08/08/2025
🚨🎯 Ubuserukizi bwa Papa mu bwashize ahabona urutonde rw'ibizokorwa na Cardinal Pietro Parolin mu rugenzo azoba ajemwo mu Burundi.
Ku munsi wa gatatu igenekerezo rya 13 Myandagaro, Cardinal Pietro Parolin azosoma inkuka y'imisa nyeranda, yongere abonane n'abagize Inama nkuru y'Abepiskopi b'Uburundi. Inyuma y'aho azobonana n'Umukuru w'Igihugu c'Uburundi Evariste Ndayishimiye ku kirimba. Aho nyene ku kirimba, Cardinal Pietro Parolin azotera umukono ku masezerano yiharije ahuza Inama y'Abepiskopi b'Uburundi na Reta y'Uburundi akaba ari nayo masezerano ahuza Uburundi n'ikirimba ca Papa (Saint Siège). Inyuma y'aho, Cardinal Pietro Parolin azogendera Hospice Sainte Elisabeth des Sœurs Bene Umukama i Bujumbura.
Ku munsi wa kane igenekerezo rya 14 Myandagaro, Cardinal Pietro Parolin azokwugurura icese ikibanza c'ubwibukiro bwa Musenyeri Michael COURTNEY yagandaguriwe mu Burundi ari Intumwa ya Papa, yongere atanguze ibikorwa vy'ukwubaka ivuriro rizokwitirirwa Umuhisi Michael COURTNEY Intumwa ya Papa yagandaguriwe mu Burundi. Ivyo bikorwa bikazobera mu , muri Diyoseze ya .
Ku munsi wa gatanu igenekerezo rya 15 Myandagaro, ku munsi mukuru w'iyurizwa mw'ijuru rya Bikira Mariya, Cardinal Pietro Parolin azosoma inkuka y'imisa nyeranda kuri Sanctuaire marial national Regina Pacis de muri Diyoseze nkuru ya .
Ku munsi wa gatandatu igenekerezo rya 16 Myandagaro, Umunyamanga Mukuru wa Vatikano Cardinal Pietro Parolin azobonana n'Abasaserdoti kuri Grand Séminaire Saint Jean Marie Vianney i , inyuma y'aho akazobonana n'abo bita "Supérieurs Majeurs des Instituts religieux masculins et féminins". Hazokurikira inkuka y'imisa Nyeranda azosomera abanyeshure bose bo muma seminari yo mu .
Ku munsi w'Imana igenekerezo rya 17 Myandagaro, Umunyamanga Mukuru wa Vatikano Cardinal Pietro Parolin azosoma inkuka y'imisa nyeranda y'ugusozera Yubile y'imyaka 60 y'imigenderanire n'ubucuti hagati y'Uburundi na (Saint Siège), iyo nkuka y'imisa ikazobera kuri Sanctuaire de Notre Dame Trois Fois Admirable de Schoenstatt ku musozi wa i .
