BmbcBroadcasting

12/08/2025

VATICANO-GITEGA-- Kw'isaha y'umunani y'umuhingamo wo kuri uyu wa kabiri igenekerezo rya 12/08/2025, niho nyenicubahiro Kardinali Pietro Parolin, Umunyamabanga wa Leta ya Vatikano yashika ku kibuga c'Indege ca Bujumbura citiriwe President Melchior NDADAYE. Yakiriwe n'icegera c'umukuru w'igihugu c'uburundi, Prosper BAZOMBANZA, Abepiskopi b'i Burundi, abasaserdoti, abihebey'Imana, n'abakristu batari bake. Umurisho w'ingoma, intambo n'amashi biri muvyaranze abaje gusanganira uwo mush*tsi w'iteka. Yakiriwe icese ku kirimba c'ubuserukizi bwa Papa mu Burundi.

(Isoko: Radio Mariya Burundi)

07/08/2025

Nimurondere abagore beza nimba murondera kugera ku nttsinzi umuririnvyi w'umunya Nigeria akaba n'umurwizatunga Oluwatosin oluwole Ajibase, azwi kwizina rya Mr Eazi, yerekanye ko umugore mwiza kandi ushoboye arimwe mu bintu nyamukuru zifasha umugabo gushika kure hashoboka.
Ivyo akaba yabivugiye mu kiganiro yagiranye n'umwe mubakora ibiganiro ku mbuga ngurukana bumenyi wo muri Gambiya, yamusanze arikumwe n'umugore wiwe Temi otedola, ubwo bari mu mabarabara i Londres mu bwongereza.
Ico gihe yari abajijwe ibanga ry'instinzi k'umuntu wese ashaka kugera kure, Mr Eazi yaciye yishura ati: "Gurongora umugore mwiza" yemeje ko ari intambwe ikomeye ifasha cane mu rugendo rw'ubuzima, cane cane ko iyo umurongoye akuba hafi, agushigikira kandi akakwihanganira mu bihe bitandukanye. Yaravuze kandi ko urwaruka cane cane abasore, bagomba gutsimbataza imico irimwo n'indero, kwihangana no gutinya Imana, kugira ngo bubake ubuzima bukomeye kandi bufise kazoza.

05/08/2025

GITEGA/PORITIKE - Inyuma yo kugena no kurahiza Umushikiranganji wa mbere Nesitori Ntahontuye, ku mugoroba wo kuri uyu wa kabiri 5 Myandagaro 2025, Umukuru w'Igihugu Evariste Ndayishimiye yagenye abashikiranganji bagize urwego Nshingwabikorwa.

Inama Nshikiranganji igizwe n'abashikiranganji 13 gusa, iruhande y'Umushikiranganji wambere, mu gihe hahora 15. Uretse Umushikiranganji wa mbere, abashikiranganji batatu nibo bagarutse, harimwo Mariya Shantare Nijimbere yahawe kurongora Ubushikiranganji bwo kwivuna abansi no kwitaho abahoze ku rugamba, avuye mu bushikiranganji bw'ubudandaji, amahinguriro, gutwara abantu n'ibintu n'ingenzi. Abashikiranganji bagumye mu bisata bahoramwo ni Lidwina Baradahana ajejwe amagara y'abantu hamwe na Faranswa Havyarimana ajejwe indero.

Hari kandi ubushikiranganji bwaguwe mu guteranirizwamwo ibisata bitari bike bitari bimenyerewe kujana, birimwo ubushikiranganji bw'imigenderanire bwongeweko ivyerekeye imiryango mpuzakarere (Umuryango wa Afrika y'Ubuseruko, Umuryango wa Afrika yo hagati, COMESA...), hamwe n'Ubushiranganji bw'Ubutare n'agataka n'amasoko ntanganguvu bwongewe ko amahinguriro, ubudandaji, ingenzi.

05/08/2025

Bimwe mu bikorwa vyinshi BMBC imaze kurangura haba mu gisagara ca Bujumbura no mu gihugu hagati.
Twiture birashoboka.

05/08/2025

05/08/2025

Mbega mwebwe vacance muzigirira hehe?
Ntahandi tuja atari kugatumba iyo twataye uruzogi

05/08/2025

GITEGA _ Inyuma y'ukwemeza n'Inama Nshingamatega na Nkenguzamateka, Nesitori Ntahontuye ahejeje kugenwa n'itegeko ry'Umukuru w'igihugu nk'Umushiranganji wa mbere wa Reta y'Uburundi.

05/08/2025

GITEGA _ Gerevazi Ndirakobuca yahora ari umushikiranganji wa mbere wa Reta y'Uburundi niwe yatowe ngo arongore Inama Nkenguzamateka y'Ikiringo ca 2025 - 2030.

Ivyegera vyiwe ni Jeneroza Ngendanganya na Korotirida Kampimbare.

05/08/2025

KIGOBE - Inyuma y'igihe gito agenywe kuba Umushikiranganji w"ikigega ca Reta n'imigambi y"iterambere, Nesitori Ntahonkuye niwe ahejeje kwemezwa n'Inzego zijejwe gushinga amategeko ngo abe Umushikiranganji wa mbere wa Reta y'Uburundi.

Asubiriye Gerevazi Ndirakobuca aheruka gitorwa nk'Umukenguzamateka.

05/08/2025

:Mwipfuza kwubakirwa inyubakwa zikomeye kandi zizira akanenge? Nta bandi muzoronka ntanahandi muzokura abubatsi babikora neza bakabikorera igihe ndetse ninyubakwa yawe ukayishikirizwa ku mwanya uyikenereyeko.

04/08/2025

GITEGA . - Abagize Inama Nkenguzamateka y'ikiringo ca 2025 - 2030 bakoranye mw'isasa ryambere ry'urwo rwego kuri uyu wa mbere 4 Myandagaro. Nk'uko biri mw'itegeko ry'Umukuru w'igihugu ritumako iryo sasa, vyitezwe ko hashirwaho amategeko ngenderwako y'Inama Nkenguzamateka, hamwe n'ugutora abagize ibiro vy'urwo rwego.

Ibikorwa vy'Inama Nkenguzamateka vyari vyuguruwe icese ku wa 1 Myandagaro 2025 na Emmanuel Sinzohagera yahora ayirongoye mu kiringo ca 2020-2025.

Isasa ryo kuri uyu wambere rikaba riyobowe n'Umukenguzamateka Yozofina Nyiraneza ariwe akurira abandi bose mu myaka y'amavuka nk'uko Ibwirizwa Shingiro ribitegekanya.

04/08/2025

GITEGA. - Isengero ya Katolika ya , imwe mu zambere zubatswe mu Burundi yatewe iteka na Papa Leho w'XIV ryo kuba Isengero Nkuru yo ku rwego bita "Basilique" mu gifaransa. Iyo nkuru yamenyeshejwe na Kardinali Michael Czerny, ajejwe igisata c'Iterambere ry'Umuntu mu biro vya Papa, mu gihe yakirwa n'Umukuru w'Igihugu Evariste Ndayishimiye kuri uyu wa mbere 4 Myandagaro.

Isengero yashinzwe n'Abamisiyonari mu 1899, ikaba ariyo ya kabiri yubatswe ku butaka bw'Uburundi ikurikiye Muyaga (1896). Niyo kandi yabaye isengero yambere yo ku rwego rwa Katedrale mu Burundi.