InaMuco-Menya

12/02/2025

Banki ni ikigo kijejwe ivyo kurungika, kwakira no kubika amafaranga. Igira uruhara runini mw’iterambere ry’ubutunzi kuko ifasha abantu n’amashirahamwe kubika amafaranga yabo neza no kuyakoresha mu buryo bubereye.

Akarorero: Dufate ko Yohani ari umudandaza hano mu Burundi. Agira abike amafaranga yiwe muri banki kugira ntiyibwe canke ngo ayatakare. Ibi bimufasha kandi kworohereza urudandazwa rwiwe kuko ashobora kuriha abo agurako vyoroshe akoresheje uburyo butandukanye bwo kuriha ama Banki asanzwe akoresha.Yohani ashobora kandi kuzosaba ingurane muri iyo Banki abikamwo kugira yagura urudandazwa rwiwe.

Abantu benshi bakoresha amabanki buri munsi, ariko ntibazi neza ukuntu akora. Muri iyi nkuru, tuzokwiga ico banki ari co, igikorwa cayo n’ukuntu ikora. 1. Banki ni iki ? Banki ni ikigo kijejwe ivyo…

23/01/2025

11/06/2024

Ijambo ryo gusaba umugeni aho hambere hahise.

💃Aho hambere baravuga ijambo riryohoye mu gusaba umugeni yemwe.

📝Nkuko tubisanga mu gitabu "Imigenzo y'ikirundi" canditswe na Jean Baptiste Ntahokaja, ijambo bararyitondera bikwiye.

Ngo Se w'umuhungu amaze kuresha akemererwa, ubona ko ariwe yaronderera umgeni umuhungu wiwe, yararondera inzoga inka ikazigendera imbere yimirijwe n'umushingantahe bagana iwabo w'umukobwa.

Bash*tse, umwe mu basangwa yaraza akaba arabaganiriza ngo ntibarambirwe, aho rero abavyeyi baba bariko barategura icicaro n'inzimano.

Banyoye bagejeje hagati, nyene kuzana inkwano agashikiriza ijambo ryamu*indukanye ati:"Gira Mwambutsa! Urantunga uramburana untere iteka ritegwa abasavyi, umbere amasabo nkubere umusavyi uze untume iyo ushaka!Ngusavye umpe inka muntu niwangomwa uzoba urampa inka mbaa, Gira Mwambutsa"

Nyene urugo akamwishura atenyenya nk'uwudashaka agira ati:"Gira mwambutsa! Ijambo ryawe ndaryumvise kandi ndagukengurukiye, ariko rero inka muntu uvuze ntayo mfise ntiharagera ko hari n'uworicisha mukanwa ; yonahabaye n'uko itarakura yokugora iragira. Kira izuba noye kukwicisha ku rutendeko, ugende uronderere ahandi kuko iyihari nabene kuyigabirwa si abo muri iyi myaka ya vuba, Gira mwambutsa"

Wa mushingantahe yashoreye inkwano kuko abazi ko mu migenzo y'Abarundi atawuca yemera ico yasabwe naho yoba azi ko ari bugitange, aramusubiza ati:"Gira Mwambutsa aho ubona nakwisunze kuko ariwe umutima wanje watumbereye, abakunzi bari benshi abavyeyi bari isinzi ariko nabarenganye nitura kuri wewe. Nakwo ukugira ngo inka ntirakura aho aho ndi aho na jewe sindi umwana, noyikurerera ikamara inka umukeno, n'ikiyishikura ngo ivumbuke ningoga sinkiyobewe najewe narazitunze n'ubu ndacahembera buhorobuhoro, ishikira hamwe n'iyindi nzozibungabungira hamwe uzobiraba uze uhimbarwe"

Senaka akaca yatura ati:"Gira mwambutsa, ego data niko iyo nka ndayikwemereye yamara ntiwumve ngo yitwa inka muntu isangiye izina n'inka ikayirusha kugora. Ndaguhaye umuhango nsigaye ndaja inama n'uwo tumusangiye urazi umwana ni uwababiri ubutigu bugeze uzogabana, genda mbere ube uritegura uce ibicaniro, gira mwambutsa."

Wa mushingantahe agaca abwira abo vyazananye kumukuza ubwatsi bagakoma amashi akamuhereza ubwatsi ati :

"Uragahora uragaba ndagukuriye ubwatsi nibwuma ntukume mugenzi "

Uwundi mushingantahe wo mu muryango akabitsa agira ati :

"Gira mwambutsa, amajambo yanyu aranaryoshe musabanye musa nakare usaba umwiza mugasa none bagenzi muragahana inka n'abageni mwunge ubumwe Indavyi ibahezagire, iyo nkwano igwire abana babane neza basagasage nk'urucaca bavyare bereka umwami n'abagabo gira mwambutsa"

Gutyo umugeni bakaba baramutahukanye.
Ariko ntibaca bamutwara, barabaha umuhango bakazogaruka

💁mbega yemwe muri iki gihe naho ijambo ryo gusaba umugeni ryifashe gute?

Hamagara uwo woba u*i azi gusaba umugeni neza aze atubwire😊

📷 : Jimbere Magazine

07/06/2024

Insiguro y'ijambo "gukura ubwatsi" yamenyekanye

📣 Mbega bwakeye ga bakunzi b’Akanyaburunga? Tubipfurije amahoro atari amahorerane, impore atari imporero ni bibasage musagarare.

🌝Muri wa mwitwarariko wo gusubiza amaso inyuma ngo tumenye aho sokuru yadukuye natwe tubandanye ikivi tutakivirira, uyu musi twagira tuyage ku mugirwa wo "gukura ubwatsi".

🙏Ababimenyereye bemeza ko ugukura ubwatsi ari ugukenguruka bimwe vy’imvamutima, ugushima ushimitse ushimira uwakugiriye neza. Ntaho tuba dutaye. Ariko twokwibaza iyo iyo mvugo yavuye. Rifise inkomoko hehe, vyatanguye bite, mbega hoho ni inde yakura ubwatsi ? Egera tukugerurire.

✍️Inkomoko ni iyahe? Nk’uko twabiyagiwe n’umwigisha wo muri Kaminuza Denis Bukuru mu kiyago yagirishije mw'iseminari nkuru y'i Burasira hari ku wa 19 Rusama 2017, Umugirwa wo "gukura ubwatsi" wakorwa n’umwimukira. Uwuvuye mu ntara ya kure canke mu kindi gihugu maze akagomwa kwimukira i Burundi yarishikana ku mutware w’akarere akamushikiriza icipfuzo c’uko yagomwe ico gihugu. Uwu mutware yaramurekurira kwirabira umutumba ata muntu n’umwe arawufata maze nawe akikebera akarere gakwiye. Yaragendura ahamukwiye, agafata ubwatsi.

🌾Ugufata ubwatsi ng’uku uko vyagenda, nyene kubikora yagenda mu mfuruka zine z’aho yagomwe agafata imiganda y’ubwatsi akayimanika mu biti birebire biri muri za mfuruka kugira nihaza abandi bazobone ko ako gatumba kafashwe. Yaraheza rero agasubira inyuma mu mamuko, akaza kuzana umuryango wiwe. Ngo aze gushika, agahitana ababanyi bakagenda bakamanura bwa bwatsi bumanye hejuru mu biti bakabushira umutware, nyene kwimuka akabwira umutware ati : "Ndakuye ubwatsi, urantunga umburane". Agaheza agatanga inzoga yo gushima ko ash*tse aho yashaka, akayiha ababanyi bose ngo bamenyeko yaje aje ngo babane ; iyo nzoga niyo bita "agasimbamugazo". Ukwo niko gukura ubwatsi.

🙌Hari iyindi migirwa yakora kugira abasangwa bamwizere ko koko azanywe n’agatima ko kubana neza no kwubaka igihigu. Tuzoyigarukako mu nkuru zacu zohanyuma.

❓Mbega ubu hoho bite ? Kuri iyi ngoma ya none, iyo umuntu yimutse aho mukibano mubona bihora bimera gute? Akanya ni akanyu dusangire ikiyago.

Sangwa Impundu n’impuzu !