Radio Remeshamahoro FM 102.1 MHZ.

Radio Remeshamahoro FM 102.1 MHZ. Remeshamahoro FM est une Radio communautaire émettant depuis Kirundo sur 102.1 MHZ .

: "Ubuzima bwabo bwarahindutse kuva aho baronkeye umuyagankuba"Abo ni abenegehugu bo ku mitumba imw'imwe yo muma Zone ...
06/07/2025

: "Ubuzima bwabo bwarahindutse kuva aho baronkeye umuyagankuba"

Abo ni abenegehugu bo ku mitumba imw'imwe yo muma Zone ya Bwambarangwe, Busoni na Gitobe yo muri Komine Busoni hamwe n'igice ca Komine Kirundo baronkejwe umuyagankuba n'ikigo c'igihugu kijejwe ikwirakwizwa ry'umuyagankuba mu gihugu hagati ABER. Nk'uko bavyiganiye abamenyeshamakuru kuri uyu wa 03-07-2025 aho umuyobozi mukuru w'ico kigo Maître Ir Eric Mpayimana yari aramutse yishikira ku kivi mu ntumbero yo kuraba aho ibikogwa bigeze n'uko umuyagankuba ukora muri ayo makomine.

Abenegihugu bavuze ko ubu ubuzima bworoshe kandi n'ibikorwa vyo kwiteza imbere binyaruka ugereranije no hambere, ariko bagategwa impungenge n'icikagurika ry'umuyagankuba rya buri mwanya.

Umuyobozi mukuru w'ikigo yarahumurije abenegihugu ko icikagurika ry'umuyagankuba ritegwa n'imihora ishaje y'ishirahamwe "Regideso" ariko ko igiye gusubirizwa vuba.

Musomyi woba uri mu baronkejwe umuyagankuba n'uyu mugambi?? Mwawakiriye gute namwe?

: Amakarata yo kwivurizako (CAM) ashika 100 niyo yahawe abenegihugu bafise amikoro make bo k'Umutumba Higiro muri Komi...
06/07/2025

: Amakarata yo kwivurizako (CAM) ashika 100 niyo yahawe abenegihugu bafise amikoro make bo k'Umutumba Higiro muri Komine Busoni y'Intara ya Butanyerera. Ayo makarata akaba yatanzwe kur'uno w'Imana igenekerezo rya 06/07/2025.

Irutingabo Élie yari yaserukiye imvukira zo kur'uwo mutumba muri ico gikorwa co gushikiriza izo karata zo kwivurizako, kuri mikoro za Radio Remeshamahoro Fm yavuze ko ico gikorwa bagikoze mu ntumbero yo kwerekana umutima w'urukundo no gufasha abafise amikoro make yo kwivuza kuko ngo "amagara n'amazi aseseka ntibayore". Yavuze kandi ko batumye ababafasha ico gikorwa co gutora abazoronswa izo karata mu ntumbero yo kugira igikorwa kigende neza ariko ngo mu gihe Imana izobashoboza, n'abataronse bazoronka nabo, ariyo mpamvu babaye baratanga 100.

Abenegihugu baronkejwe izo karata bashimiye izo mvukira zabiyumviriyeko ngo barazohorana uwo mutima w'urukundo.

́

: Kur'uno wa gatanu igenekerezo rya 04/07/2025 niho hashikirizwa Buramatari w'Intara nshasha ya Butanyerera Gen Bde Po...
04/07/2025

: Kur'uno wa gatanu igenekerezo rya 04/07/2025 niho hashikirizwa Buramatari w'Intara nshasha ya Butanyerera Gen Bde Pol Victor Segasago. Ibirori bikaba vyabereye k'Umurwa mukuru w'iyo ntara mu Ntara ya kera ya Ngozi. Uwahora atwara Intara ya Ngozi ya kera Léonidas Ndaruzaniye mw'ijambwo ryiwe yabanje gukeza Buramatari mushasha ku mabanga aheruka kwizerwamwo aho yaciye ashikiriza ibimaze kurangurwa harimwo Stade Agasaka, ivuriro ritoya riri muri Komine Tangara hamwe n'ikigo c'urwaruka co muri Komine Ruhororo ya kera n'ibindi.

Uwahora atwara Intara ya Kayanza ya kera Rémy Cishahayo mu vyo bariko bararangura n'ivyo bamaze kurangura yavuze ko harimwo kwubaka Ikibuga c'umupira ca Gatwaro, gushira amatongo hamwe kugira abenegihugu barime bongere bimburire rimwe, kwubaka ingoro y'abenegihugu, igikorwa co gushira amabuye mu Gisagara ca Kayanza ndetse no kwubaka Kaminuza yitwa "Institut Supérieur Polytechnique de Kayanza".

Buramatari mushasha wa Butanyerera Gen Bde Pol Victor Segasago yavuze ko Intara ya Kirundo ya kera mu migambi bari bafise harimwo kwubaka Stade ya Nyarunazi, gusiga ikaburimbo ibarabara riva i Busoni rija i Bwambarangwe, ibarabara rija ku Kiyaga Rwihinda mu ntumbero yo kworohereza ingenzi ziza kuhagendera no gutuganya imyonga ya kijambere.

: Ubudandarizo bw'imiti yo kwa muganga nka "pharmacie" ngo ntizari zikwiye kugabanuka ahubwo ngo zari zikwiye kwongere...
03/07/2025

: Ubudandarizo bw'imiti yo kwa muganga nka "pharmacie" ngo ntizari zikwiye kugabanuka ahubwo ngo zari zikwiye kwongerezwa zikaba nyinshi kuko ngo zifasha abenegihugu mu gihe ababa barwaye baronka imiti hafi baba bandikiwe na muganga. Ivyo bikaba bivurwa na bamwe mu beneguhugu baganiriye na Radio Remeshamahoro FM bo muri Komine ya Ntega Intara ya Kirundo kur'uno wa kane igenekerezo rya 03-07-2025.
‎
‎Nayo mu basanzwe badandaza iyo miti muma "pharmacie" atandukanye mu kiganiro bagiranye na Radio Remeshamahoro FM bavuga ko Reta imbere yo kwugara zimwe mur'izo "pharmacie" bobanza bagashika aho ama "pharmacie" akorera kugira barabe ko ivyo bavuganye mu masezerano n'abayashinze bakurikije amategeko kuko ngo ata "pharmacie" yokwugururwa itagira uburenganzira.
‎
‎Mwomenya ko ama "pharmacie" agera 2700 ariyo ategekanywa kwugagwa kubera adakwije ivyo amategeko asaba.

́
‎

: Imipfuko y'isima yo mu bwoko bwa "BUCECO" igera kuri 125 niyo yafatanwe uwitwa Ndayisenga Élie wo mu Gisagara ca Kir...
02/07/2025

: Imipfuko y'isima yo mu bwoko bwa "BUCECO" igera kuri 125 niyo yafatanwe uwitwa Ndayisenga Élie wo mu Gisagara ca Kirundo. Iyo mipfuko y'isima ikaba yafashwe iriko igurishwa umwe ku bihumbi 60. Ni mu gihe umupfuko umwe w'isima ya "BUCECO" igiciro kizwi ari amafaranga ibihumbi 45. Iyo sima yafashwe yaciye ijanwa mu giporisi.

Mw'ijambo nyamukuru ry'uwo munsi, Buramatari w'Intara ya Kirundo Gen Bde Pol Victor Segasago, yashikirije abitabiriye iv...
01/07/2025

Mw'ijambo nyamukuru ry'uwo munsi, Buramatari w'Intara ya Kirundo Gen Bde Pol Victor Segasago, yashikirije abitabiriye ivyo birori, Ijambo Umukuru w'Igihugu yashikirije abarundi, rijanye n'uwo munsi. Ivyo birori bikaba kandi vyaranzwe n'intambo n'ibikino bitandukanye.

Mw'ijambo ry'ikaze , Musitanteri wa Komine Kirundo Viateur Habimana yashimiye Buramatari w'Intara ya Kirundo yahisemwo g...
01/07/2025

Mw'ijambo ry'ikaze , Musitanteri wa Komine Kirundo Viateur Habimana yashimiye Buramatari w'Intara ya Kirundo yahisemwo guhimbariza uyo munsi muri Komine Kirundo. Yavuze ko abenegihugu bo muri Komine Kirundo batekanye inyuma y'amatora kandi bari Ku bikorwa. Yavuze kandi ko hibonekeza n'ibimenyetso vyerekana kw'amatora yimirije azogenda neza kuko n'abazokwitoza basa n'abamaze gutanga ivya ngombwa basabwa. Akaba asaba abenegihugu bo ku mitumba yose kuyitegurira batekanye.

: Ibirori vyo guhimbaza imyaka 63 irangiye Uburundi buronse Intahe yo kwikukira bikaba bitangujwe na defire ndende aho...
01/07/2025

: Ibirori vyo guhimbaza imyaka 63 irangiye Uburundi buronse Intahe yo kwikukira bikaba bitangujwe na defire ndende aho ubona abayitabiriye bashajije cane kandi bafise akamwemwe. Icivugo c'uyu munsi kivuga kiti :" UKWIKUKIRA NYAKURI NI UKUMENYA KWIBAKO UTANSE GUKORANA N'ABANDI ".

Ivyo birori vyatewe iteka na Buramatari w'Intara ya Kirundo Gen Bde Pol Victor Segasago hamwe n'abubahwa batandukanye harimwo na ba Musitanteri b'amakomine ya kera ane ( Kirundo, Bugabira , Ntega , Vumbi )agize Komine yagutse ya Kirundo.

Ivyo birori bikaba biriko bica ikibiriraho ku Nsamirizi Remeshamahoro FM.

: Kuri uyu wa 01-07-2025 Uburundi buramutse buhimbaza imyaka 63 irangiye buronse Intahe yo kwikukira. Mu Ntara yagutse...
01/07/2025

: Kuri uyu wa 01-07-2025 Uburundi buramutse buhimbaza imyaka 63 irangiye buronse Intahe yo kwikukira. Mu Ntara yagutse ya Butanyerera, ibirori biriko birahimbarizwa k'urwego rw'amakomine yagutse. Muri Komine yagutse ya Kirundo Ibirori vyatangujwe n'Inkuka y'Imisa yabereye muri Paruwase ya Kanyinya.

Ibirori bica bibandaniriza ku kibuga co mu Bushaza. Bikaba bigira bitanguzwe na Defire.

: Ku civugo kivuga kiti " UBURENGANZIRA BWIWE NI KAZOZA KACU, UBU NYENE ",hahimbajwe Umunsi mukuru mpuzamakungu waha...
28/06/2025

: Ku civugo kivuga kiti
" UBURENGANZIRA BWIWE NI KAZOZA KACU, UBU NYENE ",
hahimbajwe Umunsi mukuru mpuzamakungu wahariwe umupfakazi kuri uyu wa 28-06-2025. Uwo munsi ukaba wahimbajwe ku ncuro ya kabiri mu Gihugu c'Uburundi. Ukaba wahimbajwe n'Ishirahamwe ry'abapfakazi bazi ico bajejwe "AVR (Association des Veuves Responsable)."

Mw'ijambo ry'umunsi ryashikirijwe mu birori vyo guhimbaza uwo munsi k'urwego rw'Intara ya Kirundo, Mukashema Albertine asanzwe arongoye Ishirahamwe AVR mu Ntara ya Kirundo, yavuzeko uyu munsi wabahariwe atari umusi w'amarira, ati :" S'umunsi wo kwibuka ko twabuze ahubwo n'umunsi wo kwibuka no gukomera nk'abakenyezi bahuye n'ibihe bitoroshe, ariko bagakomeza ubuzima." Yibukije ko uwo wese ahohotera umupfakazi amategeko atazomwihanganira kandi n'Imana itazomwihanganira.

Umupfakazi rero ngo n'uwo mukenyezi yapfakaye agasigarana umuryango akahaba nk'intwari. Yasavye abapfakazi kuja mu mashirahamwe kandi bagakundana bakazirikanana bakigenza runtu. Yabasavye kandi nk'abapfasoni gukora ibikorwa vy'iterambere kuko bibubahisha , hanyuma bagahaguruka kandi bakagira urunani mu kwegera abakiri bashasha mw'iryo banga kuko ngo atari aho gutuma umwana.

Yahamagariye abavyiyumvamwo kwegera abamaze kuja mu mashirahamwe kugira batandukane n'ukwumva ko ari bonyene. Umupfakazi ngo ntagira idini ntagira ubwoko kandi ngo kw'isi hose ingorane z'umupfakazi ni zimwe. Muri makeya umupfakazi ngo n'umwe.

Ico gikorwa casozerewe hatangwa imfashanyo igizwe n'ibiharage n'ibitenge ku bapfakazi ba ntaho nikora.

: Ishirahamwe Urunani rw'abakenyezi biyemeje guharanira imibereho myiza n'iterambere ryarafashije abenegihugu bahuye n...
28/06/2025

: Ishirahamwe Urunani rw'abakenyezi biyemeje guharanira imibereho myiza n'iterambere ryarafashije abenegihugu bahuye n'uruzuba mw'irima ry'agatasi bo muri Komine Kirundo Intara ya Kirundo. Hari kur'uno wa gatatu igenekerezo rya 25-06-2025. Hatanzwe imfashanyo zigizwe n'ibikoresho vy'isuku ku bakenyezi n'abigeme.

Uwaserukuye Ishirahamwe Urunani rw'abakenyezi biyemeje guharanira imibereho myiza n'iterambere mu Burundi Annick Dusenge yasavye abaronkejwe iyo mfashanyo kwirinda abazobahenda ngo bagurishe ivyo baronkejwe.

Umuyobozi mwishikira mu biro kwa buramatari w'Intara ya Kirundo Eric Nduwayezu mw'ijambo ryiwe yasavye abahawe imfashanyo gukoresha neza ivyo baronkejwe na cane cane ivy'isuku ku bakenyezi n'abigeme na cane cane mu gihe bari mu bihe vy'ubutinyanka. Yasavye abavyeyi bar'aho kuja baraganiriza abana b'abigeme mu kubabwira uko bovyifatamwo mur'ivyo bihe. Yaranahanuye abenegihugu muri rusangi ko bokwirinda gusesagura umwimbu kuko ngo amezi ni menshi ar'imbere batariko barimbura.

́

Address

Runanira 3
Kirundo

Opening Hours

Monday 06:00 - 21:00
Tuesday 06:00 - 21:00
Wednesday 06:00 - 21:00
Thursday 06:00 - 21:00
Friday 06:00 - 21:00
Saturday 06:00 - 21:00
Sunday 06:00 - 21:00

Telephone

+25762335373

Website

Alerts

Be the first to know and let us send you an email when Radio Remeshamahoro FM 102.1 MHZ. posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Radio Remeshamahoro FM 102.1 MHZ.:

Shortcuts

Share

Category