28/05/2026
Musitanteri wa Komine asaba indongozi kuba imbere y'abandi bakigisha abenegihugu iterambere bababereye akarorero.
Ivyo yabishikirije kuri uyu wa 26 Rusama 2026, mu nama y'umutekano yo kwerekana indongozi zijejwe ibisata muri komine. Iyo nama ikaba yabereye muri zone .
Muri iyo nama, yamenyesheje ko urudandazwa rwo mu kinywabi ruhari na cane cane ku mitumba ihana imbibe n'igihugu ca Tanzaniya, aca asaba kurutuza. Akaba yibukije n'abipfuza gushinga ingo ko babwirizwa kuba heza.
Ku kibazo c'ubutungane, musintanteri akaba yaraneguye ingendo y'abajejwe ubutungane n'inyamiramabi zo mu mazone bacira imanza abenegihuguu bo mu mazone badakoreramwo. agasaba indongozi gukurikirana abenegihugu babo ngo ntibarenganywe, ibibazo vyose ahubwo ngo biherere muri zone yabereyemwo icaha. Akaba yasavye indongozi mu ntwaro, mu butungane no mu nyamiramabi gukorana neza umwe wese atarengereye mugenzi we.
Mu bibazo, abakuru b'amazone bakaba bamenyesheje ibibazo bijanye n'indero aho utuzu twa surwumwe ku mashure menshi twuzuye, ifumbire y'impeshi itashoboye kuboneka hamwe hamwe, co kimwe n'umutekano muke uturuka ku kaborerwe, ikibazo c'ibiciro vy'ibinyobwa vya Brarudi bidakurikizwa, abana bakurira mw'ibarabara bakavamwo abasuma, urudandazwa rw'amavoka rucinyiza umwenegihugu n'ibindi.
Abarongoye amazone bakaba bamenyesheje ko abenegihuguu barongoye bijukiye iterambere bishimishije ariko bakabandanya kubahimiriza gukora cane kugira ngo bashikire imbonakazoza ya 2040-2060.
