Isange Media

06/06/2026

🌱🇧🇮 : Hatangujwe inyigisho ku buhinga bwo gukora nyabarega

Mu ntumbero yo guteza imbere uburimyi no kwongereza umwavu w'ibiterwa, Umuyobozi w’uturere mu ntara ya Gitega, Sevérin SINZOBATOHANA, afadikanije n'abandi bayobozi, yatanguje inyigisho zihabwa abenegihugu bo ku mutumba Kibimba ku bijanye no gukora no gukoresha inyabarega.

📌 Muri izo nyigisho, berekanye uburyo bwo gutegura ikinogo c’inyabarega, ibikigiyemwo n'uko hakoreshejwe ibikoresho bitandukanye birimwo ibisigarira vy'ibiterwa n'ibindi bishobora kubora.

🎙️ Micheline NINAHAZA, Umunyamabanga Nshingwabikorwa, yavuze ko iyo gahunda igamije kwongereza umwavu k**a no guteza imbere umwimbu w'abarimyi.

🌿 Sevérin SINZOBATOHANA yahamagariye abenegihugu kubungabunga ibidukikije, kworora ibitungwa bitobito no gukorera hamwe mu makoperative kugira baronke inyigisho n'ubufasha bukenewe.

🌱🇧🇮

04/06/2026

🏐 𝐍𝐤'𝐮𝐤𝐨 𝐛𝐚𝐬𝐚𝐳𝐚 𝐛𝐚𝐛𝐨 𝐛𝐚𝐛𝐢𝐤𝐨𝐳𝐞, 𝐚𝐛𝐚𝐫𝐮𝐧𝐝𝐢𝐤𝐚𝐳𝐢 𝐧𝐚 𝐛𝐨 𝐛𝐚𝐭𝐬𝐢𝐧𝐳𝐞 𝐒𝐮𝐝𝐚𝐧𝐢 𝐲’𝐄𝐩𝐟𝐨 𝐦𝐮 𝐦𝐢𝐤𝐢𝐧𝐨 𝐲’𝐚𝐤𝐚𝐫𝐞𝐫𝐞 𝐤𝐚 𝐠𝐚𝐭𝐚𝐧𝐮.

Mu nkino ziriko zihuza akarere ka gatanu (Zone V) ziriko zibera i Kampala mu gihugu ca Uganda, umugwi nserukira gihugu w’abigeme mu rukino rwa Volleyball wakomeje kwerekana urwego rwiza mu gutsinda igihugu ca Sudani y’Epfo amaseti 3 ku busa (3-0).

Abarundikazi berekanye ubuhanga n’umwete udasanzwe muri urwo rukino, batsinda amaseti yose atatu ata n’imwe barekuye. Kuva urukino rutanguye gushika rurangiye, bagumye bayoboye umukino kandi berekana ko biteguye neza guhangana n’abo bari bahanganye.

Iyo ntsinzi ije ikurikira uwari iya abahungu, ibintu vyerekana ko Volleyball y’Uburundi iriko iratera imbere kandi ikaba ifise ubushobozi bwo guhiganwa ku rwego rw’akarere.

Abakunzi b’inkino mu Burundi barabandanya gukurikirana n’ishaka ryinshi uko imigwi yabo yitwara muri ayo mahiganwa, bizigiye ko izobandanya gushikana ibendera ry’Uburundi kure.

🇧🇮👏 Turakeje abarundikazi bacu kuri iyo ntsinzi nziza, tubipfurije no kubandanya bitwara neza mu nkino zisigaye.

🏐🇧🇮

01/06/2026

🏐🇧🇮 AMAKURU YA SPORTS : UBURUNDI MU RUGAMBA RWO KURONDERA ITIKE MURI ZONE V I KAMPALA

Imirwi nserukiragihugu y’Uburundi mu nkino za Volleyball, iy’abakenyezi n’iy’abagabo, iri i Kampala muri Uganda aho yitabiriye ihiganwa ryo kurondera itike ritegurwa na Confédération Africaine de Volleyball (CAVB) mu karere ka Zone V.

Ayo mahiganwa ni ay’ak**aro kanini kuko azofasha kumenya imigwi izokwitabira amahiganwa ya Afurika hamwe n’urugendo rugana mu nkino mpuzamakungu za Los Angeles 2028 Olympics.

📅 Urutonde rw’inkino zo kuri uyu wa 1 Ruheshi 2026

🏐 Mu bagore
🇺🇬 Uganda 🆚 🇧🇮 Uburundi
🕚 Isaha 11:00 zo mu Burundi

🏐 Mu bagabo
🇺🇬 Uganda 🆚 🇧🇮 Uburundi
🕖 Isaha 19:00 zo mu Burundi

📍 Inkino zose zirabera muri Lugogo Indoor Stadium i Kampala, muri Uganda.

👏🇧🇮 Twese hamwe turashigikire izo ntwari zacu kugira ziserukire neza igihugu c’Uburundi muri ayo mahiganwa ahambaye. Ubutumwa bwanyu bwo kubatera intege burafise ak**aro kanini mu kubafasha kwitanga cane ku kibuga. 🇧🇮🏐

29/05/2026

🇧🇮🇨🇳 #𝐁𝐮𝐫𝐮𝐧𝐝𝐢 : 𝐔𝐛𝐮𝐬𝐡𝐢𝐧𝐰𝐚 𝐛𝐰𝐨𝐧𝐠𝐞𝐲𝐞 𝐠𝐮𝐬𝐡𝐢𝐠𝐢𝐤𝐢𝐫𝐚 𝐢𝐠𝐢𝐬𝐚𝐭𝐚 𝐜’𝐢𝐭𝐚𝐧𝐠𝐚𝐳𝐚𝐦𝐚𝐤𝐮𝐫𝐮 𝐦𝐮 𝐁𝐮𝐫𝐮𝐧𝐝𝐢.

Ubufatanye hagati y’Uburundi n’Ubushinwa burabandanya gukomera cane, cane mu gisata c’itangazamakuru n’itumanaho. Kuri uyu wa kane igenekerezo rya 28 Rusama 2026, Umuyobozi mukuru w’Ikigo kijejwe kumenyesha amakuru mu Burundi (ABP), Esper Noël Ngendakumana, yakiriye ambasaderi w’Ubushinwa mu Burundi Zhu Kewei hamwe n’abo bakorana ku cicaro c’ico kigo.

Muri urwo rugendo, Uwuhagarariye ubushinwa mu Burundi Zhu Kewei yashikirije ABP ibikoresho bitandukanye bigenewe gufasha abamenyeshamakuru gukora neza akazi kabo. Ivyo bikoresho birimwo camera y’akazi, ordinateur portable, amaterefone ane yo mu bwoko bwa Spark 40 hamwe na routeur internet n’ibindi bikoresho vy’ikorwa ry’amakuru n’amasanamu.

Nk’uko Zhu Kewei yabishikirije, iyo mfashanyo igamije gukomeza ubufatanye hagati y’Ubushinwa n’Uburundi mu gisata c’itangazamakuru no guteza imbere ikwiragizwa ry’amakuru ajanye n’imigambi y’ubufatanye hagati y’ibihugu vyompi. Yarongeye ashimangira ak**aro ko gukomeza ubucuti n’imikoranire hagati ya ABP n’ikigo c’amakuru c’Ubushinwa Xinhua kugira ngo isura nziza y’Uburundi imenyekane cane mu Bushinwa no kw’isi yose.

Ku ruhande rwiwe, Esper Noël Ngendakumana yarashimiye cane Leta y’Ubushinwa kuri uwo mfashanyo yavuze ko ufise ak**aro kanini mu guteza imbere igisata c’itangazamakuru mu Burundi. Yasavye kandi ko hoguma hategekanwa inyigisho n’amahugurwa ku bamenyeshamakuru b’Abarundi mu Bushinwa kugira ngo barushirize ubumenyi mu mwuga wabo.

Impande zompi zarasubiye kwemeza ko zigiye kubandanya gutsimbataza imigenderanire myiza n’ubufatanye hagati y’Uburundi n’Ubushinwa, cane cane mu gisata c’itumanaho, indero n’iterambere.

28/05/2026

🎙️🇧🇮 Umurwi nserukiragihugu w’abigeme batarenza imyaka 17 bo muri Ethiopie wash*tse mu Burundi kuri uyu wa kane, igenekerezo rya 28 Rusama 2026,muntumbero yo kwitegurira urukino rwo kwishura ruzowuhuza n’Uburundi ku wa gatandatu igenekerezo rya 30 Rusama 2026 ku kibuga Intwari i Bujumbura.

Urwo rukino uri mu nkino zo kurondera itike y’Igikombe c’Isi c’abigeme batarenza imyaka 17 categuwe na FIFA. Mu rukino rwabereye muri Ethiopie, Uburundi bwatsinzwe ibitsindo 2 kuri 1, ariko Intamba mu Rugamba ziracafise icizere co gusezerera uwo mugwi mu gihe zotsinda umukino wo kwishura.

27/05/2026

🏀🇧🇮 Kuva kuri uyu wa kabiri igenekerezo rya 26 Rusama 2026 hatanguye imyimenyerezo y’umurwi nserukira gihugu w’abatarenza imyaka 18 w’uBurundi mu kwitegurira inkino zo mu karere ka Zone 5 zitegekanijwe kuba muri Ruheshi muri Uganda.

Iyo myimenyerezo ya mbere yayobowe n’uwahoze ari rurangiranwa muri NBA, Tyrus Thomas, ari kumwe n’abamenyereza b’umurwi w’igihugu.

Twifurije imyiteguro myiza Intamba zacu z’U18! 🔥🇧🇮

27/05/2026

27/05/2026

Urwaruka ruhamagarirwa gukura amaboko mu mpuzu, bagasohora isuka bagakora kandi mu buryo bugezweho berekeza ku mbonakazoza.

Ivyo vyashikirijwe n’umupfasoni w’Umukuru w’Igihugu Angeline Ndayishimiye kuri uyu wa kabiri igenekerezo rya 26 Rusama 2026, mu rugendo yagize aho ishirahamwe SOTB ritunganya inzahabu rikorera ku mutumba wa Nyungu, zone Higiro, komine Muyinga.

Hari mu ntumbero yo kwibonera itunga k**a Burundi bufise no kwereka akarorero urwaruka mu gukora. Yashoboye kwibonera uko inzahabu itosorwa n’ingene ihingurwa imbere yo gushikanwa mu makungu.

Umupfasoni Angeline Ndayishimiye yamenyesheje ko uwutunze imiringa canke ibindi bikoresho bikozwe mu butare bw’agaciro aba yibikiye umutahe, kuko igihe akeneye amafaranga ashobora kugurisha ivyo yambaye.

Yarongeye ahamagarira urwaruka gukora bisunze imbonakazoza y’igihugu, asaba kandi abenegihugu gukunda ivyabo bahereye kw’itunga k**a igihugu gifise, aho mbere yarigereranije n’«ikirezi cera».

27/05/2026

👏🇧🇮 Uburundi bwaronkejwe amabanga yo kurongora Akanama k’Ishirahamwe Mpuzamakungu ONU kajejwe ibibazo vy’umutekano mu karere ka Afrika yo hagati, kazwi nka United Nations Standing Advisory Committee on Security Questions in Central Africa.

Ayo mabanga yashikirijwe Burundi ku wa 26 Rusama 2026, mu gutanguza inama igira 61 y’ako kanama yahuje abaserukira ibihugu bitandukanye bigize akarere ka Afrika yo hagati.

Igihugu ca Equatorial Guinea ni co cahora kirongoye ako kanama, mu gihe Gabon igiye kuba icegera ca mbere, nayo Democratic Republic of the Congo ibe icegera ca kabiri.

Iyi ntambwe yerekana icizere amakungu abandanya kugirira Uburundi mu bijanye no guteza imbere amahoro, umutekano n’ubufatanye mu karere ka Afrika yo hagati.

27/05/2026

🚨 Ibidasanzwe k'umuziki w’isi! 🌍🎶

Umuririmvyi wo mu gihugu ca Nigeria, Burna Boy, yaraye akoze amateka mashasha mu muziki mpuzamakungu aho yakoranye indirimbo n’umuririmvyikazi rurangiranwa kw’isi yose Shakira, asanzwe akomoka mu gihugu ca Colombia, yavukiye mu gisagara ca Barranquilla.

Abo baririmvyi basohoye indirimbo nshasha yitwa “DAI DAI”, kandi mu masaha 24 gusa yari imaze kurabwa n’abarenga 13 Millions views. 🔥📈

Shakira azwi cane kubera indirimbo zakunzwe kw’isi yose nka “Waka Waka (This Time for Africa)” na “Hips Don’t Lie”, mu gihe Burna Boy abandanya kwerekana ko ari umwe mu baririmvyi bakomeye cane muri Afurika no kw’isi yose.

🔴 Hari amakuru avuga ko muri ayo masezerano y’iyo ndirimbo harimwo imigambi mikuru mikuru yo gukomeza kwagura umuziki wa Afrika ku rwego mpuzamakungu, cane cane inyuma y’aho Burna Boy aheruka guhembwa amafaranga menshi mu biteramo bikomeye vyo kugurura ibikorwa vy’igikombe c’isi. 🌍🏆

Ariko rero, n’aho twese twipfuza kubona umuziki w’ uBurundi utera imbere ukagera ku rwego mpuzamakungu, haracari ikinyuranyo kinini hagati y’ingene umuziki mpuzamakungu utegurwa n’ingene iwacu bikorwa. Bisaba:

gukorana hagati y’abaririmvyi,
aba promoters,
abamenyeshamakuru,
hamwe no gushigikira ibikorwa vy’abaririmvyi bacu. 🎤🇧🇮

❓Mbega wewe ubona nde mu baririmvyi ba Afrika canke abo mu Burundi yoshobora gukora amateka nk’aya ya Burna Boy?
https://www.youtube.com/watch?v=07okCHBEcOI