07/08/2025
🤌🤌 MENYA IMANA📖📖 (igice ca 01)
----------- ---------- ------- --------- ----------
N'ikintu gikuru ku muntu wese kumenya Imana, _(Ubu ni bgo bugingo budashira, ko bamenya wewe, Imana yonyene y'ukuri, n'uwo watumye, Yesu Kristo. Yoh 17:3_). Kumenya Imana kuri n'igiciro kinini kiruta ubundi bumenyi bgose. Kubg' ico dukwiye kwubaha impanuro y' umuhanuzi yavuze, ngo _*Enda tumenye Uhoraho, tugire umwete wo kumumenya*,_ Hos. 6:3.
Imana yihishuye mu buryo bginshi. Yihishurira mu vyo yaremye *Zab 19:1-3, Rom 1:20*, yihishurira mu bibaho, no mu mitima yacu ubwacu, *Rom 2:14-15.* Uguhishurwa kw'Imana gukuru tugusanga mw'ijambo ryayo, *ari we Jambo yihaye umubiri, Yesu Kristo*, Yoh 1:14,18, no mw'ijambo ryanditswe, ari ryo *Bibiliya*
*IMANA IY' ARI YO*
1. *IMANA N'IMWE,*_(Ni mwumve, yemwe Bisirayeli: Uhoraho Imana yacu ni we Uhoraho wenyene; Gus.6:4)_. "Izindi mana" zose n'ubusa kukw' ari ibigirwamana, *Yes. 44:9-18*, *1kor. 8:4-6* .Kw'Imana ar' imwe vyinshi vyo muri Bibiliya handitswe ivya *Data wa twese, n'Umwana na Mpwemu yera* , nko muri Matayo 28:19 _(Nuko ni mugende, muhindure amahanga yose abigishwa, mubabatiza mw izina rya Data wa twese n'iry' Umwana n'irya Mpwemu Yera)_, 2 Kor 13:14 _(Ubuntu *bg'Umwami wacu Yesu Kristo* , n'urukundo *rw'Imana* , n'ubumwe buva kuri *Mpwemu Yera* , bibane namwe mwese. 2 Ab'i Korinto 13:14)_ . Hagati muri bo har' ubumwe butangaje, ni co gituma Yesu yavuze, ati *Jewe na Data tur' umwe,*(Yoh 10:30). Gereranya *Yohana 10:38* _(...kugira ngo mumenye, mutahure, yuko Data ari muri jewe, nanje nkaba muri Data.)_ na *Yohana 14:9-11* _(Yesu aramubaza, ati Mbega ko nabanye namwe igihe kingana girtyo, nturakaruha ummenya ga Filipo? Ubonye jewe aba abonye Data: non' uvuga ute ngo Twereke So? Ntiwizeye ko jewe ndi muri Data, na Data ari muri jewe? Amajambo mbabgira s'ayo nigeneye, ariko Data aba muri jewe ni we akora ibikorwa vyiwe. Ni munyizere ko ndi muri Data, na Data ari muri jewe, bibuze, mupfe kwizera kubg' ibikorwa ubgavyo)
IGICE CA 2 TURAKIBAHA.
