Radio Colombe FM

26/08/2026

🎤𝐂𝐄𝐍𝐓𝐑𝐄 𝐉𝐄𝐔𝐍𝐄𝐒 𝐊𝐀𝐌𝐄𝐍𝐆𝐄 𝐇𝐀𝐑𝐈 𝐈𝐁𝐈𝐑𝐎𝐑𝐈! 𝐋𝐈𝐍𝐎 𝐆 𝐍’𝐀𝐁𝐀𝐍𝐃𝐈 𝐁𝐀𝐍𝐘𝐀𝐁𝐔𝐇𝐈𝐍𝐆𝐀 𝐊𝐔 𝐑𝐔𝐁𝐔𝐆𝐀 𝐑𝐔𝐌𝐖𝐄

Centre Jeunes Kamenge igiye gusozera ku mugaragaro ibikorwa vyo muci "camps d'été 2026, mu birori bitegekanijwe kuri uyu wa Gatandatu, igenekerezo rya 29 Myandagaro 2026, ku kibuga c’umupira w’amaguru ca Centre Jeunes Kamenge.

🌟umwanditsi w'indirimbo "SABANTU" LinoG Umvukuri niho azoba ari aherekejwe n'urundi rwaruka rufise ingabire zidasanzwe n'umuririmvyi Ngwangwa hamwe n’abandi banyabuhinga batandukanye, intambo z'aha iwacu nizo hakurya y'amazi ,ivyese, n'ibindi vyinshi urwo rwaruka rubateguriye.

Ibi birori bizoba akaryo ko kwerekana ingabirano z’urwaruka no gusangira akanyamuneza inyuma y’igihe c’ibikorwa vyaranze "Camps d’Été 2026".

Murahawe ikaze mwese kwinjira ni ku buntu.

LinoG Umvukuri

24/08/2026

Tubipfurije intango nziza y'indwi be n'ibikorwa vyiza ! 👏🏼🎉

23/08/2026

Norvège na Slovénie nivyo bihugu bitwaye ihiganwa rya Volleyball World Beach Pro Tour 2026 !

Ni mu nkino z'umupira w'amaboko Volleyball zatanguye kuwa 19 zisozerewe kuri uyu wa 23 Myandagaro, ku musenyi wa Eden Garden Resort i Bujumbura.

🏐 Norvège ugizwe n'abasore babiri bavukana Sebastian Kjemperud na Jonah Kjemperud batsinze iseti 2-0 Leta Zunze Ubumwe z'Amerika. Mu gihe ku ruhande rw'abigeme umugwi wa Slovénie ugizwe na Kotnik hamwe na Lovsin batsinze iseti 2-0 mu mugwi wa Japon ugizwe na Yabumi na Miharu.

🏆Norvège ikaba ariyo itahukanye iryo higanwe mu bagabo mu gihe Slovénie igitahukanye mu bigeme.

23/08/2026

: Uburundi bwankiwe na Amerika gushika mu rukino rwa nyuma !

Umugwi ugizwe n'abakinyi Benjamin Vaught na Wesley Jensen bahejeje kwankira umugwi w'abarundi ugizwe na Florian Manariyo hamwe na Carmel Gakiza gushika muri Finale, mu gutsinda iseti zibiri kubusa.

🏐 Iseti ya mbere, Abanyamerika batsinze amanota 21 kuri 14, mu gihe iya kabiri batsinze 21 nyene kuri 15 y'abarundi.

📌 Mu rundi rukino rwabaye, Norvège yatsinze iseti zibiri kuri imwe ya République Tchèque. Iyo migwi reo yasezerewe muri kimwe ca kabiri gishira icanyuma ariyo Uburundi 🇧🇮 na République Tchèque 🇨🇿 baca bakina urukino rwo kugwanira ikibanza ca gatatu isaha umunani (14h00).

FINAL : 🇺🇸 USA vs Norvège 🇳🇴 (16h00)

Mwibaza ko imidari iza gutahukana uyu mugwi ?

📸 : FBVB

22/08/2026

Uburundi bubandanya bwandika amateka muri rya higanwa ryo ku musenyi !

🥳 Ku ncuro ya mbere, Uburundi bush*tse muri kimwe ca kabiri gishira icanyuma "Demi-finale" mw'ihiganwa rya Volleyball World Beach Pro Tour ririko ribera i Bujumbura.

🏐 Ivyo bikozwe n'umugwi w'abarundi ugizwe na Florian Manariyo hamwe na Carmel Gakiza, inyuma yo gutsinda amaseti abiri kubusa (2-0) n'abagenzi babo b'abarundi aribo Engambé Igiraneza na Diamel Ndayisaba mu rukino rwariko rw'igice ca kane gishira icanyuma.

📌 Ibihugu nka République Tchèque, Leta Zunze Ubumwe z'Amerika na Norvège navyo vyaronse itike yo muri kimwe ca kabiri gishira icanyuma.

✍ République Tchèque yatsinze iseti (2-1) Ubuyapani, USA yasezereye Danemark ku tsinzi y'iseti (2-1), mu gihe Norvège yatsinze iseti zibiri kubusa (2-0) bagenzi babo bava mu gihugu kimwe.

🔥 Ibihugu 4️⃣ arivyo : Uburundi, République Tchèque, USA na Norvège akaba arivyo bigiye gutana mu mitwe muri kimwe ca kabiri gishira icanyuma kuri uyu wa 23 Myandagaro guhera isaha zine z'agatondo (10h00) ku musenyi wa Eden Garden Resort.

22/08/2026

La 3ème tranche du camp de travail continue...

21/08/2026

Abasore b'abarundi bahejeje gutsinda Norvège muri rya higanwa ryo ku musenyi !

👏🏼 Bibereye kuri Eden Garden Resort ahariko habera ihiganwa rya Volleyball World Beach Pro Tour ku ncuro igira 4, aho bano basore baserukiye Uburundi bahejeje kwiherera Norvège inyuma yo gutsinda Abadagi ejo haheze.

🏐 Uwo mugwi ugizwe na Florian Manariyo hamwe na Carmel Gakiza bastinze amaseti abiri kubusa (2-0) bwa Norvège. Iseti ya mbere bayitsinze amanota 21 kuri 15, mu gihe iya kabiri batsinze 21 nyene kuri 16 y'umugwi wa Norvège ugizwe na Stian Opsahl na Mathys Mon.

📌 Ku ruhande rw'abigeme, Abarundikazi ntibakije imbere y'Abayapanikazi aho bastinzwe amaseti (2-0). Mwiseti ya mbere barushijwe cane, Ubuyapani bwatsinze amanota 21 kuri 8 mu gihe iya kabiri batsinze amanota 21 kuri 13 y'Uburundi.

20/08/2026

Uburundi ntibworohewe imbere ya Leta Zunze Ubumwe z'Amerika !

🏐 Ni muri za nkino za Volleyball World Beach Pro Tour zatanguye ejo haheze. Mu rukino rwabo rwa mbere, umugwi w'Uburundi ugizwe na Dany Jordi Ishimwe hamwe na Below Haragakiza uhejeje gutsinda n'umugwi w'Abanyamerika ugizwe na Benjamin Vaught na Wesley Jensen.

📌 Mw'iseti ya mbere, Abanyamerika batsinze amanota 21 kuri 18 y'Abarundi, mu gihe iya kabiri batsinze kandi amanota 21 kuri 12. Urukino rurangira ku tsinzi ya Amerika amaseti abiri kubusa bw'Abarundi (2-0).

Urundi rukino rwabaye, umugwi w'Ubayapani bugizwe na Shuma Watanabe hamwe na Takuya Toda batsinze iseti (2-0) umugwi wa Norvège ugizwe na Jonah Kjemperud na Sebastian Lyngaas.

20/08/2026

19/08/2026

Umugwi w'Uburundi watanguye neza muri rya higanwa ryo kumusenyi !

🤩 Rya higanwa twamye turababwira ry'umupira w'amaboko Volleyball Beach Pro Tour ryatanguye kuri uyu wa 19 Myandagaro ku musenyi wa Eden Garden Resort. Ibirori vyo kwugurura iryo higanwa bikaba vyitabiriwe na Nyenicubahiro Umukuru W'igihugu, Evariste Ndayishimiye.

🏐 Mu rukino rwa mbere rwakinywe ku ruhande rw'umugwi w'abahungu aribo Florian Manariyo na Carmel Gakiza baserukiye Uburundi birahiye Ubudagi burimwo Nikolai Terpe na Long Tran amaseti abiri kubusa (2-0).

📌 Mwiseti ya mbere Uburundi bwatsinze amanota 21 kuri 10 y'umugwi w'Ubudagi, iya kabiri baciye basubira gutsinda amanota 21 kuri 14. Bikaba vyabonetse ko uyu mugwi w'Uburundi warihejuru cane aho berekanye ubuhinga budasanzwe mu ntango ry'ihiganwa.