ni kuvuga Munyonyo.

Vyitezwe ko azovuga ku bibazo abakirisu bo mu buseruko bwo hagati (moyen Orient) bahura navyo kandi anabasabe ko habaho amahoro muri ako karere kose.

🇹🇲 Urugendo rwa nyuma rw'umu Papa muri Turkiya rwabaye mu 2014 rukaba rwari urwa Papa Fransisko. Ico gihe, Papa yashaka guha inguvu ibiganiro vy'abayobozi ba Ekleziya y'aba Orthodoxe n'abayobozi b'idini rya Islam.

🇱🇧 Liban yo yaheruka kugenderwa n'umu Papa mu 2012, ico gihe akaba yari Benedigito XVI.

Tweho ni ryari ?

➡️ Ubwa nyuma umu Papa aheruka kugendera Uburundi hari mu 1990, uwo nawe yari Papa Yohani Paulo II. Mu 2023, Papa Fransisko yari yemereye Prezida Evariste Ndayishimiye kuzogendera Uburundi inyuma y'uko uno nawe yari yagendeye Vatikano. Ntivyahavuye bishirwa mu ngiro kuko kuwa 21 Ndamukiza uyu mwaka yaciye yitaba Imana.

Muri Myandagaro 2025, intumwa ya Papa Leo yarishikiye mu Burundi gushikiriza icese isengero ya Papa ariyo Bazirike ya Mugera 🕍

Muri ivyo birori vyatewe iteka n'Umukuru w'igihugu, Cardinal Pietro Parolin yamenyesheje ko iyo Bazirika ari nayo ya mbere Papa Leo XIV yemeje kuva ashikiriye amabanga y'Umukuru w'Ekleziya.

🇧🇮 Prezida Ndayishimiye hambavu y'igisabo yashikirije co kuronswa umu karidinare, yasavye ko Papa ubwiwe yokwishikira mu kwirabira isengero yiwe isanzwe ari nayo mfura mu ma Bazirike azokwemeza.

🔵 Umuhinga Diomède Ninteretse : “Ibiciro vy’amazu ntivyoreka kuduga kuko aronderwa na benshi, abubaka bakaba ari bake”Ku...
08/10/2025

🔵 Umuhinga Diomède Ninteretse : “Ibiciro vy’amazu ntivyoreka kuduga kuko aronderwa na benshi, abubaka bakaba ari bake”

Kuri uyu wa kabiri, igenekerezo rya 7 Gitugutu 2025, umuhinga mu vy’ubutunzi Diomède Ninteretse yashikirije ko iduga ry’ibiciro vy’amazu mu Burundi rifitaniye isano n’uko abarondera amazu ari benshi, mu gihe abubaka ari bake, ndetse n’inyungu z’ingurane z’amabanki zikaba zihanitse cane.

Avuga ko muri iki gihe, kwubaka inzu bisaba ingurane ya banki iri ku rugero rwa 18%, mu gihe kera ideni ryari hagati ya 1% na 3%. Ati : “Iyo wubatse inzu ifise agaciro k’imiriyoni 300, ukayipangisha umuriyoni ku kwezi, ni make cane. Ntushobora no kuronka ayo wayubatseko, kandi mu bisanzwe inzu yategerezwa kwisubiza.”

🧱 Ku bw’uyo muhinga, umuti nyawo si ugushiraho poritike y’ibiciro ntarengwa vy’amazu, kuko Reta yigeze kubigerageza bikayinanira. Ahubwo, avuga ko Reta yokwubaka amazu yayo apangishwa ku giciro gito, nk’uko vyahora bikorwa mu bihe vya kera, kugira ngo isoko ry’amazu risubire ku rugero rusanzwe.
Ivyiyumviro vyiwe yabishikirije mu ruganda rwateguwe n’ishirahamwe OLUCOME Burundi, rwari rugamije guhanahana ivyiyumviro n’abamenyeshamakuru kw’iduga ry’ibiciro ryibonekeza mu gihugu muri iyi misi.

🔰 Rusansuma nkuru y'abenegihugu, uburaro, uburimyi n’ubworozi ntiyaheze ahubwo irabandanya🎙️ Vyashikirijwe ejo hahise na...
08/10/2025

🔰 Rusansuma nkuru y'abenegihugu, uburaro, uburimyi n’ubworozi ntiyaheze ahubwo irabandanya

🎙️ Vyashikirijwe ejo hahise na Nicolas Ndayishimiye arongoye ibiro bikuru bitunganya ibikorwa vya rusansuma BCR anarongoye na INSBU mu kiganiro n'abamenyeshamakuru kuri uyu wa 7 Gitugutu 2025.

✍️ Kuri ivyo, ibiro bikuru vya rusansuma bimenyesha abenegihugu bose ko ibikorwa vya rusansuma nkuru y'abenegihugu, uburaro n'ubworozi mu Burundi bibandanya hisunzwe ikirangaminsi cashizweho n'umugwi w'igihugu ujejwe gutanga intumbero y'ibikorwa vya rusansuma (CNOR).

🔙 Ni inyuma y'uko igenekerezo rya 16 Mukakaro 2025 hatangarijwe ibiharuro vy'imfatakibanza vyavuye muri rusansuma nkuru ya 2024 bitangarijwe. Igenekerezo rya 11 Nyakanga 2025, ibiro bijejwe ibikorwa vya rusansuma vyarasubiye birashikiriza ibindi biharuro vyerekeye igisata c'uburimyi n'ubworozi.

⚠️ Ibikorwa bijanye n'uburimyi n'ubworozi birabandanya...

💬 Nicolas Ndayishimiye amenyesha ko hariko haratangwa inyigisho ku bagiye kuzogira rusansuma y'uburimyi n'ubworozi kuva muri uku kwezi kwa Gitugutu 2025 bizohera mu kwezi kwa Ntwarante 2026.

Ha mpande y'ivyo, Nicolas amenyesha ko hagiye kubandanya rya tohoza ryatangura kuva mu mwaka w'uburimyi wa 2011-2012 mu bijanye n'uburimyi n'ubworozi (enquête nationale agricole du Burundi).

Abazokora ivyo bikorwa ngo bazohabwa inyigisho kuva ku wa 20 gushika ku wa 29 Gitugutu 2025. Ibikorwa bice bitangura mu kwezi kwa Munyonyo 2025 gushika muri Nyakanga 2026.

📌BCR irafise ico isaba abenegihugu

1️⃣ Nicolas Ndayishimiye asaba abenegihugu gusubira kwitabana umutima utekanye nk'uwo berekanye muri rusansuma nyezina, bakire neza abakozi buca baduga mu mitumba no mu misozi igize igihugu cacu c'Uburundi.

2️⃣ Abajejwe intwaro, ba Buramatari na ba Musitanteri bahimirize abenegihugu kwakira abaje gutororokanya ibiharuro vy'uburimyi n'ubworozi.

📸 : RTNB

🔵 Gabriel Rufyiri : “Abarundi dusa n’abamenyereye akabi, mu gihe ata wumenyera akabi”Kuri uyu wa kabiri, igenekerezo rya...
08/10/2025

🔵 Gabriel Rufyiri : “Abarundi dusa n’abamenyereye akabi, mu gihe ata wumenyera akabi”

Kuri uyu wa kabiri, igenekerezo rya 7 Gitugutu 2025, ishirahamwe OLUCOME Burundi ryaratunganije uruganda rwo guhanahana ivyiyumviro n’abamenyeshamakuru, ku bijanye n’iduga ry’ibiciro ryibonekeza mu gihugu muri iyi misi.

Gabriel Rufyiri, umukuru wa OLUCOME, yavuze ko ibibazo vy’ubutunzi igihugu kirimwo bituma abanyagihugu benshi babura ivyo bafungura, kandi ivyo bikaba ari uburenganzira bwabo.

Rufyiri yamenyesheje ko Reta ifise itegeko ryo gushiraho uburyo butuma umwenegihugu aronka ibimutunga, avurwa, yambara, kandi akiyunguruza, nk’uko bitegekanijwe n’amategeko y’igihugu harimwo Ibwirizwa Shingiro hamwe n’amasezerano mpuzamakungu Uburundi bwateyeko umukono.

Ariko kandi, Rufyiri asaba n’abanyagihugu ubwabo kugabanya uburyo babayemwo muri ibi bihe bigoye, ahubwo bakiga kuziganya mu gihe bamwe bamarira ubutunzi bwabo n’umwanya munini mu bubare canke mu bikorwa bidatanga umwimbu. “Dutegerezwa guhindura ingendo. Kuko iyo udakoze, umwimbu ntushobora kuduga,” niko yabisiguye.

Ku rundi ruhande, Rufyiri yavuze ko hari umuco wo kudakora cane washinze imizi mu Barundi, agatanga akarorero nk’ukuntu amasoko yugarwa kare, abantu bagatangura akazi batevye, bakaja mu karuhuko ka sasita kare, bakitahira imbere y’isaha y’akazi izwi,

🎙️ Nayo Léonce Ngendakumana, yahoze arongoye Inama Nshingamateka, yavuze ko ibiciro vy’ibidandazwa bigoye ko bisubira hasi muri kino gihe. “Ibiciro bizogorana ko bigabanuka kubera ko kera muri Reta imigambi yashirwa mu ngiro n’amafaranga avuye mu banyamahanga, ntitwigeze twiga uko imigambi yorangurwa n’amafaranga yacu bwite.”

Igipimo c'iduga ry'ibiciro muri iki gihe cerekana ko vyaduze ku bice 39,6%. Diomède Ninteretse, umuhinga mu vy'ubutunzi ati: "Mu majambo yoroshe, ibiciro biduze ku rugero nk'urwo bisigura ko ari ubushobozi bw'umuguzi buba bugabanutse ku rugero nk'urwo nyene."

Ngendakumana yavuze nawe ati : “Twarenze igihe ca 'inflation’. Ubu tugeze muri hyperinflation (iduga ry'ibiciro rikabije, rirenze urugero). Reta ikwiye kwirinda gufyatuza amafaranga mw’Ibanki Nkuru, ahubwo twige uko twokwongereza umwimbu.”

🔵 Umushikiranganji wa mbere Nestor Ntahontuye yashikirije raporo yiwe y’ubwa mbere imbere y’abashingamateka n’abakenguza...
08/10/2025

🔵 Umushikiranganji wa mbere Nestor Ntahontuye yashikirije raporo yiwe y’ubwa mbere imbere y’abashingamateka n’abakenguzamateka

Umushikiranganji wa mbere w’Uburundi, Nestor Ntahontuye, yitavye kuri uyu wa kabiri igenekerezo rya 7 Gitugutu 2025, ibikorwa ry’Inama Nshingamateka n’Inama Nkenguzamateka ziri hamwe. Hari ku ncuro ya mbere kuva ashinzwe amabanga yo kurongora Reta. Ico yaje gushikiriza cari icegeranyo c’amezi atandatu y’ishirwa mu ngiro ry’amafaranga Reta yakoreshejwe (PTBA) mu gice ca kabiri c’umwaka w’amafaranga wa 2024-2025.

📊 Nk’uko vyashikirijwe n’umushikiranganji wa mbere, amafaranga yinjiye muri Reta mu mwaka w’2024-2025 yash*tse ku 6 007 389 742 444 FBU, mu gihe hari hitezwe kwinjira 5 126 091 739 861 FBU, ivyo bikaba vyerekana umwimbu ushemeye aho ayinjiye yarenze ayari ategekanijwe agashika ku rugero rw’117,2%.
Mu bijanye n’amakori n’amatagisi, hinjiye, 2 076 570 245 801 FBU mu gihe hari hitezwe ayangana na 1 921 537 430 971 FBU, ni ukuvuga ko hinjiye ayagera ku rugero 108,1% ry’ivyari bitegekanijwe.

💰 Ku bijanye n’ingene amafaranga yakoreshejwe, Ntahontuye yamenyesheje ko Reta yakoresheje 6 097 276 023 721 FBU, mu gihe hari hategekanijwe gukoreshwa 5 939 533 749 082 FBU. Ni kuvuga ko barengeje urugero gushika ku bice 2,7%.
Yasiguye ko ivyo kurenga urugero rwategekanijwe wyatewe n’uko bidashoboka gutegekanya neza ibintu bimwe bimwe, nko mu mafaranga y’integanyabizoza ahabwa abakozi ba Reta ku bana, na rirya bigoye kumenya abana bazovuka ingene bangana, gusubiriza ivyuma vyapfuye, canke amasoko y’ifumbire, kuko amafaranga y’ifumbire ashobora guhinduka bitewe n’igitigiri c’abarimyi bipfuza ifumbire.

🙌 Abakuru b’Inama Nshingamateka n’Inama Nkenguzamateka bashimye iyo raporo, bavuga ko yerekana ko Reta yagerageje gukoresha neza uburyo bwo gukoresha amafaranga ya Reta n’aho ubutunzi bw’igihugu bugifise ingorane.

[ 8Gitugutu ] - muri kahise...📆 Turi kw’igenekerezo rya 8 Gitugutu 2025. Umunsi ugira 281 mu mwaka. Hasigaye iminsi 84...
08/10/2025

[ 8Gitugutu ] - muri kahise...

📆 Turi kw’igenekerezo rya 8 Gitugutu 2025. Umunsi ugira 281 mu mwaka. Hasigaye iminsi 84 ngo umwaka urangire. Twipfurize isabukuru nziza abavutse kuri rino genekerezo bose 🥳

⤵️ Ng'ibi bimwe mu vyaranze iri genekerezo muri kahise

🇺🇬 1980- Mu Buganda, harabaye intambara mu burengero bwa Nil

Intara ya Nil y’uburengero mu Buganda yabayemwo igitero c’abarwanyi bashigikiye uwahoze ari Umukuru w’Igihugu Idi Amin yari mu buhungiro.

Abo bagwanyi, havugwamwo n'abakomoka mu gihugu ca Sudani, barateye igisagara ca Arua, aho Idi Amin yakomoka. Ico gitero caje mu gihe igihugu cari cigije inyuma Amin, mu nteguro y'amatora y’Umukuru w’igihugu yari ategekanijwe kwezi kwa Kigarama 1980.

Abo barwanyi baratsinzwe bikomeye n’igisirikare ca Reta ya Milton Obote, ariko ico gitero cabaye imbarutso y'urukurikirane rw’intambara z’imbere mu gihugu zasambuye Ubuganda mu myaka ya 1980.

🇿🇦 1811- John Graham yashinzwe mu mabanga yo gutsimbataza amahoro i Cap

Ico gihe, umutegetsi w’Abongereza i Cap, John Cradock, yashize Lieutenant-Colonel John Graham amabanga yo kurongora ibikorwa vya gisirikare n’ubutegetsi mu bumanuko bw’ubuseruko bw'ibice vyakoronijwe n'abongereza.

Ibi vyabaye mu gihe hari impari zidasanzwe hagati y’abakoroni b’abanyaburaya n’abanyagihugu bo mu bwoko bwa "Xhosa".

Graham yahawe umugambi wo gutsimbataza amahoro, ariko vyabaye nko kugaba ibitero bikomeye ku banyagihugu bo muri ako karere.

🔥1871- I Chicago, harabaye isangaya rikomeye ry'umuriro wahitanye ibitari bike

Iryo genekerezo haradutse umuriro ukomeye cane i Chicago watumye igisagara caka umuriro mu masaha agera kuri 36.

Hasambutse inyubakwa zirenga 17.500, ku kirere kirenga "9 km²", abantu 300 baritavye Imana, abandi i ibihumbi 100 bacika abatagira aho baba.
Inyubakwa nyinshi zari zubatswe mu biti ivyatumye umuriro ukwira ahantu hanini mu mwanya muto .
Inyuma y’iyo mpanuka Chicago yaciye itangura igikorwa co kwiyubaka bushasha, hakoreshwa amategeko akomeye y’ubwubatsi.

👀 Nawe ni igiki uzirikana kuri iri genekerezo ?

07/10/2025

🎥 AMASHUSHO 🎥

Ikiza ca korera cagarutse ku murindi munini mu ntara ya Bujumbura, aho mbere abashika kuri batandatu kimaze kubahitana


🗞️ Muri Congo, Ekleziya Katorika iriyamiriza ingingo yo gucira urubanza rwo gupfa, uwahoze arongoye ico gihugu Joseph Ka...
07/10/2025

🗞️ Muri Congo, Ekleziya Katorika iriyamiriza ingingo yo gucira urubanza rwo gupfa, uwahoze arongoye ico gihugu Joseph Kabila.....

Turi kw'itariki 07 Gitugutu 2025, turabire hamwe ayayagwa

🇰🇪 : Ibanki nkuru yagabanije urugero rw’inyungu isaba izindi banki zikeneye ingurane

Banki nkuru ya Kenya CBK, yakuye uru rugero kuri 9,50% ruja kuri 9,25%. Iyi ngingo ikaba ije ikurikira inama y’urwego rw’igihugu rujejwe poritike y’ifaranga yabaye ku wa mbere Gitugutu 2025.

Ibi rero ngo bizotuma abanyagihugu ba Kenya baronka ingurane ku nyungu zitavuna kuko amabanki y’ubudandaji nayo yisunga urwo rugero rw’ibanki nkuru mu gushinga urugero rw’inyungu ayo mabanki asaba abo ahaye ingurane.

Si ivyo gusa, iyi ngingo ngo ifise n’intumbero yo gutera intege amabanki y’ubudandaji gutanga ingurane ku banyamigambi bo mu gisata c’abigenga. (Kenyans.co.ke)

🇨🇩 Mu gihugu kibanyi ca Congo , Inama nkuru y'Abepiskopi katorika "CENCO" , ngo yaratewe umutima uhagaze n'igihano c'urupfu (peine de mort) ku wahoze ari Umukuru w'ico igihugu, Joseph Kabila

Abo bepiskopi bamenyesha ko iyo ngingo yafashwe itariki 1 Gitugutu 2025, itandukanye n'inyigisho z'ijambo ry'Imana ndetse ko icanishamwo abanyagihugu. Joseph Kabila muvyo yagirijwe hakaba harimwo guhemukira igihugu "trahison" no kwifatanya n'umugwi w'abagwanyi wa M23.

Iyindi nkuru ivugwa muri RDC ni itanga imihoho rya Papy Mantezolo, arongoye inama nshingamateka y’intara ya Kongo Central, ku mugoroba wo kuri uyu wa mbere. Papy yatanze imihoho inyuma y'imishamirano mu nyubakwa y'inama nshingamateka yo muri iyo ntara aho bamwe mu bamenyeshamakuru n'abashingamateka banakomeretse, kuri uwo musi nyene.

Aho iyo nama yari yakoranye kugira yige ku gisabo co gukura uwo mukuru w'inama nshingamateka n'icegera ciwe. (Radio Okapi)

🇺🇬 Muri Uganda, umugwi ujejwe gutunganya amatora "Electoral Commission" watunganije inama hagati y’abaserukira abitoza hamwe n’igiporisi, mu ntumbero yo kugabanya ukutumvikana kumaze imisi kwibonekeza, muri iki gihe c'imyiyamamazo y’amatora y’umukuru w’igihugu yo mu 2026

Iyo nama yatunganijwe kuri uwu wa kabiri, ku cicaro c'uyo mugwi i Kampala, iremeshejwe na Justice Simon Byabakama, arongoye uyo mugwi.
Yamenyesheje ko kuva ibikorwa vyo kwiyamamaza bitanguye kw’igenekerezo rya 29 Nyakanga 2025, muri rusangi imyiyamamazo yagenze neza mu mutekano.

Ariko rero, abaserukira abitoza ahanini batavuga rumwe na Reta baneguye uburyo igiporisi kitaborohereza, bamenyesha ko babangamirwa mu gushika ahateguwe ibikorwa vyabo, iyugarwa ry'amabarabara, eka no kubagerera ku bantu batwarwa n'imiduga.

Igiporisi kivuga ko izo ngingo zose zafashwe mu ntumbero y'ugukinga neza umutekano w’abakandida n’ababashigikiye

Ni mu gihe, uwo mugwi ujejwe gutegura amatora wasohoye amatangazo atandukanye avuga ko ata mugambwe n’umwe canke umukandida akwiriye kubuzwa kwinjira aho yemerewe kwiyamamariza. (Monitor)

Address

Avenue Des Paysans, Q. Asiatique, Immeuble Garizim, #18
Bujumbura

Opening Hours

Monday 08:00 - 16:00
Tuesday 08:00 - 16:00
Wednesday 08:00 - 16:00
Thursday 08:00 - 16:00
Friday 08:00 - 16:00
Saturday 01:00 - 19:00

Telephone

+25777579809

Website

Alerts

Be the first to know and let us send you an email when Iris News posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Iris News:

Shortcuts

Share

Category