La Nova Burundi, Boulevard Emery Patrice Lumumba, Bujumbura (2025)

19/09/2025

"Turipfuza ko indongozi zikora uko zishoboye kwose igitoro kiboneke kuko igitoro ni nk'amaraso y'ubuzima bw'igihugu. "Olivier Nkurunziza

Mu gihe habandanya kwibonekeza ingorane zishingiye kw'ibura ry'igitoro, icikagurika ry'umuyagankuba hamwe no kubura amazi, umushingamateka Olivier Nkurunziza arongoye Uprona asaba indongozi z'igihugu ko zokora uko zishoboye kwose kugira ngo igitoro gisubire kuboneka. Agira ati : "Tubisaba indongozi z'igihugu kuko iki ni igikorwa cazo. None ko ziri ku kivi ! ".

Iruhande y'ibura ryigitoro, uwo arongoye umugambwe uprona ko ibura ry'amazi mu ma quartiers y'igisagara ca Bujumbura ririko riratuma hari abantu barwara choléra. Mu bijanye n'ugutanga ubuzi naho Nkurunziza asaba Reta y'Uburundi kurwanya aka mwana wa mama, akazi karonkwe n'iwubikwiye aciye ubwenge.

Ivyo akaba yabishikirije mu birori vyaraye bibaye kuri uno wa kane igenekerezo rya 18 Nyakanga 2025 aho umugambwe Uprona wahimbaza isabukuru ry'imyaka 61 irangiye uwo mugambwe utsinze amatora y'abashingamateka yo kuwa 18 Nyakanga 1961. Ayo matora akaba ariyo yashikanye Uburundi ku ntahe y'ukwikukira kuwa 1 Mukakaro 1962.

19/09/2025

« Nta wokwitwaza ko ari demokarasi yazanywe n'abazungu (démocratie importée), ikibazo kiri kuri twebwe nyene. »: Gabriel Banzawitonde, umukuru w'umugambwe APDR.
Hari mu ruganda rwatunganijwe na Parcem ku musi wa mbere, umusi mpuzamakungu wahariwe intwaro ibereye.
Ireresi ya Mashariki Tv

18/09/2025

: ibikorwa vyo mu kigwati Nkurunziza City bigiye kubandanya

Ni ivyashikirijwe n'umurwi ugizwe n'intumwa z'umukuru w'igihugu c'Uburundi, kuri uwu wa gatatu.
Ni mu gihe bari baje gutanga icegeranyo c'ivyavuye mu matohoza, inyuma y'aho hari abashikiririje amakenga ko barenganijwe, abo bakaba bari bituye ibiro vy'umukuru w'umukuru w'igihugu kugira batunganirizwe.

Uwurongoye uwo murwi yamenyesheje ko uwo mugambi udashobora guhagarara kuko ari uwo guteza imbere igihugu hisunze imbonakazoza y'igihugu.

Abaserukira imiryango isaba ko yorenganurwa, yituye intwaro, n'ubutungane, bituma ibikorwa vyose vyo muri ico kigwati bihagarikwa, muri 2023, bihagaritswe na Léonard Niyonsaba yari arongoye ico gihe intara ya .
Abo banyagihugu bavuga ko bituye ibiro vy'umukuru w'igihugu. Ariko, kuri uwu wa gatatu, nta n'umwe yash*tse muri ico kibanza, mu gihe abajejwe intwaro mu Gatete bo bemeza ko bari babararikiye kuza kwumviriza inyishu bahabwa n'abo bituye.
Umuhanuzi mukuru mu biro vy'umukuru w'igihugu ajejwe amategeko n'intwaro ibereye akamenyesha ko ababazwa n'uko abo bavuga ko bafise ibibazo batitavye isango bahawe, ku ncuro zibiri zose.

Yasavye ishirahamwe ritunganya ico kigwati kudasubira kudindiza ibikorwa, ahubwo ribandanye umugambi vyihuta.

Ico kigwati ca kiri muri zone muri komine intara ya . Kirubatswemwo ishure ryisumbuye ry'indaro, Lycée AL MACKTOUM. Kirimwo amazi meza n'umuyagankuba. Kigizwe n'amahegitare hafi 70. Abafiseyo amaparasera barashima iyi ngingo, bakavuga ko iterambere ryoba ririko rirabashwara.

18/09/2025

:umukenyezi mu kugwiza umwimbu ni inkingi itaboneka naho ahura n'inzitizi zishingiye ku mico n'imigenzo imwe imwe

Abakenyezi benshi nibo bakorera mu bisata nyunganizi mbere ugasanga ibikorwa vyabo ntibizwi nk'akazi. Bituma intererano yabo inebagurwa canke nyene ugasanga ntiyemerwa kubera imico n'imigenzo imwe imwe ikumira umukenyezi. Vyashikirijwe n'umukenyezi Casey Pifer, icegera c'uwurongoye ishirahamwe Atlas Network mw'ihuriro ry'abakenyezi b'imboneza ryaraye ribereye mu gisagara ca kuri uno wa gatatu igenekerezo rya 17 Nyakanga 2025. Iryo huriro rikaba riri murukurikirane rw'indwi yahariwe umwidegemvyo mu vy'ubutunzi rwatunganijwe n'ikigo CDE Great Lakes rifadikanije na Agence de Développement du Burundi - ADB, ancienne API hamwe na

Pifer Casey mu cigwa ciwe arerekana uturorero dutandukanye aho mu bihugu nka Tanzaniya, Sudani y'epfo na Côte d'ivoire ko bashoboye guha ubwigenge abakenyezi maze bikazana iterambere.

Ku ruhande rw'abarundikazi, Spès Rusuku, umukenyezi yikorera ivyiwe abona ko yaba isoko rusangi ya Afrika canke uturusho yoba itanga bitaramenyekana mu barundikazi. Rusuku abona ko bikwiye kumenyeshwa cane. Agira ati : "ubu abantu benshi barafise terefone ngendanwa,hamwe ababijejwe boza bararungikako ubutumwa bwanditse bubivuga vyoheza bigashikira abantu benshi". Ubundi buryo abona vyocamwo ni iradiyo.

Ku bwiwe kandi amahwaniro nk'ayo barakwiye kuyatumiramwo n'abakenyezi bakorera mu rudandazwa ruto ruto hamwe n'abirimizi kuko ku bwiwe ngo abona hatumiwe abakenyezi b'incabwenge gusa.

18/09/2025

Ku gitasi, yaciwe ihadabu kuko yaborewe. Yatangishijwe ibihumbi mirongo ibiri. Ni muri komine , intara ya

18/09/2025

: uwu muyobozi ati " ndemera ko nabeshe"

Anicet Niyonzima, umuyobozi w'ishure rya komine rya , muri komine y'indero ya , mu ntara y'indero ya , yari yahaye abigisha batatu (Pontien Manirakiza, Jean Marie Iranteturuye hamwe na Emmanuel Ngenzebuhoro), impapuro zemeza ko bakoze ubukorerabushake kuri iryo shure. Ariko yasohoye urwandiko yemanga ko ivyo yashikirije atari ukuri.

Mu rwandiko yashize ahabona, Anicet Niyonzima, ashikiriza ko ko abo bantu batigeze bakora kuri iryo shure canke bakore ibikorwa vyo kwitanga kuri ryo.
Ariko, ntatomora imvo yatumye abikora.

Izo mpapuro zirakenerwa ku bashasha bipfuza kuronka akazi, cane cane ababanza gukora ikibazo co kwigisha. Umukorerabushake, ahabwa amanota y'ibanze. Abeshi bakibaza ko hoba harimwo ibiturire vyinyegeje inyuma, yoba yarahawe n'abashaka izo mpapuro, gutyo biborohere kuronka akazi biciye mu gukora ikibazo.

17/09/2025

Ugutera imbere kw'igihugu si ukubera cegereye ibahari canke ibiyaga gusa ariko biva mu migambi yaco

"Akenshi iyo twumvise ko igihugu kinaka kidafise imihora ishika kw'ibahari canke ku biyaga iciyumviro kiza ningoga n'uko ico gihugu tuvuga ko gitegerezwa kuba gikene. Abiyumvira gutyo baba bibwira ko ico gihugu kidashobora gushorera hanze, gukora urudandazwa mpuzamakungu. Ariko sivyo.
Hari uburorero dufise ku bihugu mbere bibanyi vy'uburundi nka Uganda, urwanda na Botswana. Ntitwovuga ko vyatsinze ubukene burundu ariko vyarashoboye kugabanya ubukene mu kuzana ubuzi n'ubutunzi. Umuntu yokwibaza rero ati :"Nimba ukuba igihugu gitumbereye ahantu hategereye amabahari n'ibindi arico gituma kiba gikene none ni kuki atariko biri ku bihugu bibanyi" ?

Ico twomenya n'uko na kitishikira kw'ibahari kandi kera cari gikenye kuko nta butunzi k**a gifise ariko ubu gende mundabire, baragize ivyiyumviro bivyara imigambi n'uturusho twinshi: ugukora chocolat, uguhingura amasaha (horlogerie) n'ibindi.

Ivyo bishikirizwa na Professeur Hicham El Moussaoui, umwigisha muri kaminuza akaba umwe mu bagize uruganda rw'ivyiyumviro CDE Thinktank. Yabishikirije kuri uno wa kabiri igenekerezo rya 16 Nyakanga mu bikorwa vy'indwi yahariwe umwidegemvyo mu butunzi. Bikaba vyateguwe na CDE Great Lakes, Agence de Développement du Burundi - ADB, ancienne API, hamwe na CFCIB.

Kubwa Moussaoui iyo ufise amategeko meza n'imigambi myiza ukutaba hafi y'imihora ishikana kw'ibahari ntibikubuza gutera imbere. Akabona ko n'Uburundi hamwe bwofatira akarorero kuri ivyo bihugu atacobuza ko butera imbere bugashikira ya mbonakazoza ya 2040-2060.

16/09/2025

"Urwaruka rutegerezwa kumenyera kurya ivyo rubiriye akuya, nihoumwimbu uzogwira kuko dukeneye iterambere muri kazoza"

Urwaruka ruri muri za kaminuza ngo hari urutagikunda gukora cane, rutanabishima kuko uwo akora cane hari abaca batangura kwibaza ngo none ko yibohera cane ku bikorwa, afise iki ? Ivyo bishikirizwa na Sentamba Elias, umwigisha muri kaminuza y'uburundi mu cigwa yatanze kuri uno wa mbere igenekerezo rya 15 Nyakanga 2025 aho ishirahamwe ryatunganya ikiyago cerekeye uguhanahana ivyiyumviro ku ntwaro rusangi muri Afrika.

Sentamba avuga ko muri ino misi hari abanyeshure ba kaminuza mbere bari mu gice ca kabiri (master) badashobora gusoma igitabu c'impapuro 300 ngo bagiheze. Uwo mwigisha atomora ko abanyeshure bamwe bamwe bavyivugira bati :" Izo mpapuro ni nyinshi ntazo noheza ". Ku bwiwe umuntu ageze muri ayo mashure abwirizwa gusoma vyinshi kuko nawe aba yitegurira kwandika ibitabu.

Elias Sentamba abishira mu nzira ijanye n'uburongozi aho usanga urwaruka rutagikunda ibikorwa ahubwo rushima ubutunzi umuntu aronka batarinze kuraba n'ingene vyabonetse. Ku bwiwe kugira haboneke iterambere nyaryo ni uko indongozi zotanga uburorero bwiza bwo gukora cane niho urwaruka rwoboneraho imigenzo myiza ijanye n'uburongozi nkorerabandi.

Uwo mwigisha asigura kandi ko iyo indongozi itwara neza, ntishobora kuronka ubutunzi ngo nico gituma hatorwa uburyo bwo gutunga abatwara.

14/09/2025

Womengo si i , umugwa mukuru w'ubutunzi? Ni ho nyene

Abanyagihugu bavuga ko bamaze igihe batagira amazi mu mihana yabo. Ibikorwa vyo mu nzu, kumesa, gukinjika, gukora isuku, bisaba amazi, barinda kuyatuma abakoresha amakinga, aho amakinga adashika bakemeza ko bagira ikibazo. Abakoresha amakinga barihisha 2000 Fbu kw'ibido imwe.

Ingenzi zivuga ko no mu mazu yakira ingenzi amwe amwe, ikibazo c'amazi cibonekeza, mu bwiherero bagasanga ntihasa neza, canke bakabura rimwe rimwe ayo kwoga.

Bamwe mu banyagihugu bahitamwo kwikora ku mazi y'inzuzi, kugira baronke ayo bakoresha, baziganye n'uburyo.

Aha ni ku ruzi , mu .

Bamwe bafise amakenga ko bashobora kwandura indwara zifatiye kw'isuku rike, nka Cholera, amacinya, hamwe amazi meza atoboneka.

Muri Regideso Burundi bamenyesha ko hari ibikorwa biriko birakorwa vyo gukura amazi mu (mu misozi ihanamiye igosagara) bayamanukana mu gisagara kugira amazi yiyongere mu gisagara.

13/09/2025

: abanyeshure 100 bava mu miryango ifise amikoro make baronkejwe ibikoresho vy'ishure

Intumbero ni iyo gushigikira urwaruka rw'abanyeshure bafise amikoro make ngo bazotangure ishure banezerewe. Imvukira za zone ( mu buraruko bw'igisagara ca ) zatanze amakaye n'amakaramu ku bana bava mu miryango ifise amikoro make. Ico gikorwa cabaye kuri uwu wa gatandatu.
Bakaba baronse amakaye n'amakaramu.
Nk'uko bishikirizwa na Serges Nsabimana arongoye , ishirahamwe ry'imvukira za zone Kamenge, indero ni umushinge w'iterambere, ninayo izotuma uburundi bushikira ya mbonokazoza 2040, igihugu cifashe na 2060 igihugu giteye imbere.

Nk'uko abandanya abisigura muri kino gihe ako kigoro imvukira zigira ni kugira bashigikire urwaruka rw'inkerebutsi kugira narwo ruzogaruke rufashe abandi muri kazoza.
Uwo aserukira ishirahamwe ry'imvukira ahamagarira abo banyeshure kwirinda ibisamaza nk'ama vidéos akunze gutuma abana basiba ivyigwa. Abavyeyi nabo abatera akamo ngo bakurikirane abana ku mashure, bamenye ibibagora babaronse ivya nkenerwa .

Ishirahamwe ry'imvukira za zone Kamenge ryavutse mu 2017 rikaba ryarafashe igenekerezo rya 03 z'ukwa mbere nk'umusi wahariwe indero aho baganira bagaca hirya no hino ibibazo bihanze indero muri iyo zone.

12/09/2025

🚨Urwaruka rufise hagati y'imyaka 18 na 25 rukeneye kwinjira igisirikare rurahamagawe

Guhera ku mikangara iheruka gukora ikibazo gitanga uburenganzira bwo kuja muri kaminuza bakaba baragitoye gushika ku bakeneye kwinjira mu basirikare batobato bahamagarirwa kuja kwiyandikisha.
Mw'itangazo ryasomwe na Gaspard Baratuza, umuvugizi w'ubushikiranganji bwo kwivuna abansi no kubungabunga abahoze ku rugamba kuri uno wa gatanu igenekerezo rya 12 Nyakanga 2025, imikangara yemererwa ku ngero zose ni uko baba batari musi y'imyaka 18 kandi ntibarenze imyaka 25.

Nkuko abisigura, ngo muri urwo rwego uwudakwiza 18 aba akiri umwana ivyo navyo bikaba bihanwa n'amategeko. Uwurenza 25 nawe agafatwa nk'uwushaje.

Gaspard Baratuza amenyesha ko ibibanza vyo kwiyandikishirizamwo mu gihugu cose ari ibi bikurikira :
➡️Mu ntara ya Bujumbura ni : Mukaza, Bubanza, Cibitoke, Isare.
➡️Muri Burunga naho ni i Bururi, Makamba, Rumonge na Rutana
➡️Muri Buhumuza naho bakazokwandikirwa mu Ruyigi, Cankuzo na Muyinga
➡️Muri Gitega bazokwandikirwa i Muramvya, Gitega ,Mwaro na Karusi .
➡️Abo muri Butanyerera naho ibibanza vyo kwandikirwamwo akaba ari Ngozi, Kirundo na Kayanza.

Uwo avugira urwego rwo kwivuna abansi asigura ko iri ribaye itangazo ry'intangamarara ubundi amatangazo azokwiragizwa ku biro vy'amakomine, ku biro vy'intara, kuma zone, mu masengero n'ibindi bibanza vyemewe n'amategeko y'igihugu.

12/09/2025

: abantu 6 bapfuye, 8 barakomereka mw'isanganya ry'imodokari. Ibeni na hiace zagonganye, hiace iratembagara nk'uko bivugwa n'ababibonye. Hari mu gitondo c'uwu wa gatanu w'uwa 12 nyakanga 2025, kw'ibarabara -

Photo: DR

La Nova Burundi

19/09/2025

19/09/2025

18/09/2025

18/09/2025

18/09/2025

18/09/2025

17/09/2025

16/09/2025

14/09/2025

13/09/2025

12/09/2025

12/09/2025

Address

Telephone

Website

Alerts

Contact The Business

Shortcuts

Share

Category